Category: جرائم و حادثات

کورونا وائرس کے خدشات،لاہور پولیس شہریوں کو نہر پر نہانے سے روکنے کے لئے ان ایکشن۔ شہریوں کے نہر پر نہانے پر سخت پابندی عائد ہے۔ ڈی آئی جی آپریشنز رائے بابر سعید کا کہنا ہے کہ شہری کورونا وباء کے پھیلاو کے پیش نظر حکومتی پابندی کی خلاف ورزی ہر گز نہ کریں۔ لاہور پولیس نہر پر نہانے پر پابندی کو یقینی بنانے کے لئے بھرپور ایکشن لے رہی ہے۔ پولیس کی خصوصی ٹیمیں نہر کے ساتھ ساتھ مسلسل پٹرولنگ کر رہی ہیں۔ کورونا وائرس کے پیش نظرنہر پر سماجی فاصلوں کی ایس او پیز پر عملدرامد بھی یقینی بنایا جارہا ہے۔ نہر پر نہانے والے افراد کے خلاف انسدادی کاروائی عمل میں لائی جا رہی ہے۔ نہر پر جمع ہونے والے شہریوں کو گھروں کو واپس بھیجا جا رہا ہے۔ نہر کے کسی حصے پر نہانے والے شہریوں کا کوئی رش نہیں ہے۔

لاہورانویسٹی گیشن پولیس برکی کی کارروائی۔ ڈکیتی اور چوری کی وارداتوں میں ملوث پٹھان راہزن چور گینگ کے 2 ملزمان گرفتار کر لیا گیا۔ پولیس کے مطابق ملزمان میں گروہ کا سرغنہ فیصل پٹھان اوراس کاساتھی شوکت شامل ہیں۔ گرفتارملزمان سے موٹر سائیکل،نقدی اور نا جا ئر اسلحہ برآمد کیا گیا۔ ملزمان کا شہر کے مختلف علاقوں میں متعددد واراتوں کا اعتراف کیا۔ انویسٹی گیشن پولیس برکی نے ملزمان کو جدید ٹیکنالوجی کی مدد سے گرفتار کیا۔ ایس پی کینٹ انویسٹی گیشن کیپٹن(ر)علی بن طارق کی طرف سے راہزن چور گینگ کی گرفتاری پر پولیس ٹیم کو شاباش دی۔

ایس پی سٹی رضاء صفدر کاظمی کی ہدایت پر پتنگ بازوں کیخلاف کریک ڈاون جاری۔ بادامی باغ اور رنگ محل پولیس کی کاروئی۔
بادامی باغ پولیس نے کاروائی کرتے ہوے محمد اویس’ اورحسیب نامی ملزمان جبکہ رنگ محل پولیس نے فیاض نامی ملزم کو گرفتار کر لیا۔ ملزمان کے قبضہ سے پتنگیں اور ڈور برآمد کیا گیا۔ ملزمان کیخلاف مقدمات درج تفتیش کا آغاز کر دیا گیا ہے۔ جبکہ پولیس کے مطابق شفیق آباد اور راوی روڑ پولیس نے بھی کاروائی کی۔ شفیق آباد پولیس نے کاروائی کرتے ہوے 6 جبکہ راوی روڑ پولیس نے 1 ملزم کو گرفتار کر لیا۔ ملزمان کے قبضہ سے پتنگیں اور ڈور برآمد کیا گیا۔ ملزمان کیخلاف مقدمات درج تفتیش کا آغاز کر دیا گیا ہے۔

ایس پی ماڈل ٹاؤن اعجاز رشید کی زیر نگرانی پولیس کا پتنگ فروشوں کیخلاف ایکشن جاری۔ کاہنہ پولیس کی کارروائی،پتنگ فروش گرفتار کر لیے گئے۔ قاسم نامی ملزم کے قبضہ سے 100پتنگیں،02 چرخیاں برآمد کی گئیں۔ ملزم دوسرے شہروں سے پتنگیں منگوا کر لاہور میں فروخت کرتا تھا، ملزم کے خلاف کائٹ فلائنگ ایکٹ کے تحت مقدمہ درج،مزید تحقیقات جاری ہیں۔ایس پی ماڈل ٹاؤن اعجاز رشید نے ایس ایچ او کاہنہ اور انکی ٹیم کو شاباش دی، پتنگ بازی کے خلاف زیرو ٹالرنس پالیسی پر عمل پیرا ہیں۔

ڈی آئی جی آپریشنز لاہوررائے بابر سعیدکی ہدایت۔ اقبال ٹاؤن ڈویژن پولیس کی جرائم پیشہ عناصر کے خلاف ہفتہ وار کارکردگی رپورٹ جاری ہے۔ اشتہاری و سنگین جرائم میں ملوث133ملزمان کو گرفتارکیاگیا۔ سنگین نوعیت کی وارداتوں میں ملوث ڈکیت گینگز کے 02ملزمان کو گرفتار کرکے ہزاروں روپے کا مال مسروقہ برآمد کیا گیا۔ ناجائز اسلحہ کے خلاف کاروائی کے دوران 08ملزمان کو گرفتار کیا گیا۔ ناجائز اسلحہ کے ملزمان سے08پسٹلزاوردرجنوں گولیاں برآمد کی گئیں۔ منشیات فروشوں کے خلاف کارروائی کرتے ہوئے 10ملزمان کو گرفتار کیا گیا۔ ملزمان کے قبضہ سے 05کلو390گرام چرس۔62بوتل شراب برآمد۔ مفرور اشتہاری۔عدالتی اشتہاریوں۔عادی مجرمان کے خلاف کاروائی کرتے ہوئے 40ملزمان کو گرفتار کیاگیا۔ قمار بازوں کے خلاف کاروائی کرتے ہوئے 16ملزمان کو گرفتار کرکے داؤ پر لگےہزاروں روپے برآمدکئے۔ پتنگ بازی۔ون ویلنگ، ہوائی فائرنگ ۔کرایہ دار ایکٹ,لاؤڈ سپیکر ,پرائس کنٹرول.شیشہ سموکنگ کی خلاف ورزی پر57ملزمان کوبھی گرفتار کیا گیا۔ ایس پی اقبال ٹاون کا کہنا ہے کہ جرائم کی شرح کو مزید کم کرنا اولین ترجیحات میں شامل ہے.

ٹریفک حادثے میں پنجاب پولیس کا ایس ایچ او جاں بحق، 5 افراد زخمی

باغی ٹی وی کی رپورٹ کے مطابق کلر کہار کے قریب رتہ موڑ کے قریب بس اور کار میں تصادم کے نیتجے میں ایس ایچ او جاں بحق جبکہ 5 افراد زخمی وہ گئے

کلرکہار اور بھون کے درمیان رتہ موڑ کے قریب راولپنڈی سے سرگودھا جانے والی نان اسٹاپ اعوان کوچ اور کار آمنے سامنے ٹکرا گئیں.ایس ایچ او تھانہ ڈھڈیال ملک اختر زمان حادثے میں موقع پرجاں بحق ہو گئے

اطلاع پر ریسکیو 1122 کی ٹیم موقع پر پہنچی،جنہوں نے زخمیوں‌ کو ہسپتال منتقل کیا،زخمیوں کو گاڑی کاٹ کر نکالا گیا زخمیوں کو ڈسٹرکٹ ہیڈ کوارٹر ہسپتال چکوال منتقل کر دیا گیا

کار XLI میں سوار ملک اختر زمان ولد محمد زمان جن کا تعلق محمکہ پولیس سے ہے اور ڈھڈیال تھانہ بطور SHO ڈیوٹی سر انجام دے رہے تھے موقع پر جانبحق ہو گئے، اس کے علاوہ کار میں ان کی فیملی کے مزید 5 افراد سوار تھے کار سرکلاں سے براستہ کلرکہار ڈھڈیال جا رہی تھی جبکہ بس سرگودھا جا رہی تھی

ڈیڈ باڈی اور 5 زخمی افراد کو ابتدائی طبی امداد مہیا کرنے کے بعد ڈسٹرکٹ ہیڈ کوارٹر ہسپتال چکوال منتقل کر دیا گیا

عید کے 2 روز میں پنجاب میں ٹریفک حادثات میں 27 اموات

عید کے 2 روز میں پنجاب میں ٹریفک حادثات میں 27 اموات

باغی ٹی وی کی رپورٹ کے مطابق پنجاب میں عید کے دو دنوں میں ٹریفک حادثات میں 27 افراد جان کی بازی ہار گئے

ڈی جی ریسکیو پنجاب ڈاکٹر رضوان نصیر کا کہنا ہے کہ پنجاب بھر میں ریسکیو نے عید کے دوسرے روز1349 روڈ ایکسیڈنٹ پہ ریسکیو سروس مہیا کی ، گزشتہ دو دنوں میں 27 افراد کی روڈ ایکسیڈنٹ میں موت واقع ہوئی۔ عید کے ایام میں ایکسیڈنٹ کی شرح تشویشناک ہے۔ ڈاکٹر رضوان نصیر

ڈی جی ریسکیو پنجاب کا کہنا تھا کہ عیدکے دوسرے دن پنجاب بھر 1349ایکسیڈنٹ پہ فوری ریسکیو سروس مہیا کی گئی،گزشتہ دن ایکسیڈنٹ سے1639لوگ زخمی، جبکہ13افرادکی موت واقع ھوئی۔ سب سے زیادہ 216 روڈ ایکسیڈنٹ صوبائی دارلحکومت لاہور میں ہوئے۔ لاہورمیں عید کے دوسرے روز216 ایکسیڈنٹ میں 255 لوگ زخمی ہوئے۔

ڈی جی ریسکیو کے مطابق گزشتہ 2 دنوں میں پنجاب بھر میں ریسکیو کنٹرول میں 2818 ایکسیڈنٹ رپورٹ ہوئے۔

پنجاب کے ریسکیو 1122 کے جاری اعدادوشمار کے مطابق عید کے پہلے روز ایک ہزار چار سو انہتر حادثے ہوئے، گاڑیوں کے تصادم میں چودہ افراد کی موت ہوئی جبکہ آٹھ سو اسی لوگ زخمی ہو کر ہسپتال پہنچ گئے۔

ڈی جی ریسکیو 1122 پنجاب ڈاکٹر رضوان نصیر کے مطابق عوام نے عید کے دوران حکومتی ہدایت پر عمل نہ کیا، جس کی وجہ سے ٹریفک حادثات ہوئے۔ انہوں نے تجویز دی کہ جو افراد ہسپتالوں میں گئے، ان کے کورونا ٹیسٹ بھی ہونے چاہیں۔

عید پر پکنک، میوزک اونچی آواز میں چلانے پر گولیاں چل گئیں، دو افراد جاں بحق

باغی ٹی وی کی رپورٹ کے مطابق عید پر پکنک کے لئے جانے والے افراد میں‌ جھگڑے سے دو افراد کی جان چلی گئی

گلگت کے علاقے نلتر بالامیں پکنک پرجانے والے دو گروپوں میں جھگڑے کے بعد فائرنگ ہوئی جس سے دو نوجوان جاں بحق ہوگئے۔

وزیراعلیٰ گلگت بلتستان حافظ حفیظ الرحمان نے واقعہ کا نوٹس لیتے ہوئے آئی جی پولیس سے رپورٹ طلب کرلی۔

گلگت میں پکنک کے دوران دوگروپوں میں اونچی آواز میں میوزک چلانے پر جھگڑا ہوا جس پر پتھراؤ اور فائرنگ کی گئی۔ فائرنگ سے فرجات حسین نامی نوجوان موقع پر ہی جاں بحق ہوگیا جب کہ سلیم عباس دوران علاج اسپتال میں دم توڑ گیا، دونوں نوجوانوں کا تعلق نلتر پائین سے ہے.

اطلاع پر پولیس موقع پر پہنچ گئی اور لاشوں کو پوسٹ مارٹم کے لئے ہسپتال منتقل کر دیا، پولیس نے مقدمہ درج کر کے تحقیقات کا آغاز کر دیا ہے دوسری جانب پولیس نے کچھ افراد کو گرفتار بھی کیا ہے جو جھگڑے میں ملوث تھے

گلگت کے وزیراعلٰی حافظ حفیظ الرحمان نے واقعہ کی رپورٹ طلب کر لی ہے

وانا میں سابقہ طالبان امن کمیٹی کمانڈر پر فائرنگ، بھائی جاں بحق، کمانڈر زخمی

باغی ٹی وی کی رپورٹ کے مطابق وانا میں امن کمیٹی کمانڈر پر فائرنگ، ایک جاں بحق ایک زخمی ہو گیا

اطلاعات کے مطابق سابقہ امن کمیٹی ملانذیرگروپ کے اہم کمانڈر تحصیل خان اشرف پر وانا اعظم ورسک روڈ ڈابکوٹ کے مقام پر نامعلوم افراد نے فائرنگ کی جس کی وجہ سے تحصیل خان اشرف زخمی اور انکا بھائی عبدالرحمان جاں بحق ہو گیا

سابقہ طالبان امن کمیٹی کمانڈر تحصیل خان پر نامعلوم کارسواروں نے ڈابکوٹ کے مقام پر فائرنگ کی گئی۔ اطلاع پر سیکورٹی ادارے موقع پر پہنچ گئے، لاش اور زخمی کو علاج کے لئے ہسپتال منتقل کر دیا گیا، ملزمان جائے واردات سے فرار ہو گئے

پولیس نے ملزمان کی گرفتاری کے لئے سرچ آپریشن شروع کر دیا ہے، علاقہ میں پولیس کا گشت بھی بڑھا دیا گیا ہے، پولیس کا کہنا ہے کہ جلد ملزمان کو گرفتار کر لیں گے