Category: جرائم و حادثات

ڈولفن سکواڈ اور پی آریو کی گذشتہ ہفتہ کی کارکردگی رپورٹ جاری کردی گئی۔ ڈی آئی جی آپریشنزساجد کیانی نے ہدایت دی کے ڈولفن و پی آریو جوان سمارٹ لاک ڈاؤن ایریاز میں ایس اوپیز پر عملدرآمد کو یقینی بنائیں کیونکہ احتیاطی تدابیر اختیار کر کے ہی کورونا وباء سے بچا جاسکتا ہے۔ پولیس افسران و اہلکاراپنی اور عوام کی حفاظت کے لئے فیس ماسک اور سینیٹائزر استعمال کریں۔
ایس پی ڈولفن سکواڈ راشدہدایت نے بتایا کے گذشتہ ہفتہ ہیلپ لائن 15 پر موصولہ تمام269کالز پر فوری ریسپانس عمل میں لایاگیا۔
02لاکھ30 ہزار 612 موٹر سائیکلوں،1954گاڑیوں اور 02 لاکھ 31 ہزار سے زائد اشخاص کی چیکنگ عمل میں لائی گئی۔ سنگین وارداتوں میں ملوث42ملزمان کو گرفتار کیا گیا۔
02 کاریں، 75موٹر سائیکلیں، 07موبائل فونز اور ہزاروں روپے نقدی برآمد کئے گئے۔ ملزمان کے قبضہ سے 25پسٹلز، 27میگزین اور 156 گولیاں قبضہ میں لی گئیں۔ منشیات فروشوں کے قبضہ سے 16 بوتلیں شراب کی برآمد کی گئی۔ جوانو ں نے شہر کے مختلف علاقوں میں کمیونٹی پولیسنگ کو فروغ دیتے ہوئے 05 افراد کی مدد کی۔
835موٹر سائیکلیں، 11 گاڑیاں تھانوں میں بندجبکہ 330 اشخاص کے خلاف قانونی کارروائی کی گئی۔ جعلی نمبر پلیٹ والی 02 گاڑیوں جبکہ 09 موٹر سائیکلوں کے خلاف مقدمات درج کیا گیا۔ پتنگ بازی میں 18، ون ویلنگ میں 34، آتش بازی میں 02 جبکہ ہوائی فائرنگ میں 06ملزمان گرفتار کیا گیا۔ دورانِ پٹرولنگ اشتہاری سمیت 112عادی وعدالتی مجرمان بھی گرفتار کیا گیا۔

اینٹی نارکوٹکس فورس پنجاب نے مختلف کاروائیاں میں اندرون و بیرون ملک منشیات سمگلنگ کی کوشش کو ناکام بنادیا جس کے نتیجے میں لاکھوں روپے مالیت کی منشیات برآمد ہوئی۔ نارکوٹکس فورس نے کنال روڈ بس سٹاپ نزد مال روڈ انڈرپاس لاہور کے قریب کارروائی کرتے ہوئے گاڑی کے مختلف خانوں میں سے منشیات برآمد کی۔ برآمد ہونے والی منشیات میں تقریبا 12 کلو گرام چرس اور 4 کلو گرام افیون شامل تھی۔ دو ملزمان بنام ایاز محمد اور زرین خان جو سوات کے رہائشی ہیں اُنکو گرفتار کرلیا گیا۔
جب کہ دوسری کارروائی علامہ اقبال انٹرنیشل ایئرپورٹ لاہور کارگو پر ہوئی جس کے نتیجے میں کارگو ٹرمینل سے ھیروئین کی اسمگلنگ ناکام بنا دی گئی۔ نارکوٹکس فورس نے مشتبہ پارسل میں سے منشیات برآمد کی جوکہ پشاور کے رھائشی عثمان گلریز نے TCS کو پارسل بک کرایا تھا۔ مشتبہ پارسل برطانیہ میں مقیم شہری ساجد رفیق کے لیئے بک کیا گیا تھا اور منشیات کو بڑی مہارت کے ساتھ پردوں میں چھپایا گیا تھا۔ مزید تفتیش جاری ہے۔

شیخوپورہ پولیس نے بروقت کاروائی کرکے منشیات کی بڑی مقدار کو لاہور سمگل ہونے سے روک دیا۔ شیخوپورہ کوٹ عبدالمالک سے اڈھائی کروڑ روپے مالیت کی منشیات برامد کرلی گئیں۔ ڈی پی او مبشر میکن نے بتایا کے خاتون سمیت 2 سمگلر گرفتار کرلئے گئے۔ سمگلر کار میں 180 کلو چرس اور 36 کلو افیون لاہور سمگل کررہے تھے۔ شیخوپورہ پولیس نے آہلکاروں کو 50 ہزار روپے انعام اور تعریفی سرٹیفکیٹ تقسیم کئے۔ ملزمان لاھور , اسلام آباد ,شیخوپورہ , گوجرانوالہ سمیت دیگر علاقہ میں منشیات فروخت کرتے تھے۔

ترجمان پولیس اقبال ٹاؤن ڈویژن کے مطابق زینت بلاک اقبال ٹاؤن میں محلے دار ملزم عدنان عرف وارث کی فائرنگ سے 03 خواتین کو فائر لگے جس کے نتیجے میں 40 سالہ شازیہ جاں بحق ہوگئی اور 25 سالہ انمول اور 23 سالہ ساجدہ زخمی حالت میں ہسپتال میں زیر علاج ہیں جن کی حالت خطرے سے باہر بتائی جارہی ہے۔ ایس پی اقبال ٹاؤن اویس شفیق نے جائے وقوعہ کا دورہ کیا اور ملزم کو جلد گرفتار کرنے کی ہدایت کی اور ملزم کے خلاف مقدمہ درج کرکے سخت قانونی کاروائی عمل میں لانے کا حکم دیا۔ فائرنگ لین دین کے تنازعہ پر کی وجہ سے ہوئی۔

فیصل آباد کے جڑانوالا تھانہ صدر کے علاقے 69گ۔ب ملکی میں دھماکہ۔۔بوائلر پھٹنے سے 1 شخص جانبحق 5افراد شدید زخمی ہوگئے تفصیلات کے مطابق مکوآنہ سے جسوآنہ روڈ پر 69 گ۔ب ملکی میں پرانے ٹائر جلا کر تیل نکالنے کی فیکٹری میں دھماکہ ہوگیا فیکٹری کا بوائلر پھٹنے کے نتیجے میں ایک شخص موقع پر ہی جاں بحق ہوگیا جبکہ پانچ افراد میں محمد انور ولد محمد نذیر سکنہ پاکپتن, شاہد اقبال ولد صابر سکنہ پاکپتن, خرم شہزاد ولد بشیر احمد سکنہ سرگودھا, عظیم انور ولد محمد انور سکنہ 361 گ ب ٹوبہ ٹیک سنگھ اور محمد فیصل ولد نیاز سکنہ پاکپتن شامل ہیں جبکہ جاں بحق ہونے والے شخص کا اکبر ولد نور محمد بتایا گیا ریسکیو 1122 نے موقع پر پہنچ کر زخمیوں کو ابتدائی طبی امداد کے بعد ہسپتال منتقل کردیا تھانہ صدر جڑانوالہ پولیس نے موقع پر پہنچ کر قانونی کاروائی شروع کردی ذرائع کے مطابق بوائلر پرانا اور زنگ آلود ہونے کے باعث پھٹا فیکٹریوں میں حفاظتی اقدامات کو چیک کرنے کا نظام غیر فعال ہونے کے باعث فیکٹری مالکان لاپروائی کرتے ہیں جس کا خمیازہ انسانی جانوں کے ضیاء کے ساتھ بھگتنا پڑتا ہے

نواں کوٹ پولیس کی حکومتی احکامات کے مطابق کاروائی پر کورونا ایس اوپیز کی خلاف ورزی کرنے پر مقدمہ درج۔ ایس پی اقبال ٹاؤن اویس شفیق نے بتایا کے ملزم علی حسن بغیر ماسک نجی بس اڈا پر بس میں مسافروں کا سامان رکھ رہا تھا جس وجہ سے ملزم کے خلاف مقدمہ درج کیا گیا اور اسکو حوالات میں بند کر دیا گیا ہے۔ بس اڈا جات کے خلاف بھی کاروائی عمل میں لائی جا رہی ہے۔ عوام کو متنبہ کیا جاتا ہے کہ ماسک اور مناسب فاصلہ کی عادت ڈالیں ورنہ سخت قانونی کاروائی عمل میں لائی جائے گی۔ نواں کوٹ پولیس نے ایس او پیز پر عمل درآمد کیلئے قانونی کاروائیاں تیز کر دیں ہے حکومتی احکامات کی خلاف ورزی پر قانونی کاروائی کی جائے گی۔