Category: جرائم و حادثات

اوچ شریف: اوچ شریف: روٹھی بہن کو منانے جانیوالا دلہا خود ہی روٹھ گیا ،شادی کے روز ٹریفک حادثے میں جاں بحق،اطلاعات کےمطابق روٹھی بہن کو منانے جانے والا دلہا شادی کے روز ہی ٹریفک حادثے میں جاں بحق ہو گیا، شادی کی خوشیوں میں مصروف گھر میں کہرام مچ گیا، نوجوان کی آج شام کو بارات جانی تھی، والدین رشتہ دار غم سے نڈھال ہو گئے۔

اوچ شریف میں شادی کے روز ہی 22 سالہ دلہا ٹریفک حادثہ میں جاں بحق ہو گیا ہے، نواحی علاقہ بستی بھین کے نوجوان محمد یوسف کی آج شام کو بارات تھی، بہن اور بہنوئی روٹھ کر شادی میں آنے سے انکاری تھے جنھیں منانے کے لئے دلہا انکے گھر موٹر سائیکل پر جا رہا تھا کہ راستے میں ٹرالر کی ٹکر سے جاں بحق ہو گیا، ٹرالر ڈرائیور جائے حادثہ سے فرار ہو گیا۔

شادی کے روز دلہا جاں بحق ہونے پر خوشیوں میں مصروف خاندان میں کہرام مچ گیا۔ باراتی رشتہ دار اور والدین دلہا کے جاں بحق ہونے پر غم سے نڈھال ہیں۔دوسری طرف بہن بھی غم سے نڈھال ہے اوراپنی ناراضگی پراپنے آپ کو کوس رہی ہے،

تلنگانہ : گاڑی نہر میں جاگری، تین افراد ہلاک،مرنے والے کون ؟ خبرنے سب کوغمگین کردیا ،ایک ہفتے کے دوران تیسری کار نہر میں جاگری، جس کے نتیجے میں تین افراد ڈوب پر ہلاک ہوگئے۔تفصیلات کے مطابق بھارت کی ریاست تلنگانہ کے ضلع کریم نگر میں یہ حادثہ پیش آیا جس کے نتیجے میں تین افراد اپنی جان سے ہاتھ دھو بیٹھے۔

پولیس اور ریسکیو نے گاڑی میں موجود جوڑے اور لڑکی کو مردہ حالت میں نہر سے نکالا، جبکہ ایک گھنٹے کی جدوجہد کے بعد نہر سے تباہ شدہ گاڑی کو بھی نکال لیا گیا۔یاد رہے کہ اس سے قبل 16 فروری کو بھی ایک گاڑی کو نہر سے برآمد کیا گیا تھا، یہ گاڑی سرنائیگوڈیم گاؤں کے باپ مدھو، بیٹا متیسیگیری کی تھی جو جمعے کی شام قریبی گاؤں گئے تھے اور رات گئے تک واپس نہیں لوٹے تھے۔

شوہر اور بیٹے کے گھر نہ لوٹنے پر اہلیہ نے اگلی صبح پولیس اسٹیشن میں شکایت درج کرائی جس کے بعد پولیس نے کارروائی کرتے ہوئے نہر سے باپ اور بیٹے کی لاش برآمد کی تھی۔واضح رہےکہ 17 فروری کو بھی ایسا ہی ایک حادثہ پیش آیا تھا جس میں ٹی ایس آر پارٹی کے قانون ساز منوہر کی بہن رادھا اور بہنوئی ستیانارائن بیٹی سمیت نہر میں ڈوب گئے تھے، ان کی گاڑی کو بوسیدہ حالت میں کاکٹیہ نہر سے نکالا گیا تھا

ممبئی: ہولناک موت، خاتون کو پیٹرول چھڑک جلا دیا گیا ، حکومت کی خاموشی ، عوام کا بھرپوراحتجاج ،اطلاعات کےمطابق بھارتی میڈیا کی رپورٹ کے مطابق خاتون کی موت معمہ بن چکی ہے، پولیس کا کہنا ہے کہ یہ واقعہ ممبئی میں پیش آیا جہاں ایک خاتون کا جلا ہوا جسم اسپتال لایا گیا تاہم اب تک یہ واضح نہیں ہوسکا کہ اس نے خود کشی کی یاپھر کسی نے اسے جلایا۔ تاہم خاتون زندگی اور موت کی جنگ لڑتے ہوئے ہلاک ہوگئی۔

پولیس کے مطابق ذاتی جھگڑے کے باعث خاتون اور اس کا دوست آپس میں لڑ رہے تھے اس دوران خاتون کے ہاتھ میں پیٹرول کی بوتل اور ماچس کی ڈبیا بھی تھی۔ دریں اثنا خاتون نے پیٹرول اپنے جسم پر چھڑک لیا۔

پولیس حکام نے بتایا کہ اس معاملے کو دیکھتے ہوئے ردعمل میں شوہر نے ماچس کی ڈبیا چھین کر تیلی جلائی اور خود کو آگ لگانے کی دھمکی دی، لیکن بدقسمتی سے حادثاتی طور پر خاتون جل گئی کیوں کہ اس کا جسم پیٹرول سے بھیگا ہوا تھا۔

واقعے کے بعد پولیس نے کارروائی کرتے ہوئے عورت کے دوست کو گرفتار کرلیا۔ اس حادثے میں خاتون کا جسم 67 فیصد جل چکا تھا تاہم اسپتال میں زندگی اور موت کی جنگ لڑتے ہوئے بالاآخر ہلاک ہوگئی۔یہ بھی معلوم ہوا ہے کہ اہل علاقہ نے متعلقہ حکام کی طرف سے تعاون نہ کرنے پرشدید غصے اورغم کا اظہار کیا ہے ، اوراحتجاجی مظاہرے بھی کئے ہیں‌

واش روم میں کیمرہ لگا کر طالبات کی ویڈیوز بنانیوالے پروفیسر کو عدالت نے کیا سنائی سزا؟
باغی ٹی وی کی رپورٹ کے مطابق عدالت کا انوکھا انصاف سامنے آیا ہے، واش روم میں کیمرہ لگا کر طالبات کی ویڈیو بنانے والے پروفیسر کو عدالت نے رہا کر دیا جس پر طالبات نے احتجاج کیا ہے

واقعہ بھارت میں پیش آیا جہاں پولیس نے آئی آئی ٹی مدراس کے ایک اسسٹنٹ پروفیسر کو گرفتار کیا ہے، اس پر الزام عائد ہے کہ اس نے مبینہ طور پر کیمپس کے خواتین کے واش روم کے اندر ایک موبائل فون چھپا رکھا تھا جس کی ریکارڈنگ آن تھی

30 سالہ پی ایچ ڈی کی طالبہ جب واش روم گئی تو اسے شک ہوا کہ یہاں کیمرہ ہے، اس نے غور کیا تو وہاں موبائل فون چھپایا گیا تھا جس کا کیمرہ آن تھا،طالبہ نے شکایت درج کروائی جس کے بعد تحقیقات شروع ہوئی اور پولیس نے اسسٹنٹ پروفیسر کو گرفتار کر لیا

پولیس کا ریسٹورنٹ پر چھاپہ، 30 سے زائد نوجوان لڑکے لڑکیاں گرفتار

واٹس ایپ پر محبوبہ کی ناراضگی،نوجوان نے کیا قدم اٹھا لیا؟

غیرت کے نام پر سنگدل باپ نے 15 سالہ بیٹی کو قتل کر دیا

بیوی طلاق لینے عدالت پہنچ گئی، کہا شادی کو تین سال ہو گئے، شوہر نہیں کرتا یہ "کام”

50 ہزار میں بچہ فروخت کرنے والی ماں گرفتار

ایم بی اے کی طالبہ کو ہراساں کرنا ساتھی طالب علم کو مہنگا پڑ گیا

فحاشی کے اڈے پر چھاپہ، پولیس کو ملیں صرف خواتین ،پولیس نے کیا کام سرانجام دیا؟

جادو سیکھنے کے چکر میں بھائی کے بعد ملزم نے کس کو قتل کروا دیا؟

موبائل سے کافی طالبات کی ویڈیوز ملیں جس پر طالبات کے والدین نے پروفیسر کے خلاف احتجاج کرتے ہوئے کڑی سزا دینے کا مطالبہ کیا ، پروفیسر کو پولیس نے عدالت میں پیش کیا، جہاں پہلی سماعت پر ہی عدالت نے پروفیسر کو ضمانت پر رہا کر دیا، طالبات اور ان کے والدین نے پروفیسر کی رہائی پر شدید احتجاج کیا ہے

پولیس کی بڑی کاروائی، 33 مرد، 5 خواتین گرفتار، جرم کیا ، جان کر سب دنگ رہ گئے

باغی ٹی وی کی رپورٹ کے مطابق شاد کی تقریب پر چھاپہ مار کر پولیس نے کی بڑی کاروائی کی، 33 مرد اور 5 خواتین کو گرفتار کر لیا

ہوائی فائرنگ /آتش بازی/ میرج فنکشن ایکٹ کی خلاف ورزی پر کارروائی33 مرد اور 5 ڈانسر عورتیں گرفتارکر لئے گئے ۔ ڈسٹرکٹ پولیس آفیسر ٹوبہ ٹیک سنگھ وقار قریشی کے حکم پر ایس ایچ او تھانہ رجانہ انسپکٹر محمداختر سعیدمعہ رفاقت علی اے ایس آئی و ملازمان پولیس نے مخبر کی اطلاع پر چک نمبر269گ ب میں سعید احمد ولد محمد نواز قوم کھتران کی شادی میں مہندی کی تقریب پر ریڈ کیا

جہاں پر 5 ڈانسر عورتیں گھر کے سامنے بازار شارع عام میں نیم برہنہ کپڑے پہن کر ڈانس کر رہیں تھیں چند لوگ ہوائی فائرنگ کر رہے تھے جبکہ کچھ لوگ ڈانسر عورتوں کے ساتھ فحش حرکات کر رہے تھے اور ان پر پیسے نچھاور کرنے میں مصروف تھے۔

ایس ایچ او تھانہ رجانہ انسپکٹر محمد اختر سعید و ملازمان پولیس نے فوری طور پر کاروائی کرتے ہوئے 33کس مردوں اور بذریعہ لیڈی کانسٹیبل5کس ڈانسر عورتوں کو شارع عام پر فحش ڈانس،ہوائی فائرنگ،اور فحش قسم کی حرکات کر کے لوگوں کے جذبات مجروح کرنے پر رنگے ہاتھوں قابو کیا جن کے قبضہ سے2عدد سپیکر،ایک عدد مکسچر،سٹیبلائزر، موبائل فون،چلی ہوئی گولیوں کے خول، جبکہ نچھاور کی گئی رقم مبلغ 16000روپے برآمد ہوئی جن پر مقدمہ درج رجسٹر کر کے حسب ضابطہ کاروائی عمل میں لائی جا رہی ہے ۔

پشاور:پاکستان کے لیے خوشی کی خبر کے بعد حادثے کی خبر نے سب کو غمگین کردیا بونیر میں ماربل کا پہاڑ توڑتے ہوئے چٹان مزدوروں پر آگری، 9 افراد جاں بحق ،اطلاعات کےمطابق بونیر کے علاقے بامپوخہ میں ماربل کا پہاڑ توڑتے ہوئے مزدوروں پر چٹان آ گری جس کے نتیجے میں 9 افراد افراد جاں بحق اور متعدد زخمی ہوگئے۔

پولیس کے مطابق خیبرپختونخوا کے ضلع بونیر کے علاقے بامپوخہ میں ماربل کا پہاڑ توڑنے کا کام جاری تھا کہ ایک چٹان نیچے مزدوروں پر آگری۔ چٹان مزدوروں پر گرنے سے کئی افراد ملبے تلے دب گئے جن میں سے 9 افراد کی لاشیں نکالی جاچکی ہیں۔ واقعے میں 5 مزدور زخمی بھی ہوئے ہیں جنہیں طبی امداد کے لیے ضلعی اسپتال منتقل کردیا گیا ہے۔

واقعے کے بعد کئی افراد کے ملبے تلے دبے ہونے کا خدشہ ہے جن کو نکالنے کے لیے آپریشن جاری ہے جبکہ دیگر اضلاع سے بھی ریسکیو ٹیموں کو متاثرہ علاقے میں امدادی سرگرمیوں میں حصہ لینے کے لیے روانہ کردیا گیا ہے۔

یاد رہے کہ اس سے پہلے پاکستان میں‌آج پی ایس ایل کے میچزجیتنے پرپاکستانیوں میں بہت زیادہ خوشی پائی جارہی تھی ، لیکن دوسری طرف بونیر میں بہت بڑے حادثے کی وجہ سے اس وقت قوم سخت پریشان ہے