Category: جرائم و حادثات

باغی ٹی وی کی رپورٹ کے مطابق لاہور انویسٹی گیشن پولیس لیاقت آبادنے 31سالہ نائلہ کے اندھے قتل کی واردات کو ٹریس کر کے مقتولہ کے سگے چچا کے بیٹے ملزم اعظم کو گرفتار کرکے آلہ قتل چاقو برآمد کر لیا ہے۔

تقریباً ایک ماہ قبل جواں سالہ لڑکی نائلہ کے اغواء کا مقدمہ تھانہ لیاقت آباد میں درج ہوا۔ سی سی پی او لاہور ذوالفقار حمیدنے اغواء کی واردات کا نوٹس لیتے ہوئے واقعہ میں ملوث ملزمان کی فوری گرفتاری کا حکم دیا۔ایس ایس پی انویسٹی گیشن لاہور ذیشان اصغر نے ایس پی ماڈل ٹاؤن انویسٹی گیشن اسد مظفر کی سربراہی میں انچارج انویسٹی گیشن لیاقت آباد سجاد رشید اور دیگر اہلکاروں پر مشتمل پولیس ٹیم تشکیل دی جس نے مختلف معلومات سمیت جدید ٹیکنالوجی کی مدد سے نائلہ کے سگے چچا زاد کزن اعظم کو قصور سے گرفتار کر کے شامل تفتیش کیا

جس نے دوران تفتیش انکشاف کیا کہ میری کزن نائلہ مجھ سے شادی کرنا چاہتی تھی لیکن گھر والے اس رشتے سے راضی نہیں تھے لہذاہم دونوں نے گھر سے بھاگ کر شادی کرنے کا منصوبہ بنایا۔نائلہ منصوبے کے مطابق گھر والوں کے راضی ہونے تک گزر بسر کے لیے نقدی اورطلائی زیورات وغیرہ اپنے گھر سے چوری کرکے ساتھ لے آئی۔

نائلہ کے پاس 14لاکھ روپے نقدی اور طلائی زیورات وغیرہ دیکھ کر میں لالچ میں آ گیا اور رقم ہتھیانے کے لیے میں نے اپنے دماغ میں نائلہ کو قتل کرنے کا منصوبہ تیار کر لیااور دھوکے سے نائلہ کو دیپالپور اوکاڑہ لے گیا جہاں کھیتوں میں لے جا کرچاقو کے پے در پے وار کر کے نائلہ کو قتل کر دیا اور نعش کو وہیں پھینکنے کے بعد نقدی اور طلائی زیورات وغیرہ لے کر کراچی فرار ہو گیا تھا۔قتل کی واردات میں ملوث ملزم اعظم کو گرفتار کر کے آلہ قتل چاقو برآمد کر لیا گیاہے۔ ڈی آئی جی انویسٹی گیشن لاہور شہزادہ سلطان نے اندھے قتل کی سنگین واردات ٹریس کرکے ملزم کو گرفتار کرنے پر پولیس ٹیم کے لیے تعریفی اسناد کا اعلان کیا ہے۔

باغی ٹی وی کی رپورٹ کے مطابق پنجاب کے ضلع راولپنڈی میں سگے بیٹے نے ماں پر بہیمانہ تشدد کیا ہے جس کی ویڈیو سوشل میڈیا پر وائرل ہو گئی ہے

سماجی رابطے کی ویب سائٹ ٹویٹر پر ایک صارف نے ٹویٹ کرتے ہوئے کہا کہ ابھی بس اس ویڈیو کو انسٹاگرام پر دیکھا جس نے مجھے ہلا کر رکھ دیا۔ یہ ایک بیٹا ہے جس نے اپنی ماںپر تشدد کیا،۔ ماں پر تشدد کرنے والے کو دنیا میں بھی سبق سکھایا جانا چاہئے۔ سبھی براہ کرم اس کو شیئر کریں تاکہ ماں کو انصاف مل سکے

Just saw this video on Instagram that shook me to my very core. That is a son beating his mother. HIS MOTHER. Akhiraat mein jo iska haal hoga, duniya mein bhi he should be taught a lesson. Everyone please share this so the mother and daughter can get justice. @HniaziISF pic.twitter.com/ZDOJQjKRUu

— Izzat Haroon Riaz (@izzatriaz) July 21, 2020

ویڈیو میں دیکھا جا سکتا ہے کہ نوجوان اپنی ماں پر بہیمانہ تشدد کر رہا ہے، خاتون زمین پر گر جاتی ہے پھر بھی اسکا بیٹا باز نہیں آتا اور تشدد کرتا رہتا ہے

ویڈیو سوشل میڈیا پر وائرل ہونے کے بعد سی پی او محمد احسن یونس نے واقعہ کا نوٹس لیتے ہوئے فوری طور پر مقدمہ درج کرنے اور ملزمان کو گرفتار کرنے کا حکم دیا،پولیس نے والدہ پر تشدد کرنے والے بیٹے ارسلان اور اسکی بیوی کے خلاف مقدمہ درج کر لیا گیا۔

ایس پی راول کا کہنا ہے کہ متاثرہ خاتون کا میڈیکل کروا لیا گیا ہے، قانون کے مطابق کارروائی کرتے ہوئے ملزمان کو گرفتار کیا جائے گا۔
رشتوں کا تقدس پامال کرنے اور خاتون پر بیہمانہ تشدد کرنے والے ملزمان کو قانون کے کٹہرے میں کھڑا کیا جائے گا۔

#ZoobiaMeer is step sister of my husband, she is telling a lie that we have forcefully signed registry. I am 6 month pregnant: #Bisma (The wife of Arsalan) pic.twitter.com/bo5DYZlL0g

— Showbiz & News (@ShowbizAndNewz) July 21, 2020

ارسلان کی بیوی کی ویڈیو سامنے آئی ہے جس میں اسکا کا کہنا تھا کہ یہ جو ہیش دیکھا ہے، زوبیہ امیر میری سوتیلی نند ہے، یہ پروپیگنڈہ کر رہے تھے، یہ گھر میرے خاوند کے نام ہے، وہ سب جھوٹ بول رہے تھے، میرے پاس سارے کاغذات ہیں،میرے خاوند کا نام محمد ارسلان ہے، اور گھر اسکے نام ہے، زوبیہ پروپیگنڈہ کروا رہی ہے اور وہ گھر لینا چاہتی ہے، میں اپنا ایڈریس بتاتی ہوں زوبیہ کو سٹیٹس اپ ڈیٹ کرنا نہیں آتا، ایک بچی جو مان کو بچائے گی یا ویڈیو بنائے گی، اگر ویڈیو بنائی ہے تو پوری کوئی نہیں دکھائی گئی، پوری ویڈیو زوبیہ نے بنائی اس نے ماں کو کیوں نہیں بچایا حالانکہ وہ اسکی بیٹی تھی، زوبیہ امیر کیمرہ سٹارت کر کے ویڈیو بناتی رہی، میں چھ ماہ کی حاملہ ہوں، مجھے انہوں نے مارا، پرائیویٹ پارٹس پر اٹیک کیا، میری بچی کو مارا

باغی ٹی وی کی رپورٹ کے مطابق پنجاب کے ضلع ساہیوال میں پولیس مقابلے میں دو ڈاکو ہلاک ہو گئے ہیں

ساہیوال سٹی سرکل تھانہ فرید ٹاؤن کے علاقہ میں پولیس اور ڈاکووں کے درمیان کراس فائرنگ ہوئی، فائرنگ کے تبادلہ سے 2ڈاکو ہلاک، ساتھی فرار ہو گئے، ترجمان پولیس کے مطابق جائے وقوعہ سے ناجائز اسلحہ بھی برآمد ہوا ہے

ترجمان پولیس کے مطابق چار پانچ ڈاکو 91اور 92 سکس آر کے درمیان سڑک پر درخت پھینک کر لوگوں کو لوٹ رہے تھے۔ ایس ایچ او فریدٹاون اور اسکی ٹیم بزریعہ 15 اطلاع پاکر وہاں پہنچے تو ڈاکوں نے پولیس پر فائرنگ کر دی۔ ہلاک ڈاکووں کی شناخت تاحال نہ ہوئی ہے۔فرار ہونے والے ڈاکوؤں کی تلاش جاری ہے

ڈی پی او ساہیوال کا کہنا ہے شہریوں کی جان و مال کی حفاظت کی خاطر ساہیوال پولیس کا ہر جوان اپنی جانوں کی پرواہ کیے بغیر کوشاں ہے.

ساہیوال پولیس کی کاروائی، چار قتل کر کے عوام میں خوف و ہراس پھیلانے والے ملزمان گرفتار

باغی ٹی وی کی رپورٹ کے مطابق پاکستان رینجرز (سندھ) نے انٹیلی جنس معلومات کی بنیاد پر کراچی کے علاقے فقیر کالونی سے مبینہ طور پر اغوا ہونے والے عقیل علی ولد گلریز اقبال نامی لڑکے کو بازیاب کر اکر والدین کے حوالے کر دیا۔

عقیل علی کو نوشہرہ خیبر پختون خواہ سے مبینہ طور پر اغوا کیا گیا تھا جس کی ایف آئی آر مغوی کے والدین نے ذیشان نامی دوست کے خلاف درج کروائی۔میڈیا رپورٹ کے مطابق عقیل علی کو اس کے دوست ذیشان نے مبینہ طور پر اغوا کیااور کراچی لے آئے۔

واقعہ کی اطلا ع ملتے ہی پاکستان رینجرز (سندھ) نے تحقیقات کے لئے خصوصی ٹیم تشکیل دی جس نے اغوا کے محرکات کا جائزہ لیتے ہو ئے ا نٹیلی جنس معلومات کی بنیاد پر بروقت کارروائی کرتے ہوئے فقیر کالونی سے عقیل علی کو بازیاب کراکر والدین کے حوالے کر دیا اور اغوا کارملزم ذیشان کو گرفتار کر کے پولیس کے حوالے کر دیا۔

لاک ڈاؤن ختم کیا جائے، شوہر کے دن رات ہمبستری سے تنگ خاتون کا مطالبہ

لاک ڈاؤن، فاقوں سے تنگ بھارتی شہریوں نے ترنگے کو پاؤں تلے روند ڈالا

کرونا مریض اہم، شادی پھر بھی ہو سکتی ہے، خاتون ڈاکٹر شادی چھوڑ کر ہسپتال پہنچ گئی

کرونا لاک ڈاؤن، رات میں بچوں نے کیا کام شروع کر دیا؟ والدین ہوئے پریشان

لاک ڈاؤن ہے تو کیا ہوا،شادی نہیں رک سکتی، دولہا دلہن نے ماسک پہن کے کر لی شادی

کوئی بھوکا نہ سوئے، مودی کے احمد آباد گجرات کے مندروں میں مسلمانوں نے کیا راشن تقسیم

خواجہ سراؤں نے دوستی کے بہانے نشہ دے کر نوجوان کا عضو خاص کاٹ دیا

ترجمان سندھ رینجرز نے عوام الناس سے اپیل ہے کہ ایسے عناصر کے بارے میں اطلاع فوری طور پر قریبی چیک پوسٹ، رینجرز ہیلپ لا ئن 1101، قریبی چیک پوسٹ یا رینجرز مددگار Whatsapp نمبر03479001111پر کال یا ایس ایم ایس کے ذریعے دیں۔آپ کا نام صیغہ راز میں رکھا جائے گا۔

غیرت کے نام پر جوڑا قتل،ورثا کا معاملہ دبانے کے بعد بھی پولیس کا ایکشن، 25 گرفتار

باغی ٹی وی کی رپورٹ کے مطابق پاکستان کوسٹ گارڈزکی اسمگلنگ کے خلاف مختلف کاروائیاں جاری ہیں

ترجمان کوسٹ گارڈ کے مطابق 21جولائی کو پاکستان کوسٹ گارڈزکو خفیہ ذرائع سے اطلاع ملی کہ سپرہائی وے (کراچی)، وند ر اور گوادر (بلوچستان) سے بھاری مقدار میں شراب،چرس، چھالیہ، ایرانی تیل اور متفرق اشیاء اسمگل ہونے کا خدشہ ہے۔ پاکستان کوسٹ گارڈز کے خفیہ ذرائع کی نشا ندہی کے مطابق پاکستان کوسٹ گارڈز کے علاقہ کمانڈرنے جوانوں کے ہمراہ موبائل گشت پارٹیاں ترتیب دیں اور مشکوک مقاما ت کی نگرانی شروع کر دی گئی۔

گزشتہ ایک ہفتے کے دوران مختلف جگہوں میں کی گئی کاروائیوں کی تفصیل سامنے آئی ہے.

ناکہ کھاری چیک پوسٹ پر ایک مسافر کو چ میں مسافر سے 5.7کلوگرام چرس برآمدکرکے گرفتار کرلیا گیا۔ جبکہ اسی طرح کی ایک اور کاروائی کے دوران مسافر کو چ میں سوار مسافر سے 04کلوگرام چرس برآمد کر کے گرفتار کر لیا گیا۔

ناکہ کھاری چیک پوسٹ سے 08 عدد مختلف گاڑیوں کی تلاشی کے دوران23,761 کلو گرام چھالیہ اور1,845پیکٹ انڈین گٹکا برآمد کر تے ہو ئے04افراد کو گرفتار کر لیا گیا ۔ وندر شہر کے قریب مختلف جگہوں پرغیر قانونی طور پر چھپایا گیا56,850لیٹر ایرانی ڈیزل برآمد کر لیا گیا۔

گوادر(بلوچستان) میں پلیری چیک پوسٹ پر نان کسٹم پیڈ کار کی تلاشی کے دوران 48بوتلیں شراب کی بر آمد کر تے ہوئے اسمگلر کو گرفتار کرلیا گیا۔ جبکہ ایک اور کاروائی کے دوران پاک ایران بارڈر پر دوران گشت 05عدد ٹرکو ں سے 77,500 لیٹر ایرانی پٹرول برآمدکرتے ہوئے 07افراد کو گرفتا ر کر لیاگیا۔

گوادر کے قریب پاک ایران باڈر سے15تارکین وطن کو گرفتارکیا گیاجو کہ تمام پاکستانی شہر ی ہیں اور غیر قانونی طورپر پاکستان سے بیرون ملک جانے کی کوشش کر رہے تھے۔ چوڑ جمالی (کراچی)سے دوران چیکنگ ٹرک سے بھوسے کے نیچے چھپائی گئی5,936کلو گرام چھالیہ برآمد کر تے ہو ئے 02افراد کو گرفتارکر لیا گیا۔

تمام اسمگل کی جانے والی منشیات،چھالیہ، 15عددگاڑیاں،16اسمگلرز اور15تارکین وطن کوپاکستان کوسٹ گارڈزنے اپنی تحویل میں لے لیا اور اسمگلرزکیخلاف مزید قانونی کاروائی جاری ہے۔ جبکہ 15تارکین وطن کو ابتدائی تفتیش کے بعد FIA کے حوالے کر دیاگیا۔ پکڑی جانے والی منشیات،چھالیہ اور گاڑیوں کی مالیت تقریباً11کروڑ10لاکھ62ہزار روپے کے لگ بھگ ہے۔

پاکستان کوسٹ گارڈز اس امر کا اعادہ کرتی ہے کہ مستقبل میں بھی اس طرح کی کاروائیاں تسلسل کے ساتھ جاری رہیں گی تا کہ وطنِ عزیز کو اس لعنت سے نجات دلائی جا سکے اور اس مقصد کے حصول کے لئے تمام دستیاب وسائل کو بھرپور طریقے سے بروئے کار لایا جائے گا۔

باغی ٹی وی کی رپورٹ کے مطابق غیرت کے نام پر قتل،ورثا نے واقعہ چھپایا ، پھر بھی پولیس پہنچ گئی،25 افراد کو گرفتار کر لیا

دریا خان کے نواحی علاقہ کاٹھ موڑ میں رہائش پذیر وانا کے قبیلے کاعلی داد جہانگیر اپنی رشتہ دار(ت) کے ساتھ مبینہ طور پر قابل اعتراض حالت میں پکڑا گیا تھا جس کے بعد اس خاتون کے خاوند ، بھائی اور والد نے چار دیگر ملز موں کے ہمراہ چھریوں کے پے در پے وار کر کے دونوں کو شدید زخمی کر دیا ،

اہلخانہ دونوں کو علاج کیلئے خفیہ طور پر ملتان لے جا رہے تھے کہ وہ راستہ میں ہی دم توڑ گئے ،مقتولین کے اہلخانہ نے باہمی رضا مندی سے معاملہ چھپا لیا ، خاتون کی تدفین بغیر پولیس کو اطلاع دئیے مقامی قبرستان میں کر دی گئی

اطلاع ملنے پر پولیس حرکت میں آئی، پولیس نے مقتول علی داد جہانگیر کی لاش دوران نماز جنازہ قبضہ میں لے کر پوسٹ مارٹم کے لئے ہسپتال منتقل کردی، چار افراد کے خلاف قتل جبکہ 25 نامزد اور 8 نامعلوم ملزموں کے خلاف خفیہ طور پر تدفین کا مقدمہ تھانہ صدر میں درج کیا گیا ہے ،

لاک ڈاؤن ختم کیا جائے، شوہر کے دن رات ہمبستری سے تنگ خاتون کا مطالبہ

لاک ڈاؤن، فاقوں سے تنگ بھارتی شہریوں نے ترنگے کو پاؤں تلے روند ڈالا

کرونا مریض اہم، شادی پھر بھی ہو سکتی ہے، خاتون ڈاکٹر شادی چھوڑ کر ہسپتال پہنچ گئی

کرونا لاک ڈاؤن، رات میں بچوں نے کیا کام شروع کر دیا؟ والدین ہوئے پریشان

لاک ڈاؤن ہے تو کیا ہوا،شادی نہیں رک سکتی، دولہا دلہن نے ماسک پہن کے کر لی شادی

کوئی بھوکا نہ سوئے، مودی کے احمد آباد گجرات کے مندروں میں مسلمانوں نے کیا راشن تقسیم

خواجہ سراؤں نے دوستی کے بہانے نشہ دے کر نوجوان کا عضو خاص کاٹ دیا

پولیس نے خاتون کی قبر کشائی کے لئے علاقہ مجسٹریٹ کو درخواست دے دی ہے ، مقتولین کا تعلق ایک ہی قبیلہ سلیمان خیل سے ہے او ر وہ قریبی رشتہ دار ہیں ،پولیس نے چھاپے مار کر 25 ملز موں کو گرفتار کر کے نا معلوم مقام پر منتقل کر دیا ہے ۔

پولیس کا کہنا ہے کہ جلد دیگر ملزمان کو بھی گرفتار کر لیا جائے گا