Category: جرائم و حادثات

کورونا ایمرجنسی صورتحال،رمضان المبارک کی 16 ویں تراویح
ڈی آئی جی آپریشنز رائے بابر سعید کا شہر کی مختلف مساجد کا دورہ کیا۔ رائے بابر سعید نے صدر اور ماڈل ٹاؤن ڈویژن کی مساجد کی سکیورٹی اور کورونا ایس او پیز پر عملدرامد کا جائزہ لیا۔ ڈی آئی جی آپریشنز نے جامعہ مسجد خلفائے راشدین، مسجد المدینة المنورہ، جامعہ مسجد الھدٰی کا دورہ کیا۔ رائے بابر سعید نے اتفاق مبارک مسجد،جمعة المنتظر اور جامعہ محمدیہ تجوید القران کا بھی دورہ کیا۔ ایس پیز،ڈی ایس پیزاور متعلقہ پولیس افسران نے ڈی آئی جی آپریشنزکو بریفنگ دی۔ ڈی آئی جی آپریشنز لاہور رائے بابر سعید نے ہدایت کی کہ مساجد سکیورٹی پر تعینات پولیس جوان انتہائی الرٹ ہو کر ڈیوٹی کریں۔ مشتبہ افراد پر کڑی نظر رکھیں،کسی بھی شخص کو بغیرچیکنگ مساجد میں داخل نہ ہونے دیں۔ انفورسمنٹ ٹیمیں اور مساجد انتظامیہ دوران تراویح 20 نکاتی ہدایات پر عملدرامد یقینی بنائیں۔ نمازی حضرات دوران عبادات سماجی فاصلے کی پابندی کریں، ماسک ،سینٹائزر لازمی استعمال کریں۔

ایس ایس پی آپریشنز فیصل شہزاد کی سروسز ہسپتال آمد۔
ایس ایس پی آپریشنز فیصل شہزاد نے سروسز ہسپتال میں زیر علاج ڈویژنل پبلک سکول کی سابق پرنسپل شہلا ملک کی عیادت کی۔ ایس ڈی پی او ماڈل ٹاؤن اے ایس پی آصف بہادر اور دیگر پولیس افسران ہمراہ تھے۔ ایس ایس پی فیصل شہزاد کی زیر علاج شہلا ملک کے صاحبزادے محمد علی سے بھی ملاقات کی۔ فیصل شہزاد نے محمد علی کو ان کی والدہ کے لئے لاہور پولیس کی طرف سے پھولوں کا گلدستہ پیش کیا۔ ایس ایس پی آپریشنز فیصل شہزاد نے محمد علی سے انکی والدہ کی خیریت دریافت کی۔ فیصل شہزاد کی شہلا ملک کی جلد صحت یابی کے لئے دعا اور نیک تمناوں کا اظہار کیا۔ ایس ایس پی آپریشنز کی شہلا ملک کو زخمی کرنے والے ملزم کی جلد از جلد گرفتاری کی یقین دہانی کروائی۔ ایس ایس پی آپریشنز لاہور نے ملزم کی گرفتاری کے لئے تمام وسائل اور پیشہ ورانہ صلاحیتیں بروئے کار لانے کی ہدایت کی۔
یاد رہے کہ ماڈل ٹاون کے علاقے میں اے ٹی ایم سے پیسے نکلوانے والی خاتون کو ڈاکووں نے فائرنگ کر کے زخمی کر دیا تھا۔ جس کے بعد خاتون ہسپتال میں زیر علاج ہے۔

ایس پی AVLS لاہور کی سربراہی میں اینٹی وہیکل لفٹنگ سٹاف سٹی ڈویژن کی کارروائی۔
موٹر سائیکل چھیننے اور چوری کی وارداتوں میں ملوث مٹھو گینگ کے 4ملزمان گرفتار کر لیا گیا۔ پولیس کے مطابق گرفتار ملزمان میں گروہ کامصنف فاضل عرف مٹھو اوراس کے ساتھی سعد نیازی، عمیر یعقوب اور امیر حمزہ شامل ہیں۔ ملزمان کے قبضہ سے12 لاکھ روپے سے زائد مالیت کی18 موٹرسائیکلیں، ماسٹر کیز اور ناجائزاسلحہ برآمد کیا گیا ہے۔ ملزمان نے شہر کے مختلف علاقوں میں موٹر سائیکلیں چھیننے اورچوری کی متعدد وارداتوں کا اعتراف کر لیا ہے۔ ڈی ایس پی AVLSسٹی محمد سلیم اللہ کی سربراہی میں پولیس ٹیم نے جدید ٹیکنالوجی کی مدد سے ملزمان کو گرفتار کیا ہے۔

کرپٹ عناصر کے خلاف اینٹی کرپشن نے کاروائیاں تیز کر دیں۔
اینٹی کرپشن لاھورریجن اے نے میٹرو اورنج لائن ٹرین کرپشن کا مرکزی ملزم گرفتار کر لیا۔ اینٹی کرپشن ذرائع کے مطابق میٹرو اورنج ٹرین میں کروڑوں کا گھپلا کرنے والا لینڈ ایکوزیشن کلکٹر صاحبزادہ محمود الحسن گرفتار کر لیا گیا ہے۔ کاشف جلیل ڈپٹی ڈائریکٹر کی سربراہی میں ٹیم نے ملزم کو گرفتار کیا۔ ملزم نے ضمیر اقبال نامی شخص کو جعلی فرد جاری کروا کر ایک کروڑ 72لاکھ روپے کی کرپشن کی۔ ملزم اینٹی کرپشن میں پیش ہونے سے گریزاں تھا۔ ملزم کو سائنسی تکنیک استعمال کرتے ہوئے گرفتار کیا گیا۔ ڈائریکٹر جنرل اینٹی کرپشن محمد گوہر نفیس نےکرپٹ عناصر کے خلاف کاروائیاں تیز کرنے کی ہدایت کردی۔

تاجروں کے وفد کی ڈی آئی جی آپریشنز رائے بابر سعید سے ملاقات۔صدر لاہور چیمبر آف کامرس اینڈ انڈسٹری عرفان اقبال شیخ اور صدر انجمن تاجران پاکستان خالد پرویز وفد میں شامل تھے۔ صدر انجمن تاجران لاہور مجاہد مقصود بٹ اور مرکزی سیکرٹری جنرل آل پاکستان انجمن تاجران محمد نعیم میر وفد میں شامل رہے۔ محمد علی میاں صدر پی ٹی اے، عمران بشیر، ملک امانت و دیگر تاجران بھی ملاقات میں موجود تھے۔ ایس پی سکیورٹی بلال ظفراور دیگرپولیس افسران نے ملاقات میں شرکت کی۔ وفد نے لاک ڈاؤن میں نرمی کے بعد مارکیٹوں میں کورونا ایس او پیز پر عملدرآمد بارے حکمت عملی پر غور کیا۔ ڈی آئی جی آپریشنز لاہور رائے بابر کا کہنا تھا کہ کورونا سے محفوظ معاشی سرگرمیوں کے فروغ میں تاجر برادری کا کلیدی کردار ہے۔ گاہکوں اور دکانداروں کو کورونا وائرس سے محفوظ رکھنے کیلئے حفاظتی تدابیر ضروری ہیں۔ کورونا کوڈ آف کنڈکٹ پر عملدرآمد کے ذریعے معاشی سرگرمیاں جاری رکھی جاسکتی ہیں۔ تھانوں کی سطح پر مارکیٹوں کے نمائندوں اورمقامی پولیس پر مبنی انفورسمنٹ کمیٹیاں تشکیل دی جائیں گی۔ تاجروں کے نمائندے مقامی پولیس کے ساتھ مل کر کورونا ایس او پیز پر انفورسمنٹ یقینی بنائیں گے۔ تاجر برادری نے کہا کہ محفوظ کاروباری ماحول یقینی بنانے کے لئے لاہور پولیس کے اقدامات کو مکمل تعاون فراہم کریں گے۔ مارکیٹس ایسوسی ایشنز اور یونینزگاہکوں اور دکانداروں کوکورونا ایس او پیز کی اہمیت سے آگاہ کریں۔ ڈی آئی جی آہریشنز لاہور نے ہدایت کی کہ تمام بازاروں کے داخلی وخارجی راستوں پر کورونا ایس او پیز پر مبنی فلیکس اور بینرز آویزاں کئے جائیں۔ دکان کے اندراور باہر سوشل ڈسٹینس، حفاظتی ماسک، سینیٹائررز کا استعمال یقینی بنایا جائے۔ تاجر برادری تمام سٹیک ہولڈرز کی مشاورت سے متفقہ ایس او پیز طے کر کے عملدرآمد یقینی بنائے۔ ایس ایچ اوز اپنے علاقوں کے بازاروں اور مارکیٹوں کے تاجروں سے میٹنگز کریں۔