Category: جرائم و حادثات

کراچی طیارہ حادثے میں جاں بحق افراد کے ڈی این کے لئے فرانزک ليب کو ريفرنس سيمپلز فراہم نہ کيے جاسکے۔
پنجاب فرانزک سائنس ليبارٹری زرائع کے مطابق ريفرنس سيمپلز فراہم کرنا سندھ حکومت کی ذمہ داری ہے۔ريفرنس سيمپلز ملنے پر چوبيس گھنٹوں ميں تمام افراد کی شناخت ہوسکتی ہے ،پی ایف ایس اے نے ہدایت کی ہے کے جاں بحق افراد کے ورثاء ريفرنس سيمپلز پنجاب فرانزک سائنس ليبارٹری کو بھجوائيں۔ابھي تک صرف خالد شیر دل کا ڈی این اے میچ کيا گیا،فرانزک ليبارٹری کے مطابق 51 ڈیڈ باڈیز کے بھی سیمپلز ڈی این اے ڈیٹا بیس میں شامل کرلئےگیے ہیں ۔

لاہور کے علاقے ڈیفنس میں دو بااثر خواتین کا گن مینوں کے ساتھ ماڈل عظمیٰ خان اور اس کی بہن پر تشدد۔ گھر میں گھس کر تشدد اور توڑ پھوڑ کرنے کی فوٹیج منظر عام پر آ گئی۔ متاثرہ ماڈل عظمیٰ خان نے تھانے میں درخواست دے دی۔ عظمی خان نے درخواست میں موقف اختیار کیا کہ بااثر خواتین عنبر ملک اور پشمینہ ملک نے 12 گن مینوں کے ساتھ تشدد کیا جو معروف بزنس مین ملک ریاض کی بیٹیاں ہیں۔ شیشے توڑ کر دونوں بہنوں کو کانچ پر چلایا گیا،دونوں زخمی ہیں۔پٹرول چھڑک کر آگ لگانے کی بھی کوشش کی۔ عظمی خان کا موقف ہے کہ طبی ملاحظے کی رپورٹ بھی پولیس کو دیدی،مقدمہ درج نہیں کیا جا رہا۔پولیس کا کہنا ہے کہ واقعہ کی تحقیقات جاری ہیں،مقدمہ درج کر لیا جائے گا۔ اس سے قبل ماڈل پر تشدد کی ویڈیو سوشل میڈیا پر وائرل ہوئی۔ جس پر لوگوں نے ملک ریاض کی بیٹی کو تنقید کا نشانہ بھی بنایا۔ اب پولیس کی جانب دیکھا جا رہا ہے کہ وہ اس معاملے میں کیا اہم اقدامات کرتی ہے۔

ایس پی اقبال ٹاؤن کیپٹن(ر)محمداجمل کی ہدایت پر منشیات فروشوں کے خلاف کاروائیاں جاری۔ ساندہ پولیس نے کاروائی کر کے منشیات فروش گرفتار کر لیے۔ پولیس کے مطابق بد نام زمانہ منشیات فروش حیدر گرفتار کیا گیا ہے۔ ملزم حیدر کے قبضہ سے 01کلو400گرام سے زائد چرس برآمد کی گئی ہے۔ جس کو وہ مختلف علاقوں میں فروخت کرتا تھا۔ ملزم کے خلاف مقدمہ درج کر لیا گیا ہے جبکہ ملزم سے مزید تفتیش کی جارہی ہے ۔ ایس پی اقبال ٹاون محمد اجمل کا کہنا ہے کہ جرائم پیشہ افراد کے خلاف بلا امتیاز کاروائیاں جاری رکھیں گے۔ منشیات فروشوں کے خلاف خصوصی کریک ڈاون کیا جا رہا ہے ۔

لاہور انویسٹی گیشن پولیس گارڈن ٹاؤن کی جرائم پیشہ عناصر کے خلاف کارروائیاں۔ چوری اور فراڈ کے مقدمات میں مطلوب 4 ملزمان گرفتار کر لیا گیا۔ پولیس کے مطابق گرفتار ملزمان میں محمد حنیف، عدنان، محمد اشرف اور شیخ افضل شامل ہیں۔ ملزم حنیف اور عدنان سے چوری شدہ موبائل فون اور نقدی برآمد کر لیا گیا ہے۔ گرفتاراشتہاری ملزمان اشرف اور شیخ افضل نے ایک سال قبل شہری سے 70لاکھ روپے کا فراڈ کیا تھا۔ انویسٹی گیشن پولیس گارڈن ٹاؤن نے ملزمان کومختلف معلومات سمیت جدید ٹیکنالوجی کی مددسے گرفتارکیا۔ ایس پی ماڈل ٹاؤن انویسٹی گیشن اسد مظفرکی طرف سے ملزمان کی گرفتاری پر پولیس ٹیم کو شاباش دی گئی۔

باغی ٹی وی کی رپورٹ کے مطابق چوری کے الزام میں بارہ سالہ بچے کو مار مار کر لہولہان کرنے والے مجرم چوبیس گھنٹے گزرنے کے بعد بھی گرفتار نہ ہوسکے

واقعہ پنجاب کے علاقہ دنیا پور میں پیش آیا جہاں درندہ صفت انسان چوہدری خالق شمیم نے معصوم بارہ سالہ ریحان والد محمدرمضان کو ہنٹر اور کیل نما ڈنڈہ جس پر لوہے کی کیل گلے ہوئے تھے اس سے تشدد کیا

https://twitter.com/Yousafdxb/status/1265210876401012742?s=08

دوران تشدد بچہ چیختا چلاتا رہا اور معافیاں مانگتا رہا لیکن ملزم کو ترس نہ آیا، ملزم نے 12 سالہ بچے پر الزام عائد کیا ہے کہ اس بچے نے بارہ ہزار روپے چرائے ہیں

اس افسوسناک واقعہ کا مقدمہ درج کر لیا گیا ہے ملزم کی گرفتاری کے لئے ریڈ کیے جا رہے ہیں جلد ملزم کو گرفتار کر لیا جائے گا. pic.twitter.com/OyNVGf10ec

— Punjab Police Official (@OfficialDPRPP) May 26, 2020

دوسری جانب پنجاب پولیس کا کہنا ہے کہ اس افسوسناک واقعہ کا مقدمہ درج کر لیا گیا ہے ملزم کی گرفتاری کے لئے ریڈ کیے جا رہے ہیں جلد ملزم کو گرفتار کر لیا جائے گا.

ملزموں کی عدم گرفتاری پر لواحقین نے احتجاج کرتے ہوئے کہا ہے کہ پولیس ہمیں انصاف دلوائے اور ملزموں کو گرفتار کرے، شہریوں کا کہنا تھا کہ اگر بچے نے چوری کی تھی تو اس کو قانون کے حوالے کرنا چاہئے تھا، بچے پر بہیمانہ تشدد کیا گیا اسلئے ملزم کو فوری گرفتار کر کے سز دی جائے.

لاہور میں وزیراعظم کے ترجمان ندیم افضل چن اور اس کے بھائی ایم پی اے گلریز افضل چن کے گھر چوری کی واردات۔ چوری کی واردات ان کی رہائش گاہ جوہر ٹاون واقعہ گھر میں ہوئی۔ چور گھر کے تالے توڑ کر اندر داخل ہوئے اور قیمتی سامان چوری کرکے فرار ہوگئے۔ اہل خانہ عید کی چھٹیوں میں اپنے آبائی علاقہ گئے تھے کہ واردات رونما ہوئی۔ پولیس نے قانونی کارروائی کرکے تفتیش شروع کر دی ہے۔ نواب ٹاون پولیس نے گلریز افضل چن کے ملازم زین کی درخواست پر مقدمہ درج کر لیا ہے۔ گھر میں صرف ملازم رہتا تھا اور گھر سے صرف 5 سوٹ چوری ہوئے ہیں۔ پولیس کا کہنا ہے کہ تفتیش شروع کر دی ہے جلد چور کو گرفتار کر لیا جائے گا۔

کورونا وائرس کے خدشات،لاہور پولیس شہریوں کو نہر پر نہانے سے روکنے کے لئے ان ایکشن۔ شہریوں کے نہر پر نہانے پر سخت پابندی عائد ہے۔ ڈی آئی جی آپریشنز رائے بابر سعید کا کہنا ہے کہ شہری کورونا وباء کے پھیلاو کے پیش نظر حکومتی پابندی کی خلاف ورزی ہر گز نہ کریں۔ لاہور پولیس نہر پر نہانے پر پابندی کو یقینی بنانے کے لئے بھرپور ایکشن لے رہی ہے۔ پولیس کی خصوصی ٹیمیں نہر کے ساتھ ساتھ مسلسل پٹرولنگ کر رہی ہیں۔ کورونا وائرس کے پیش نظرنہر پر سماجی فاصلوں کی ایس او پیز پر عملدرامد بھی یقینی بنایا جارہا ہے۔ نہر پر نہانے والے افراد کے خلاف انسدادی کاروائی عمل میں لائی جا رہی ہے۔ نہر پر جمع ہونے والے شہریوں کو گھروں کو واپس بھیجا جا رہا ہے۔ نہر کے کسی حصے پر نہانے والے شہریوں کا کوئی رش نہیں ہے۔

لاہورانویسٹی گیشن پولیس برکی کی کارروائی۔ ڈکیتی اور چوری کی وارداتوں میں ملوث پٹھان راہزن چور گینگ کے 2 ملزمان گرفتار کر لیا گیا۔ پولیس کے مطابق ملزمان میں گروہ کا سرغنہ فیصل پٹھان اوراس کاساتھی شوکت شامل ہیں۔ گرفتارملزمان سے موٹر سائیکل،نقدی اور نا جا ئر اسلحہ برآمد کیا گیا۔ ملزمان کا شہر کے مختلف علاقوں میں متعددد واراتوں کا اعتراف کیا۔ انویسٹی گیشن پولیس برکی نے ملزمان کو جدید ٹیکنالوجی کی مدد سے گرفتار کیا۔ ایس پی کینٹ انویسٹی گیشن کیپٹن(ر)علی بن طارق کی طرف سے راہزن چور گینگ کی گرفتاری پر پولیس ٹیم کو شاباش دی۔

ایس پی سٹی رضاء صفدر کاظمی کی ہدایت پر پتنگ بازوں کیخلاف کریک ڈاون جاری۔ بادامی باغ اور رنگ محل پولیس کی کاروئی۔
بادامی باغ پولیس نے کاروائی کرتے ہوے محمد اویس’ اورحسیب نامی ملزمان جبکہ رنگ محل پولیس نے فیاض نامی ملزم کو گرفتار کر لیا۔ ملزمان کے قبضہ سے پتنگیں اور ڈور برآمد کیا گیا۔ ملزمان کیخلاف مقدمات درج تفتیش کا آغاز کر دیا گیا ہے۔ جبکہ پولیس کے مطابق شفیق آباد اور راوی روڑ پولیس نے بھی کاروائی کی۔ شفیق آباد پولیس نے کاروائی کرتے ہوے 6 جبکہ راوی روڑ پولیس نے 1 ملزم کو گرفتار کر لیا۔ ملزمان کے قبضہ سے پتنگیں اور ڈور برآمد کیا گیا۔ ملزمان کیخلاف مقدمات درج تفتیش کا آغاز کر دیا گیا ہے۔