Category: جرائم و حادثات

شیخوپورہ(نمائندہ باغی ٹی وی) شیخوپورہ پولیس کی کاروائی، دوران ڈکیتی لڑکی سے اجتماعی زیادتی کرنے والے تین ملزمان گرفتار کرلیے ملزمان کا اعتراف جرم ڈی این اے ٹیسٹ میں دو ملزمان کی لڑکی سے زیادتی ثابت ہوگئی
ڈی پی او شیخوپورہ غلام مبشر میکن نے صوبائی وزیر انسانی حقوق و اقلیتی امور اعجاز عالم اگسٹن صوبائی وزیر ڈیزاسٹر مینجمنٹ اتھارٹی میاں خالد محمود چیئرمین وومین پروٹیکشن بیورو پنجاب فاطمہ چڈھر ایڈیشنل ایس پی آصف امین اعوان اور زیادتی کی شکار لڑکی کومل کے والدین کے ہمراہ پریس کانفرنس کرتے ہوئے بتایا کہ تینوں ملزمان پنجاب کے مختلف اضلاع کی پولیس کو خطرناک نوعیت کے 41 مقدمات میں مطلوب ہیں اور ملزمان جیل سے سزا یافتہ بھی ہیں او
پولیس ٹیم نے جدید ٹیکنالوجی کا استعمال کرتے ہوے ملزمان کو فیصل آباد سمندری کے علاقوں سے گرفتار کیا اور ملزمان سے نقدی مال مسروقہ موبائل فون اور اسلحہ بھی برآمد کیا ۔ڈی پی او کہنا تھا کہ ملزمان نے اعتراف جرم بھی کرلیا ہے اور ان کے ڈی این اے ٹیسٹ بھی لڑکی سے میچ کرگئے ہیں ۔اس موقع پر صوبائی وزراء میاں خالد محمود اعجاز عالم اگسٹن نے شیخوپورہ پولیس کو خراج تحسین پیش کیا اور کہا کہ اتنے کم وقت میں نامعلوم ملزمان کو ٹریس کرنا بہت اہم پیش رفت ہے ان کا کہنا تھا کہ وزیراعلی پنجاب اور آئی جی پنجاب انعام غنی مسلسل دن رات اس کیس سے منسلک رہے اور روزانہ کی بنیاد پر رپورٹس لیتے رہے صوبائی وزراء کا کہنا تھا کہ شیخوپورہ پولیس کو وزیر اعلی پنجاب خود ایک تقریب میں کیش انعام اور تعریفی سرٹیفکیٹ دیں گے اس موقع پر کومل کے والدین نے شیخوپورہ پولیس کا شکریہ ادا کیا اور اس امید کا اظہار کیا کہ ملزمان بہت جلد اپنے انجام کو پہنچیں گے

شیخوپورہ (نمائندہ باغی ٹی وی ) ڈپٹی کمشنر شیخوپورہ چوہدری محمد اصغر جوئیہ نے تبدیل ہونے والے اسسٹنٹ کمشنر مریدکے عرفان انور کے خلاف مالی بدعنوانیوں اور بے ضابطگیوں سمیت متعدد الزامات کی تحقیقات کرنے کی ہدایت جاری کر دی ہے اور جی اے ریونیو میاں نذیر احمد کو انکوائری آفیسر نامزد کرتے ہوئے ہدایت کی ہے کہ وہ عرفان انور کے خلاف لگائے گئے الزامات کی انکوائری کر کے مفصل رپورٹ دیں ذرائع نے بتایا ہے کہ یہ ہدایت وزیر اعظم پاکستان وزیر اعلیٰ پنجاب چیف سیکرٹری پنجاب اور کمشنر لاہور ڈویژن کو اور ڈپٹی کمشنر کو بھیجی جانے والی تحریری درخواست پر جاری کی گئی ہے جس میں اسسٹنٹ کمشنر پر پٹواریوں اور ایل پی جی گیس ری فلنگ کی غیر قانونی دوکانوں کے مالکوں سے ماہانہ بھتہ لینے اور اراضی ریکارڈ سنٹر سمیت کئی دفاتر سے رشوت لینے کے الزامات عائد کیئے گئے تھے اسسٹنٹ کمشنر عرفان انور نے ان الزامات کو بالکل بے بنیاد قرار دیا ہے

شیخوپورہ (نمائندہ باغی ٹی وی ) ضلع شیخوپورہ میں سب رجسٹراروں کی غفلت کی بناء پر اربوں روپے مالیت کی املاک کی دستاویزات غائب ہو جانے کا انکشاف ہوا ہے قابل اعتماد ذرائع کے مطابق بورڈ آف ریونیو پنجاب کی ہدایت پر ضلع شیخوپورہ کے سب رجسٹراروں کے دفاتر کا سابقہ ادوار کے ریکارڈ کی انسپکشن کی گئی تو یہ بات سامنے آئی کہ ان دفاتر سے پونے 7 سو سے زیادہ املاک کی رجسٹریاں اور دیگر دستاویزات غائب ہیں جن میں پرائیویٹ ہاؤسنگ کالونیوں کی زمینوں کی رجسٹریوں کے علاوہ کمرشل پلازوں بڑی بڑی مارکیٹوں دوکانوں کوٹھیوں مکانات اور پرکشش پلاٹوں کی رجسٹریاں بھی شامل ہیں دریں اثناء محکمہ مال کے ذرائع نے بتایا ہے کہ غائب ہونے والی دستاویزات کی تعداد زیادہ تھی جو اب کم ہو کر 685 رہ گئی ہے بورڈ آف ریونیو کی ہدایت پر ڈسٹرکٹ کلیکٹر چوہدری محمد اصغر جوئیہ نے اس معاملہ میں ذمہ دار سب رجسٹراروں اور ان کے ماتحت ملازمین کا تعین کرنے کی خاطر ایڈیشنل ڈپٹی کمشنر ریونیو ڈاکٹر فیصل سلیم کی سربراہی میں ایک انکوائری کمیٹی تشکیل دے دی ہے

شیخوپورہ(نمائندہ باغی ٹی وی) میں بارش کے دوران مکان کی چھت گرنے سے جاں بحق ہونے والے محنت کش کی بیوہ اور بچوں کو پنجاب حکومت کی طرف سے 8 لاکھ روپے مالی امداد کا چیک دیا گیا صوبائی وزیر ڈیزاسٹر مینجمنٹ پنجاب میاں خالد محمود نے ڈپٹی کمشنر شیخوپورہ محمد اصغر جوئیہ کے ہمراہ مرحوم محنت کش ارشاد کے گھر جاکر چیک ورثاء کے حوالے کیا صوبائی وزیر اور ڈپٹی کمشنر نے مرحوم کے ایصال ثواب کے لیے فاتحہ خوانی بھی کی اور مرحوم کی بیوہ اور بچوں کو دلاسہ دیا ان سے مرحوم ارشاد کی اچانک موت پر دکھ اور افسوس کا اظہار کیا اس موقع پر میڈیا سے گفتگو کرتے ہوئے میاں خالد احمد کا کہنا تھا کہ وزیر اعلی پنجاب کی خصوصی ہدایت پر وہ متوفی ارشاد کے گھر آئے ہے اور ان کی جانب سے ورثاء کو آٹھ لاکھ روپے کاامدادی چیک بھی دیا ہے انہوں نے مرحوم کے دونوں بچوں کے تعلیمی اخراجات برداشت کرنے کا اعلان کیا۔