گجرات (طارق محمود سے) ضلع گجرات میں سرجیکل ماسک اور ہینڈ سینی ٹائزر مارکیٹ سے غائب، عوامی تکالیف سے فائدے اٹھانے والوں کے خلاف آپریشن کب ہو گا؟ تفصیلات کے مطابق عوامی شکایت پر نمائندہ باغی ٹی وی نے آج گجرات کے مختلف علاقوں میں جا کر 10 جنرل سٹور اور 10 میڈیکل سٹور چیک کئے اور سرجیکل ماسک کے ساتھ ہینڈ سینی ٹائزر خریدنے کی کوشش کی لیکن کہیں سے بھی مزکورہ بالا اشیاء نہ مل سکیں۔ وبائی مرض کرونا وائرس سے بچنے کے لیے حکومت سرجیکل ماسک اور ہینڈ سینی ٹائزر کا عوام کو مشورہ تو دے رہی ہے دوسری جانب مارکیٹ سے یہ دونوں اشیاء غائب ہیں جس سے ڈی سی گجرات اور دوسری ضلعی انتظامیہ کی گورنس کا پول کھل گیا ہے عوامی تکالیف سے فائدے اٹھانے والوں اور ان اشیاء کو مارکیٹ سے غائب کرنے والوں کے خلاف حکومتی آپریشن کب ہو گا اس کا جواب آنا باقی ہے۔
Category: جرائم و حادثات
-
لاہور میں خوفناک حادثہ،کارکی موٹرسائیکل سے ٹکر،40 سالہ شخص جاں بحق
لاہور:ڈیفنس کے علاقہ میں خوفناک حادثہ،کارکی موٹرسائیکل سے ٹکر،40 سالہ شخص جاں بحق،اطلاعات کےمطابق شہر میں شہر میں چوری و ڈکیتی کی وارداتوں کیساتھ ٹریفک حادثات کی شرح میں بھی اضافہ ہورہا ہے، ڈیفنس کے علاقہ میں تیز رفتار کار نے موٹر سائیکل سوار کو کچل ڈالا۔
تفصیلات کے مطابق ٹریفک حادثات کی سب سے بڑی وجہ تیزی رفتاری اور غیر محتاط ڈرائیونگ ہے، افسوسناک امر یہ ہے کہ پاکستان میں روڈ اینڈ سیفٹی ایکٹ موجود ہونے کے باوجود اس کا اطلاق نہیں کیا جاتا، اب تک کئی افراد ٹریفک حادثات کا شکار ہوکر اپنی قیمتی جانیں گنوابیٹھے ہیں اور بہت سے عارضی یا مستقل معذوری کا شکار ہوگئے ہیں۔
ڈیفنس فیز 6 میں لرزہ خیز ٹریفک حادثہ پیش آیا جہاں تیز رفتار کار نے موٹر سائیکل سوار کو روند دیا،جس سے موٹر سائیکل سوار جاں بحق ہوگیا،40 سالہ شخص عرفان موٹرسائیکل پر جا رہا تھا عقب سے آنےوالی کار نے ٹکر مار دی،عرفان کو تشویشناک حالت میں ہسپتال منتقل کیا گیا مگر جانبر نہ ہوسکا،حادثے کے بعد کار ڈرائیور موقع سے فرار ہوگیا،پولیس نے لاش تحویل میں لے کر مردہ خانہ جمع کرا دی۔
-
کار درخت سے ٹکرا گئی، 3 افراد جاں بحق، ایک زخمی
بہاولپور:کار درخت سے ٹکرا گئی، تین افراد جاں بحق ایک زخمی ، اطلاعات کےمطابق بہاولپور کے قریب خیرپور ٹامیوالی روڈ پر کار درخت سے ٹکرا گئی، حادثے میں 3 افراد جاں بحق، ایک شخص زخمی ہوا۔ حادثہ تیز رفتاری کے باعث پیش آیا۔
بہاولپور کے نواحی علاقہ خیر پور ٹامیوالی میں تیز رفتار کار بے قابو ہو کر درخت سے ٹکرا گئی جس کے نتیجہ میں خاتون سمیت 3 افراد موقع پر جاں بحق ہو گئے جبکہ 1 زخمی کو مقامی ہسپتال منتقل کر دیا گیا۔
افسوسناک حادثہ کھنڈ موڑ کے قریب اسوقت پیش آیا جب چشتیاں سے بہاولپور جانے والی تیز رفتار کار بے قابو ہو کر درخت سے جا ٹکرائی۔ پولیس نے موقع پر پہنچ کر شواہد اکٹھے کئے۔
-
شام میں بے گناہ کرونا سے نہیں امریکی میزائل حملوں سے مرنے لگے ، دیرالزور پر امریکہ کا حملہ
بیروت : شام میں بے گناہ کرونا سے نہیں امریکی میزائل حملوں سے مرنے لگے ، دیرالزور پر امریکہ کا حملہ،اطلاعات کےمطابق شام کے علاقے دیرالزور کی فوجی چھاونی پر امریکہ کے دہشتگرد فوجیوں کے حملے کی خبر دی ہے۔
العالم کی رپورٹ کے مطابق دیرالزور کے العمر تیل کی تنصیبات میں تعینات امریکہ کے دہشت گرد فوجیوں نے رات شام اور عراق کے سرحدی علاقوں میں فوجی مراکز پر میزائل اور توپوں کے گولوں سے حملہ کیا۔ ابھی تک ان حملوں سے ہونے والے جانی نقصان کے بارے میں کوئی رپورٹ سامنے نہیں آئی۔
لبنان کے ٹیلی ویژن چینل المیادین نے بھی رپورٹ دی ہے کہ امریکی جنگی طیاروں نے عراق اور شام کے سرحدی علاقے القائم پر پروازیں کی ہیں۔واضح رہے کہ امریکہ کے دہشتگرد فوجیوں نےجمعرات کو عراق کے صوبوں صلاح الدین، بابل، بصره، کربلا اور واسط میں عوامی رضاکار فورس الحشد الشعبی کےکئی مراکز پر حملہ کیا جس میں کئی عراقی شہید و زخمی ہوئے تھے۔
-
پی ایچ اے میں کروڑوں روپے مالیت کی بے ضابطگیاں ،بڑے بڑے افسران کے گرد گھیرا تنگ
لاہور:پی ایچ اے میں کروڑوں روپے مالیت کی بے ضابطگیاں ،بڑے بڑے افسران کے گرد گھیرا تنگ،باغی ٹی وی کےمطابق پی ایچ اے میں کرپشن کے ایک میگا سیکنڈل کی تحقیقات کا سلسلہ شروع ہوگیا ہے اوراس سلسلے میں بڑے بڑے نام سامنے آرہے ہیں
باغی ٹی وی کے مطابق پی ایچ اے میں کرڑوڑں روپے مالیت کی بے ضابطگیوں کے حوالے سے لاہورانٹی کرپشن نے سخت کاروائی کا فیصلہ کیا ہے، یہ بھی معلوم ہوا ہےکہ اینٹی کریشن لاہور نے تین ڈاریکٹر وں کو طلب کر کیا ان افسروں میں سابق ڈاریکٹر فنانس ندیم خاں ڈاریکٹر ہارٹیکچر محمد تحسین اور پروجیکٹ ڈاریکٹر باغ جناح محمد اختر شامل ہیں
شکایت گزار محمد جاوید کے مطابق ان افسروں نے پی ایچ اے میں کڑرورں روپے کی کرپشن کی ہے اور ٹھیکداروں کی ملی بھگت سے ادارے کو بہت نقصان پہنچا ہے جس پر اینٹی کرپشن نے ان افسروں کے خلاف تحقیقات کا آغاز کر دیا ہے
-
گجرات پولیس کا پتنگ بازوں کے خلاف آپریشن جاری، 6 افراد گرفتار
گجرات(طارق محمود سے )پولیس کا پتنگ بازوں کے خلاف آپریشن، 6پتنگ بازوں کو گرفتار کرکے مقدمہ درج کرلیا گیا ۔تفصیلات کے مطابق ڈی پی او گجرات سید توصیف حیدر کی ہدائیت پر ضلع بھر میں پتنگ بازوں کے خلاف خصوصی آپریشن "نو کائیٹ سیو لائف” جاری ہے۔ ڈی ایس پی سٹی رضاحسنین اعوان کی زیر نگرانی ایس ایچ او تھانہ لاری اڈہ انسپکٹر اعجاز احمد نے پولیس ٹیم کے ہمراہ پتنگ بازوں کے خلاف خصوصی آپریشن کرکے مختلف علاقوں میں پتنگ بازی کرنے والے چھ ملزمان کو گرفتار کرلیا۔پتنگ بازی کرنے والوں میں عامر بٹ،حمید اللہ،بلال عصمت،اشرف خان، عرفان اللہ،راحیل ریاض سکنائے گجرات شامل ہیں، جن کے قبضہ سے مجموعی طورپر 37پتنگیں اور دھاتی ڈوریں برآمد ہوئیں۔ ملزمان کے خلاف دفعہ 4کائیٹ فلائنگ ایکٹ کے تحت الگ الگ مقدمات درج کرلئے گئے۔
-
کے پی پولیس کی بربریت سامنے آگئی ، این اوسی نہ دکھانے پرمار مار کربچے کوجان سے ہی ماردیا ،اہل علاقہ کا احتجاج
باجوڑ:کے پی پولیس کی بربریت سامنے آگئی ، این اوسی نہ دکھانے پرمار مار کربچے کوجان ہی سے ماردیا ،اہل علاقہ کا احتجاج ،اطلاعات کےمطابق ضلع باجوڑ سے تعلق رکھنے والے راولپندی میں محنت کش کے گھر پرسوں پولیس نے گھر میں گھس کر این او سی مانگا۔ متعلقہ کاغذات تاخیر سے دکھانے کا بہانہ بناکر پر پولیس نے بچے کو زد و کوب کرنا شروع کیا
باغی ٹی وی ذرائع کےمطابق زدوکوب کرنے کے ساتھ ساتھ پولیس بچے کوگھسیٹ کر گھسیٹ کر تھانے لے جانے لگی جس پر لڑکے کی ماں نے آکر بچے کو چھوڑنے کی منت سماجت کی لیکن پولیس نے ان کی دل کی مریضہ ماں کو دھکہ دے کر گرا دیا اور ان کی موت واقع ہوگئی۔
آج راولپنڈی میں ان کے گھر گئے میرے ساتھ اس خاندان کے بزرگ اور باجوڑ سے تعلق رکھنے والے ڈاکٹر شیر شاہ صاحب ہیں۔ ان شاءاللہ متاترہ خاندان کیساتھ ہر صورت میں کھڑے ہیں عدالتوں میں بھی مقدمہ لڑینگے سڑکوں پر بھی ان مظلوموں کیلئے انصاف کی جنگ لڑینگے دھرنے بھی دینگے اور پولیس کے قاتلوں سے اس ظلم کا حساب لینگے۔ میں اور باجوڑ سے دوست عبداللہ نزیر ایڈوکیٹ اس پر کام کرینگے ہمارے ساتھ اسلام اباد اور راولپنڈی کی تمام وکلاء برادری بھی ہوگی۔
راولپنڈی میں باجوڑ دیر بنوں وزیرستان ڈیرہ سوات ہر جگہ سے یہ غریب محنت مزودری کیلئے آتے ہیں اور یہاں کی پولیس انہیں رشوت کیلئے مختلف بہانوں سے تنگ کرتی پھرتی ہے این او سی پر تو ان کی زندگی عذاب کردی ہے۔ این او سی کا غیرضروری سخت اور تھانوں میں رسوا کرنے والا طریقہ کار ان غریب گھرانوں کی بس کی بات ہی نہیں ہوتی۔
ہم کہتے ہیں پاکستانی شہریوں کیلئے این او سی کا حصول آسان بنایا جائے اور پولیس کی حرامزدگی روکی جائے۔ قاتلوں کی پھانسی چاہتے ہیں۔ ایک بار ملوث اہلکاروں ان کے ایس ایچ او، ڈی ایس پی، ڈی پی او کو لٹکا دیں پھر دیکھتے ہیں یہ کیسے ٹھیک نہیں ہوتے
-
کھاریاں: سوشل میڈیا پر فائرنگ کی ویڈیو اپلوڈ کرنے والے گروہ کا سرغنہ گرفتار
گجرات (طارق محمود سے)جی ٹی روڈ کھاریاں پر ہلڑ بازی اور ہوائی فائرنگ کرتے ہوئے ویڈیوسوشل میڈیا پراپلوڈ کرنے والے گروپ کا سرغنہ اسلحہ سمیت گرفتار۔ تفصیلات کے مطابق گجرات میں چند روز قبل سوشل میڈیا پر ایک ویڈیو وائرل ہوئی،جس میں کچھ طلباء مین شاہراہ پر ہلڑبازی اور ہوائی فائرنگ کر رہے تھے۔جس پر ڈی پی او گجرات سید توصیف حیدر نے ضلع بھر کے ایس ایچ او ز کو ایسے عناصر جو کہ طلباء یونین اور گروپس کی آڑ میں پر تشدد کاروائیوں اور ہلڑ بازی کے ذریعے عوام الناس کے لئے پریشانی کا باعث بنتے ہیں جبکہ معصوم طلباء کوورغلا کر گروپ بندی میں ملوث کر کے انکا مستقبل تباہ کرتے ہیں، انکے خلاف فوری کاروائی عمل میں لائیں۔اس سلسلہ میں ایس ایچ او تھانہ صدر کھاریاں SIمجاہد عباس نے اپنی ٹیم کے ہمراہ فوری کاروائی کرتے ہوئے GTروڈ پر ہوائی فائرنگ اور ہلڑبازی کرنے والے گروپ کے لیڈر حق نواز ولد رب نواز سکنہ کھاریاں کینٹ کو ٹریس کر کے اسلحہ سمیت گرفتار کر لیا۔دوران انٹیروگیشن ملزم نے اعتراف کیا کہ اس نے” پنجتنی پچانوے سرکار” کے نام سے ایک سٹوڈینٹ تنظیم بنا رکھی ہے اور ہلڑبازی وغیرہ میں ملوث ہے۔ ڈی پی او گجرات توصیف حیدر کا کہنا تھا کہ ہوائی فائرنگ ایک سنگین جرم ہے جو کہ قیمتی جانوں کے ضیاع کا باعث بنتا ہے۔ایسے عناصرکے خلاف سخت قانونی کاروائی عمل میں لائی جائے گی۔
-
منڈی بہاوالدین میں بڑی ڈکیتی
ایک اور بڑی ڈکیتی
رپورٹ (کاشف تنویرباغی نیوز منڈی بہاوالدین) تفصیلات کے مطابق ملک کریانہ سٹور واسو روڈ پر آج صبح دس بجے 4 نقاب پوش ڈاکو اسلحہ کے زور پر تین لاکھ روپے سے زیادہ کی رقم لوٹ کر فرار ہوگئے. منڈی بہاؤالدین میں ڈکیتی کی وارداتوں میں ہوشربا اضافہ ہو چکا ہے ہر روز کئی جگہ پر ڈکیتیاں اور چوریاں ہونا اب معمول بن چکا ہے. جس کی وجہ سے منڈی بہاؤالدین کی اکثر ایسوسی ایشنز بھی اب ڈی پی او ناصر سیال کے خلاف ہو چکی ہیں. -
سوات: پولیس اہلکار عمران خان کو نامعلوم افراد نے فائرنگ کرکے شہید کردیا
سوات:سوات: پولیس اہلکار عمران خان کو نامعلوم افراد نے فائرنگ کرکے شہید کردیاگیا،اطلاعات کے مطابق ہم نیوز کے بیوروچیف شیرین زادہ کے سیکورٹی پر مامور پولیس اہلکار عمران کو نامعلوم افراد نے فائرنگ کرکے شہید کردیاگیا۔
تفصیلات کے مطابق سوات میں ہم نیوز کے بیوروچیف شیرین زادہ کے سیکورٹی پر مامور پولیس اہلکار عمران خان کو نامعلوم افارد نے فائرنگ کرکے شہید کردیا ،عمران خان ہم نیوز کے رپورٹر شیرین زادہ کی ڈیوٹی پر تعینات تھے
پولیس ذرائع کے مطابق عمران ڈیوٹی سے فارغ ہوکر موٹرسائکل پر سوار ہوکرمینگورہ اپنے گھر ارہےتھے کہ کانجو میں نیشنل بنک کے قریب ان کو شہید کردیا گیا نامعلوم حملہ اور فائرنگ کے بعد فرار ہونے میں کامیاب ہوگئے