Category: جرائم و حادثات

اوکاڑہ، کشتی ڈوبنے سے 20 افراد ڈوب گئے، کتنی لاشیں نکال لی گئیں؟ ریسکیو آپریشن جاری

باغی ٹی وی کی رپورٹ کے مطابق پنجاب کے ضلع اوکاڑہ میں افسوسناک حادثہ پیش آیا ہے، ملکوشیخو کےقریب دریائےستلج میں کشتی الٹ گئی،کشتی الٹنےسے 20 افراد ڈوب گئے ،اطلاع پر علاقہ مکینوں اور ریکسیو حکام موقع پر پہنچ گئے،علاقہ مکینوں اورریسکیوحکام نے 7 لاشیں نکال لیں.

باقی افراد کی تلاش کی لئے ریسکیو آپریشن جاری ہے، مزید ڈوبنے والے افراد کو تلاش کیا جارہا ہے، واقعہ میں مزید ہلاکتوں کا خدشہ ہے،واقعہ کی اطلاع ملنے پر شہریوں کی بڑی تعداد موقع پر پہنچ چکی ہے، شہری بھی ریسکیو ٹیموں کے ساتھ ریسکیو آپریشن مین حصہ لے رہے ہیں، ڈوبنے والے افراد کا تعلق کہاں سے ہے اطلاعات کا انتظار ہے

بلدیہ کوٹلی آزاد کشمیر ان ایکشن، چیف سینٹری انسپکٹر بلدیہ سردار بشارت کا صحافی کی نشاندھی پر گوشت مارکیٹ میں چھاپہ 20 کلو باسی گوشت ضبط،

گوشت مارکیٹ میں چھاپے کے دوران ریڈرمجسٹریٹ طارق حسین اور سنئیر صحافی سید واجد الراب ہمراہ تھے،باسی گوشت فروخت کرنے پر قصاب کو 5000روپے جرمانہ کیاگیا،

مجسٹریٹ بلدیہ چوہدری راشد اورویٹرنری ڈاکٹر الطاف حسین کی ہدایت پر گوشت کو تلف کیاگیا،

کوٹلی: قصاب حفظان صحت کے اصولوں کے مطابق معیاری اور صاف گوشت کی فروخت کو یقینی بنائیں.

انسانی جانوں سے کھیلنے کی کسی کو اجازت نہیں دی جائے گی،ائیندہ جو بھی دونمبری میں ملوث ہوا،بھاری جرمانے اور جیل کی سلاخوں کے پیچھے ہو گا، مجسٹریٹ بلدیہ کوٹلی چوہدری راشد

انٹرنیشنل ڈارک ویب کے گرفتار سرغنہ کے جرائم ٹریس ہونے میں اہم پیش رفت

باغی ٹی وی کی رپورٹ کے مطابق انٹرنیشنل ڈارک ویب کے گرفتار سرغنہ کے جرائم ٹریس ہونے میں اہم پیش رفت ہوئی ہے، سی پی او راولپنڈی فیصل رانا کے کہنا ہے کہ انٹرنیشنل ڈارک ویب کے گرفتار سرغنہ سہیل ایاز کے ہاتھوں اغواء ہونے والا 12سالہ بچہ عدیل خان کوروات پولیس نے بر آمد کر لیا،بر آمد ہونے والے بچے کو آئس پلا کر ملزم سہیل ایاز نے بدفعلی کی، ملزم سہیل ایاز نے بچے کو2ماہ تک اپنے پاس رکھا.

سی پی او کا مزید کہنا تھا کہ ملزم سہیل ایاز نے مغوی بچے کو اپنے ساتھی خرم کالاکے پاس بھیج دیا،لزم خرم کالا نے بھی مغوی بچے عدیل سے زیادتی کی،پولیس نے ملزم خرم عرف کالا کو بھی گرفتار کر لیا،بر آمد ہونے والا بچہ انڈے بیچ کر روزی  کماتا تھا،ملزم خرم کالا کا کہنا ہے کہ انٹرنیشنل ڈارک ویب کا سرغنہ سہیل ایاز چرس،اور آئس بیچنے کا دھندہ بھی کرتا ہے،ملزم سہیل ایاز بچوں کو زیادتی کے حوالے سے سپلائی کرنے کا کام بھی کرتا ہے،

سی پی او رانا فیصل کا مزید کہنا تھا کہ پولیس نے ملزم سہیل ایاز کی وہ قیمتی گاڑی بھی بر آمد کر لی جس میں وہ بچوں کو بدفعلی کے لئے بہلا پھسلاکر لے جاتا تھا،بر آمد ہونے والے بچے کی معصومیت کا یہ عالم ہے کہ وہ 2ماہ تک زیادتی کا نشانہ بننے کے بعد بھی ملزم سہیل ایاز کو علی بھائی کہہ رہا ہے،ملزم سہیل ایاز اور اس کے ساتھ خرم کالا کی سفاکیت کا شکار ہونے والے تمام بچوں کے ورثاء کے ساتھ قانونی کارروائی کے لئے رابطہ کر رہے ہیں،

پولیس کے مطابق ملزم سہیل ایاز پیشے کے اعتبار سے چارٹرڈ اکاؤنٹنٹ اور ڈارک ویب کے استعمال کا ماہر ہے، پولیس کا کہنا ہے کہ اگر زیادتی کا شکار بچوں کے والدین خوف یا بدنامی کے ڈر سے مقدمے میں مدعی نہ بنے تو پولیس ان وارداتوں کی مدعی بنے گی۔

سی پی او کا کہنا ہے کہ ملزم اٹلی میں بھی بچوں کے ساتھ زیادتی کے مقدمات میں عدالتی ٹرائل بھگت چکا ہے،انٹرنیشنل ڈارک ویب کےسرغنہ سہیل ایازکو برطانیہ سےاسی جرم میں ڈی پورٹ کیا گیا تھا،راولپنڈی میں ملزم نے قہوہ بیچنے والے محنت کش کے بچے کو بدفعلی کا نشانہ بنایا،وڈیو بنائی،

لاہور:ایک اور حواکی بیٹی سسرالیوں کے تشدد کی بھینٹ چڑھ گئی ،اطلاعات کے مطابق شاد باغ کے علاقے میں لڑکی کی پر اسرار ہلاکت، ورثا نے سسرالیوں پر قتل کا الزام عائد کردیا، پولیس نے لاش کو پوسٹمارٹم کے لیے مردہ خانے منتقل کر دیا۔

پولیس کے مطابق انھیں اطلاع ملی کی شاد باغ کے علاقے میں مریم نامی لڑکی نے زہر کھا لیا ہے جس کی وجہ سے اس کی موت ہوگئی ہے۔ پولیس موقع ہر پہنچی تو مریم کے ورثا بھی جائے وقوعہ پر پہنچ چکے تھے، ورثا نے مریم کے سسرالیوں پر الزام عائد کرتے ہوئے کہا کہ مریم کو اس کے سسرال والوں نے ہی مبینہ طور پر زہر دیا جس کی وجہ اسکی موت ہوئی ہے۔

ورثا کا کہنا تھا کہ مریم نے چند ماہ قبل حسن سے پسند کی شادی کی تھی مگر حسن کے گھر والے مریم کو پسند نہیں کرتے تھے اس لیے ذاتی رنجش پر مریم کو زہر دیا گیا ہے۔

پولیس نے لاش کو تحویل میں لے کر پوسٹمارٹم کیلئے مردہ خانے منتقل کر دیا ہے جبکہ پولیس کا کہنا تھا کہ مزید حقائق پوسٹمارٹم رپورٹ کے بعد ہی سامنے آئیں گے۔