Category: جرائم و حادثات

آئی جی پنجاب کا عوامی مسائل کے بلا تاخیر اور باآسانی حل یقینی بنانے کیلئے احسن اقدام۔ ہر ماہ کی پہلی تاریخ کو ضلعی اور تحصیل لیول پر کھلی کچہریوں کے انعقاد کا حکم دے دیا۔

سی سی پی لاہور سمیت تمام آرپی اوز, سی پی اوز اور ڈی پی اوز کو مراسلہ بھجوا دیا۔ آئی جی پنجاب نے حکم کیا کہ کھلی کچہریوں کے انعقاد سے قبل لوگوں کی آگاہی کیلئے ضلعی پولیس مقامی میڈیا اور کیبل نیٹ ورک کے ذریعے بھرپور آگاہی مہم چلائی جائے۔ افسران ذاتی طور پر کھلی کچہریوں کا انعقاد کرکے لوگوں کے مسائل کا حل یقینی بنا کر انہیں انصاف فراہم کریں۔

آئی جی پنجاب کا کہنا ہے کہ سب ڈویڑن لیول پر تمام سرکل افسران / ایس ڈی پی اوز کھلی کچہری کا انعقاد یقینی بنائیں۔ پسماندہ اور دودراز علاقوں میں کھلی کچہریوں کے بروقت اور بلا تعطل انعقاد پر بطور خاص توجہ مرکوز رکھی جائے۔ پولیس کے تمام متعلقہ یونٹس کے افسران و سٹاف کی کھلی کچہریوں میں موجودگی ہر صورت یقینی بنائی جائے۔ کھلی کچہریوں میں پیش ہونے والے تمام لوگوں کے کوائف اور انکی درخواستوں کا مکمل ریکارڈ باقاعدگی سے محفوظ کیا جائے۔ کھلی کچہریوں میں ہونے والے فیصلوں اور اعلانات پر من و عن عمل درآمد افسران ذاتی نگرانی میں یقینی بنائیں۔ ڈی پی اوز ماہانہ کچہری کے انعقاد سے قبل فالواپ میٹنگ میں پچھلی کچہری کی پراگریس رپورٹ کا جائزہ ضرور لیں۔ شہریوں کے مسائل کے بلا تاخیر حل کیلئے مندرجہ بالا ہدایات پر عمل در آمد ہر صورت یقینی بناتے ہوئے ماہانہ پراگرس رپورٹس سنٹرل پولیس آفس بھجوائی جائیں۔

گلی میں موٹر سائیکل کھڑی کرنے پر جھگڑے کا واقعہ تھانہ جنوبی چھاونی کے علاقے میں پیش آیا۔

پولیس کے مطابق موٹر سائیکل کھڑی کرنے پر جھگڑا ہوا۔ جس پر محمد علی اور اس کے ساتھی نے اندھا دھند فائرنگ شروع کر دی۔ ملزمان کی فائرنگ سے خاتون سمیت 7 افراد زخمی ہو گئے۔ زخمیوں کو فوری طبی امداد کے لیے ہسپتال منتقل کیا گیا جہاں ان کی حالت خطرے سے باہر بتائی جا رہی ہے ۔ جبکہ پولیس کا کہنا ہے کہ ملزمان کی گرفتاری کے لئے کوشیشیں جاری ہیں ۔

نواز شریف کے خلاف درج مقدمے کی تحقیقات شروع کردی گئیں۔ مقدمہ میں نامزد دیگر لیگی قیادت کے خلاف کاروائی نہ کرنے کا فیصلہ کیا گیا ہے جبکہ ایف آئی آر میں سے چار اہم دفعات کو بھی حذف کردیا گیا۔

ترجمان انوسٹی گیشن پولیس شیخ عمران انوار کے مطابق
انسپکٹر جنرل آف پولیس پنجاب کے حکم سے قائم شدہ سپیشل انویسٹی گیشن ٹیم نے بدر رشید نامی شہری کی جانب سے تھانہ شاہدرہ میں مسلم لیگ (ن) کی قیادت کے خلاف درج مقدمہ نمبر 3033/20کی تفتیش شروع کر دی ہے۔ سپیشل انویسٹی گیشن ٹیم نے اپنے TORsکے مطابق تفتیش کرتے ہوئے سب سے پہلے مقدمہ میں مدعی مقدمہ کا بیان قلم بند کیا ہے۔ اس کے بعد ایف آئی آر اور مدعی کے بیان کو مدِنظر رکھتے ہوئے سپیشل انویسٹی گیشن ٹیم نے 4 دفعات جو کہ ایف آئی آر کی تحریر سے مطابقت نہ رکھنے کی وجہ سے حذف کر دی ہیں۔ حذف ہونے والی دفعات کی تفصیل میں پاکستان کے خلاف پروپیگنڈا یا سازش کرنا ، ملکی سالمیت کے فیصلوں کی مذمت یا انکار کرنا ، برسراقتدارحکومتی قیادت پر دباو ڈالنا اور دو گروپوں کے درمیان تصادم کروانے کی کوشش کرنے کی دفعات شامل ہیں۔ سپیشل انویسٹی گیشن ٹیم ایف آئی آر، مدعی مقدمہ کا بیان اور دونوں ویڈیو بیانات کو دیکھنے کے بعد اس نتیجے پر پہنچی کہ مقدمے میں جن مبینہ ملزمان کے خلاف جن دو تقاریر کی تائید کرنے پر پرچے میں نامزد کیاگیا تھا۔

ان میں راجہ ظفر الحق، سردار ایاز صادق، شاہد خاقان عباسی، خرم دستگیر، سینٹر جنرل ریٹارڈ عبوالقیوم، سلیم ضیاء سندھ، اقبال ظفر جھگڑا، صلاح الدین ترمذی، مریم نواز شریف، احسن اقبال، شیخ آفتاب احمد، پرویز رشید، خواجہ آصف، رانا ثناء اللہ، بیگم نجمہ حمید، بیگم ذکیہ شاہ نواز، طارق رزاق چوہدری، سردار یعقوب نثار، نوابزادہ چنگیز مری، مفتاح اسماعیل، طارق فزاق چوہدری، محمد زبیر، عبدالقادر بلوچ، شزا فاطمہ خواجہ، مرتضیٰ جاوید عباسی، مہتاب عباسی، میاں جاوید لطیف، مریم اورنگزیب، عطااللہ تارڑ، چوہدری برجیس طاہر، چوہدری محمد جعفر اقبال، عظمیٰ بخاری، شائستہ پرویز ملک، سائرہ افضل تارڑ، بیگم عشرت اشرف، وحید عالم، راحیلہ دورانی بلوچستان، دانیال عزیز،راجہ فاروق حیدر، خواجہ سعدرفیق، امیر مقام اور عرفان صدیقی وغیرہ کے خلاف تائید کے مکمل شواہد نہ ہونے کے باعث ان کے خلاف قانونی کارروائی جاری نہ رکھنے کا فیصلہ کیا گیا ہے۔
مقدمے میں ابھی بھی آٹھ مزید دفعات تاحال موجود ہیں جن میں سازش کرنے ملک کے خلاف انتشار کا ماحول پیدا کرنا ، اور الیکٹرانک میڈیا کے ذریعے اپنے قریبی افراد اور عوام کو بلوے پر اکسانے کی دفعات شامل ہیں۔
یاد رہے کہ نواز شریف اور دیگر لیگی قیادت کے خلاف بغاوت کا مقدمہ لاہور کے تھانہ شاہدرہ میں درج ہے۔

سی سی پی او لاہور محمد عمر شیخ نے غفلت برتنے پر ایک اور تھانیدار کو گرفتار کروا دیا ہے۔

باغی ٹی وی کے ذرائع کے مطابق چوکی انچارج طارق شہید کمبوہ سب انسپکٹر ارشد کےخلاف تھانہ نواب ٹاؤن میں مقدمہ درج کر کے حوالات میں بند کروا دیا گیا ہے۔ سب انسپکٹر ارشد علی نے ایس او پیز کی خلاف ورزی کرتے ہوئے نجی ہوٹل میں ریڈ کیا تھا۔

سب انسپکٹر ارشد علی پر ہوٹل چیکنگ کے دوران طالبہ کو ہراساں کرنے کا بھی الزام تھا۔ واقعہ پر سی سی پی او لاہور نے نوٹس لیتے ہوئے انکوائری کو حکم دیا تھا۔ ایس پی صدر نے چوکی انچارج طارق شہید کمبوہ سب انسپکٹر ارشد کو انکوائری میں قصور وار ٹھہرایا۔ انکوائری آفیسر کی رپورٹ کی روشنی میں سب انسپکٹر کےخلاف 155 سی کا مقدمہ درج کر لیا گیا۔ سی سی پی او لاہور کا کہنا ہے کہ کسی بھی اہلکار کو قانون ہاتھ میں لینے کی اجازت نہیں۔ پولیس اپنے قانونی دائرہ میں رہ کر فرائض سرانجام دے۔

یاد رہے کہ دو روز قبل پولیس کے سب انسپکٹر نے اہلکاروں سمیت ہوٹل چیکنگ کے دوران لڑکی کو ہراساں کیا تھا۔ جس کی سی سی ٹی وی ویڈیو بھی منظر عام پر آئی اور خاتون نے بھی اپنے ساتھ ہونے والے واقعے پر ویڈیو بیان جاری کیا تھا۔

لاہور کے علاقے کاہنہ میں لڑکی کو تیزدھار آلے سے زخمی کرنے والا ملزم گرفتار کر لیا گیا ،ملزم نے شادی سے انکار پر کزن کو زخمی کر کے سڑک پر پھینک دیا تھا۔

پولیس کےمطابق عشرت نامی لڑکی اپنے کزن علی کےساتھ لاہورسے واپس قصور جاری تھی کہ کاہنہ کے علاقے میں دونوں کا شادی کے معاملے پر جھگڑاہوا توعلی نے بلیڈ مار کر عشرت کو زخمی کردیا اوراسے سڑک پر چھوڑ کرفرار ہوگیا ۔۔ دوسری طرف عینی شاہدین کا کہنا ہے کہ لڑکی درواز کھول کر چلتی گاڑی سے اتری تھی ،ملزم علی کیخلاف اقدام قتل اغواء اور چوری کی دفعات کے تحت مقدمہ درج تھا۔ یاد رہے کہ دو روز قبل کاہنہ میں خاتون شدید زخمی حالت میں پائی گئی۔ جس کے بعد پولیس نے خاتون کے بیان پر مقدمہ درج کیا تھا۔

میاں نواز شریف سمیت دیگر مسلم لیگ ن رہنمائوں کے خلاف تھانہ شاہدرہ میں غداری اور بغاوت کے مقدمے کا معاملہ
ذرائع کے مطابق آئی جی پنجاب انعام غنی کے حکم پر مقدمہ کی تفتیش کے لیے ایس پی سی آئی اے لاہور کی سربراہی میں 4 افسران پر مشتمل جوائنٹ انوسیٹی گیشن ٹیم تشکیل دے دی گئی ہے۔ جوائنٹ انویسٹی گیشن ٹیم کے سربراہ ایس پی سی آئی اے لاہور عاصم افتخار کمبوہ ہوں گے۔ جبکہ ڈی ایس پی شفیق آباد محمد غیاث ۔ انچارج سی آئی اے اقبال ٹائون انسپکٹر طارق الیاس کیانی اور انچارج انویسٹی گیشن شاہدرہ سب انسپکٹر شبیر اعوان شامل جے آئی ٹی میں شامل ہوں گے۔ جوائنٹ انویسٹی گیشن ٹیم نے مقدمہ کی تفتیش کا باقائدہ آغاز کردیا ہے۔
تھانہ شاہدرہ میں درج غداری اور بغاوت کے مقدمہ میں کوئی گرفتاری عمل میں نہیں لائی جاسکی۔ ملزمان کی گرفتاریوں کے حوالے سے سی سی پی او محمد عمر شیخ کی جانب سے لائحہ عمل دیا جائے گا۔ مقدمہ میں ملزمان کو شامل تفتیش بھی کیا جائے گا۔ جے آئی ٹی کی جانب سے ملزمان کی گرفتاریوں کے لیے کوئی چھاپے نہیں مارے گئے۔

پولیس میں بھی اب آرمڈ فورسز کی طرز پر کورٹ مارشل ہوگا۔
سی سی پی او لاہور کا پالیسنگ آف پولیس کےلئے بڑا فیصلہ، پولیس میں کورٹ مارشل کےلئے آئی جی پنجاب کو درخواست دے دی۔ سی سی پی او لاہور عمر شیخ نے آئی جی پنجاب کو پولیس میں کورٹ مارشل کےلئے درخواست کر دی۔ باغی ٹی وی کو ملنے والی تفصیلات کے مطابق خط میں آرمڈ فورسز میں کورٹ مارشل کی طرز پر پولیس میں بھی سزاء جزاء کا نظام متعارف کروانے کی درخواست کی گئی۔ خط میں لکھا گیا کہ پولیس میں بہترین ڈسپلن اور موثر سروس ڈلیوری کیلئے سخت سے سخت قوانین بنانا ہونگے۔ سی سی پی او لاہور نے خط میں آئی جی پنجاب سے درخواست کی کہ پچھلے پانچ سالوں کے ریکارڈ کے مطابق 25 سے 30 فیصد سے زائد نفری کو سزائیں دی گئی پولیس میں سزاؤں کے باوجود جوڈیشری، میڈیا، این جی اوز اور عوام الناس پولیس کے رویوں کی شکایات کرتے دیکھائی دیتے ہیں۔ سی سی پی او لاہور کا کہنا تھا کہ موجودہ قوانین کے تحت سزائیں دینے سے کوئی بہتری نہیں آرہی، پولیس کورٹ مارشل متعارف کروانے کا مقصد غفلت اور کوتاہی پر کوئی اہلکار و افسر دوبارہ نوکری پر کوئی بحال نہ ہو سکے۔ انصاف کی فراہمی اور سسٹم میں شفافیت کےلئے موجودہ قوانین میں کورٹ مارشل طرز کی ترامیم وقت کی اہم ضرورت ہے، پولیس کورٹ مارشل کو جلد از جلد نافذالعمل کیا جائے۔