Category: جرائم و حادثات

شاہدرہ پولیس کی حراست میں شہری کی ہلاکت کا معاملہ۔ تھانہ شاہدرہ میں تین پولیس اہلکاروں سمیت پانچ افراد کے خلاف قتل کا مقدمہ درج کرلیا گیا۔

انچارج انویسٹی گیشن تھانہ شاہدرہ ،چوکی انچارج سگیاں اور فیکٹری مالک کو مقدمے میں نامزد کیا گیا۔ پولیس کا کہنا ہے کہ مقتول غلام حسین کی میت پوسٹ مارٹم کے بعد ورثاء کے حوالے کردی جائے گی۔ جبکہ واقعے کی تمام پہلووں سے تحقیقات کی جا رہی ہیں۔ مقدمے میں نامزد تمام افراد سے تفتیش کی جائے گی۔ دوسری جانب ورثا کا کہنا ہے کہ معاملے کی تفتیش کے لئے بنائی انکوائری کمیٹی نے رابطہ تک نہیں کیا۔ پولیس نے پیٹی بھائیوں کو رات گھر جانے۔ مقدمہ میں کسی پولیس اہلکار کو حوالات میں بند نہیں کیا گیا۔

یاد رہے کہ اتوار کو تھانہ شاہدرہ میں زری حراست ملزم کی حوالات میں ہلاکت ہو گئی۔ جس پر سی سی پی او لاہور نے واقعے کا نوٹس لے رکھا ہے۔

ناجائز تعلقات کے شبہ پر سگی بیٹی کو قتل کرنے والا باپ 2 بیٹوں سمیت گرفتار کر لیا گیا۔ ملزمان نے مقتولہ جویریہ کے سر میں ڈنڈے مار کر اور گلا دبا کربے دردی سے قتل کیا اور نعش بوری میں بند کر کے پھینک دی۔

باغی ٹی وی ذرائع کے مطابق لاہور انویسٹی گیشن پولیس گجر پورہ نے ناجائز مراسم کے شبہ پر بیٹی کو قتل کرنیوالے سگے باپ کو 2بیٹوں سمیت گرفتار کر لیا ہے۔تفصیلات کے مطابق ڈی آئی جی انویسٹی گیشن لاہور کی واضح ہدایات کی روشنی میں انویسٹی گیشن ونگ کی سپیشل ٹیمیں قتل، اقدام قتل سمیت دیگر جرائم میں ملوث ملزمان کی گرفتاری اور انہیں کیفر کردار تک پہنچانے کے لیے دن رات سر گرم عمل ہیں۔
ایس پی سول لائنز انویسٹی گیشن اسد الرحمن کی سربراہی میں ایس ڈی پی او مغلپورہ سرکل ڈی ایس پی عادل رشید اور انچارج انویسٹی گیشن گجر پورہ آصف علی نے اپنی ٹیم کے ہمراہ تقریباً 6ماہ قبل 25سالہ مقتولہ جویریہ کے اندھے قتل کی سنگین واردات کی تفتیش کا آغاز کیا۔ سائینٹفک شواہد اور جدید ٹیکنالوجی کی مدد سے مقتولہ کے باپ اور بھائیوں کو شامل تفتیش کیا جو حقائق کے مطابق سوالات کے تسلی بخش جوابات نہ دے سکے اور بلاآخر مقتولہ جویریہ کے والد عبدالغفور نے اعتراف جرم کرتے ہوئے بتلایا کہ مجھے شک تھا کہ میری بیٹی کے ناجائز مراسم ہیں لہذا میں نے اپنی بیٹی کو بہانے سے مظفر گڑھ سے بھائیوں کے پاس لاہور منتقل کر دیا اور اسی دوران میں نے اپنے بیٹوں عبدالشکور اور اقبال کے ساتھ مل کراپنی بیٹی جویریہ کوقتل کرنے کا بھیانک منصوبہ بنایا اور وقوعے کے روز ہم نے گھر میں جویریہ کے سر پر ڈنڈے مار کر اور گلا دبا کربے دردی سے موت کے گھاٹ اُتار دیا اور اس کی لاش کو بوری میں بند کر کے گجر پورہ کے علاقے میں سڑک کنارے پھینک کر خاموشی سے فرار ہو گئے۔ کسی کو ہم پر شک نہ ہو اس لیے ہم نے جویریہ کی عمر کوٹ سندھ میں شادی کرنے کا ڈرامہ رچا دیا تھا۔

ڈی آئی جی انویسٹی گیشن لاہور شہزادہ سلطان نے اندھے قتل کی واردات کو ٹریس کر کے ملزمان کی گرفتار ی پر پولیس ٹیم کے لیے تعریفی اسناد کا اعلان کیا ہے۔

ڈی آئی جی جیل خانہ جات جناب نوید رؤف نے کوٹ لکھپت جیل کا اچانک دورہ کیا۔ ڈی آئی جی جیل خانہ جات نے کوٹ لکھپت جیل کے مختلف حصوں کا دورہ کیا۔

ڈی آئی جی جیل خانہ جات نے وزٹنگ شیڈ میں قیدیوں حوالاتیوں سے ملاقات کرنے والوں سے بات چیت بھی کی۔ ڈی آئی جی جیل خانہ جات نے جیل ہسپتال” لنگر خانہ” جیل میں صاف پانی کی سہولیات کی چیکنگ کی۔ ڈی آئی جی جیل خانہ جات نے قیدیوں کے ترجمہ کے ساتھ قرآن پیپر قیدوں سے خود سنا اور قرآن پیپرز کی چیکنگ بھی خود کی۔

ڈی آئی جی جیل خانہ جات کے ساتھ لاہور ریجن کے اسسٹنٹ سپریٹنڈنٹ رانا انیس بھی موجود تھے۔ ڈی آئی جی جیل خانہ جات نے کوٹ لکھپت جیل کا دورہ کرنے کے بعد اعجاز اصغر سپریڈنٹ کو بہترین انتظامات پر شاباش دی۔

ڈی آئی جی جیل خانہ جات نوید روف کا کہنا تھا کہ جو سپریٹنڈنٹ قیدیوں اور حوالاتیوں کے فلاح و بہبود کے لئے بہترین انتظامات چلائے گا بہترین نظام چلائے گا اور ان کی سہولیات کو مدنظر رکھے گا اسے ہمیشہ شاباش ملتی رہے گی۔ میں اسی طرح جیلوں کے خفیہ دورہ کرتا رہوں گا۔

لاہور پولیس آپریشنز ونگ نے ماہِ ستمبر کی کارکردگی رپورٹ جاری کر دی۔ جرائم پیشہ افراد کے خلاف کارروائیوں کے دوران 4448ملزمان گرفتارکئے گئے۔

باغی ٹی وی کو لاہور پولیس سے حاصل ہونے والے اعداد و شمار کے مطابق 124گینگز کے298ملزمان گرفتار کیے گئے۔ ملزمان سے 02کروڑ85 لاکھ روپے سے زائد مالیت کا مال مسروقہ برآمد کیا گیا۔ ناجائز اسلحہ کے خلاف گرینڈ آپریشن کے دوران 644 ملزمان کو گرفتار کئے گئے۔ 560ریوالورز،32رائفلز،03کلاشنکوف،23بندوقیں،04 خنجراور3332 گولیاں برآمد کی گئیں۔ منشیات کے خلاف کارروائی کے دوران750ملزمان گرفتار ہوئے۔ 198کلوگرام چرس،17کلو گرام سے زائد ہیروئن،340گرام آئس اور6399لِٹر شراب برآمد کی گئی۔ لاہور پولیس کے مطابق سنگین جرائم میں مطلوب504اشتہاری مجرمان اور483عدالتی مفروران گرفتار جبکہ 404قمار باز گرفتار،06لاکھ10 ہزارروپے سے زائد داؤ پر لگی رقم برآمد کی گئی۔

ڈی آئی جی آپریشنز لاہور کا کہنا ہے کہ قحبہ خانوں کے خلاف کارروائی کے دوران167 ملزمان گرفتار کیے گئے اور ون ویلنگ، پتنگ بازی، ہوائی فائرنگ، لاؤڈ سپیکرایکٹ میں ملوث1198ملزمان گرفتار کیے گئے۔

راولپنڈی پولیس قبضہ مافیا کے خلاف کارروائی سے گریزاں
باغی ٹی وی کی رپورٹ کے مطابق راولپنڈی پولیس سے سائلین کو انصاف ملنا خواب بن چکا، قبضہ مافیا بے لگام، پولیس قبضہ مافیا کے خلاف کارروائی سے گریزاں ہے

تھانہ سول لائن کی حدود میں قبضے کی کوشش کی گئی تو انصاف کے حصول کے لئے بیوہ خاتون تھانہ سول لائن پہنچ گئی،قبضے کی کوشش اور لڑائی جھگڑے کی تحریری درخواست پولیس کو دی،پولیس نے قبضے کے واقعے کو لڑائی کا رنگ دے کر معاملہ گول کردیا

بیوہ خاتون نے انصاف کے حصول کے لئے دھائی دی، متاثرہ خاتون کا کہنا تھا کہ سی پی او راولپنڈی پولیس اصلاحات کی بات کرتے ہیں مگر تھانے میں سائلین کی دادرسی خواب بن گیا ہے، میری تحریری درخواست ریکارڈ پر موجود ہے،پولیس نے میری درخواست کے مطابق مقدمے میں دفعات شامل نہیں کیں،پولیس مقدمے میں قبضے کی دفعات شامل نہ کرکے قبضہ مافیا کی پشت پناہی کر رہی ہے،

متاثرہ بیوہ کا کہنا تھا کہ میرے احتجاج کے باوجود میرٹ پر مقدمے کا اندراج نہیں کیا گیا جس سے راولپنڈی پولیس کی کارکردگی عیاں ہے، واقعے کے متعدد چشم دید گواہ بھی موجود ہیں اسکے باوجود پولیس ملزمان کی سہولت کار بن بیٹھی، اعلی پولیس حکام واقعہ کا نوٹس لیکر غلط مقدمہ درج کرنے والے پولیس آفیسر کیخلاف کارروائی کریں،