Category: جرائم و حادثات

لاہور: بیوی کوتونہ مناسکا،انکارپرکس کوقتل کیا ؟اہم خبرآگئی ،اطلاعات کے مطابق مصطفی آباد کے علاقے میں روٹھی بیوی کو منانے کے لیے آنے والے شوہر نے سسرالوں پر فائرنگ کر دی، ملزم کی فائرنگ سے برادر نسبتی قتل جبکہ پولیس نے ملزم کو دھر لیا۔

پولیس کے مطابق سسرالیوں پر فائرنگ کر کے سالے کو قتل کرنے والا ملزم طیب اور ساتھی موقعہ پر گرفتار کر لیے گئے، ملزم سسرال میں اپنی روٹھی بیوی کو لینے آیا تھا کہ طیش میں آ کر فائرنگ کر دی۔ فائرنگ کے نتیجے میں 27 سالہ حسن موقعہ پر دم توڑ گیا جبکہ حسیب اور حسنین زخمی ہوئے۔

مقتول کو پوسٹمارٹم کے لیے ڈیڈ ہاؤس جبکہ زخمیوں کو ہسپتال منتقل کر دیا گیا۔ ایس پی کینٹ صاعد عزیز کی بروقت ملزم کی گرفتاری پر پولیس کو سراہا۔ ان کا کہنا تھا کہ قانون ہاتھ میں لینے والے کسی رعایت کے مستحق نہیں ہیں۔

پشاور:طالبہ نہیں طالبعلم غیرت کی بھینٹ چڑھ گیا،اطلاعات کے مطابق بچپن سے انجینئر بننے کے خواہش مند طالبعلم کو ضلع چارسدہ میں غیرت کے نام پر قتل کر دیا گیا۔

خیبر پختونخوا میں بچپن سے انجنئر بننے کے خواہش مند طالبعلم کو ضلع چارسدہ میں غیرت کے نام پر قتل کر دیا گیا۔ اویس گاؤں مندنی کا رہائشی تھا جسے کزن کے ساتھ مسکرانے، بیٹھ کر باتیں کرنے اور ایک ساتھ پڑھنے پر قتل کر دیا گیا۔

17 سالہ اویس میٹرک تک پوزیشن ہولڈر تھا میٹرک میں 11 سو میں سے 1040 نمبر لے کر اسلامیہ کالج پشاور کے شعبہ انجینئرنگ میں داخلہ لیا، سکینڈ ایئرکا طابعلم تھا، کرونا وبا کے باعث کالج بند ہونے پر اپنے گاؤں آیا ہوا تھا، 5 دسمبر کو اسے قتل کر کے لاش کھیتوں میں پھینک دی گئی۔

مقتول موٹر سائیکل مستری کا بیٹا تھا جسے باپ نے78 ہزار روپے قرضہ لیکر اسلامیہ کالج پشاور میں بیٹے کی انجئیر بننے کی خواہش پر داخل کروایا تھا جو سماجی مسائل میں جھکڑے اس خاندان کا چشم و چراغ کزن کے ساتھ افئیر پر قتل کر دیا گیا، اویس کو اس کے بہنوئی الیاس نے قتل کیا جسے اپنی بھتیجی کے ساتھ باتیں کرنا گوارا نہ تھا۔

بنوں:شمالی وزیرستان میں فائرنگ سے پروفیسرڈاکٹر جاں بحق:کس نے کیا اہم خبرآگئی،اطلاعات کے مطابق شمالی وزیرستان میں نامعلوم افراد کی فائرنگ سے بنوں میڈیکل کالج کے پروفیسر ڈاکٹر ولی اللہ داوڑ جاں بحق ہوگئے۔

پروفیسر کو میرعلی بائی پاس روڈ پر قتل کیا گیا۔ قتل کے بعد ملزمان فرار ہونے میں کامیاب ہوگئے۔ ڈاکٹر ولی اللہ داوڑ بنوں میڈیکل کالج میں پتھالوجی کے پروفیسر تھے۔

پولیس کے مطابق ڈاکٹر ولی اللہ داوڑ کا تعلق میرعلی کے ہرمز گاؤں سے ہے۔ وہ اپنی گاڑی میں رات 10 بجے کے قریب بنوں سے میرعلی میں اپنے گاؤں ہرمز جارہے تھے کہ اس دوران انہیں نشانہ بنایا گیا۔

ڈاکٹر ہر ہفتے اور اتوار کو میرعلی میں مریضوں کے چیک اپ کیلئے آتے تھے۔ ان کی لاش کو میرعلی ٹی ایچ کیو اسپتال میں پوسٹ مارٹم کیلئے منتقل کردیا گیا۔