ڈیرہ غازی خان :(باغی ٹی وی رپورٹ)وزیراعلیٰ پنجاب حمزہ شہباز نے ڈیرہ غازی خان کے سیاحتی مقام فورٹ منرو میں غیرملکی خاتون سیاح سے زیادتی کے واقعہ کا نوٹس لے ليا۔
حمزہ شہباز نے انسپکٹر جنرل پنجاب پولیس سے رپورٹ طلب کرتے ہوئے ملزم کيخلاف بلاامتیاز قانونی کارروائی کی ہدايت کردی۔
وزیراعلیٰ پنجاب کا کہنا تھا کہ گرفتار ملزم کيخلاف بلاامتیاز قانونی کارروائی کی جائے اور متاثرہ خاتون کو ہر قیمت پر انصاف فراہم کیا جائے گا۔
یاد رہے کہ ڈیرہ غازی خان کے صحت افزاء مقام فورٹ منرو میں امریکی نیشنلٹی خاتون کے ساتھ مبینہ زیادتی کا واقعہ پیش آیا ہے جس کے بارے میں باغی ٹی وی نے یہ معاملہ اٹھایا تھا،خاتون کی رددرخواست پر زیادتی کرنے والا نوجوان گرفتارہوچکا ہے ، اور بارڈر ملٹری پولیس کے تھانہ فورٹ منرو نے ایف آئی آر درج کرلی۔ امریکی خاتون اربیلا راجنپور کے رہائشی مزمل شہزاد نامی نوجوان جوکہ ٹور گائیڈ بتایا جاتا ہے کے ساتھ سیر کے لیے فورٹ منرو آئی وہ کراچی سے راجنپور آئی اور وہاں سے ڈیرہ غازی خان پھر فورٹ منرو پہنچی ۔ دونوں نے فورٹ منرو کے انمول ہوٹل میں رہائش رکھی۔
ارابیلا نے درخواست میں موقف اختیار کیا ہے کہ مزمل شہزاد نے اپنے ساتھیوں کی مدد سے اس کو جنسی زیادتی کا نشانہ بنایا ہے۔ ارابیلا نے درخواست میں یہ بھی موقف اختیار کیا ہے کہ اذان نامی نوجوان کے ساتھ بھی اس کی ویڈیو ریکارڈ کی گئی ہے اور اس کے فیملی ممبران سے بھی رابطہ کیا گیا۔ وہ مجھے بلیک میل کرچکا ہے اور بھاری رقم کا بھی تقاضا کیا گیا۔ مزمل شہزاد پر بھی الزام عائد کیا کہ اس نے جنسی زیادتی کی اور فوٹو ،ویڈیو بھی بنائیں جن کو وائرل کی گئیں (اس کی فیملی کو سینڈ کی گئیں)
امریکن خاتون ارابیلا دختر لیو النگزینڈر کراچی سے راجنپور آئی اور پھر فورٹ اس کو مزمل شہزاد سپرا اس کو لے کر فورٹ منرو آیا ۔ بارڈر ملٹری پولیس کے کمانڈنٹ اور پولیٹیکل ایجنٹ اکرام اللہ نے بتایا کہ خاتون کا میزبان مزمل شہزاد نامی نوجوان جوکہ راجنپور کا رہائشی ہے اس کو فورٹ منرو لے کر آیا ۔ انہوں نے اس بات کی تصدیق کی ہے کہ لڑکی یا اس کے میزبان نے اپنی ڈیرہ غازی خان آمد کی اطلاع انتظامیہ یا پولیس کو نہیں دی اور ان کی ڈیرہ غازی خان ٹریولنگ ،رہائش غیر قانونی تھی۔
اکرام اللہ نے بتایا کہ تھانہ فورٹ منرو نے ملزمان کے خلاف زیر دفعہ 376/292ii مقدمہ درج کر لیا ہے اور مزید تحقیق و تفتیش کی جا رہی ہے ۔ وقوعہ 18جولائی کا بتایا جاتا ہے ۔ یہ بات اہم ہے کہ ڈیرہ غازی خان میں کسی بھی غیر ملکی کی انٹری پر پابندی عائد ہے اور اگر اجازت بھی ہو تو وہ آزادانہ گھوم پھر نہیں سکتا پہلے اجازت دی جاتی ہے کہ وہ کہاں اور کس مقام پر جائے گا اس علاقے کے پولیس اسٹیشن میں ان کی آمد کا اندارج بھی ہوتا ہے مگر یہ سب قانونی تقاضے پورے نہیں کئے گئے
امریکن خاتون ڈیرہ غازی خان سٹی میں بھی گھومتی رہی اور وہ غازی خان کے مقبرے پر بھی گئی جہاں کے وزٹ کی فوٹو بھی وائرل ہیں ۔ مزمل شہزاد سپرا کے ساتھ وہ فورٹ منرو پہنچی اور راستے میں بارڈر ملٹری پولیس کی کئی چیک پوسٹ کراس کرتے ہوئے مختلف مقامات پر رکتے سیر سپاٹے بھی کرتے رہے یہ تصاویر بھی وائرل ہیں ۔ اصل ماجرا کیا ہے یہ تو بعد از تفتیش و تحقیق پتہ چلے گا تاہم ارابیلا کی درخواست پر فوری عمل کرتے ہوئے ایف آئی آر درج مزمل شہزاد نامی نوجوان کو بھی گرفتار کر لیا ہے ۔
