لاہور:بندروڑ پرواقع دینی مدرسے کے استاد پرفائرنگ اورقتل کی دھمکیاں:مقدمہ درج،اطلاعات کے مطابق لاہورکے ایک دینی مدرسے کے استاد پر فائرنگ کی گئی ہے اور پھراسے جان سے مارنےکی دھمکیاں بھی دی گئی ہیں

اس حوالے سے معلوم ہوا ہے کہ معلم قران محمد رفیق قربان آفریدی ولد غلام فرید سکنہ اوکاڑہ جو کہ لاہور بند روڑ پرواقع ایک دینی مدرسے میں حفظ القران کے استاد ہیں کی طرف سے پولیس اسٹیشن میں ایک درخواست جمع کروائی گئی ہے جس میں کہا گیا ہےکہ وہ لاہور امین پارک نمبر 2 بند روڑ پراپنے گھرمیں موجود تھا کہ اس دوران اس کے گھر پرفائرنگ کی گئی اور پھراس کو قتل کی دھمکیاں بھی دی گئیں

محمد رفیق قربان آفریدی نے پولیس اسٹیشن میں دائر درخواست میں یہ بھی موقف اختیار کیا تھا کہ ایک خاتون نے اس سے پہلے فون پر اس کو گالیں دیں ، درخواست گزار کے مطابق یہ خاتون مریم بی بی زوجہ محمد اصغر اس نے پہلے گالیاں دیں اور پھرجان سے مارنے کی دھمکیاں بھی دیں

ادھر پولیس نے اس کی درخواست پر ایف ائی آر درج کرلی ہے جس میں یہ کہا گیا ہے کہ اس کے گھر پرفائرنگ کرنے والوں کو اس نے گھرسے ایک جگہ سے دیکھا کہ دوموٹرسائیکل جن میں ایک سی ڈی 70 اور دوسری 125 تھی کچھ نامعلوم لوگ سوار تھے ،جو میرے گھر پرفائرنگ کررہے تھے ،

پولیس کی طرف سے درج ایف آئی آر میں ان کے خلاف کاروائی کا مطالبہ بھی کیا گیا ہے ، دوسری طرف یہ بھی امکان ہے کہ پولیس نے ایف آئی آر کےبعد ملزموں کی گرفتاری کے لیے کارروائی شروع کردی ہے

پنجاب سے ڈی سیٹ پی ٹی آئی کے منحرف ارکان کا سپریم کورٹ میں اپیل کا فیصلہ

خواتین پر تشدد کروانے پر عوام میں شدید غصہ پایا جاتا ہے:عمران خان

عمران خان کی سی پی این ای کے نو منتخب عہدیداران کو مبارکباد

مریم نواز کی ایک اور آڈیو لیک

کراچی: سندھ ہائیکورٹ نے نمرہ کاظمی کی بازیابی سے متعلق درخواست نمٹا دی –

باغی ٹی وی : تفصیلات کے مطابق پولیس نے کراچی سے لاپتہ ہونے والی لڑکی نمرہ کاظمی کا میڈیکل ٹیسٹ کرا لیا ہے اور میڈیکل ٹیسٹ کی رپورٹ عدالت میں بھی جمع کروا دی ہے میڈیکل رپورٹ کے مطابق نمرہ کاظمی کی عمر 17 سے 18 سال کے درمیان ہے۔

کراچی سے گمشدہ دوسری لڑکی نمرہ نے بھی پنجاب آ کر نکاح کر لیا

نمرہ کے شوہر نجیب شاہ رخ کے وکیل کا کہنا ہے کہ لڑکی کی میڈیکل رپورٹ آچکی ہے لہذا مقدمہ ختم کیا جائے۔ دوسری جانب نمرہ کاظمی کے والد کا کہنا ہے کہ میری بیٹی پر دباؤ ڈالا جا رہا ہے۔

جس پر عدالت نے نمرہ کاظمی سے پوچھا کہ آپ کو وہاں کوئی مسئلہ تو نہیں ہے، آپ اپنی مرضی سے گئی تھیں یا آپ کو اغواء کیا گیا تھا، جس پرنمرہ نے بتایا کہ میں اپنی مرضی سے گئی تھی۔

عدالت نے نمرہ کاظمی سے دوبارہ استفسار کیا کہ کیا آپ کو اغواء کیا گیا تھا؟ جس پر نمرہ نے بتایا کہ نہیں میں اکیلے اور اپنی مرضی سے گئی تھی جسٹس اقبال کلہوڑو نے کہا کہ بچے جب بڑے ہو جاتے ہیں تو ان کے بھی حقوق ہوتے ہیں۔

دوسری جانب نجیب شاہ رخ کے وکیل نے کہا کہ لڑکی سے شیلٹر ہاؤس میں کسی کو بھی ملنے کی اجازت نہ دی جائےجس پر جسٹس آغا فیصل نے ریمارکس دیئے کہ آپ نے یہ درخواست دائر نہیں کی، کیوں کسی کو لڑکی سے ملنے سے روک دیں؟

عدالت نے کہا کہ معاملہ ٹرائل کورٹ کو بھیج دیتے ہیں اور نمرہ کاظمی کو دار الامان بھیج دیتے ہیں، ٹرائل کورٹ کو ہدایت کر دیتے ہیں کہ کسٹڈی کا فیصلہ کرے۔

عدالت نے پولیس کو قانون کے مطابق کیس کا چالان ٹرائل کورٹ میں جمع کرانے کی ہدایت کرتے ہوئے کہا کہ دارالامان میں نمرہ کاظمی سے والدین اور شوہر کو ملنے کی اجازت ہو گی، نمرہ کاظمی کی کسٹڈی اور دیگر معاملات کا فیصلہ ٹرائل کورٹ کرے گی-

واضح رہے کہ سندھ ہائیکورٹ نے 2 روز قبل نمرہ کاظمی کی عمر کے تعین کے لیے لڑکی کا میڈیکل ٹیسٹ کرنے کا حکم دیتے ہوئے اسے شیلٹرہاؤس بھیجنےکی ہدایت کی تھی عدالت نے اپنےحکم نامے میں کہا تھا کہ اگر لڑکی کی عمر 18 سال ہوئی تو اسے شوہر کے ساتھ جانے کی اجازت دے دیں گے۔

لاہور میں 200 کا جوتا چوری ہونے پر مقدمہ

نمرہ کاظمی 20 اپریل کو سعود آباد ایس ون ایریا سے لاپتہ ہوئی تھی، اس کی والدہ کا کہنا تھا کہ وہ صبح 9 بجے کام سے گئی، واپس گھر آئی تو نمرہ غائب تھی، کافی تلاش کے باوجود بیٹی کا کچھ پتہ نہیں چل سکا میری بیٹی دسویں جماعت کی طالبہ ہے اور اس کے امتحان ہونے والے تھے تاہم بعد ازاں پولیس کی تحقیقات میں پتہ چلا کہ نمرہ نے ڈیرہ غازی خان میں ایک لڑکے سے نکاح کرلیا ہے جس کا نام نجیب شاہ رخ ہے نمرہ کی نجیب شاہ رخ سے دوستی آن لائن گیم کے ذریعے ہوئی اور وہ ایک ماہ سے اس سے رابطے میں تھی۔

تحقیقات کے دوران پولیس کو ڈیرہ غازی خان سے ایک نکاح نامہ ملا ہے جس میں نمرہ اور شاہ رخ کے نام ہیں، نکاح نامے میں نمرہ کی عمر 18 سال بتائی گئی ہے جب کہ ایف آئی آر میں اس کی عمر 18 سے کم بتائی گئی تھی دوسری جانب ب فارم کے مطابق نمرہ کاظمی کی تاریخ پیدائش 6 جنوری2008 ہے اور اس کی عمر 14 سال ہے، تاہم نکاح نامے میں نمرہ کاظمی کی عمر18 سال لکھی گئی ہے۔

لاہور میں 200 کا جوتا چوری ہونے پر مقدمہ

وزیراعظم شہباز شریف نے بہاو الدین زکریا ٹرین میں خاتون سے زیادتی کا نوٹس لے لیا-

باغی ٹی وی : تفصیلات کے مطابق پی ایم اسٹریٹجک ریفارمز نے خواتین کےتحفظ کے لیے ریلوے سیکیورٹی کے طریقہ کار میں تبدیلیوں کی تجویز پیش کی ہے –

ملتان سے کراچی جانیوالی ٹرین میں خاتون کے ساتھ ٹرین عملے کی اجتماعی زیادتی

اسٹریٹجک ریفارمز نے اپنی تجویز میں کہا کہ لیڈی ریلوے پولیس فورس کی ٹیمیں ٹرین اسٹیشنز پر تعینات کی جائیں گی، خاتون مسافروں کی رہنمائی اور سیکیورٹی کے لیے سفر سہیلی موبائل ایپ لانچ کی جائے گی-

پی ایم اسٹریٹجک ریفارمز نےاپنی تجویز میں کہا کہ پرنٹ شدہ ٹکٹوں پر ایپ ڈاؤن لوڈ کرنے کی ہدایات ہوں گی،ایمرجنسی نمبر بھی پرنٹ کیا جائے گا ،اسٹیشنز پر لیڈی سب انسپکٹر اور 2 لیڈی کانسٹیبل کی ٹیمیں تشکیل دی جائیں گی-

تجویز میں مزید کہا گیا کہ ٹرینوں میں مسافروں کی تعداد کے مطابق ٹیموں کی تعداد میں اضافہ کیا جائے گا،ٹرینوں میں ایمرجنسی ایس اوایس بٹن نصب کیے جائیں گے-

بچوں سے زیادتی، ملزم کو پھانسی،ویڈیو بنانیوالے کو قید،نوکری نہ دینے کا بل تیار

واضح رہے کہ ملتان سے کراچی جانے والی زکریا ایکسپریس میں خاتون کے ساتھ ٹرین عملے نے اجتماعی زیادتی کی تھی خاتون کا تعلق شہر قائد کراچی سے تھا، دوران سفر ٹکٹ چیکر ،انچارج اور ایک اور شخص نے خاتون کے ساتھ زیادتی کی ہے، خاتون مظفر گڑھ سے اپنے سسرال سے واپس کراچی جا رہی تھی-

مقدمہ درج کرانے کے بعد ‏زکریا ایکسپریس واقعہ میں نامزد تینوں ملزمان گرفتار کر لیے گئے تھے ملزمان کو سمندری، جہانیاں اور شور کوٹ سے گرفتار کیا گیا ملزمان زوہیب، زاہد اور عاقب واقعہ سامنے آمنے پر فرار تھے-

ایئر پورٹس پر خاتون بمبار حملہ کر سکتی ہے، الرٹ جاری

فیڈرل انویسٹی گیشن ایجنسی (ایف آئی اے) نے ترکی میں مقیم غیرقانونی سرگرمیوں میں ملوث دو پاکستانیوں کو گرفتار کرکے مقدمہ درج کرلیا ،ترکی نے دونوں ملزمان کو غیرقانونی سرگرمیوں میں ملوث ہونےاورغیرقانونی طور پر مقیم ہونے پر ملک سے ڈی پورٹ کردیا ہے-

باغی ٹی وی : تفصیلات کے مطابق وفاقی تحقیقاتی ادارے ایف آئی اے سائبر کرائم ونگ کی جانب سے ملزمان محمد جنید اور امیر خان کو دو الگ الگ کاروائیوں کے دوران گرفتار کیاگیا-

ایف آئی اے سائبر کرائم ونگ کے اسسٹنٹ ڈائریکٹر کے گھر پر نامعلوم افراد کی فائرنگ

ذرائع کے مطابق دونوں ملزمان پر ترکی میں خواتین کی مبینہ ویڈیوز بناکر سوشل میڈیا پر اپلوڈ کرنے اور پاکستان کو بدنام کرنے کا الزام ہے ملزمان نے پاکستانی سے ترکی میں انسانی اسمگلنگ میں بھی ملوث ہونے کا انکشاف کیا ہے، جس پر وزیراعظم شہباز شریف کی جانب سے بھی نوٹس لے کر ملزمان کے خلاف سخت قانونی کارروائی کے احکامات دئیے گئے ہیں۔

ایف آئی اے نے ملزمان کے خلاف مقدمہ درج کرکے تفیش شروع کردی ہے، جبکہ دیگر ملوث عناصر و انسانی اسمگلنگ میں ملوث ایجنٹوں کے خلاف بھی کریک ڈاؤن جاری ہےکسی کو بھی پاکستان اور ترکی کے مابین برادرانہ تعلقات کو نقصان پہنچانے کی اجازت نہیں دی جائے گی۔

بلوچستان :اے این ایف کی بڑی کاروائی،516 کلوگرام منشیات قبضے میں لے لی

قبل ازیں انسداد منشیات فورس انٹیلیجنس اور اے این ایف کراچی نے ساؤتھ ایشیاء پورٹ پر کارروائی کرتے ہوئے ہانگ کانگ کےلیے بک کئے گئے کپڑے پر مشتمل کنٹینر سے بھاری مقدار میں کیٹا مائن پکڑلی جسے منشیات فروشوں نے بڑی مہارت کے ساتھ کپڑے کے تھانوں میں چھپایا ہوا تھا۔

ذرائع اے این ایف کا کہنا ہے کہ مذکورہ کنٹینر ڈائنامک انٹرپرائزز کراچی کی جانب سے بک کروایا گیا تھا کنٹینر بک کروانے والے کراچی کے رہائشی نعمت اللّٰہ خان نامی ملزم کو گرفتار کرکے انسدادِ منشیات ایکٹ کے تحت مقدمہ درج کرکے مزید تحقیقات کا آغاز کر دیا گیا ہے۔

سی ٹی ڈٰ ی کی کاروائی، بی ایل اے فراری گروپ کے 3 دہشتگرد گرفتار بھاری مقدار میں…

اسلام آباد : سلنڈر دھماکہ ، اطلاعات کے مطابق ابھی تھوڑی دیر پہلے اسلام آباد میں سلنڈر دھماکے کے نتیجے میں 6 سے زائد افراد زخمی ہوگئے ہیں۔یہ حادثہ اسلام آباد کے علاقے تھانہ لوہی بھیر میں پیش آیا جہاں سلنڈر دھماکہ ہوا جس کے نتیجے میں 6 سے زائد افراد زخمی ہوگئے ہیں۔

پولیس کا کہنا ہے کہ سلینڈر دھماکہ نجی ہاؤسنگ سوسائٹی میں ریسٹورنٹ میں ہوا، امدادی ٹیمیں موقع پر پہنچ گئیں۔پولیس کا مزید کہنا ہے کہ زخمیوں کی حالت خطرے سے باہر ہے طبی امداد کیلئے ہسپتال منتقل کردیا گیا۔

پنجاب سے ڈی سیٹ پی ٹی آئی کے منحرف ارکان کا سپریم کورٹ میں اپیل کا فیصلہ

خواتین پر تشدد کروانے پر عوام میں شدید غصہ پایا جاتا ہے:عمران خان

عمران خان کی سی پی این ای کے نو منتخب عہدیداران کو مبارکباد

مریم نواز کی ایک اور آڈیو لیک