Category: جرائم و حادثات

کراچی:پہلے یاری پھرمکاری،آشناکوقتل کرنےوالی نے عجیب کہانی سنادی،اطلاعات کےمطابق کراچی کے علاقے ملیر سے 9 روز قبل ملنے والی لاش کا معمہ حل کرلیا گیا، مقتول کو سائرہ نامی خاتون نے قتل کیا جسے پولیس نے حراست میں لے لیا۔

پولیس نے 9 روز میں کیس کا معمہ حل کرتے ہوئے واردات میں ملوث خاتون کو گرفتار کرلیا جس کی شناخت سائرہ کے نام سے ہوئی۔ترجمان کورنگی پولیس کے مطابق تفتیش کے دوران ملزمہ نے انکشاف کیا کہ عامر اور اُس کی دوستی تھی، ہر تین روز بعد وہ گھر آتا تھا، ایک روز غیر موجودگی میں گھر آیا اور اُس نے میری 15 سالہ بیٹی سے دست درازی کی۔

پولیس کے مطابق اس قاتلہ خاتون نے بتایا کہ بیٹی نے جب اپنے ساتھ پیش آنے والا واقعہ بتایا تو میں نے اقبال عامر کو قتل کرنے کا ارادہ کیا اور جیسے ہی وہ گھر میں داخل ہوا تو اُس پر بیلن اور بٹے سے وار کیے۔ترجمان پولیس کے مطابق ملزمنہ نے اہل خانہ کو تاوان کی کال قتل کا شک اور شواہد مٹا کر فرار ہونے کے لیے کی تھی، سائرہ انور سے قتل میں استعمال ہونے والا بٹا برآمد کرلیا گیا۔

پولیس کے مطابق خاتون نے لاش قالین میں لپیٹ کر ٹھیلے پر رکھی اور اُسے سعود آباد قبرستان کے قریب کچرا کنڈی میں پھینک دیا، بعد ازاں مقتول کے موبائل سے اہل خانہ کو فون کیا اور تاوان کا مطالبہ کیا تاکہ قتل کو اغوا کا رنگ دیا جاسکے۔

محبوبہ کا دیدار کرنے کے لئے آنیوالے جوان کے ساتھ ایسا سلوک کیا گیا کہ جان کر ہوں حیران

محبوبہ کا دیدار کرنے کیلئے آنیوالا نوجوان محلے داروں کے ہتھے چڑھ گیا ، محبوب کی ناک زمین پر لگوانے اور مرغا بنا کر تھپڑوں، مکوں کے ساتھ خاطر تواضع کی گئی،

واقعہ پنجاب کے شہر گوجرانوالہ میں پیش آیا، گوجرانوالہ کے تھانہ کینٹ کے علاقہ میں نوجوان مبینہ طور پر اپنی محبوبہ کا دیدار کرنے کیلئے اسکی گلی کے چکر لگا رہا تھا کہ مشکوک نقل و حرکت پر محلے داروں نے اسے قابو کر کے پوچھ گچھ کی تو اس نے گھبراہٹ میں آکر سچ اگل دیا .

سچ اگلنے کی دیر تھی کہ محلے داروں نے اپنی ہی عدالت لگا لی، محبوبہ کو ملنے کے لئے جانے والے جوان پر پہلے اسکی تھپڑوں اور مکوں سے ٹھکائی کی بعدازاں زمین پر ناک سے لکیریں نکلوانے کے ساتھ اسے مرغا بھی بنا ڈالا۔

موقع پر موجود محلے دار اس سارے واقعہ کی موبائل پر ویڈیو بناتے رہے تاہم بعد ازاں نوجوان کو معافی مانگنے اور آئندہ ایسا نہ کرنے کی یقین دہانی پر چھوڑ دیا گیا۔

دوسری جانب اس حوالے سے رابطہ کرنے پر پو لیس کا مؤقف تھا کہ انہیں قانونی کارروائی کیلئے کوئی تحریری درخواست نہیں دی گئی۔ اگر درخواست دی گئی تو کاروائی کریں گے پولیس از خود کاروائی نہیں کر سکتی.

سماٹرا: بس حادثے میں 25 افراد زندگی کی بازی ہار گئے،اطلاعات کے مطابق مسافر بس کے گہری کھائی میں گرنے سے دو درجن سے زائد افراد ہلاک ہو گئے۔

صرف 2 ماہ میں پورا ملک مسلمان–از–فردوس جمال

میڈیا رپورٹوں کے مطابق سماٹرا کے ضلع پاگارلام کے راستے سے گزرنے والی بس کئی میٹر نیچے کھائی میں گرنے کے بعد لڑھکتے ہوئے دریا میں جاگری۔ہلاکتوں کے علاوہ 14 مسافر شدید زخمی ہیں جب کہ حکام نے ہلاکتوں میں اضافے کا خدشہ ظاہر کیا ہے۔

منگائی کم ہونا شروع ہوگئی ،جان بچانے والی دواؤں سمیت 89 ادویات کی قیمتوں میں کمی…

حادثے کے بعد امدادی ٹیموں نے دریا میں لاپتا ہو جانے والے مسافروں کی تلاش شروع کر دی ہے۔ حکام کے مطابق مسافروں کی درست تعداد کا علم نہیں ہوسکا ہے کیوں کہ ہلاک ہونے والوں میں بس کا ڈرائیور اور اس کے دو معاونین بھی شامل ہیں۔رواں برس ستمبر میں ایسے ہی ایک حادثے میں 21 افراد زندگی کی بازی ہار گئے تھے۔

وفاقی بیوروکریسی میں بڑے پیمانے پرتبادلے،محکمے بھی تبدیل

اسلام آباد: اپنے ہی گراتے ہیں نشیمن پے بجلیاں!چارسالہ بچےکا اغوااورقتل،قریبی رشتےدارملوث نکلا، 4 ملزمان گرفتار،اطلاعات کے مطابق وفاقی دارالحکومت کی پولیس نے بچے کے اغوا اور قتل میں ملوث چار ملزمان کو حراست میں لے لیا۔

منگائی کم ہونا شروع ہوگئی ،جان بچانے والی دواؤں سمیت 89 ادویات کی قیمتوں میں کمی…

ذرائع کے مطابق اسلام آباد کے علاقے بارہ کہو سے چار روز قبل چار سال کا عمر نامی بچہ لاپتہ ہوا جس کی گمشدگی کی اطلاع اہل خانہ نے پولیس کو درج کرائی تھی۔پولیس حکام نے ملزمان کی تلاش شروع کی تو اغوا اور قتل میں ملوث چار افراد کی شناخت ہوئی جن میں مقتول عمر کا کزن حمزہ اور اُس کے تین دوست آفتاب، یاسر اور اسد شامل تھے۔

وفاقی بیوروکریسی میں بڑے پیمانے پرتبادلے،محکمے بھی تبدیل

اسلام آباد پولیس افسر وقار الدین سید کے مطابق ملزمان نے بچے کو کرائے کے گھر میں رکھ کر ٹیپ سے جکڑا ہوا تھا جس کی وجہ سے اُس کی موت ہوئی، ملزمان نے تاوان کے لیے اہل خانہ سے کوئی رابطہ نہیں کیا تھا۔ ملزمان نے دورانِ تفتیش اس بات کا اعتراف کیا کہ بچے کو تاوان کے لیے اغوا کیا تھا۔ ڈی آئی جی اسلام آباد کا کہنا تھا کہ ملزمان سے مزید تفتیش کی جائے گی تاکہ واقعے میں ملوث تمام افراد کو کیفر کردار تک پہنچایا جائے۔

صرف 2 ماہ میں پورا ملک مسلمان–از–فردوس جمال

کراچی: تھانہ سائٹ سپر ہائی وے جس کا شمار ماڈل تھانے میں ہوگیا ہے لیکن شہریوں کی شکایات کا امبار لگے شکایات کا ازالہ تو نہ سکا۔ تھانہ سائٹ سپر ہائی وے کی حدود میں کرائم میں ریکارڈ اضافہ دوسری جانب تھانے کی طرف سے اف آئی ار بھی درج نہیں کی جارہی ہے جس سے اعلی افسران کو کرائم کا علم تک ہی ہوتا تھانہ کا علمہ نجی سیٹلمنٹ میں مصروف عمل ہو گیا ہے ۔

ذرائع کے مطابق فقیرہ گوٹھ میں شہریوں اور تاجروں نے احجاج کرتے ہوۓ گڈاپ نیشنل پریس کلب ایسٹ کے ذمداران کو اپنی شکایات کے امبار لگا دیے شہریوں اور تاجربراری کا کہنا تھا کہ ماڈل تھانہ بنے سے کرائم کی روک تھام تو نہ سکی بکلہ تھانہ سائٹ سپر ہائی وے کرائم کی روک تھام میں بکل ناکام ہو چکا ہے اور چوروں اور ڈاکیتوں کی سرپرستی کر رہا ہے

تاجربرادری کا کہنا ہےکہ ہم نے کافی مرتبہ ایس ایچ او سے ملنے کی کوسش کی ہے مگر ایس ایچ او ملنے سے انکار کر دیتا اور وادات کی اف آئی ار تک درج نہیں کی جاتی ہے تا ہم آئی جی سندھ اور ایڈیشنل آئی جی سے اپیل کرتے ہیں خدایا اسیے آفسران پر نوٹس لیا جائے تاکہ عوامی شکایات کا ازالہ کیا سکے اور کرائم کی روک تھام مکمن ہو سکے ۔

ورجینیا:ملک میں سخت سردی اوردھندکےباعث 63گاڑیاں ٹکراگئیں،گاڑیاں تباہ،درجنوں افراد زخمی،اطلاعات کے مطابق ملک میں اس وقت سخت سردی اوردندھ کی وجہ سے بڑے حادثات ہورہے ہیں،ایسے ہی ایک واقعہ میں دھند کے باعث 63 گاڑیاں ٹکرا گئی جس کی وجہ سے درجنوں افراد زخمی ہوگئے ہیں‌

بھارت کے حالات بہت خراب ہیں،کسی بھی وقت کچھ ہوسکتا ہے، چین

تفصیلات کے مطابق امریکی ریاست ورجینیا میں دھند کے باعث گاڑیاں آپس میں ٹکرا گئیں اور ٹکرانے کی وجہ سے درجنوں افراد زخمی ہو گئے۔یاد رہے یہ حادثہ ورجینیا کے شہر ولیمز برگ کے قریب انٹرسٹیٹ ہائی وے پر واقع ہوا ہے جس کی وجہ سے بہت سی زندگیوں کا نقصان ہوا۔

یونیورسٹی کےنصاب سےآزادی اظہار کےاسباق نکال دیے،بےلگام آزادی بربادی ہے،چینی حکام

مقامی وقت کے مطابق صبح8 بجے کے وقت یہ حادثہ پیش آیا جس کے نتیجے میں35افراد زخمی ہو گئے جن میں سے 2 کی حالت تشویشناک بتائی گئی ہے۔ دھند کے باعث سڑک بند کردی گئی تھی کیونکہ گاڑیوں اور گاڑیوں میں موجود لوگوں کو نکالنا تھا۔واضح رہے کہ کئی گھنٹوں کی محنت کے بعد ٹریفک حکام نے سڑک کو دوبارہ ٹریفک کے لیے کھول دیا۔

نامورشخصیات نے دنیا میں بھی نام کمایا اورجوحافظ قرآن بھی ہیں!

بہاول:خون سفید ہوگئے!جائیداد کا تنازع،سنگ دل بیٹےکےہاتھوں باپ قتل،اطلاعات کے مطابق پنجاب کے ضلع سرگودھا میں بیٹے نے جائیداد کے تنازع پر دوست کے ساتھ مل کر باپ کو قتل کر دیا۔

بنگلہ دیش کرکٹ ٹیم نے پاکستان کے ساتھ ٹیسٹ سیریزکھیلنے سے انکارکردیا

پولیس حکام کے مطابق ضلع سرگودھا میں واقع تحصیل بہاول میں بیٹے کے ہاتھوں باپ کے قتل کا واقعہ اتوار کے روز پیش آیا۔مقتول اور بیٹے کی جائیداد کے تنازع پر بات چیت شروع ہوئی جو تنازع میں تبدیل ہوگئی جس کے بعد بیٹے نے اپنے دوست کے ساتھ مل کر باپ کو فائرنگ کر کے قتل کیا۔

یمن پر سعودی اتحاد کے حملوں میں 43 ہزار شہری شہید و زخمی

مقتول کی لاش کو قانونی کارروائی کے لیےہسپتال منتقل کردیا گیا جبکہ بیٹا اوراُس کا دوست پولیس کےآنےسے قبل ہی جائے وقوعہ سے فرار ہوگئے۔پولیس حکام کے مطابق ملزم کی شناخت ظفر کے نام سے ہوئی جبکہ اُس کے مقتول کی شناخت غلام مصطفیٰ کے نام سے ہوئی۔

اسرائیلی جلاد قیدیوں کواذیتیں دینے کےجرائم پرپردہ ڈالنےکے لیے نئے نئے ڈرامے

یاد رہے کہ رواں سال نومبر کی تین تاریخ کو کراچی کے علاقے قائد آباد میں ایک شخص نے وائی فائی پاس ورڈ کے معاملے پر فائرنگ کر کے باپ بیٹے کو قتل کردیا تھا جس کے بعد پولیس نے قاتل کو گرفتار کیا۔

موٹر وے پولیس نے کیسے ناکام بنائی ڈکیٹی

باغی ٹی وی ترجمان موٹروے پولیس سید عمران احمد کے مطابق لاہور میں موٹروےپولیس نے ڈکیتی کی کوشش ناکام بنادی
لاہور : قومی شاہراہ پرمانگا منڈی کے نزدیک شہری کی کار خراب ہوگئی تھی اس کار کو خراب دیکھ کر موٹرسائیکل پر سوار دو ڈاکو پہنچ گئے دونوں ڈاکوؤں نے اسلحہ کے زور پر کار سواروں کو لوٹنے کی کوشش کی.موٹروےپولیس کی پٹرولنگ موبائل بھی اس دوران موقع پر پہنچ گئی.موٹروے پولیس افسران نے کمانڈو ایکشن کر کے ایک ڈاکو کو اسلحہ سمیت گرفتار کر لیا.گرفتار ڈاکو کانام جاوید اختر ولد غلام قادر سکنہ بہادر پور قصور ہے
گرفتار ڈاکو کاساتھی فرار ہونے میں کامیاب ہوگیا.گرفتار ڈاکو کو بمعہ مسروقہ اسلحہ تھانہ مانگا منڈی کے حوالے مزید تفتیش کے لیے کردیا گیا. ڈی آئی جی موٹروےپولیس احمد ارسلان ملک نے موٹروےپولیس افسران کی بہادری کو سراہا ہے

مذہبی منافرت پھیلانے کے الزام میں سابق لیکچرار کو عدالت نے سنائی بڑی سزا
باغی ٹی وی کی رپورٹ کے مطابق مذہبی منافرت پھیلانے کے الزام میں گرفتارسابق لیکچرارجنید حفیظ کیس کا فیصلہ سنا دیا گیا ،عدالت نے ملزم کو سزائےموت،10لاکھ روپے جرمانہ اورایک سال قید کی سزا سنائی،ملزم کے پہلےوکیل راشدرحمان کو مقدمہ کی پیروی کرنے پرقتل کردیا گیا تھا،راشدرحمان ایڈووکیٹ کو7مئی 2014 کوان کے چیمبر میں گولی ماری گئی تھی، ملزم کے دوسرےوکیل کیس کی پیروی سے دستبردار ہوگئے تھے ،

ملزم کے تیسرے وکیل کو بھی دوران سماعت قتل کی دھمکیاں دی گئیں،مقدمےکی سماعت کے دوران6جج تبدیل ہوئے،سینٹرل جیل میں کیس پروکلاکے حتمی دلائل مکمل ہونے پرفیصلہ جاری کیاگیا،ملزم کے خلاف15گواہوں کی شہادتیں اور زیر دفعہ 342کابیان ریکارڈ کیا گیا، مقدمہ کےدیگر11گواہوں کوترک کردیا گیا تھا،سیکیورٹی خدشات کے باعث کیس کی سماعت سینٹرل جیل ملتان میں ہوئی،ملزم جنیدحفیظ پرمقدمہ13مارچ 2013 میں درج کیا گیا،درج ایف آئی آرکے مطابق ملزم جنید حفیظ نےسوشل میڈیا ویب سائٹ فیس بک پرایسااسٹیٹس اپ لوڈ کیا تھا جس سے توہین مذہب کا پہلو نکلتا تھا۔گواہاں کا کہنا ہے کہ اس سے ان کی مذہبی دل آزاری ہوئی.

فیصلے کے خلاف والدین نے ہائیکورٹ میں اپیل دائر کرنے کا فیصلہ کر لیا،کہا بیٹے سے سخت ناانصافی ہوئی، فیصلہ شواہد و ثبوت کی روشنی کی بجائے دباؤ میں دیا گیا