سرگودھا(عمیر ضیاء)تھانہ سٹیلائٹ ٹاؤن پولیس کی منشیات فروش کےخلاف کارروائی،گرفتارملزم کے قبضہ سے چرس1360گرام برآمدتفصیلات کے مطابق ڈسٹرکٹ پولیس آفیسرعمارہ اطہرکی ہدایت پرمنشیات فروشوں کے خلاف کارروائی کرتے ہوئے ایس ایچ او تھانہ سٹیلائٹ ٹاؤن سب انسپکٹر طارق عرفان نے اسسٹنٹ سب انسپکٹر زاہد اقبال پر مشتمل ٹیم کے ہمراہ چک نمبر51شمالی ریڈ کرکے ملزم غلام صفدر ولد محمد حیات قوم بھٹی سکنہ چک نمبر51شمالی کو منشیات فروخت کرتے ہوئے رنگے ہاتھوں گرفتارکرلیا ہے گرفتارملزم کے قبضہ سے چرس1360گرام ورقم وٹک 2100روپے برآمد کرکے منشیات فروشی کی دفعات کے تحت مقدمہ درج کرلیا گیا ہے مزید تفتیش جاری ہے۔
Category: جرائم و حادثات
-
سال 2020 کا پہلا چائلڈ پورنوگرافی کیس رجسٹرڈ،ملزم لڑکی کی آواز میں لڑکیوں سے کرتا تھا بات
سال 2020 کا پہلا چائلڈ پورنوگرافی کیس رجسٹرڈ،ملزم لڑکی کی آواز میں لڑکیوں سے کرتا تھا بات
باغی ٹی وی کی رپورٹ کے مطابق ایف آئی اے سائبر کرائم وینگ میں سال 2020 کا پہلا چائلڈ پورنوگرافی کیس رجسٹرڈ کر لیا گیا
ایف آئی اے نے کاروائی کرتے ہوئے ملزم محتسب عمر کو گرفتارکر کے ملزم کے قبضہ سے موبائل فون سے غیراخلاقی ویڈیوز برآمد کر لیں،گرفتار ملزم سوشل میڈیا پر خود کو لڑکی ظاہر کرکے دوسری کم عمر لڑکیوں سے باتیں کرتا تھا ،ملزم سوشل میڈیا پر جعلی آئی ڈی بنا کر لڑکیوں کی تصویریں منگوایا کرتا تھا بعد میں انہیں بلیک میل کیا کرتا تھا
ملزم کم عمر لڑکیوں کو بلیک میل کرنے کے لئے تصاویر ان کے رشتے داروں کو بھیجنے کی دھمکی دیا کرتا تھا ،گرفتار ملزم کے موبائل فون سے کی لڑکیوں کی غیر اخلاقی ویڈیوز اور تصویریں ملی ہیں ،ملزم کے موبائل فون میں جعلی آئی ڈی سوشل میڈیا کی ایکٹیو تھی
ملزم کے خلاف سائبر قوانین سیکشن بائیس کے تحت مقدمہ درج کیا گیا ہے ،سیکشن 22 میں نہ ہی ضمانت ہوسکتی ہے نہ ہی صلح ہو سکتی ہے ،کیس کی تفتیش ایف آئی اے انسپیکٹر سلیم رند کر رہے ہیں ،ملزم کو پی ای سی ایچ ایس سے گرفتار کیا گیا
فیس بک، ٹویٹر پاکستان کو جواب کیوں نہیں دیتے؟ ڈائریکٹر سائبر کرائم نے بریفنگ میں کیا انکشاف
-
شوہر کی بیوی سے انسانی ہاتھ پکانے کی فرمائش،بیوی دیکھ کربےہوش، خاوند کوپھربھی ترس نہ آیا
نئی دہلی: شوہر کی بیوی سے انسانی ہاتھ پکانے کی فرمائش،بیوی دیکھ کربےہوش، خاوند کوپھربھی ترس نہ آیا ،اطلاعات کےمطابق بھارت جہاں پر شوہر کی عجیب و غریب حرکت نے سب کو تشویش میں مبتلا کردیا کیونکہ اسں نے کھانے میں اپنی بیوی سے انسانی ہاتھ پکانے کی فرمائش کی تھی۔
بھارتی خبر رساں ادارے کے مطابق ریاست اتر پردیش کے گاؤں میں 32 سالہ سنجے گھر میں انسانی ہاتھ لے آیا اور اس نے رات کے کھانے میں اپنی بیوی سے انسانی ہاتھ پکانے کی فرمائش کی۔سنجے کی اہلیہ نے جیسے ہی انسانی ہاتھ دیکھا تو اس کی حالت غیر ہوگئی اور وہ بے ہوش ہوگئی۔ خوف کے باعث بے ہوش ہونے والی خاتون کو جیسے ہی ہوش آیا تو اس کا شوہر خود ہی کھانے میں انسانی ہاتھ بنا رہا تھا۔
خاتون فوراً گھر سے بھاگی اور اس نے گھر کے اندر ہی اپنے شوہر کو بند کردیا اور واقعے کے حوالے سے پولیس کو اطلاع کی۔پولیس کے مطابق جیسے ہی اس شخص کے گھر پر چھاپہ مارا گیا تو وہاں سے انسانی گوشت برآمد کیا گیا۔ مذکورہ شخص یہ گوشت اس مقام سے لایا تھا جہاں میتوں کو جلایا جاتا ہے۔
پولیس کا بتانا ہے کہ ابتدائی معلومات کے مطابق خاتون کا شوہر اس وقت نشے میں تھا اور اس کا دماغی توازن بھی درست نہیں۔
-
گھروں میں چھوٹے چھوٹےاختلافات بڑے بڑے سانحات کی شکل اختیارکرنےلگے، دلہا نےدلہن کو دسویں منزل سےدھکا دیکرقتل کردیا
قاہرہ: گھروں میں چھوٹے چھوٹےاختلافات بڑے بڑے سانحات کی شکل اختیارکرنےلگے، دلہا نےدلہن کو دسویں منزل سےدھکا دیکرقتل کردیا،اطلاعات کےمطابق مصر میں دلہا نے رخصتی کے دن دلہن کو دسویں منزل سے دھکا دیدیا جس کے نتیجے میں دلہن کی موت واقع ہوگئی۔
عرب میڈیا کے مطابق مصر کے ساحلی شہر اسکندریہ کی ایک عمارت کی نچلی منزل پر دلہن کی لاش پڑی تھی جس پر رہائشیوں نے پولیس کو اطلاع دی، پولیس نے لاش کو تحویل میں لیکر تفتیش کی تو دلہن کے قتل کا ذمہ دار کوئی اور نہیں بلکہ دولہا نکلا جس پر اُسے حراست میں لے لیا گیا۔
دوران تفتیش دلہا نے پولیس کو بتایا کہ ہم دونوں کے درمیان معمولی سی بات پر تکرار شروع ہوگئی جس پر میں غصے میں آگیا تو دلہن کو فلیٹ کی بالکونی سے دھکا دیدیا۔ مجھے اپنے کیے پر پشیمانی ہے لیکن منگنی سے لیکر رخصتی تک یہ ہر بات پر مجھ سے بحث کرتی آئی ہے۔
-
شاباش گجرات پولیس، کھاریاں سے کرونا کا دم کرنے والا جعلی پیر گرفتار
گجرات( طارق محمود سے) اس طرح تو ہوتا ہے اس طرح کے کاموں میں ,کرونا وائرس کا دم کرنے والا جعلی پیر گجرات پولیس نے گرفتار کرلیا ۔تفصیلات کے مطابق ڈی پی او توصیف حیدر کی ہدائیت پر گجرات پولیس نے کھاریاں کے علاقہ میں کرونا وائرس کا دم کرنے والا جعلی پیر گرفتار کرلیا۔ ایس ایچ او تھانہ صدر کھاریاں مجاہد عباس کو اطلاع موصول ہوئی تھی کہ ایک جعلی پیر موضع گنجہ میں کرونا وائر س کے دم کے نام پر شہریوں کو بیوقو ف بنا رہا ہے۔اطلاع ملتے ہی ایس ایچ او تھانہ صدر کھاریاں نے چھاپہ مار ٹیم تشکیل دے کر جعلی پیرعاشق حسین کوموضع گنجہ سے رنگے ہاتھوں گرفتار کرلیا۔ ملزم قبل ازیں مختلف قسم کے دم کرکے سادہ لوح لوگوں سے رقم بٹورتا تھا۔ اب اس نے کرونا وائرس کا دم بھی شروع کردیا تھا۔ جس کے خلاف تھانہ صدر کھاریاں میں مقدمہ درج کرکے مزید انٹیروگیشن شروع کردی گئی ہے۔ڈی پی او گجرات سید توصیف حیدر نے کہا ہے کہ جعلی پیروں اور عاملوں کے خلاف گجرات پولیس کا ضلع بھر میں خصوصی آپریشن جاری ہے۔اگر کسی بھی علاقہ میں ایسے جعلی پیر موجود ہوں تو اس کی اطلاع فوری طور پر پولیس کو دیں تاکہ انکے خلاف قانونی کاروائی عمل میں لاکر سادہ لوح لوگوں کو ان سے محفوظ رکھا جا سکے۔
-
افغانیوں کی لڑائی کرونا سے بھی خطرناک ، جس کا وائرس انتقام کی وجہ سے زندہ ، افغانستان میں 25 فوجی ہلاک کردیئے
کابل: افغانیوں کی لڑائی کرونا سے بھی خطرناک ، جس کا وائرس انتقام کی وجہ سے زندہ ، افغانستان میں اچانک 25 فوجی ہلاک،اطلاعات کے مطابق افغان فوج کی ایک چیک پوسٹ پر جنگجوؤں کے حملے میں 25 اہلکار ہلاک اور متعدد زخمی ہوگئے۔
عالمی خبر رساں ادارے کے مطابق افغانستان کے صوبے زابل میں واقع فوجی چیک پوسٹ پر طالبان جنگجوؤں نے حملہ کر دیا، حملہ آوروں کی مدد افغان پولیس میں موجود جنگجوؤں کے ہمدرد 6 اہلکاروں نے کی۔ ایک ہفتے میں اس طرز کی یہ دوسری بڑی کارروائی ہے۔
جنگجوؤں کے حملے میں 25 افغان فوجی اور پولیس اہلکار ہلاک اور متعدد زخمی ہوگئے اور چیک پوسٹ تباہ ہوگئی۔ طالبان کی جانب سے اس حملے کی تردید یا تصدیق نہیں کی گئی ہے تاہم کچھ عرصے سے طالبان نے اسی طریقے سے افغان سیکیورٹی فورسز کو نشانہ بنایا ہے۔
حملہ آور کامیاب کارروائی کے بعد افغان فوج کا اسلحہ اور دیگر جنگی ساز و سامان بھی اپنے ہمراہ لے گئے جب کہ جنگجوؤں کے مددگار 4 افغان پولیس اہلکار بھی حملہ آوروں کے ہمراہ چلے گئے جب کہ 2 مارے گئے۔
افغان طالبان اور امریکا کے درمیان امن معاہدے کے باوجود تاحال افغانستان میں امن قائم نہیں ہوسکا ہے جب کہ انٹرا افغان مذاکرات تاحال تعطل کا شکار ہیں۔ افغان صدر نے طالبان قیدیوں کی رہائی کو طول دیدیا ہے اور طالبان نے بھی افغان سیکیورٹی اہلکاروں کو نشانہ بنا رہے ہیں
-
چک پنڈی کا رہائشی گورنمنٹ سکول ٹیچر محمد بلال پرسرار طور پر لاپتہ، مقدمہ درج
Koگجرات(طارق محمود سے) چک پنڈی کا رہائشی گورنمنٹ سکول ٹیچر محمد بلال پرسرار طور پر لاپتہ، گمشدگی کا مقدمہ تھانہ کنجاہ میں درج تفصیلات کے مطابق گزشتہ روز دن 11 بجے سے گجرات کے نواحی علاقے چک پنڈی کا رہائشی گورنمنٹ سکول ٹیچر محمد بلال پرسرار طور پر لاپتہ ہے ان کے ورثاء کے مطابق محمد بلال دن 11 بجے بچے کے ساتھ گھر آیا اور دروازے پر اتار کر یہ کہہ کر کہیں گیا کہ میں ابھی آتا ہوں اس کے بعد سے محمد بلال کا فون بھی بند ہے اور اس کے بارے کسی بھی قسم کی کوئی معلومات نہیں ہیں محمد بلال کے ورثاء نے تھانہ کنجاہ میں اس پرسرار گمشدگی کا مقدمہ درج کروا دیا ہے۔ اور اپیل کی ہے کہ اگر کسی کو محمد بلال کے بارے میں کوئی اطلاع ہو تو فوری طور پر تھانہ کنجاہ میں رابطہ کرے۔
-
گجرات میں سادہ لوح شہریوں کو لوٹنے والا جعلی پیر چیلے سمیت گرفتار
گجرات (طارق محمود سے) پولیس نےدم کر نے کے بہانے سادہ لوح شہریوں کو لوٹنے والا جعلی پیر چیلے سمیت گرفتار کر لیا ۔تفصیلات کے مطابق پولیس کو اطلاع موصول ہوئی کہ تھانہ لارہ اڈہ کے علاقہ شادیوال روڈ پر محمد یوسف ولد محمد طفیل نامی جعلی پیر اپنے چیلے محمد ابراہیم ولد سردار محمد سادہ لوح لوگوں کو دم کرنے کے بہانے رقم بٹور رہا ہے۔جس پر ایس ایچ او لاری اڈہ انسپکٹر اعجاز احمد نے اپنی ٹیم کے ہمراہ فوری طور ریڈ کر کے جعلی پیر کو اسکے چیلے سمیت گرفتار کر لیا۔ دوران تفتیش ملزمان نے انکشاف کیا کہ وہ عرصہ دراز سے پیر ہونے کا ڈھونگ رچاہ کر جعلی تعویز اور دم کے ذریعے سادہ لوح لوگوں سے رقم بٹور رہے تھے۔اس موقع پر ڈی پی او گجرات سید توصیف حیدر کا کہنا تھا کہ جعلی پیروں اور عاملوں کے خلاف گجرات پولیس کی موثرکاروائیاں جاری ہیں۔اگر کسی بھی علاقہ میں ایسے جعلی پیر موجود ہیں اس کی اطلاع فوری طور پر پولیس کو دیں تاکہ انکے خلاف قانونی کاروائی عمل میں لاکر سادہ لوح لوگوں کو ان سے محفوظ رکھا جا سکے۔ عوام نے جعلی پیر کو بے نقاب کرنے پر تھانہ لاری اڈا پولیس کو خراج تحسین پیش کیا ہے
-
لالہ موسیٰ: مسجد میں کم عمر بچے سے ذیادتی کرنے والا درندہ صفت گرفتار
گجرات (طارق محمود سے)کم عمر بچے کے ساتھ مسجد میں زیادتی کرنے والا درندہ صفت گرفتار کرلیا گیا۔تفصیلات کے مطابق ڈی پی او گجرات توصیف حیدر کی ہدائت پر گجرات پولیس نے بروقت کارروائی کرکے کم عمر بچے کے ساتھ مسجد کے اندر زبردستی بدفعلی کرنے والا ملزم گرفتار کرلیا۔تھانہ صدر لالہ موسیٰ پولیس کو موضع نندوال کے رہائشی متاثرہ بچے کے والد نے اطلاع دی تھی کہ اس کا 8سالہ بچہ قرآن مجید کی تعلیم حاصل کرنے کے لئے معمول کے مطابق مقامی مسجد میں گیا ہوا تھا،جو کافی وقت گزرنے کے باوجود جب بچہ گھر واپس نہ آیا تو ہمیں فکر لاحق ہوئی۔ جس پرمیں نے جب مسجد میں جاکر دیکھا تو ملزم انعام اللہ ولد احسان اللہ ساکن نندووال بچے کے ساتھ زبردستی بدفعلی کر رہا تھا۔اس اطلاع پر ڈی ایس پی لالہ موسیٰ سرکل ریاض الحق کی زیر نگرانی ایس ایچ او تھانہ صدر لالہ موسیٰ فراست اللہ نے فوری نامز د ملزم کے خلاف زیر دفعہ 377تعزیرات پاکستان مقدمہ درج کرلیا اور اس گھناؤنے فعل میں ملوث ملزم کو چند گھنٹو ں کے اندر گرفتار کرلیا۔ جس کی مزید تفتیش جاری ہے.
-
علامہ ناصر مدنی پر تشدد اور اغواء کرنے والے 4 ملزمان گرفتار
گجرات (طارق محمود سے) علامہ ناصر مدنی کے اغواء اور تشد د کرنے والوں کو گجرات 4مرکزی ملزمان کو جدید آتشیں اسلحہ سمیت گرفتار کر لیا ۔تفصیلات کے مطابق گزشتہ رات ملک کے معروف مقرر علامہ ناصر مدنی نے لاہور میں ایک پریس کانفرنس کرتے ہوئے انکشاف کیا ہے تھانہ کھاریاں کے علاقہ میں چند اشخاص نے انہیں مدعو کر نے کے بعد اغواء کر لیا اور بد ترین تشد د کا نشانہ بنایا۔وقوعہ کی اطلاع پر ڈی پی او گجرات توصیف حیدر نے فوری طور پر ڈی ایس پی کھاریاں سرکل اسد اسحاق کی زیر نگرانی، ایس ایچ او تھانہ صدر کھاریاں SIمجاہد عباس اور دیگر پولیس ملازمان پر مشتمل ایک خصوصی ٹیم تشکیل دیکر انہیں وقوعہ کے اصل حقائق اور وقوعہ میں ملوث ملزمان کو فوری گرفتار کرنے کے احکامات جاری کئے۔ جس پر ایس ایچ او تھانہ صدر کھاریاں مجاہد عباس نے اپنی ٹیم کے ہمراہ کاروائی کا آغاز کیا اور ملزمان کی CCTVفوٹیج حاصل کی اور جدید سائنسی ٹیکنالوجی اور پیشہ وارنہ صلاحیتوں کو بروئے کار لاتے ہوئے ملزمان کی شناخت کرنے کے بعد انتہائی مختصر وقت میں وقوعہ میں ملوث 4مرکزی ملزمان جن میں غلام ربانی ولد محمد الیاس 2۔ علی عباس ولد محمد الیاس ساکنائے دھوریہ3۔ناظم حسین ولد غلام قادر سکنہ گھنسیہ 4۔ آصف اقبال ولد محمد نور سکنہ ملکووال ضلع منڈی بہاوالدین شامل ہیں کو گرفتار کر لیا،ملزمان کے قبضہ جدید آتشیں اسلحہ کلاشکوف، رائفل 222بور، پسٹل 30بور اور بڑی تعداد میں روندبھی برآمد کر لئے گئے۔یاد رہے کہ ملزمان کے خلاف تھانہ مزنگ لاہور میں مقدمہ درج ہوا تھا جن کی مزید تفتیش اور کاروائی کے لئے ملزمان کو لاہور پولیس کے حوالے کیا جائے گا.