Category: جرائم و حادثات

اسلام آباد(اقراء لیاقت علی) وفاقی دارلحکومت کے صدر زون میں فحاشی کے اڈوں اور منشیات کے کاروبار نے مقامی افراد کی زندگی اجیرن بنا دی شہریوں کے مطابق ایف 9 پارک میں نجی فاسٹ فوڈ چین کی پارکنگ سمیت ایف ٹین،ایف الیون ای الیون کے مراکز اور رہائشی علاقوں میں منشیات و جسم فروشی کا کاروبار سرعام جاری ہے  ٹی این ایس سے گفتگو کرتے ہوئے شہریوں نے بتایا کہ اب منشیات فروشوں نے مراکز سے کاروبار باقائدہ رہائشی علاقوں میں منتقل کر لیا ہے اور دیدہ دلیری میں باقاعدہ سرکاری سرپرستی میں منشیات اور جسم فروشی کا کاروبار چلایا جا رہا ہے جبکہ پولیس اسٹیشن گولڑہ،ترنول کے دیہی علاقوں میں دیسی شراب،چرس اور آئس سرعام فروخت کی جاتی ہے جبکہ پولیس اسٹیشن رمنا اور شالیمار کے علاقوں میں مساج سنیٹرز کی آڑ میں جسم فروشی جاری ہے جبکہ ای الیون اور ایف الیون میں ای ٹی ایس اور آئس سمیت شراب کی خریدوفروخت سرعام جاری رہتی ہے اور باقائدہ ڈیلیوری سسٹم بنایا گیا ہے شہریوں کے مطابق رہائشی علاقوں میں موبائل اور پرس سنیچنگ کی وارداتیں بھی معمول ہیں جن پر پولیس درخواستیں ہی وصول نہیں کرتی جبکہ شاہ اللہ دتہ،ترنول اور گولڑہ کے علاقوں میں قبضہ گروہوں کو بھی ایس پی صدر زون کی پشت پناہی حاصل ہے اور اسلام آباد کا ایک بڑا قبضہ گروہ انکی صدر زون میں طویل عرصے سے تعیناتی کیلئے کردار ادا کر رہا ہے اور پی ایم ڈی یو سمیت دیگر فورمز پر شکایات پر بھی افسران اور اہلکاروں کے خلاف کاروائی کے بجائے خانہ پوری کر دی جاتی ہے شہریوں نے وفاقی وزیر داخلہ اور آئی جی اسلام آباد سے مطالبہ کیا ہے علاقے کو منشیات و جسم فروشوں سے پاک کرنے کیلئے طویل عرصے سے تعینات کرپٹ افسران اور اہلکاروں کے خلاف محکمانہ کاروائی کیجائے۔

سٹی ٹریفک پولیس پشاور
 چیف ٹریفک آفیسر کی سربراہی میں ٹریفک نظام کے حوالے سے جائزہ اجلاس۔ ٹریفک افسران اور وارڈنز کی جانب سے گزشتہ ماہ کی کارکردگی اور اقدامات پر بریفنگ‘ چیف ٹریفک آفیسر کا اظہار اطمینان۔ ٹریفک نظام کو مزید بہتر بنانے کیلئے تمام تر صلاحیتیں بروئے کار لائیں گے‘ چیف ٹریفک آفیسر عباس مجید خان مروت کا خطاب
پشاور:چیف ٹریفک آفیسر عباس مجید خان مروت کی سربراہی میں ٹریفک نظام کے حوالے سے جائزہ اجلاس کا انعقاد کیا گیا جس میں ایس پی ٹریفک ہیڈ کوارٹرز افتخار علی, ایس پی کینٹ ٹریفک امان اللہ‘ ایس پی سٹی ٹریفک عبداالسلام خالد‘ ڈی ایس پی ایجوکیشن ون شازیہ شاہد‘ ڈی ایس پی ایجوکیشن ٹو ناصر خان, ڈائریکٹر آئی ٹی اشفاق احمد سمیت ٹریفک آفیسرز اور ٹریفک وارڈنز نے شرکت کی۔ اجلاس میں چیف ٹریفک آفیسر عباس مجید خان مروت کو ٹریفک قوانین سے متعلق اٹھائے جانیوالے اقدامات اور گزشتہ ماہ کی جانیوالی کارروائیوں سے متعلق بریفنگ دی گئی۔ اجلاس کو بتایا گیا کہ گزشتہ ماہ ٹریفک قوانین کی خلاف ورزی پر مجموعی طور پر *1لاکھ 7 ہزار 358 افراد* کو چالان کیا گیا ہے جس میں سیٹ بلیٹ کے استعمال نہ کرنے پر 2513‘ تجاوزات قائم کرنے پر 1884 ‘ دوران سفر موبائل فون استعمال پر 2436‘ ون ویلنگ پر130‘ غیر رجسٹرڈ موٹر سائیکل چلانے پر 2370‘جبکہ نو پارکنگ زون کی خلاف ورزی پر 180 موٹر سائیکلوں کو ٹرمینل میں بند کیا گیا ہے۔ چیف ٹریفک آفیسر عباس مجید خان مروت نے گزشتہ ماہ کی جانیوالی کارروائیوں پر اطمینان کا اظہار کیا اور کہا کہ سٹی ٹریفک پولیس پشاور اسی طرح شہریوں کو بلا تعطل سفری سہولیات کی فراہمی یقینی بنانے کے لئے تمام تر صلاحیتیں بروئے کار لائیں اور اس سلسلے میں کسی قسم کی غفلت برداشت نہیں کی جائیگی تاکہ پشاور کو پورے صوبے کیلئے ماڈل کے طور پر پیش کیا جا سکے۔ انہوں نے مزید کہا کہ ٹریفک افسران اور وارڈنز روزانہ کی بنیاد پر تجاوزات مافیا کے خلاف کارروائیوں کا سلسلہ جاری رکھیں تاکہ شہر بھر سے تجاوزات کا خاتمہ ممکن ہو سکے اور شہریوں کو کسی قسم کے مشکلات درپیش نہ ہوں۔ انہوں نے مزید کہا کہ تاجر برادری شہر کی خوبصورتی اور تجاوزات کے خاتمے میں سٹی ٹریفک پولیس پشاور کے عملے کے ساتھ تعاون کا سلسلہ جاری رکھیں اور تجاوزات مافیا رضا کارانہ طور پر تجاوزات کا خاتمہ کریں تاکہ آپریشن کے دوران ان کے قیمتی سامان کا ضیاع نہ ہو۔انہوں نے سٹی ٹریفک پولیس پشاور کی ایجوکیشن یونٹ کو ہدایت کی کہ وہ مختلف مقامات پر شہریوں کو ٹریفک قوانین سے متعلق آگاہی دینے کا سلسلہ جاری رکھیں اور ٹریفک قوانین کی خلاف ورزی کرنیوالوں کیساتھ کسی قسم کی نرمی نہ برتی جائے تاکہ ٹریفک قوانین پر عملدرآمد کو یقینی بنایا جا سکے۔ 

تھانہ غازی پولیس نے صوبڑا کالونی سے قیمتی اشیاء چوری کرنے والے گروہ کے 02 ملزمان کو گرفتار کرلیا

تھانہ غازی کی حدود صوبڑا کالونی سے لائن پول سے تاریں و دیگر قیمتی سامان چوری کرنے کی رپورٹ تھانہ میں موصول ہوئی۔ جس پر ایگزیکٹیو انجنئیر سول II تربیلہ ڈیم غازی کی مدعیت میں نامعلوم ملزم/ملزمان کے خلاف زیر دفعات 462M/379PPC کے خلاف مقدمہ درج رجسٹر ہوا۔ جس پر ڈی ایس پی سرکل غازی عمر حیات کی نگرانی میں ایس ایچ او تھانہ غازی خالد الرحمن نے ہمراہ دیگر نفری پولیس و لیڈی پولیس کے اپنے وسائل کو بروئے کار لاتے ہوئے بروقت کاروائی کے دوران شاہ خالد اور شاہ ویز پسران انور شاہ ساکنان گڑھی میرا کو گرفتار کرکے مقدمہ میں انٹاروگیٹ کیا۔ جنہوں نے دوران انٹاروگیشن چوری کا اعتراف کیا اور ملزمان کی نشاندہی پر چوری شدہ بڑی مقدار میں کانٹے دار، بونڈری وال تار، پانی والی ٹینکی، پائپس، دروازے اور دیگر بجلی کا سامان برآمد کرلیا گیا۔ مقدمہ میں مزید تفتیش جاری ہے۔

ڈی آئی جی انویسٹی گیشن شارق جمال خان کی ہدایت پر لاہورانویسٹی گیشن پولیس کی کارروائی۔

ایس پی انویسٹی گیشن ماڈل ٹاؤن کا کہنا تھا کہ 22سال کے فیضان کو شیخوپورہ سے بازیاب کروا کر ملزم کو گرفتار کر لیا گیا- ایس پی عاصم افتخار کمبور نے بتایا کہ ملزمان افضال، عمران صابر، رضا حسین اور شاہد نے مغوی فیضان کو اغواء کیا تھا- مغوی فیضان کے پھوپھو زاد بھائی نے ملزمان کی بہن سے کورٹ میرج کی تھی جس کا ملزمان کو رنج تھا-

گرفتار ملزم افضال کے دیگر ساتھی عبوری ضمانت پر ہیں جنہیں جلد گرفتار کر لیا جائے گا- انچارج انویسٹی گیشن گارڈن ٹاؤن عاطف ریاض نے ملزم کو شیخوپورہ سے گرفتار کیا۔ شہریوں کے جان و مال کی حفاظت پولیس کی اولین ترجیح ہے۔ ڈی آئی جی انویسٹی گیشن لاہورشارق جمال خان کی طرف سے مغوی کی بحفاظت بازیابی پر پولیس ٹیم کو شاباش دی گئی-