راولپنڈی۔ (اے پی پی) راولپنڈی پولیس نے پوٹھوہار ڈویژ ن میں منشیات فروشوں کے گرد گھیرا تنگ کرتے ہوئے 17 ملزمان کو گرفتار کر کے 7 کلو 730 گرام چرس، 200 گرام آئس اور 90 لیٹر شراب برآمد کر لی۔پولیس ترجمان کے مطابق تھانہ کینٹ پولیس نے ملزم فرخ مسیح کو گرفتار کر کے 1 کلو 10 گرام چرس برآمد کی،تھانہ ویسٹریج پولیس نے ملزم مسکین کو گرفتار کرکے 5 لیٹر شراب برآمد کرلی،تھانہ نصیر آباد پولیس نے ملزم محمد نبی کو گرفتار کرکے 200 گرام آئس جبکہ ملزم میر قیوم کو گرفتار کرکے 1 کلو 460 گرام چرس برآمد کی گئی۔اسی طرح تھانہ آر اے بازار پولیس نے ملزم فیصل کو گرفتار کرکے 10 لیٹر شراب، ملزم توقیر سے 10 لیٹر شراب جبکہ ملزم عمر کو گرفتار کرکے 600 گرام چرس برآمد کی جبکہ تھانہ ریس کورس پولیس نے ملزم راحیل کو گرفتار کرکے 260 گرام چرس برآمد کی اور تھانہ سول لائن پولیس نے ملزم علی افتخار کو گرفتار کرکے 3 بوتل شراب جبکہ ملزم عدنان کو گرفتار کرکے 1 کلو 230 گرام چرس برآمد کی۔تھانہ ایرپورٹ پولیس نے ملزم بلال کو گرفتار کرکے 1 کلو 650 گرام چرس برآمد کی۔تھانہ مورگاہ پولیس نے ملزم شہر یار کو گرفتار کرکے 10 لیٹر شراب جبکہ ملزم سعد اللہ کو گرفتار کرکے 260 گرام چرس برآمد کی۔تھانہ ٹیکسلا پولیس نے ملزم کوثر کو گرفتار کرکے 30 لیٹر شراب برآمد کی۔تھانہ واہ کینٹ پولیس نے ملزم دیدا خان کو گرفتار کرکے 1 کلو 260 گرام چرس برآمد کی۔تھانہ صدرواہ پولیس نے ملزم عظیم کو گرفتار کرکے 10 لیٹر شراب جبکہ ملزم وقاص کو گرفتار کر کے 15 لیٹر شراب برآمد کی۔
Category: جرائم و حادثات
-
ڈاکوؤں نے تاجر کو لوٹ لیا، مزاحمت پر گولی مار دی
کبیروالا۔ (اے پی پی) خود کا ر اسلحہ سے مسلح ڈا کو ؤں نے ڈکیتی میں مزاحمت پر فائر کھول دیا، گو لی تاجر کی پنڈلی کے پار ہو گئی، ڈا کو 72000ہزارروپے چھین کر فرار۔ گزشتہ شب نواحی موضع نند پور کے رہائشی محمد کاشف چوپڑہٹہ سے قائم اپنا عمیر میڈیکل اسٹوربند کر کی اپنے چھوٹے بھائی شاہد کے ہمراہ موٹر سائیکل پر سوار گھر واپس جارہے تھے کہ راستے میں اچانک عقب سے آنے والے خود کار اسلحہ سے مسلح دو نامعلوم موٹر سائیکل سوار ڈا کو ؤں نے آن کرروک لیا اور گن پوائنٹ پرتلاشی لیتے اسکی جیب سے 720000ہزار روپے نقدنکا ل لئے اس دوران شاہد نے ڈا کو ؤں سے مزاحمت کی تو ڈا کوؤں نے اس پر سیدھی فائرنگ کھول دی گولی پنڈلی میں لگنے سے شاہد لہو لہان ہو گیا،ڈا کو واردات کے بعد اطمینان سے فرار ہو جانے میں کامیاب ہو گئے، سرائے سدھو پو لیس نے متاثرہ کی درخواست پر نامعلوم ڈا کو ؤں کے خلاف مقدمہ درج کر لیا۔
-
خوشاب سے اسلام آباد جانے والی کار سے کیا بر آمد ہوا،سب پریشان
سرگودہا،خوشاب(نمائندہ باغی ٹی وی )خوشاب پولیس نے نہنگ سے اسلام آباد مضر صحت گوشت لے کر جانے والے دو ملزمان پکڑ لیے ملزمان سے دس من کے قریب مضر گوشت برآمد ملزمان کار میں گوشت ڈال کر لے جارہے تھے پولیس نے مخبر کی اطلاع پر چیک کیا تو کا ر میں مضر صحت گوشت موجود تھا جس پر پولیس نے ملزمان کو گرفتارکر کے مقدمہ درج کر لیا مزید جانتے ہیں تفصیلات کے مطابق ڈی ایس پی فرخ سہیل اور ایس ایچ او تھانہ خوشاب راجہ ارشد عباس کو مخبری ملی کہ کالے رنگ گاڑی میں مضر صحت گوشت موجود ہے اور اسلام آباد کی طرف روانہ ہے جس پر ڈی ایس پی اور ایس ایچ او نے بھاری نفری کے ہمراہ ناکہ لگایا اور پولیس اہلکاروں نے مشکوک گاڑی کو روکا دوران تلاشی گاڑی سے 10من کے قریب مضر صحت گوشت برآمد کر لیا اور انسانی زندگی سے کھیلنے والے دو ملزمان کو گرفتار کر لیا ملزمان گوشت نہنگ سے اسلام آباد لے جا رہے تھے کہ خوشاب پولیس کو اطلاع ملی کہ مضر صحت گوشت سپلائی کے لئے اسلام آباد لے جایا جا رہا ہے جس پر پولیس بروقت کارروائی کرتے ہوئے کامیاب کاروائی کر کے ملزمان کو گرفتار کر کے مقدمہ درج کر لیا ۔۔
-
صلاح الدین قتل کیس ملزمان کے وکیل کے اوچھے ہتھکنڈے
صلاح الدین کیس: رحیم یار خان بار کے صدر جوکے ملزمان کے وکیل ہیں نے آج پھر ہڑتال کردی. ملزمان کی عبوری ضمانت میں مزید توسیع.
وکیل ایڈوکیٹ اُسامہ خاور کہا کہنا ہے کہ یہ مسلسل تیسری ہڑتال ہے. ہرپیشی پر ملزمان کے وکلاء ہڑتال کر دیتے ہیں. پچھلی تاریخ پر بھی صدر نے ہڑتال کی تھی. اگلی تاریخ 9 اکتوبر 2019 ہے.
صلاح الدین کے والد نے ایک مہینہ گزرنے کے باوجود ملزمان گرفتار نہ ہونے پر افسوس کا اظہار کیا ہے اور حکومت سے ملزمان کی جلد گرفتاری کا مطالبہ کیا ہے. –
یاد رہےصلاح الدین کو اے ٹی ایم مشین توڑنے کے الزام میں رحیم یار خان پولیس نے گرفتار کیا تھا ۔ تفتیش کے دوران پولیس کے بدترین تشدد سے صلاح الدین کی موت واقع ہو گئی جس سے سوشل میڈیا پر صلاح الدین کے حق میں بھرپور آواز بلند ہوئی ، الیکٹرانک میڈیا نے بھی خوب اس آواز کو اٹھایا اور صلاح الدین کے لواحقین کو انصاف دینے کا مطالبہ زور پکڑ گیا ۔
صلاح الدین گوجرانوالہ ضلع کی تحصیل کامونکی تھانہ واہنڈو سے ملحقہ گاؤں گورالی کا رہنے والا تھا ۔ صلاح الدین اک ذہنی معذور تھا ۔ میڈیا اور سوشل میڈیا کے ذریعے حکومت پنجاب پر شدید دباؤ ڈالا گیا جس کے نتیجہ میں وزیر اعلیٰ نے صلاح الدین کے اہلخانہ کو اپنے پاس بلایا اور ان کے مطالبات تسلیم کرنے کی یقین دہانی کروائی ۔ اسی کے پیش نظر صلاح الدین کی موت کی تفتیش کا آغاز کر دیا گیا
-
سمندری میں لرزہ خیز واقعہ، 8 سالہ بچہ زیادتی کے بعد قتل ملزم گرفتار
فیصل آباد (نمائندہ باغی ٹی وی) سمندری کے علاقے ترکھانی میں لرزہ خیز واقعہ پیش آیا۔ بائیس سالہ شخص نے آٹھ سالہ بچے کو مبینہ زیادتی کے بعد قتل کردیا۔ ملزم قاسم بچے سعد کو گھر سے لیکر گیا بعد میں کھیتوں سے لاش برآمد ہوئی۔ بچے کا گلہ اور پیٹ تیز دھار آلے سے کاٹے گئے۔ پولیس نے بروقت کاروائی کرتے ہوئے ملزم قاسم کو گرفتار کر لیا۔ ملزم نے اقبال جرم کر لیا ہے مزید تفصیلات پوسٹ مارٹم کے بعد سامنے آئیں گی۔ چند روز قبل بھی ترکھانی کے علاقے سے بچوں کیساتھ زیادتی کرکے ویڈیوز بنانے والا گروہ گرفتار ہوا ہے۔ یاد رہے کہ کل وزیراعلی پنجاب عثمان بردار نے پریس کانفرنس کرتے ہوئے چونیاں میں قتل ہونے والے 4 معصوم بچوں کے سفاک قاتل کے پکڑے جانے کا اعلان کیا ہے۔
-
ایف آئی اےسائبر کرائم ونگ نے اہم ملزم پکڑ لیا
ایف آئی اےسائبر کرائم ونگ نےپکڑا ایک انوکھے جرم کا ملزم جسے جان کر قارئین حیران ہو جائیں
باغی ٹی وی رپورٹ : یف آئی اےسائبرکرائم ونگ نےگوجرانوالہ میں آن لائن سرمایہ کارکمپنی کارکن گرفتارکرلیا.ملزم میاں اعجازآن لائن ڈیجیٹل کرنسی کےلاکھوں روپےکےفراڈمیں ملوث تھا،ملزم نےکئی شہروں سےرجسٹریشن کی مدمیں لاکھوں روپے بٹوررکھےتھے.ملزم ایف آئی اےسائبرکرائم ونگ کوکئی مقدمات میں مطلوب تھا.ملزم کو گرفتار کر کے مزید تحقیقات کی جاری ہیں،
-
2 پولیس اہلکاروں سمیت 6 افراد کی خاتون سے اجتماعی زیادتی ، یہ بد بخت کون ہیں، خبر نے تہلکہ مچا دیا
کراچی:ملک میں ایک طرف اگر کوئی زانی اور قاتل مجرم پکڑا جاتا ہے تو دوسری طرف نئی مصبیت آن کھڑی ہوتی ہے ، جیسے کراچی میں شہر قائد کے علاقے نارتھ کراچی میں خاتون سے مبینہ اجتماعی زیادتی کرنے والے 2 پولیس اہلکاروں سمیت 6 ملزمان کو حراست میں لے لیا جن میں سے تین نے جرم کا اعتراف کرلیا۔
تفصیلات کے مطابق ایک طرف چونیاں میں ننھے بچوں کو زیادتی کے بعد قتل کرنے والا مجرم گرفتار کیا جاتا ہے ، ادھر نارتھ کراچی کے سیکٹر 4 کی رہائشی شادی شدہ خاتون نے خواجہ اجمیر نگری تھانے میں مقدمہ درج کرایا کہ 2 پولیس اہلکاروں سمیت 6 افراد نے اُن کے گھر میں زبردستی داخل ہوکر زیادتی کا نشانہ بنایا۔
“یااللہ میری توبہ ! خطرناک گٹکے کے 3 لاکھ 62 ہزار 106 پیکٹس پکڑلیے گئے ، فوڈ اتھارٹی کی کامیاب کاروائی” لاک ہے
خاتون کی شکایت پر پولیس نے 19/315 مقدمہ درج کیا اور پولیس اہلکاروں سمیت تمام ملزمان کو گرفتار کیا، دانش، سرفراز اور رضا نے دورانِ تفتیش زیادتی کا اعتراف کیا۔ ذرائع کے مطابق خاتون کے ساتھ زیادتی کرنے والا اہلکار سرفراز انٹیلی جنس برانچ ویسٹ میں تعینات ہے جبکہ دانش ایس بی آفس گڈاپ میں ڈرائیور کی حیثیت سے کام کرتا ہے۔
“بریکنگ : پنجاب بھر میں دفعہ 144 نافذ کر دی گئی ، بزدار حکومت اقدامات کی بجائے اختیارات استعمال کرنے لگی” لاک ہے
ذرائع کے مطابق کراچی کی اس بیچارے خاتون کے مطابق ان کے شوہر جب 2 بجے کے قریب آیا تو انہوں نے تمام صورتحال بتائی تو پھر رپورٹ درج کرائی۔ ایف آئی آر میں کامران، لیاقت، رضوان، نعیم، سرفراز، دانش اور رضا کو نامزد کیا گیا۔
-
زہریلے چاول کھانے سے مظفرگڑھ میں 4افراد کی حالت غیر ہوگئی
مظفرگڑھ میں مبینہ طور پر زہریلے چاول کھانے سے 4 افراد کی حالت غیر ہوگئی،متاثرہ افراد نے خیرات میں ملنے والے چاول کھائے تھے.مظفرگڑھ کی تحصیل کوٹ ادو کے علاقے موضع پتی سلطان محمود شرقی میں مبینہ طور پر زہریلے چاول کھانے کے بعد 3 خواتین سمیت 4 افراد کی حالت غیر ہوگئی،ریسکیو 1122 نے متاثرہ افراد کو ڈی ایچ کیو ہسپتال مظفرگڑھ منتقل کردیا.پولیس کے مطابق متاثرین نے مبینہ طور پر ہمسایوں سے آنے والے زہریلے چاول کھائے تھے.ہمسایوں کیخلاف متاثرہ افراد کی مدعیت میں مقدمہ درج کرلیا گیا ہے،پولیس کیمطابق مبینہ طور پر زہریلے چاول کھانے والے متاثرین کے بیان کیمطابق مقدمہ بازی کی رنجش میں ان کے ہمسایوں نے انھیں زہریلے چاول کھلائےہیں۔
-
مظفرگڑھ میں مٹی اٹھانے کی تنازعہ پر تصادم!لڑکی سمیت دوخواتین جاں بحق جبکہ 3افراد زخمی ہوگئے
مظفرگڑھ میں مٹی اٹھانے کے تنازع پر دو گروپوں کے درمیان تصادم ہوگیا.تصادم کے دوران ہونے والی فائرنگ کی زد میں آکر لڑکی سمیت 2 خواتین جاں بحق اور 3 افراد زخمی ہوگئے.مظفرگڑھ کے علاقے حاجی واہ کے قریب دو گروپوں میں تصادم ہوگیا.پولیس کیمطابق فائرنگ کے تبادلے میں 12 سالہ لڑکی سمیت 2 خواتین جاں بحق اور 3 افراد زخمی ہوگئے.مرنے والی خواتین آپس میں چچی بھتیجی ہیں.پولیس کیمطابق دونوں گروپوں میں مٹی اٹھانے کے تنازع پر جھگڑا ہوا۔زخمی ہونے والے افراد کا تعلق دونوں گروپوں سے ہے.زخمیوں کو تشویشناک حالت میں ڈی ایچ کیو ہسپتال منتقل کردیا گیا.پولیس کیمطابق دونوں گروپوں سے تعلق رکھنے والے 2 ملزمان کو زخمی حالت میں ہسپتال سے گرفتار کرلیاگیا ہے.
-
مظفرگڑھ میں 405بجلی چور رنگے ہاتھوں پکڑے گئے،کروڑوں روپے جرمانہ کے ساتھ مقدمات درج
سپرنٹنڈنگ انجینئرمیپکو سرکل مظفر گڑھ انجینئرمہرنذر محمد ڈب کے مطابق میپکو سرکل مظفر گڑھ میں بجلی کی چوری روکنے کے لیے سخت ترین اقدامات اٹھائے جارہے ہیں۔میپکومظفرگڑھ سرکل کی خصوصی ٹیموں اورٹاسک فورسزنے بجلی چوروں کے خلاف کا ایکشن لیتے ہوئے ماہ ستمبرکے دوران 405 بجلی چوروں کو رنگے ہاتھوں پکڑا اور ان کو 667441یونٹ بجلی چوری پر ایک کروڑ15 لاکھ80ہزار روپے جرمانہ کیا گیاہے۔اسی طرح بجلی چوری میں ملوث 262بجلی چوروں کے خلاف ایف آئی آر بھی متعلقہ تھانوں میں درج کروائی گئیں۔ سپرنٹنڈنگ انجینئرکاکہناتھا کہ میپکوسرکل مظفرگڑھ میں بجلی چوروں کے خلاف آپریشن بلاامتیاز جاری رہے گا اور بجلی چوروں سے کوئی رعایت نہیں کی جائے گی چاہے کوئی کتنا ہی بااثرکیوں نہ ہوں۔انہوں نے میپکو صارفین سے مطالبہ کیا کہ وہ بجلی چوری روکنے کے لئے میپکو کا ساتھ دیں تاکہ ان قومی مجرموں کا محاسبہ کیا جاسکے ۔صارفین کے میپکو سرکل مظفرگڑھ کی طرف سے بنائی گئی خصوصی ٹیموں اورٹاسک فورسز کے ساتھ تعاون سے ہی بجلی چوری کو روکا جاسکتا ہے۔