مظفرگڑھ کے علاقہ بیٹ میر ہزار میں دو گروپوں کے درمیان تصادم کے دوران اینٹوں اور پتھروں کا آزادانہ استعمال ،تصادم کی اطلاع ملتے ہی پولیس کے شیر جوان جائے وقوعہ پر تو پہنچنے لیکن تصادم رکوانے کی ہمت نہ کرسکے اوردیواروں کے پیچھے چھپ کر تماشہ دیکھتے رہے۔مظفرگڑھ کے تھانہ بیٹ میر ہزار خان پولیس کے جوانوں کا تصادم ختم کرانے کی بجائے تماشہ دیکھنے کی ویڈیو وائرل ہوگئی۔بیٹ میرہزارخان اڈا چوک کے نزدیک ماسٹر بلال بھٹی اور مخالف پارٹی میں کھالے کی تعمیر کا تنازعہ تھا جس پر دونوں پارٹی کے درمیان تصادم ہوا ۔تصادم کے دوران دونوں اطراف سے اینٹوں کے آزادانہ استعمال کے باعث چار افراد زخمی ہوگئے۔
Category: جرائم و حادثات
مخالفین کی فائرنگ سے تحریک انصاف کے رہنما زخمی!
مظفرگڑھ میں زمین کے تنازع پر مخالفین کی فائرنگ سے پی ٹی آئی کے مقامی رہنما زخمی ہوگئے۔واقعے کے بعد حملہ آور فرار ہونے میں کامیاب ہوگئے.مظفرگڑھ کے علاقے موضع بیٹ رائعلی میں فائرنگ کے نتیجہ میں پی ٹی آئی کے مقامی رہنماء خضرحیات مکول شدید زخمی ہوگئے.پولیس کیمطابق خضرحیات مکول کو زمین کے تنازع پر 4 افراد نے مبینہ طور پر فائرنگ کرکے زخمی کیا.زخمی ہونے والے مقامی رہنما کو ڈی ایچ کیو ہسپتال مظفرگڑھ منتقل کردیا گیا.پولیس کیمطابق فائرنگ کے واقعے کے بعد حملہ آور فرار ہونے میں کامیاب ہوگئے جبکہ واقعے کا مقدمہ تھانہ شاہجمال میں درج کیا جارہا ہے.
ATM توڑ کر چوری کرنے والا گونگا بول پڑا
فیصل آباد : پولیس بالآخر اے ٹی ایم توڑ کر چوری کرنے والا گونگا ملزم صلاح الدین کو بولنے پر کامیاب ہوگئی ، اطلاعات کے مطابق تفتیش کے دوران بول پڑا، وارداتوں کا اعتراف بھی کر لیا۔
پولیس کا کہنا ہے کہ اے ٹی ایم توڑنے والا ملزم 2 دن سے گونگا ہونے کا ڈراما کر رہا تھا، تفتیش کے دوران آخر کار اس کی گویائی لوٹ آئی۔ ملزم کی فیصل آباد میں اے ٹی ایم مشین توڑنے والی سی سی ٹی وی فوٹیج سامنے آئی تھی، جس کے بعد اسے گرفتار کر لیا گیا تھا۔
اے ٹی ایم توڑ کر کارڈ نکالنے والے خودساختہ گونگے کے بارے میں پولیس نے انکشاف کیا کہ ملزم اے ٹی ایم سے چوری کارڈ شیخوپورہ میں ایک گروہ کو فروخت کرتا تھا، ملزم اے ٹی ایم کارڈ 40 سے 50 ہزار روپے میں فروخت کرتا تھا۔
یاد رہے کہ ملزم فیصل آباد، راولپنڈی اور گجرانوالہ میں اے ٹی ایم مشینیں توڑنے کی وارداتوں میں ملوث ہے، پولیس کا کہنا ہے کہ ملزم نے تمام وارداتوں کا اعتراف کر لیا ہے۔
کراچی میں ڈبے سے ٹکڑوں میں ملنے والی لاش ، خطرناک حقائق نے ہلا کر رکھ دیا
کراچی:ڈبے میں لاش کے ٹکڑوں نے ہر کسی کو خوف زدہ کردیا ،ترجمان رینجرز کے مطابق علاقہ شرافی گوٹھ سے 24 اگست کو ڈبے سے ٹکڑوں میں ملنے والی لاش کی گتھی سلجھ گئی۔
سندھ رینجرز کے مطابق مقتول کی شناخت کورنگی کے رہائشی 24 سالہ زعیم کے نام سے ہوئی۔ تفتیش کے دوران 2 بھائیوں شاہد اور زاہد کو حراست میں لیا جنہوں نے پوچھ گچھ کے دوران زعیم کے قتل کا اعتراف کیا۔
سندھ رینجرز ذرائع کے مطابق مقتول زعیم نے ملزمان کو کاروبار کیلئے 36 لاکھ روپے دیے تھے اور ملزمان مقتول کو معاہدے کے تحت منافع نہیں دے رہے تھے۔ ترجمان نے بتایا کہ ملزمان نے زعیم کو واقعہ کے روز گھر بلایا اور گلے میں رسی ڈال کر قتل کیا۔
ترجمان سندھ رینجرز نے انکشاف کیا کہ ملزمان نے مقتول کی لاش کے 10 ٹکڑے کرنے کے بعد ڈبے میں ڈال کر کچرے میں پھینک دی تھی۔ ملزم شاہد اور زاہد کے قبضے سے ٹوکہ اور چھری برآمد کرلی گئی ہے۔
دشمنی بیڑہ غرق کردیتی ہے، فائرنگ سے دو افراد جانبحق ، کہاں ہوئے خبر نے غمگین کردیا
رحیم یار خان: ان دشمنیوں نے کئی خاندانوں کا بیڑہ غرق کردیا ، ایسی ہی پرانی دشمنی پر فائرنگ کے نتیجے میں دو افراد جاں بحق ہوگئے۔ پولیس نے دو ملزمان کو گرفتار کرلیا۔
پولیس ذرائع کے مطابق رحیم یار خان میں فاءرنگ کا واقعہ سخی سرور کالونی میں پیش آیا جہاں پرانی دشمنی پر ملزمان نے فائرنگ کرکے ایک شخص کو قتل کردیا۔ جوابی فائرنگ میں ایک ملزم زخمی ہوگیا جو اسپتال میں دم توڑ گیا۔
ذرائع کے مطابق واقعے کی اطلاع پر پولیس پہنچی تو پولیس پر بھی فائرنگ کی گئی۔ ڈی پی او نے واقعہ کا نوٹس لیتے ہوئے پولیس کی موجودگی میں فائرنگ پر دو اہلکاروں کو معطل کردیا اور مقتول کے لواحقین سے اسپتال میں اظہار تعزیت بھی کیا۔پولیس نے فائرنگ کرنے والے دو ملزمان کو گرفتار کرلیا۔
ایم سی گرلز سکول ملت کالونی میں کشمیریوں سے اظہار یکجہتی کیلئے واک
فیصل آباد وزیر اعظم عمران خان کی ہدایت پر یوم یکجہتی کشمیر کے حوالے سے ایم سی گرلز ایلیمینٹری سکول ملت کالونی میں کشمیریوں سے اظہار یکجہتی کیا گیا۔پرنسپل ادارہ ثروت جبیں نے ریلی کی قیادت کی جبکہ اساتذہ کرام، طالبات بھی شریک تھیں۔اس موقع پر طالبات نے کشمیریوں سے اظہار یکجہتی کے لئے بینرز اور پلے کارڈز اٹھا رکھے تھے۔رئیس ادارہ نے مقبوضہ کشمیر میں بھارتی فوج کی دہشت گردی کی شدید مذمت کرتے ہوئے کہا کہ ایسے منفی ہتھکنڈوں سے بھارت کشمیریوں کی تحریک آزادی کا گلا نہیں گھونٹ سکتا۔انہوں نے کہا کہ بھارتی ظلم و ستم کے باوجود کشمیری عوام میں آزادی کی تڑپ مزید بڑھی ہے اور کشمیر کی آزادی کا سورج جلد طلوع ہو گا۔ انہوں نے کہا کہ تمام پاکستانی قوم کشمیری عوام کے ساتھ کھڑی ہے اور ان کی اخلاقی و سفارتی حمایت جاری رکھیں گے۔ انہوں نے کہا کہ وحشیانہ فعل سے بھارت کا مکروہ اور گھناؤنا چہرہ دنیا کے سامنے ایک بار پھر بے نقاب ہو گیا۔انہوں نے کہا کہ آزادی کشمیری عوام کا حق ہے جو انہیں ہر صورت ملے گا۔ انہوں نے کہا کہ کشمیریوں سے اظہار یکجہتی کے لئے پاکستانی قوم ان کے ساتھ ہے۔انہوں نے کہا کہ بھارتی مظالم مقبوضہ کشمیر کے غیور عوام کے دلوں میں جذبہ حریت کو ختم نہیں کر سکتے۔ انہوں نے بھارتی ظلم و ستم پر عالمی برادری کی خاموشی پر تشویش کا اظہار کیا اور زور دیا کہ وہ بھارتی فوج کی وحشیانہ کارروائیاں رکوانے میں اپنا کردار ادا کرے۔
لاہور کے تعلیمی اداروں میں منشیات سپلائی کرنے والے میاں بیوی گرفتار
لاہور : یہ میاں بیوی کون ہوسکتے ہیں جو لوگوں کے بچوں کو نشے پر لگاتے ہیں اور اپنے بچوں کی فکر نہں ، اطلاعات کے مطابق شالیمار پولیس نے منشیات فروش کرنے والے میاں بیوی کو گرفتار کر لیا، ملزمان کے قبضے سے لاکھوں روپے مالیت کی آئس اور دیگر منشیات برآمد کر لی۔
ذرائع کے مطابق ایس پی سول لائنز نے پریس کانفرس کرتے ہوئے بتایا کہ نوجوانوں اور تعلیمی اداروں میں منشیات کے استعمال اور بالخصوص آئس کے استعمال کی زیادتی کی وجہ سے طالب علموں کی زندگیاں تباہ ہورہی ہیں۔ آئس اور منشیات کے تعلیمی اداروں میں استعمال کے پیش نظر خصوصی کریک ڈاؤن کیا گیا ہے جس میں میاں بیوی منشیات فروش کو گرفتار کیا گیا۔
پولیس کے مطابق ملزمان مرتضی اور صائمہ جو کہ آپس میں میاں بیوی ہیں، مرتضی اپنی بیوی صائمہ کی آڑ میں لاہور کے مختلف علاقوں میں منشیات کی سپلائی کرتا تھا۔
مفت تعلیم کے نام پر پرائیویٹ سکول کے مالک کا شہریوں سے فراڈ
لاہور : معیاری اور سستی تعلیم کے نام پر پرائیویٹ سکولوں کی طرف سے طالبعلموں سے فراڈ کا سلسلہ رکنے کا نام ہی نہیں لے رہا . تفصیلات کے مطابق لاہور کے ایک سکول کا مالک ندیم احمد بچوں کے والدین سے مبینہ طور پر ڈیڑھ، ڈیڑھ لاکھ روپے وصول کرکے امریکہ فرار ہوگیا، پیسے واپس نہ ملنے کیخلاف والدین نے شدید احتجاج کیا۔
ذرائع کے مطابق گڑھی شاہو میں واقع سینوک گرائمر سکول کے مالک ندیم احمد نے سینکڑوں والدین کو بچوں کو میٹرک تک مفت تعلیم دینے کا لالچ دیا اور مبینہ طور پر ڈیڑھ، ڈیڑھ لاکھ روپے رقم بٹور کر فرار ہوگیا۔ والدین کا کہنا ہے کہ ڈیڑھ لاکھ روپے قابل واپسی تھے اس کے باوجود ہر ماہ ان سے 8 ہزار روپے فیس وصول کی جاتی رہی۔ والدین کا کہنا ہے کہ بچوں کے مستقبل کیلئے انھیں یہ رقم ہر صورت واپس ملنی چاہیے۔
دوسری طرف سکول کی ہیڈ مسٹریس یاسمین شوکت کا کہنا ہے کہ والدین نے سکول کے مالک ندیم احمد کو فیسیں باہمی رضا مندی سے جمع کرائیں، اس میں سکول ملازمین کا کوئی قصور نہیں ہے۔
پولیس کے مطابق ساڑھے پانچ سو سے زائد والدین سے فیسوں کا فراڈ کرنے کے معاملے پر متعلقہ پولیس نے نوٹس لیتے ہوئے انکوائری شروع کردی ہے۔ پولیس کا کہنا ہے کہ انکوائری کرنے کے بعد ملزمان کیخلاف کارروائی کی جائے گی۔
جعلی پیر کا ایک اور کارنامہ، بچے کا جبڑا توڑ دیا
پنجاب کے علاقے سرگودھا میں پیرنے جن نکالنے کیلئے 8 سالہ بچہ پرمبینہ تشدد کیا جس سے بچے کی حالت بگڑ گئی
باغی ٹی وی کی رپورٹ کے مطابق آٹھ سالہ علی کو اس کی والدہ جعلی پیر وسیم شاہ کے پاس دم کروانے لے کرگئی تھیں ،پیر نے جن نکالنے کے بہانے معصوم بچے کو کئی گھنٹے تک بہیمانہ تشدد کا نشانہ بنایا ،8 سالہ علی کو تشویشناک حالت میں ڈی ایچ کیواسپتال منتقل کر دیا گیا ،
ڈاکٹرز کے مطابق تشدد سے بچے کا جبڑا ٹوٹ گیا، مثانہ بھی متاثر ہواہے،بچے کے والدین نے جعلی پیرکےخلاف مقدمے کے اندراج کیلئے پولیس کودرخواست دے دی
چند روز قبل پنجاب کے شہر گوجرانوالہ میں جعلی عامل نے کالے جادو کا جھانسہ دیکرملائیشین خاتون کولوٹ لیا تھا ،متاثرہ خاتون ازلیناکی شکایت پرایف آئی اے نےکارروائی کی اورجعلی عامل کو بیٹے سمیت گرفتارکر لیا، ڈپٹی ڈائریکٹر ایف آئی اے آصف اقبال کا کہنا ہے کہ ملزمان کوایف آئی اے سائبرکرائم ونگ نے لاہور سے گرفتار کیا
واضح رہے کہ اس سے قبل ایف آئی اے سائبر کرائم سرکل نے کراچی میں کارروائی کرتے ہوئے جعلی عامل کو گرفتار کر کے 3 ہزار سے زائد خواتین کی غیراخلاقی تصاویر اور ویڈیوز برآمد کی تھیں، ایڈیشنل ڈائریکٹر ایف آئی اے سائبر کرائم سرکل فیض اللہ کوریجو نے میڈیا سے بات کرتے ہوئے بتایا ہے کہ گرفتار ملزم شاہنواز ایک جعلی آستانے کا گدی نشین بنا ہوا تھا اور آستانے پر نہ آنے والی خواتین کو ویڈیو کالنگ کے ذریعے دم کرتا اور ان کی غیر اخلاقی ویڈیوز بناکر بلیک میل کرتا تھا اور ان سے پیسےبٹور تا تھا.
محکمہ اینٹی کرپشن نے محکمہ انہار مظفرگڑھ میں کروڑوں کی کرپشن پکڑلی!
مظفرگڑھ میں محکمہ انہار میں 8 کروڑ روپے کی کرپشن پر سابق ایکسیئن محکمہ انہار مظفرگڑھ چوہدری زاہد،ایس ڈی او،سب انجینئر اور ٹھیکیداروں کیخلاف تھانہ اینٹی کرپشن میں مقدمہ درج کرلیا گیا.مظفرگڑھ کے تھانہ اینٹی کرپشن اسٹیبلشمنٹ میں درج کیے گئے مقدمے کیمطابق 2015ء میں سیلاب کے دوران فلڈ بندوں کی مرمت کے مختلف منصوبوں کے ٹھیکےمن پسند ٹھیکیداروں کو دیئے گئے.اینٹی کرپشن ذرائع کیمطابق فلڈ بندوں کی مرمت کے منصوبوں کی صرف 20 فیصد تکمیل پر ہی کروڑوں روپے کی مکمل ادائیگیاں کردی گئیں.سیزنل ڈیلی ویجز ملازمین کی تنخواہوں کی مد میں بھی مبینہ طور پر کروڑوں روپے خوردبرد کیا گیا.اینٹی کرپشن ذرائع کیمطابق مقدمہ میں سابق ایکسیئن انہار کے علاؤہ ایس ڈی او،سب انجینئر اور منصوبوں کے ٹھیکیدار بھی نامزد کیے گئے ہیں.سرکل آفیسر اینٹی کرپشن وسیم اکبر لغاری کیمطابق مقدمے کے اندراج کے بعد منصوبوں میں کرپشن کے حوالے سے تحقیقات جاری ہیں.
