امن و امان کی صورتحال کو برقرار رکھنے کی خاطر ٹارگٹڈ سرچ اینڈ سٹرائیک آپریشنز,کیپٹل سٹی پولیس پشاور نے تھانہ آغا میر جانی شاہ کی حدود میں ٹارگٹڈ سرچ آپریشن کیا ہے جس کے دوران 5 افراد کو گرفتار کر لیا گیا ہے۔ گرفتار افراد کے قبضہ سے مجموعی طور پر لاکھوں روپے مالیت کی 570 گرام آئس، 4 کلو کے قریب ہیروئن، 2 کلوگرام چرس، ایک عدد کلاشنکوف، تین عدد پستول اور مختلف بور کے کارتوس بھی برآمد کر لئے گئے.
تمام ملزمان کے خلاف مقدمات درج کرکے تفتیش شروع کر دی گئی ہے۔۔۔
الف آئی اے سائبر کرائم فیصل آباد میں دو مختلف کاروائیوں کے دوران دھوکا دہی جعل سازی کر کے بول لاٹری سکیم اور بینک اکاوئٹس سے رقم خرد برد کرنے والے دو ملزمان کی گرفتاری عمل میں لائی گئی
پہلی کاروئی چک نمبر 93 گ ب تحصیل جڑانوالا ضلع فیصل آباد عمل میں لائی اور ملزم محمد رمضان اوڈہ کو گرفتار کیاگیا ملزم نے مدعی مقدمہ ملک محمود اعظم خان سکنہ گوجرہ کے رہائشی کو بول لاٹری سکیم کا جھاسہ دے کر 8 لاکھ روپے ہتیھا لے ملزم نے 5 مختلف جاز کیش اکاؤنٹ سے رقم ٹرانسفر کرتے ہوئے اپنے زاتی اکا ؤنٹ میں منتقل کی ملزم سے 8 لاکھ روپے برآمد مقدمہ نبمر 25/21 تھانہ FIA فیصل آباد میں درج کیا گیا.
دوسری کاروائی کے دوران اڈا ریاض آباد لالیاں سے محمد ارشد نامی بندے کی گرفتاری عمل میں لائی گئی
ملزم نے اسلام آباد کے رہائشی خاور نامی شخص کے کریڈٹ کارڈ کی معلومات لی اور ملزم نے پہلے 75000 ہزار روپے آنلائن شاپنگ ویب سائیٹ کے اکاؤنٹ میں منتقل کیے. بعدازاں دھوکا دہی سے حاصل کردہ رقم کو استعمال کرتے ہوئے لالیاں کے رہائشی افراد کے بجلی کے بلوں کی مد میں ادائیگی کی ملزم کو گرفتار کرکے 60000 روپے دقم برآمد کی مقدمہ نبمر 31/21 تھانہ FIA فیصل آباد میں درج کیا گیا
چیئرمین سینیٹ کمیٹی برائے داخلہ اور پاکستان پیپلز پارٹی کے سینئر رہنما سینیٹر عبدالرحمن ملک نے ہفتہ کو تجویز پیش کی کہ پارلیمنٹ کو شرائط کا مسودہ تیار کروا لینا چاہیے-
چیئرمین سینیٹ کمیٹی برائے داخلہ اور پاکستان پیپلز پارٹی کے سینئر رہنما سینیٹر عبدالرحمن ملک نے ہفتہ کو تجویز پیش کی کہ پارلیمنٹ کو براڈشیٹ کیس کی تحقیقات کرنے والی انکوائری کمیٹی کے حوالہ کی شرائط کا مسودہ تیار کرنا چاہئے۔
انہوں نے ہفتہ کے روز دی نیوز سے گفتگو کرتے ہوئے کہا ، "براڈشیٹ کیس کی آزاد اور شفاف تحقیقات کو یقینی بنانا چاہئے تاکہ ذمہ داری طے کی جاسکے۔” چیئرمین سینیٹ کمیٹی برائے داخلہ رحمان ملک نے کہا کہ جنرل (ر) پرویز مشرف نے ایک دہائی تک ملک پر حکمرانی کی اور ان کے دور میں براڈشیٹ کے ساتھ معاہدہ کیا گیا۔ انہوں نے کہا ، "اس کی ایک مخصوص ٹائم لائن تھی اور جب خود مختار ریاست نے کسی کے ساتھ معاہدے پر دستخط کیے تو غیر ملکی عدالتوں نے اس پر عمل درآمد کیا۔” انہوں نے کہا کہ براڈشیٹ چارج شیٹ میں ، پھر ہسٹری شیٹ میں تبدیل ہوجائے گی۔ انہوں نے کہا کہ اس کی تحقیقات کے لئے تیار کردہ ٹی آرز کو پارلیمنٹ میں بھیجا جانا چاہئے ، جس کے بارے میں انھیں معلوم ہونا چاہئے۔
سینیٹر عبدالرحمن ملک نے سینیٹ سیکرٹریٹ میں پانچ سوالات حکومت کو بھی پیش کیے ، جن کا جواب پارلیمنٹ میں طب کیا گیا۔ پہلا سوال جوانھون نے پوچھا وہ یہ تھا کہ غیر ملکی ممالک کے سامنے پاکستان کو متنازعہ معاملات پر کتنی قانونی چارہ جوئی کا سامنا ہے۔ دوسرا ، انھوں نے پوچھا کہ ہم نے پچھلے 10 سالوں میں کتنے معاملات کھوئے ہیں۔ تیسرا ، انھوں نے پوچھا کہ ہم بین الاقوامی سطح پر امریکی ڈالر کے معاملے میں کتنی رقم کھو چکے ہیں۔ چوتھا ، انہوں نے پوچھا کہ پاکستان اور بیرون ملک دفاع کرنے والے وکلا کو کتنی فیس دی گئی ہے۔ آخر میں سینیٹر رحمان ملک نے اپنے ناموں سے وکلاء کو کی جانے والی کل ادائیگی کے بارے میں پوچھا۔
اسلام آباد میں تھانہ لوہی بھیر کے علاقہ میں ایک ہی گھر کے پانچ افراد لقمہ اجل بن گئے-
ذرائع کے مطابق ڈالیالہ کا مکین رفاقت نیول ہیڈکوارٹر میں ملازمت کرتا تھا- جمعے کی رات رفاقت اور اسکے اہل خانہ کیساتھ گھر سویا اور پھر اہلخانہ سمیت ابدی نیند سو گیا- رفاقت کے کولیگز نے اسکی معمول سے ہٹ کر غیر حاضری پر تشویش کا اظہار کیا- رفاقت کے آفس کے ساتھیوں نے پولیس کو اطلاع دی-
پولیس ذرائع سے معلوم ہوا کہ پولیس نے گھر کا دروازہ جو اندر سے بند تھا کھولا تو پانچوں افراد مردے پائے گئے- ابتدائی اطلاعات کے مطابق کمرے میں گیس بھرنے سے اہلخانہ کی موت واقع ہوئی- پولیس نے پوسٹمارٹم کے لیے نعشیں پولی کلینک منتقل کردیں.مزید تفتیش جاری ہے-
قبضہ گروپوں اور بدمعاشوں کے بعد منشیات فروشوں کے خلاف کریک ڈاؤن کا حکم
سی سی پی او لاہور کی تمام ڈویژنل افسران کو انٹیلی جینس بیسڈ آپریشنز کی ہدایت پر سربراہ لاہور پولیس کی ڈویژنل افسران کو منشيات فروشوں کے خلاف کارروائی کرکے اپنی اپنی ڈویژن کی رپورٹ پیش کرنے کی ہدایت دی گئی-
بقول سی سی پی او لاہور منشیات فروشی کے گھناؤنے کاروبار میں ملوث بڑے مگرمچھوں کو پکڑا جائےگا- بڑے مگرمچھوں پر ہاتھ ڈالنے سے جرائم پیشہ افراد قلع قمع ہوگا-
غلام محمود ڈوگرنی آرڈر دیا کہ منشیات فروش پکڑا جانے پر اس کے پورے نیٹ ورک پر ہاتھ ڈالا جائے، منشیات کی سپلائی توڑنے کےلئے انٹیلیجنس بیسڈ کارروائیاں کیں جائیں، شہر میں کالجز و یونیورسٹیز کے باہر خصوصی چیک اینڈ بیلنس رکھا جائے- سی سی پی او لاہور کی منشیات فروشوں کی پشت پناہی کرنے والے اہلکاروں کو بھی بے نقاب کرنے کی ہدایت- غلام محمود ڈوگرنے ہدایت دی کہ جوئے کے اڈے جرائم کی نرسری، ان کے خلاف بھی سخت کریک ڈاؤن کیا جائے، قمار بازی کسی صورت برداشت نہیں کی جائے گی-
سی سی پی او لاہور کا کینال روڈ پر نشئیوں کےخلاف کریک ڈاؤن کا بھی حکم، نشئیوں کو نشہ آور ادویات اور ٹیکے فراہم کرنے والوں کو پکڑا جائے، شہرِ لاہور کو نشے جیسی لعنت سے پاک کیا جائے، غلام محمود ڈوگر – ماہ جنوری میں 721 منشیات فروشی کے مقدمات درج کرتے ہوئے 725 ملزمان کو گرفتار کیا گیا- ملزمان کے قبضہ سے بھاری مقدار میں منشیات اور شراب پکڑی گئی،
پولیس میں بھرتی کیلئے جعلی اپوائنمنٹ لیٹر دے کر رقم ہتھیانے والا نوسر باز گرفتار
راولپنڈی پولیس کی اہم کاروائی، اسلام آباد پولیس میں بھرتی کیلئے جعلی اپوائنمنٹ لیٹر دے کر رقم ہتھیانے والا نوسر باز گرفتار کر لیا گیا
بنی پولیس نے ثمینہ رند کی درخواست پر نومبر 2020 میں مقدمہ درج کیا، مدعی مقدمہ اک کہنا تھا کہ زاہد بسرا نے میرے بیٹے کو اسلام آباد پولیس میں بھرتی کرانے کے عوض ڈیڑھ لاکھ روپے لیے اور جعلی اپوائنمنٹ لیٹر دے کر میڈیکل کرانے کے 8000 روپے بھی لیے،
پولیس کا کہنا ہے کہ ملزم نے عبوری ضمانت کروائی، بنی پولیس کی موثر تفتیش کے باعث ملزم کی ضمانت سیشن کورٹ اور ہائیکورٹ سے خارج ہوئی جس پر بنی پولیس نے ملزم زاہد بسرا کو گرفتار کر لیا، ملزم کے سہولت کاروں کو بھی گرفتار کیا جائے گا،
ایس پی راول کی جانب سے ایس ایچ او بنی اور پولیس ٹیم کو شاباش دی گئی، ایس پی راول رائے مظہر اقبال کا کہنا ہے کہ شہریوں کو ان کی جمع پونجی سے محروم کرنے والے قانون کی گرفت سے نہیں بچ سکتے،
شاہراہ عام پر گن پوائنٹ پر گاڑیاں چھیننے والا ملزم گرفتار
باغی ٹی وی کی رپورٹ کے مطابق ڈی آئی جی انوسٹیگیشن شارک جمال کی ہدایت پر جرائم پیشہ عناصر کے گرد گھیرا تنگ ہونے لگا
ایس پی AVLS اعجاز رشید کے مطابق شاہراہ عام پر گن پوائنٹ پر کار/موٹرسائیکل چھیننے والا ملزم گرفتارکر لیا گیا،ملزم نے چند روز قبل تھانہ وحدت کالونی کے علاقہ میں ایک شہری سے گن پوائنٹ پر گاڑی چھینی تھی،،ملزم نے 2 ہفتے قبل سبزہ زار کے علاقہ میں سے ایک شخص سے موٹر سائیکل چھینا تھا،
ملزم کے قبضہ سے 5 کلو چرس بھی برآمد کر لی گئی،ملزم نے دوران تفتیش مختلف وارداتوں کا اعتراف کیا،ملزم کے خلاف مقدمہ درج،مزید تحقیقات جاری ہیں نواز چیمہ AVLS/DSP اور انکی ٹیم نے کاروائی کرتے ہوئے ملزم کو گرفتار کیا
ایس پی AVLS اعجاز رشید کا کہنا ہے کہ جرائم پیشہ عناصر کے خلاف اسی طرح کاروائیاں جاری رہینگی،،جرائم پیشہ عناصر کسی رعایت کے مستحق نہیں ہیںڈی آئی جی شارق جمال کی جانب سے AVLS/DSP نواز چیمہ اور ان کی ٹیم کو شاباش دی گئی
سیاسی رہنما کے گھر پر کیا کام ہو رہا تھا؟ پولیس کا چھاپہ، مردو خواتین گرفتار،رہنما فرار
باغی ٹی وی کی رپورٹ کے مطابق دہلی کالونی میں پولیس نے پی ایم ایل ف کے عہدیدار کے گھر پر چھاپہ مار کر بھاری مقدارمیں تیار گٹکا اور خام مٹیریل برآمد کر لی
فنگشنل لیگی عہدیدار چوہدری صدیق عرف کوبرا فرار ہونے میں کامیاب ہو گئے پولیس نے فیکٹری سے ایک درجن سے زائد خواتین اور مردوں کو حراست میں لے کر مقدمہ درج کرلیا اطلاع کے مطابق فیکٹری پی ایم ایل ف ڈسٹرک ساؤتھ کے نائب صدر چوہدری صدیق عرف کوبرا چلارہے تھے جو پولیس کے لیے بیٹ بھی جمع کرتیں ہیں
مورخہ 31/1/2021 کو بوقت 2000 بجے بمقام دہلی کالونی زیرو لائن گلی نمبر 1 علاقہ تھانہ فرئیر نے کاروائی کرتے ہوئے بدنام زمانہ فرئیر تھانہ کا بیٹر صدیق عرف کوبرا کے گٹکے کے کارخانے میں کاروائی کی جس کے نتیجے میں 1-امجد عرف بنگالی ولد سیعد اللہ 2_مختیار علی ولد ھو خان ملغانی ہمراہ 16 خواتین و بچیوں جو کارخانہ میں 500 دہاڑی پر کام کرتی تھی ان کو گرفتار کیا جن کے قبضے سے 5 ٹرم 11بوریاں چھالیہ 17بوریاں جونا وکھتہ 17 ڈپ پیکنگ مشین 8بوریاں نجمہ وزعفرانی پتی تمباکو 10بوریاں گٹکا پیک کرنے والی تھلیاں برآمد ہوئی
گر فتار ملزمان مرد خواتین اور فیکٹری کے مالک صدیق عرف کوبرا کے خلاف تھانہ فریر میں مقدمہ الزام نمبر 42/2021 جرم دفعہ 8/1/2 گٹکا ماوا ایکٹ 2019 قائم کرکے تفتیش کا آغاز کر دیا ہے جبکہ صدیق کوبرا مزکورہ مقام پر موجود نہیں تھا
کراچی کے قومی ادارہ برائے امراض قلب میں 4 مسلح افراد نے فائرنگ کی اور سکیورٹی گارڈ سمیت دو افراد کو زدو کوب کیا۔
پولیس کے مطابق ملزمان اسپتال میں مریض کو دیکھنے کے لیے زبردستی اسپتال کے اندر داخل ہونا چاہتے تھے لیکن ملاقات کا وقت نا ہونے کی وجہ سے گارڈ نے ان افراد کو گیٹ پر روکا تاہم ملزمان نے گارڈ سے ہاتھا پائی کی اور اسپتال کے اندر جانےکی کوشش بھی کی۔
پولیس کے مطابق فائرنگ سے کوئی جانی نقصان نہیں ہوا جب کہ اسپتال انتظامیہ کا کہنا ہے کہ فائرنگ کرنے والوں کی تعداد 4 تھی جن میں سے ایک ملزم کو پکڑ کر صدر پولیس کے حوالے کردیا ہےانتظامیہ کا کہنا ہے کہ ملزمان نے سکیورٹی گارڈ سمیت دو افراد کو تشدد کا نشانہ بھی بنایا
لاہور : لال پل، فتح گڑھ، لاری اڈا، داتا دربار اور بادشاہی مسجد کے اطراف لکشمی چوک، چوبرجی چوک سمیت 120 علاقوں میں نشہ کے عادی افراد کے ڈیرے منشیات کے استعمال میں تشویشناک حد تک اضافہ، خواتین کی بڑی تعداد بھی مبتلا، شہر میں کھلی سڑکوں پر منشیات عام ہو گئی، جبکہ پولیس خاموش تماشائی بنی ہوئی ہے۔ نشہ کے عادی افراد نے 120 مقامات پر ڈیرے جما لئے۔ لال پل، فتح گڑھ، مغلپورہ، ہربنس پورہ، باغبان پورہ اور پارکوں سمیت دیگر علاقوں میں کھلے عام نشے کا استعمال اور ٹیکے لگائے جا رہے ہیں ،سب سے زیادہ نوجوان نسل متاثر ہو رہی ہے ۔ ذرائع کے مطابق شہر میں 2020 کے دوران منشیات کی طلب اور رسد میں تشویشناک حد تک اضافہ ہوا ہے جس کی وجہ ملک میں معاشی عدم استحکام، مہنگائی ،بیروزگاری وغیرہ شامل ہیں۔ خواتین کی بڑی تعداد بھی نشہ جیسی لت کا شکار ہو رہی ہے ۔لاری اڈا، علی پارک، داتا دربار اور بادشاہی مسجد کے اطراف، ایف سی کالج میٹر وسٹیشن، پرندہ مارکیٹ، بھاٹی، موچی گیٹ، لوہاری، ٹیکسالی، شاہدرہ، لاہور ہوٹل، لکشمی ، ریگل، گنگا رام، چوبرجی چوک، سبزہ زار، علامہ اقبال ٹاؤن، گلشن راوی بند روڈ، شیر پاؤپل، مسلم ٹاؤن موڑ، کوآپ سٹور، مصری شاہ اور دیگر علاقوں میں منشیات کا استعمال ہو رہا ہے۔ ذرائع کے مطابق پاکستان میں نشہ کرنے والے افراد کی تعداد 2013 میں 67 لاکھ اور 2020 میں ایک کروڑ تک پہنچ چکی ہے ۔ترجمان پنجاب پولیس نے کہا انجکشن نشہ کو کنٹرول کرنا محکمہ ہیلتھ کا کام ہے کیونکہ نشئی انجکشن سمیت دیگر نشہ آور اشیا میڈیکل سٹورز سے لیکر استعمال کرتے ہیں۔ چیف ڈرگ کنٹرولر پنجاب اظہر جمال سلیمی نے کہا میڈیکل سٹورز پر نشہ آور ادویات کی روک تھام کیلئے اقدامات کئے جا رہے ہیں، بغیر نسخہ کے کسی کو بھی نارکوٹکس ادویات نہیں دی جا رہیں، اگر کوئی میڈیکل سٹور یا فارمیسی ایسا کر رہی ہے تو اس کے خلاف کارروائی کی جا رہی ہے ۔