سرگودہا(نمائندہ باغی ٹی وی )سرگودھا کے علاقہ 87 جنوبی کے رہائشی عارف کو نامعلوم افراد نے اغوا کرلیا، تفصیلات کے مطابق صبح 9 بجے کے قریب عارف کو گھر سے اغوا کر لیا گیا ، عارف کی زوجہ کے بیان کے مطابق عارف عرصہ دراز سے 87 جنوبی میں رہائش پذیر تھا،10 سے زائد نامعلوم افراد گھر میں داخل ہوگئے
نامعلوم افراد اسلحہ کے زور پر اغوا کر کے لےکر گئے
اغوا ہوجانے کے بعد 15 پر کال کی اغواکاروں کے قانونی کارروائی سے بچنے کیلئے عارف کو ٹریفک پولیسں کے حوالے کر دیا، اے ایس آئی ٹریفک پولیس ظفر وڑائچ عارف کو نامعلوم جگہ پر لے گیا ، عارف کی بیوی نے تھانہ بھاگٹانوالہ میں اغواء کی درخواست دے دی آر پی او سرگودہا سے فوری نوٹس لینے اور کاروائی کا مطالبہ
Category: جرائم و حادثات
-
سرگودہا، لاہور روڈ پر واقع 87 جنوبی کا رہائشی اغواء
-
بلوچستان سے پنجاب نان کسٹم غیرملکی سگریٹ سمگل کرنے کی کوشش ناکام،
ڈیرہ غازی خان(تنویراحمد) بلوچستان سے پنجاب نان کسٹم غیرملکی سگریٹ سمگل کرنے کی کوشش ناکام،چیک پوسٹ راکھی گاج پر دوران چیکنگ لاکھوں روپے مالیت کی نان کسٹم پیڈ سگریٹ کو گاڑی کے خفیہ خانوں میں چھپایاگیاتھا جسے ملزمان ڈیرہ غازی خان کے راستے پنجاب کے دیگر اضلاع میں فروخت کرناچاہتے تھے بی ایم پی پولیس کے ایس ایچ او لیاقت عباس لغاری نے بتایاہے کہ ملزمان ایک عرصہ سے اس دھندہ میں ملوث تھے اور سمگلنگ کیلئے مختلف راستوں کااستعمال کرتے تھے جنہیں اس راستہ سے سمگلنگ کی کوشش پر پکڑلیاگیا انہوں نے بتایاکہ ملزمان نے غیرملکی سگریٹ گاڑی نمبری TKW-406کے خفیہ خانوں میں چھپا رکھاتھاجن کے خلاف مقدمہ درج کرکے مزید تفتیش کی جارہی ہے۔
-
گٹکے مافیا کے خلاف کریک ڈاؤن ، بڑے بڑے پکڑے جائیںگے
کراچی: پاکستان بھر میںگٹکے کی بڑھتی ہوئی لت نے نوجوان نسل کو تباہ کردیا ، گٹکے کے خلاف عوامی ردعمل پر عدالتی حکم پر سندھ بھر میں گٹکا اور ماوا کے خلاف کریک ڈاؤن شروع کر دیا گیا، آئی جی سندھ ڈاکٹر کلیم امام نے گٹکا ماوا فروخت کرنے والوں کے خلاف کارروائی کے احکامات جاری کر دیے۔
زیرزمین پانی کا آلودگی80فیصد لوگ ہیپا ٹائٹس کا شکار
سندھ ہائی کورٹ کی جانب سے گٹکا فروخت کرنے والوں پر دفعہ 337 جے کے تحت مقدمات درج کرنے کی ہدایت کے بعد سندھ بھر میں کریک ڈاؤن شروع ہو گیا ہے۔تمام مقدمات میں تعزیرات پاکستان کی دفعہ 337 جے شامل کی گئی ہے، ہائی کورٹ کے فیصلے کے بعد تمام کیسز نا قابل ضمانت ہوں گے اور 10 سال کی سزا ہوگی۔
صدرمملکت ڈاکٹرعارف علوی کی اہلیہ محترمہ بھی ڈاکٹربن گئیں
ذرائع کےمطابق آج سندھ بھر میں گٹکا ماوا کی فروخت میں ملوث 211 افراد کے خلاف مقدمات درج کر لیے گئے، ایسٹ زون میں 40، ساؤتھ میں 23، حیدر آباد میں 57 کیسز درج کیے گئے، جب کہ شہید بینظیر آباد میں 65 اور میر پور خاص میں 4 مقدمات درج کیے گئے۔
-
10 پاکستانی جاپان جانے کے چکروں میںجعل سازی کرتے پکڑے گئے
جاپانی ویزہ کے حصول کیلئے کراچی میں 10 پاکستانی شہریوں نے جاپان قونصلیٹ میں جعلی دستاویزات جمع کرا دیں۔وفاقی تحقیقاتی ایجنسی (ایف آئی اے) ذرائع کے مطابق کراچی میں جاپانی قونصلیٹ کے پولیس اتاشی اور سیکیورٹی چیف کی جانب سے ڈائریکٹر جنرل ایف آئی اے اسلام آباد کو تحریری درخواست دی گئی تھی کہ کراچی کے رہائشی ایک شہری حسنین الحسن نے جاپان کے تفریحی دورے کیلئے درخواست جمع کرائی ہے۔
اینٹی بایوٹک چائے،مشروب بھی علاج بھی،ایشیا،یورپ اورمغرب میں یکساں مقبول
کراچی میں جاپانی قونصلیٹ کے پولیس اتاشی اور سیکیورٹی چیف کی جانب سے درخواست میں کہا گیا کہ شہری نے ویزہ درخواست کے ساتھ دستاویزات میں خود کو ایک میڈیسن کمپنی کا سیلز ایگزیکٹو ظاہر کیا اور نجی بینک میں اپنے اکاؤنٹ کے 6 ماہ کی ٹرانزیکشن کی تفصیلات بھی دی جو چھان بین کے دوران مشکوک قرار دی گئیںقونصلیٹ نے مذکورہ دستاویزات کی مزید تحقیقات کیلئے ایف آئی اے سے درخواست کی۔
انصارالناس فاؤنڈیشن کیجانب سے درجنوں خاندانوں میں راشن تقسیم
کراچی میں جاپانی قونصلیٹ کے پولیس اتاشی اور سیکیورٹی چیف کی جانب اور قونصلیٹ کے سیکیورٹی انچارج کے مطابق اس عرصے میں بعض دیگر درخواست گزاروں کی جانب سے فراہم کی گئی اسی طرح کی دستاویزات کی بھی چھان بین کی گئی تو وہ جعلی نکلیں۔
ایف آئی اے ذرائع نے بتایا کہ متعلقہ بینک نے تمام اکاؤنٹ اسٹیٹمنٹس کو بوگس قرار دیا ہے، اسی طرح مذکورہ میڈیسن کمپنی کے ایچ آر ڈیپارٹمنٹ نے بھی ان درخواست گزاروں کی ملازمت اور تجربہ کے سرٹیفکیٹس کو جعلی قرار دیا ہے۔
"بریسٹ کینسر”تیسرے ٹی ٹوئنٹی کو ’پنک ڈے‘ سے منسوب کرنے کا اعلان
ایف آئی اے حکام کے مطابق اس سلسلے میں جاپانی قونصلیٹ حکام کو آگاہ کیا جا رہا ہے جس کے بعد ان افراد کے خلاف مقدمات درج کیے جائیں گے۔ایف آئی اے کا کہنا ہے کہ تحقیقات کے دوران درخواست گزاروں کے خلاف جعلسازی کے واضح شواہد مل گئے ہیں جن کیخلاف قانونی کارروائی کی جائے گی۔
-
جعلی ڈگری کیس پر نا اہل ہونے والےجمشید دستی ایک بار پھر ہوئے بے نقاب!
مظفرگڑھ سابق رکن قومی اسمبلی جمشید دستی کی ایک اور جعلی ڈگری پکڑی گئی. اسلامیہ یونیورسٹی بہاولپور سے سال 2017 میں بی اے کی حاصل کردہ ڈگری کو یونیورسٹی انتظامیہ نے کالعدم قرار دیدیا.سابق ممبر قومی اسمبلی جمشید دستی کی طرف سے جمع کرائی گئی انٹرمیڈیٹ کی سند کی بھی تاحال تصدیق نہیں ہوسکی یونیورسٹی انتظامیہ کی طرف سے تحقیقات کے دوران جمشید دستی کے شناختی کارڈ اور رولنمبر سلپ پر الگ الگ تصاویر پائی گئیں۔ جمشید دستی جعلی ڈگری پر سپریم کورٹ میں کیس پر قومی اسمبلی کی ممبر شپ سے مستعفی اور سیشن کورٹ مظفرگڑھ سے سزا یافتہ بھی ہیں۔ اسلامیہ یونیورسٹی کی بی اے کی سند پر جمشید دستی نے وکالت کی ڈگری کے لیے ایل ایل بی میں داخلہ بھی حاصل کررکھا ہے۔ بی اے کے داخلہ فارم پر موجود تصویر اور شناختی کارڈ کی کاپی انٹر کے رزلٹ کارڈ سے مطابقت نہیں رکھتی کنٹرولر امتحانات اسلامیہ یونیورسٹی نے سابق ایم این اے جمشید دستی کے بی اے کا رزلٹ کارڈ اور رزلٹ منسوخ کر دیا۔
-
فیصل آباد میں انسداد تجاوزات وقبضہ مافیا کے خلاف مہم کو تیص کرنے کی ہدایت
فیصل آباد: ڈپٹی کمشنر طارق خان نیازی نے ہدایت کی ہے کہ ضلع بھر میں انسداد تجاوزات وقبضہ مافیا کے خلاف مہم کو نتیجہ خیز بنایا جائے اس ضمن میں مین شاہرات،گرین بیلٹس،چوکوں کے علاوہ فٹ پاتھ وعوامی گزر گاہوں سے تجاوزات کا صفایا یقینی بنایا جائے۔انہوں نے یہ ہدایت ایک اجلاس کی صدارت کرتے ہوئے جاری کی جس میں ضلع بھر میں قبضہ مافیا اور تجاوزات کے خلاف مہم کی پیشرفت کا جائزہ لیا گیا۔ایڈیشنل ڈپٹی کمشنر ہیڈ کوارٹرز عفیفہ شاجیہ،اسسٹنٹ کمشنرز زوہا شاکر،نازیہ موہل،عمر دراز گوندل،فیصل سلطان،خرم شہزاد بھٹی،چیف آفیسرز ضلع کونسل ومیونسپل کارپوریشن نعیم اللہ وڑائچ،سردار نصیر احمد،ڈائریکٹر پی ایچ اے عبداللہ نثار چیمہ کے علاوہ میونسپل کمیٹیز کے افسران بھی موجود تھے۔ڈپٹی کمشنر نے کہا کہ حکومتی گائیڈ لائنیز کے مطابق قبضہ مافیا سے سرکاری اراضی خالی کرانا اور تجاوزات کا خاتمہ اولین ترجیح ہے۔اس ضمن میں مربوط حکمت عملی کے تحت آپریشن جاری رکھا جائے۔انہوں نے کہا کہ مختلف علاقوں میں فٹ پاتھ پر قبضہ کرکے پیدل چلنے والے راہ گیروں کے لئے مشکلات پیدا کرنے والوں کے خلاف کارروائی میں تاخیر نہیں ہونی چاہیے۔اس سلسلے میں پی ایچ اے بھی پودوں کی نرسریوں کے باہر فٹ پاتھ پرپڑے سامان کو فوراً اٹھوایاجائے۔انہوں نے ٹریفک کی بلاتعطل روانی کے لئے بعض شاہرات پر پھل ودیگر اشیاء کی فروخت کے لئے کھڑی مستقل ریڑھیوں کو ہٹوانے کی تاکید کی۔ڈپٹی کمشنر نے اسسٹنٹ کمشنرز سے کہا کہ وہ انسداد تجاوزات وقبضہ مافیا مہم کے تحت واگزار کرائی گئی سرکاری اراضی کی حفاظت کویقینی بنائیں اور اس ضمن میں تصدیقی سر ٹیفکیٹس بھی فراہم کیا جائے۔انہوں نے کہا کہ شہر کی مارکیٹوں اوربازاروں کو تجاوزات سے پاک کرنے کیلئے بھی مہم جاری رکھی جائے۔اجلاس کے دوران اسسٹنٹ کمشنرز،چیف آفیسرز نے انسداد تجاوزات مہم کی پیشرفت سے آگاہ کیا.
-
ڈینگی لاروا کی تلفی میں سست روی پرسخت ترین محکمانہ کارروائی کی جائے گی
فیصل آباد(نمائندہ باغی ٹی وی) ڈپٹی کمشنر طارق خان نیازی کی ہدایت پرانسداد ڈینگی مہم کے سلسلے میں ایڈیشنل ڈپٹی کمشنر (فنانس) عاصمہ اعجازچیمہ نے اینٹی ڈینگی اقدامات کا جائزہ لینے کے لئے مختلف علاقوں کادورہ کیا اور ٹیموں کی کارکردگی چیک کرتے ہوئے سرویلنس کومزید تیزکرنے کی تاکیدکی۔انہوں نے کہا کہ ڈپٹی کمشنر کی ہدایت پرڈینگی ٹیموں کی کارکردگی کو تسلسل کے ساتھ چیک کیا جارہاہے اورڈینگی لاروا کی تلفی میں سست روی پرسخت ترین محکمانہ کارروائی سے گریزنہیں کیا جائے گا۔انہوں نے محکمہ صحت کوہدایت کی کہ ڈینگی کی افزائش کی کوئی جگہ بغیرچیکنگ کے نہیں رہنی چاہیے۔انہوں نے واضح کیا کہ حکومت پنجاب انسداد ڈینگی اقدامات کی کڑی مانیٹرنگ کررہی ہے لہذا معمولی سی بھی غفلت یا لاپرواہی کی گنجائش نہیں۔انہوں نے مختلف گلی محلوں میں خواتین سے بات کرتے ہوئے کہا کہ گھروں میں صفائی ستھرائی پرخصوصی توجہ دی جائے تاکہ ڈینگی کی افزائش نہ ہو اورٹیموں سے تعاون بھی جاری رکھیں تاکہ مطلوبہ نتائج حاصل کئے جا سکیں۔
۔۔۔///۔۔۔ -
جرائم پیشہ عناصر کی دیدہ دلیری، پولیس اہلکار سے اسلحہ اور رقم چھین کر فرار
کراچی: محافظ ہی لٹ گئے چوروں اور ڈاکووں کے ہاتھوں، کراچی پولیس ہی لٹ گئی ، لوٹ مار کا مقدمہ درج کرلیا گیاتفصیلات کے مطابق کراچی میں اسٹریٹ کرائمز کی وارداتوں میں اضافہ ہوگیا ہے، قائد آباد کے علاقے میں جرائم پیشہ افراد پولیس اہلکار سے اسلحہ اور رقم چھین کر فرار ہوگئے، پولیس اہلکار سے لوٹ مار کا مقدمہ درج کرلیا گیا۔
مرنے والے فقیر کی جھونپڑی میںبینک ، اور بھی بینک بیلنس ،فقیر بادشاہ سرکار
ذرائع کے مطابق صبح موٹر سائیکل سوار چار ملزمان نے اہلکار سے ایک لاکھ 70 ہزار روپے چھینے، ملزمان اہلکار ماجد خان سے نائن ایم این پستول بھی لے کر فرار ہوگئے۔پولیس اہلکار ماجد خان سکھن تھانے میں تعینات ہے اور رقم بینک سے نکال کر جارہا تھا۔یاد رہےکہ اس قسم کے واقعات اکثر وبیشتر ہوتے رہتے ہیںمگر اس پر قابو نہیںپایا گیا
زیابطس (شوگر) کے لیے انسولین سے بہت جلد جان چھوٹ جائے گی ،امریکی ماہرین
-
پولیس اہلکار پر فائرنگ کر نے والا اشتہاری گرفتار
مظفرگڑھ کے علاقہ خان گڑھ میں پولیس اہلکار پر فائرنگ کرکے اسے زخمی کرنےوالا خطرناک اشتہاری ملزم گرفتار کرلیا گیا۔ملزم پولیس کوسنگین نوعیت کے 7مقدمات میں مطلوب تھا۔مظفرگڑھ کے علاقہ خان گڑھ میں حیدر نامی پولیس اہلکار پر فائرنگ کر کے اسے زخمی کرنے والے اشتہاری ملزم ارشاد عرف چمچی کو پولیس نے گرفتار کر لیا۔ڈی پی او مظفرگڑھ صادق ڈوگر کے مطابق ملزم ارشاد عرف چمچی پولیس کو سنگین نوعیت کے 7 مختلف مقدمات میں مطلوب تھا چند روز قبل ملزم نے کراچی ملتان روڈ پر پولیس اہلکار حیدر کو بھی فائرنگ کر کے زخمی کیا تھا۔ ملزم کو ڈی ایس پی صدر سرکل عاشق حسین کھوسہ کی سربراہی میں ایس ایچ اوانسپکٹر محمد سلیم جتوئی سمیت پولیس ٹیم نے جدید ٹیکنالوجی کی مدد سے ٹریس کر کے گرفتار کیا گیا۔ڈی پی او مظفرگڑھ کا مزید کہناتھا کہ سماج دشمن عناصر سے آہنی ہاتھوں سے نمٹا جائے گا کسی کو بھی امن تباہ کرنے کی اجازت نہیں دی جائے گی۔
-
بھلوال اسٹیشن سے ملنے والا بچہ عبدالعلیم پراسرار طور پر پولیس حراست میں جاں بحق
سرگودہا(نمائندہ باغی ٹی وی )بھلوال پولیس کو اطلاع ملی کہ دو نامعلوم بچے ریلوے اسٹیشن چوک بھلوال میں موجود ہیں جس پر پولیس نے فوری طور پر بچوں کو تحویل میں لے کر جانچ پڑتال کا عمل شروع کردیا کہ آخر یہ بچے کون ہیں اور کہاں سے آئے ہیں ڈی ایس پی بھلوال ملک غلام عباس نے خود ذاتی دلچسپی لیتے ہوئے بچوں سے معلومات لینا شروع کردی اور چند گھنٹوں میں بچوں کے والدین سے رابطہ کیامحمد شعیب ولد مشتاق عمر 12 سال رہائشی غازی آباد جبکہ دوسرے بچے کا نام عبد العلیم ولد حبیب عمر 11 سال رہائشی چیچہ وطنی بتائی جاتی ہے
مدرسے سے بچے کیوں بھاگے ،وجہ معلوم ہو گئی
دونوں بچے مدرسہ جامعہ مسجد محمدیہ غازی آباد کے طالب علم ہیں دونوں کا کہنا ہے کہ وہ استاد کے تشدد سے تنگ آکر بھاگے ہیں ڈی ایس پی بھلوال کا کہنا تھا کہ موجودہ حالات میں بچوں کا بروقت پولیس تک پہنچ جانا خوش قسمتی تھی ایک بچہ محمد شعیب ولد مشتاق 12سالُہ لاہور کو ورثاء کے حوالے کر دیا جبکہ عبدالعلیم پولیس کے پاس تھا دن ایک بجے طبیعت خراب ھونے کی صورت میں ہسپتال بھلوال لایا گیا تو اٹیک کی وجہ سے جان بحق ھو گیا ڈی پی اوسرگودھا حسن مشتاق سکھیراموقع پر پہنچ گئے