Baaghi TV

Category: جرائم و حادثات

  • گوادر: منشیات کی بڑی کیپ پکڑی گئی

    گوادر:پاکستان کی سمندری حدود میں تمام قسم کی اسمگلنگ روکنے کے لیے بہترین اقدامات دوسریطرف انٹی نارکو ٹکس زرائع کے مطابق خفیہ اطلاع پر پاک نیوی، پاکستان میری ٹائم سیکورٹی ایجنسی اور انٹی نارکو ٹکس فورس کا پشکان کے کھلے سمندر میں مشترکہ کاروائی کرتے ہوئے منشیات کی بڑی کیپ پکڑلی گئی۔

    سکھ یاتری خواتین کو لوٹنے والے ڈاکو پکڑے جانے والے خطرناک ڈاکو کون ہیں‌ ؟پولیس نے بتادیا

    منشیات میں 241 کلو گرام ہیروین اور 2 کلو گرام ہیش بھی شامل ہیں جبکہ پکڑی گئی منشیات کی بین الاقوامی مارکیٹ میں قیمت 2410 ملین روپے ہے۔ اس سے قبل پاکستان کوسٹ گارڈز نے پسنی(بلوچستان) کے قریب واقع بدوک چیک پوسٹ پر دوران چیکنگ ایک کارمیں خفیہ طریقے سے چھپائی گئی 10 کلو گرام اعلی کوالٹی کی چرس اور12 کلو گرام اعلی کوالٹی کی افیون برآمد کرکے دوافراد کو گرفتار کیا تھا۔

    دنیا کرکٹ کےکون کون نامور کھلاڑی پاکستان آنے کیلئے تیار

    جبکہ ایک اور کاروائی کے دوران وندرمیں واقع باغیچوں کے اندر چھپاٰٗئی گئی3955 کلو گرام چھالیہ برآمد کی تھی اور پکڑی جانے والی منشیات اورچھالیہ کی عالمی مارکیٹ میں مالیت تقریبا 160.51ملین روپے کے لگ بھگ تھی۔اس سے متعلق وزیر انسداد منشیات شہریار آفریدی کی اقوام متحدہ میں یورپی سفیر سے ملاقات بھی ہوئی تھی۔

    میاں محمد نوازشریف کی صحت بدستور تشویشناک، فالج کا بھی شدید خدشہ

  • آسمانی بجلی گرنے سے 17 افراد جاں بحق

    مٹھی: صحرائے تھر کے مختلف علاقوں میں آسمانی بجلی گرنے سے 5 خواتین سمیت 17 افراد زندگی کی بازی ہار گئے۔تفصیلات کے مطابق صحرائے تھر کے مختلف علاقوں میں گرج چمک کے ساتھ طوفانی بارش اور ژالہ باری اور آسمانی بجلی گرنے سے 5 خواتین سمیت 17 افراد جاں بحق ہوگئے۔رپورٹ کے مطابق آسمانی بجلی گرنے سے 10 سے زائد افراد زخمی ہوئے جنہیں مختلف اسپتالوں میں طبی امداد دی جارہی ہے۔

    سموگ ختم ہونے کے امکانات روشن،محکمہ موسمیات نےبارش کی نوید سنادی

    ذرائع کا کہنا ہے کہ اسلام کوٹ، نگرپارکر، مٹھی، چھاچھرو میں بجلی گرنے کے واقعات پیش آئے ہیں جس کے نتیجے میں درجنوں مویشی بھی ہلاک ہوئے ہیں۔ادھر سانگھڑ کے علاقے کھپرو میں بھی آسمانی بجلی گرنے سے 2 خواتین سمیت 4 افراد ہلاک اور متعدد زخمی ہوگئے۔

    شیعہ وقف بورڈ کی جانب سے رام مندر کی تعمیر کیلئے 51,000 چندہ جمع کرایا گیا

    خیرپور کے علاقے کوٹ ڈیجی میں بھی آسمانی بجلی گرنے سے ایک درخت کو آگ لگ گئی، فائر بریگیڈ کے عملہ آگ بجھانے میں مصروف ہے۔عمر کوٹ اسپتال سجاول کی انتظامیہ کا کہنا ہے کہ حادثے میں زخمی ہونے والے 3 افراد کو اسپتال لایا گیا جن کا جسم بری طرح جھلسا ہوا ہے۔

    وزیراعظم درخت لگارہے ہیں اورایڈن سوسائٹی والے کاٹ رہے ہیں،ایک طرف سموگ دوسری طرف درخت مافیا

    محکمہ موسمیات کا کہنا ہے کہ ایک تیز رفتار لہر ہے جو ملک کے نچلے حصوں کو متاثر کررہی ہے اور آج سکھر، لاڑکانہ، میرپورخاص، عمر کوٹ، شکارپور اور جیکب آباد میں بارش کا امکان ہے۔رپورٹ کے مطابق مٹھی میں 11 ملی میٹر، 15 ملی میٹر اسلام کوٹ، 27 ملی میٹر ننگرپارکر، 8 ملی میٹر ڈیپلو اور چھاچھرو میں 3 ملی میٹر بارش ریکارڈ کی گئی ہے۔

  • یہ ہے پرامن لاہور، پولیس کی موجودگی میں بیوہ خاتون قتل،پولیس فرار

    یہ ہے پرامن لاہور، پولیس کی موجودگی میں بیوہ خاتون قتل،پولیس فرار

    یہ ہے پرامن لاہور، پولیس کی موجودگی میں بیوہ خاتون قتل،پولیس فرار

    باغی ٹی وی کی رپورٹ کے مطابق صوبائی دارالحکومت لاہور کے علاقے مناواں میں مقامی پولیس کی موجودگی میں قبضہ گروپ نے 50 سالہ بیوہ خاتون کو اندھا دھند فائرنگ کر کے قتل کر دیا جبکہ پولیس موقع سے فرار ہو گئی بعد ازاں پولیس نے ملزمان کے جانے کے بعد لاش قبضے میں لے کر پورسٹمارٹم کے لیے منتقل کر کے اپنے قانونی تقاضے پورے کر لیے

    مناواں کے علاقے ہنڈو ڈوگراں میں قبضہ گروپ کے سرغنہ وقار گجر نے اپنے مسلح ساتھیوں کے ہمراہ ایس پی کینٹ کے آفس میں انصاف کے تلاش میں ٹھوکریں کھا کر واپس آنے والی 50 خاتون عالیہ بی بی کو مقامی پولیس کی موجودگی میں اندھا دھند فائرنگ کر کے قتل کر دیا جبکہ پولیس اہلکار اپنی جانیں بچانے کے لیے بھاگ گھڑے ہوئے اس دوران ملزمان ہوائی فائرنگ کرتے ہوئے فرار ہو گئے بعد ازاں پولیس نے لاش کو قبضے میں لے کر پورسٹمارٹم کے لیے منتقل کر دیا .

    بتایا گیا ہے کہ وقار گجر اپنے ساتھیوں کے ہمراہ عالیہ کی زمین پر پولیس کی مدد سے قبضے کر رہا تھا اس سلسلے میں ایس پی کینٹ نے دونوں پارٹیوں کو اپنے آفس طلب کر رکھا تھا جہاں سے واپسی کے بعد ملزمان نے اسے فائرنگ کر کے قتل کر دیا،پولیس کے مطابق مطابق قبضہ مافیا کے سر غنہ وقار گجر وغیرہ نے مقدمات درج کروانے اور زمیں نہ دینے کی پاداش میں قتل کیا مقامی رہائشیوں کے مطابق ملزمان علاقے میں دہشت کی علامت سمجھے جائے ہیں جو مقامی ایس ایچ او اور ڈی ایس پی کی سرپرستی میں لوگوں کی زمینوں پر قبضہ کرتے ہیں.

    یہ ہے پر امن لاہور،سکھ یاتری خواتین کے ساتھ ڈکیتی کی واردات

    ایک اور واقعہ میں ڈکیتی مزاحمت یا جائیداد کا تنازع فیکٹری ایریا کے علاقے میں نامعلوم افراد نے چالیس سالہ تاجر کو گولی مار کر قتل کردیا۔ورثا کا روڈ بلاک کر کے احتاج۔ اطلاع ملنے پر پولیس نے لاش کو پوسٹ مارٹم کے لیے منتقل کرکے تفتیش کا آغاز کردیا

    فیکٹری ایریا کے علاقے والٹن روڈ کر رہائشی مقامی تاجر صفدر موٹر سائیکل پر سوار اپنی بیوی کو لینے کوٹ لکھپت جا رہا تھا کہ 2نامعلوم افراد نے اسے فائرنگ کرکے شدید زخمی کردیا اور موقع سے فرار ہوگئے صفدر کو تشویشناک حالت میں فوری طبی امداد کیلئے ہسپتال لے جایا گیا جہاں ڈاکٹر نے اس کی موت کی تصدیق کر دی پولیس نے موقع پر قبضے میں لے کر پوسٹمارٹم کے لئے منتقل کرکے مقتول کے بھائی کے مدعیت میں نامعلوم ملزمان کے خلاف قتل کی دفعات کے تحت مقدمہ درج کر لیا.

    پولیس کے مطابق سیف سٹی کیمروں کی مدد سے ملزمان کا سراغ لگایا جارہا ہے جبکہ ڈکیتی مزاحمت سمیت دیگر پہلوؤں پر تفتیش جاری ہے ابتدائی تفتیش کے مطابق مقتول کا پلاٹ کے لین دین ک تنازع چل رہا تھا

  • سڑک کے حادثے میں نوجوان جان سے ہاتھ دھو بیٹھا

    شیخوپورہ (نمائندہ باغی ٹی وی سے) لاہور روڈ پر قلعہ ستار شاہ کے قریب سڑک کراس کرتے ہوئے نوجوان محمد افضل تیز رفتار موٹرسائیکل کی ٹکر لگنے سے جاں بحق ہوگیا جبکہ موٹرسائیکل سوار گر کر زخمی ہوگیا متوفی محمد افضل میانوالی کا رہائشی بتایا گیا ہے جو مقامی چمڑہ ساز فیکٹری میں چوکیدار تھا

  • شرقپور روڈ پر حادثات روز کا معمول

    شیخوپورہ (نمائندہ باغی ٹی وی سے) شرقپور روڈ پر گاؤں دھول کے نزدیک تیز رفتار ٹرک بے قابو ہو کر ٹریکٹر ٹرالی سے ٹکرا گیا جس کے نتیجہ میں ٹریکٹر ٹرالی پر سوار 40 سالہ شخص محمد نواز جاں بحق اور اس کا ساتھی محمد نذیر شدید زخمی ہوگیا وہ چک نمبر 564 جڑانوالہ کے رہائشی بتائے گئے ہیں حادثہ کے بعد ڈرائیور ٹرک کو چھوڑ کر موقع سے فرار ہوگیا دریں اثنا موٹروے پر انٹر چینج ہرن مینار کے نزدیک تیز رفتار کار ٹرالہ سے ٹکرا گئی جس کے نتیجہ میں کار میں سوار چار افراد شدید زخمی ہوگئے کار لاہور سے اسلام آباد کی طرف جا رہی تھی

  • مسافر ہوا قتل

    شیخوپورہ (نمائندہ باغی ٹی وی سے) لبان والہ کے نزدیک دو موٹرسائیکل سوار مسلح ڈاکوؤں نے مزاحمت کرنے پر کار سوار شخص ظہیر احمد کو فائرنگ کر کے موت کے گھاٹ اتار دیا اور فرار ہوگئے فیروزوالہ پولیس نے مقتول کی نعش اپنی تحویل میں لے کر پوسٹ مارٹم کے لیے بھجوا دی ہے بتایا گیا ہے کہ مقتول ظہیر احمد شکر گڑھ کا رہائشی ہے جو کار پر وقوعہ کے وقت شکر گڑھ سے لاہور کی طرف آ رہا تھا جس کو تھانہ فیروزوالہ کے علاقہ لبان والہ کے نزدیک ڈاکوؤں نے روک کر لوٹنے کی کوشش کی اس دوران مقتول نے ایک ڈاکو کو پکڑنے کی کوشش کی تو اس کے ساتھی نے فائرنگ کر دی جس سے ظہیر احمد کی ٹانگ اور پاؤں پر گولیاں لگیں اور وہ شدید زخمی ہوگیا اسے ریسکیو 1122 کا عملہ میو ہسپتال لاہور علاج کی خاطر لے جا رہا تھا کہ راستہ میں ہی زخموں کی تاب نہ لاتے ہوئے دم توڑ گیا

  • ڈکیتیوں کا بازار ہوا گرم

    شیخوپورہ (نمائندہ باغی ٹی وی سے) شہر اور اس کے نواحی علاقوں میں ڈکیتی اور چوری کی کئی وارداتیں ہوئیں، قصبہ جنڈیالہ شیر خان میں نامعلوم نقب زنوں کا گروہ تاجر معظم علی کی دوکان کے تالے توڑ کر وہاں سے 40 ہزار روپے مالیت کے موبائل فون کارڈز چار قیمتی موبائل فون اور دیگر اشیا نکال کر لے گیا چٹی کوٹھی روڈ پر دو ڈاکو محنت کش شہزاد احمد سے اس کی موٹرسائیکل دس ہزار روپے اور ایک موبائل فون چھین کر فرار ہوگئے محلہ جناح پارک میں مقامی شہری عاقل رشید کی موٹر سائیکل ایک میڈیکل سٹور کے باہر سے چوری ہوگئی لاہور روڈ کی آبادی کوٹ دوساکو چوک میں دو ڈاکو محنت کش صابر علی سے 14 ہزار روپے اور موبائل فون چھین کر فرار ہوگئے شرقپور خورد تھانہ فیکٹری ایریا کے قریب 3 ڈاکو گاؤں خاکی کے رہائشی محنت کش محمد آصف سے 20 ہزار روپے اور اس کی موٹر سائیکل چھین کر فرار ہوگئے محلہ دارالاسلام فاروق آباد میں نامعلوم چور محنت کش عبدالغفار کا رکشہ اس کے گھر کے باہر سے چوری کر کے فرار ہوگئے

  • مریدکے سے اشتہاری مجرم گرفتار

    شیخوپورہ (نمائندہ باغی ٹی وی ) پولیس نے مریدکے میں کاروائی کرتے ہوئے ایک ہی خاندان کے 5 افراد سمیت قتل کے 9 مقدمات کے اشتہاری ملزم لطیف عرف تیفا کو گرفتار کر لیا ہے جس کے سر کی قیمت دو لاکھ روپے مقرر کی جا چکی تھی یہ بات اے ایس پی عائشہ بٹ اور اے ایس پی توحید الرحمنٰ نے میڈیا بریفنگ کے دوران بتائی

  • ڈائریکٹر جنرل اینٹی کرپشن پنجاب نے اٹھایا بڑا قدم

    شیخوپورہ (نمائندہ باغی ٹی وی ) ڈائریکٹر جنرل اینٹی کرپشن پنجاب نے ابتدائی انکوائری رپورٹ سے اتفاق کرتے ہوئے محکمہ آبپاشی کے شعبہ رچنا ڈرینج ڈویژن کے چیف انجینئر ریاض رشید دو ایگزیکٹیو انجینئروں عابد اکرم صداقت لطیف ایس ڈی او منکو کی سب ڈویژن اور اکاؤنٹنٹ عادل علی اور متعدد ٹھیکیداروں کے خلاف سنگین مالی بے قاعدگیوں اور ترقیاتی کاموں کے نام پر کروڑوں روپے کی خرد برد کے مبینہ الزامات کی ریگولر تحقیقات کی ہدایت جاری کر دی ہے اور ترقیاتی کاموں کی فزیکل چیکنگ اور ریکارڈ کےمعائینہ کے لیے ڈپٹی ڈائریکٹر محکمہ اینٹی کرپشن ضلع شیخوپورہ کی سربراہی میں ایک کمیٹی تشکیل دے دی ہے محکمہ اینٹی کرپشن کے حکام نے بتایا ہے کہ رچنا ڈرینج ڈویژن کی راجباہوں لیلہ بھیڈ اور دیگر متعدد راجباہوں اور برساتی نالوں کی تعمیر و مرمت کے نام پر کروڑوں روپے کی خرد برد کی ابتدائی تحقیقات ایک تحریری درخواست پر شروع کی گئی تھی جس کے دوران ملنے والے ثبوتوں کے حوالے سے ابتدائی رپورٹ مرتب کر کے ڈی جی اینٹی کرپشن کو ریگولر انکوائری کی اجازت کی غرض سے بھیجی گئی تھی جس پر ڈی جی اینٹی کرپشن پنجاب نے ریگولر تحقیقات کی ہدایت جاری کر دی ہے محکمہ اینٹی کرپشن کے حکام نے بتایا ہے کہ تحصیل ہیڈ کوارٹر ہسپتال صفدر آباد کے سابق ایم ایس اور ایڈمن افسر کے خلاف بھی بدعنوانیوں کے مبینہ الزامات کی تحقیقات شروع کر دی گئی ہے یہ تحقیقات محکمہ صحت میں کام کرنے والے ٹھیکیدار جاوید اصغر کی تحریری شکایت پر شروع کی گئی ہے جبکہ محکمہ لوکل گورنمنٹ و دیہی ترقی کے ایکسین میاں مدثر ایس ڈی او میاں وسیم احمد سمیت متعدد افسروں اور اکاؤنٹنٹ کے خلاف بھی ایم این اے کے نام پر 20 فیصد کمیشن لینے اور متعدد ترقیاتی کاموں کے نام پر بوگس ادائیگیاں کرنے وغیرہ کے میبنہ الزامات کی تحقیقات شروع کر دی گئی ہے یہ تحقیقات بھی ایک تحریری شکایت پر پر اعلیٰ حکام کی طرف سے جاری ہونے والے احکامات کی بنا پر شروع کی گئی ہے دریں اثنا مذکورہ چیف انجینئر ایگزیکٹیو انجینئروں اور دیگر ملازمین نے بدعنوانیوں وغیرہ کے الزامات کی تصدیق نہ کی ہے اور کہا ہے کہ محکمہ رچنا ڈرینج میں متعدد راجباہوں کی تعمیر و مرمت کے نام پر ایک ارب روپے کی خرد برد کا الزام بھی درست نہ ہے

  • ایک ہی خاندان کے6 افراد حادثے میں‌ جانبحق،کہرام مچ گیا ،گھروالوں پرقیامت صغریٰ‌،ہرآنکھ نم

    سیالکوٹ : ایک ہی خاندان کے6 افراد حادثے میں‌ جانبحق،کہرام مچ گیا ،گھروالوں پرقیامت صغریٰ‌،ہرآنکھ نم ، اطلاعات کے مطابق ٹریفک حادثے میں ایک ہی خاندان کے چار سالہ بچی سمیت6افراد جاں بحق ہوگئے،تفصیلات کے مطابق سیالکوٹ میں پسرور روڈ پر خوفناک ٹریفک حادثہ پیش آیا ہے، دو گاڑیوں کے درمیان خوفناک تصادم کے نتیجے میں چھ افراد جاں بحق ہوگئے، متوفیان کا تعلق ایک ہی خاندان سے ہے۔

    فرار ہونے والے ملزمان اپنے ہی ساتھیوں کا نشانہ بن گئے؟یاپھرپولیس نے کام کردکھایا!

    اطلاعات کے مطابق تین افراد نے موقع پر ہی دم توڑ دیا جبکہ تین افراد ہسپتال پہنچ کر دوران علاج دم توڑ گئے، متوفیان کی لاشیں لواحقین کے حوالے کردی گئیں۔ وزیراعلیٰ عثمان بزدار نے حادثے کے بارے میں انتظامیہ سے رپورٹ طلب کر لی ہے۔

    میاں محمد نوازشریف کی صحت بدستور تشویشناک، فالج کا بھی شدید خدشہ

    ہسپتال ذرائع کا کہنا ہے کہ ٹریفک حادثے میں جاں بحق ہونے والوں میں35سالہ محمد یعقوب،38سالہ محمد فاروق30 سالہ رضیہ مظفر،14سالہ صدف ذوالفقار چار سالہ فضیلت مظفر، سفیان علی اور24سالہ ڈرائیور بھی شامل ہیں۔

    ہیپاٹائٹس سی: پاکستان دوسرے نمبرپر،مریضوں کی تعداد ایک کروڑ،عالمی ادارے کی رپورٹ

    علاوہ ازیں وزیراعلیٰ پنجاب عثمان بزدار نے پسرور کے قریب ٹریفک حادثہ میں قیمتی انسانی جانوں کے ضیاع پر گہرے دکھ اور افسوس کا اظہار کیا ہے۔وزیراعلیٰ نے جاں بحق افراد کے لواحقین سے دلی ہمدردی اور تعزیت کا اظہار کرتے ہوئے حادثے کے بارے میں انتظامیہ سے رپورٹ طلب کرلی ہے۔