Category: جرائم و حادثات

لاہور: لاہور پولیس نے موٹرسائیکل چور گینگ پکڑلی پولیس نے دو رکنی موٹر سائیکل چور گینگ کو گرفتار کرلیا۔ پولیس کے مطابق ملزمان ریکارڈ یافتہ اور متعدد وارداتوں میں ملوث ہیں۔

لاہور پولیس کے مطابق ملزمان احتشام اور عمران کو گرفتار کرلیا ہے۔ پولیس کے مطابق ملزمان سابقہ ریکارڈ یافتہ ہیں اور مختلف علاقوں میں متعدد وارداتیں کر چکے ہیں۔ جبکہ ملزمان کے قبضے سے پانچ موبائل فونز، موٹر سائیکل اور پسٹل بھی برآمد کر لیا گیا ہے۔

ذرائع کے مطابق پولیس نے ملزمان کے خلاف مقدمات درج کر کے مزید تفتیش شروع کردی ہے۔مگر شہری پوچھتے ہیں کہ کیااب موٹرسائیکل چوری نہیں ہوں گے

سمندری:درندی اور وحشت جب دونوں کسی انسان پر حاوی ہوجائیں تو پھر ماں ، بہن اور بچوں کی عزت کا احساس نہیں رہتا، ایسے ہی ایک واقعہ میں ضلع فیصل آباد کی تحصیل سمندری میں پولیس نے دو ملزمان کو بچوں کیساتھ زیادتی اور ویڈیو بنا کر بلیک میل کرنے کے الزام میں گرفتار کر لیا ہے۔

ملزمان کیخلاف بجرم 377 ت پ کے تحت تھانہ ترکھانی میں مقدمہ درج ہوا ہے۔مقدمہ متاثرہ بچے کے والدین کی مدعیت میں درج کیا گیا جس کے مطابق ملزم عمر نے بچے کو جنسی زیادتی کا نشانہ بنایا اور ویڈیو سے بلیک میل بھی کیا۔

یاد رہےکہ چند روز قبل سمندری کے نواحی گاؤں 222 گ ب میں تین بچوں سے زیادتی کی خبر آئی تھی۔ابتدائی اطلاعات کے مطابق ملزمان محسن، عبد الرحمان، احد اور دیگر دو ملزمان معصوم بچوں کے ساتھ بدفعلی اور ویڈیو بنا کر بلیک میل کرنے میں ملوث پائے گئے۔

پولیس نے تین بچوں کے والدین کی درخواست پر ایف آئی آر درج کی تھی۔ متاثرین کے مطابق ملزمان 35 سے زائد بچوں کے ساتھ بدفعلی کر چکے ہیں اور انکی ویڈیوز بھی بناتے رہے۔ایف آئی آر کے مطابق ملزمان مجبور کرتے کے جاو اپنی والدہ کو بھی لے کر او اس کے ساتھ بھی زیادتی کرنی ہے۔

ملزمان اپنے خاندان کے ہمراہ گھروں کو تالا لگا کر فرار ہو گئے۔ایف آئی آر کے مطابق ملزمان متاثرین کو ڈراتے اور قتل کی دھمکیاں دیتے اور پھر بچوں کو کہتے اگر تم نے گھر جا کر بتایا تو ویڈیو سوشل میڈیا پر آپ لوڈ کر دیں گے۔

لاہور : درندگی رکنے کا نام ہی نہیں لے رہی ، بجائے کم ہونے کے جنسی زیادتی کے واقعات میں اضافہ ہورہا ہے، اطلاعات کےمطابق تھانہ یکی گیٹ میں بچوں سے جنسی زیادتی کی کوشش کا ایک اور کیس سامنے آگیا، پولیس کی جانب سے مقدمہ درج کرلیا گیا مگر ملزم فرار ہوگیا۔

ذرائع کےمطابق متاثرہ بچی کے اہلخانہ کا کہنا تھا کہ خدیجہ جنرل سٹور پر چیز لینے گئی، کافی وقت گزر جانے پر واپس نہیں آئی تو والدہ جنرل سٹور پہنچ گئی۔ والدہ کا کہنا تھا کہ شور کی آواز سن کر داخل ہوئی تو بابر نامی سٹور مالک بچی سے زیادتی کی کوشش کر رہا تھا

بچی کے ورثا اور دیگر افراد نے وزیراعلیٰ اور اعلیٰ حکام نوٹس لے کر ملزم کو گرفتار کر کے سخت سے سخت سزا دینے کا مطالبہ کیا ہے۔دوسری جانب یکی گیٹ پولیس کی جانب سے والد کی مدعیت میں مقدمہ درج کر لیا گیا، مگر سٹور مالک ملزم ابھی تک قانون کی گرفت میں نہیں آسکا۔

لاہور : پاکستان میں جرائم بھی عجیب سے عجیب تر، اطلاعات کےمطابق پولیس نے دو افراد کو بڑی تعداد میں مینڈگ اسمگل کرنے کی کوشش پر گرفتار کرلیا ہے، پولیس کے مطابق ناکہ نیو راوی پل اہلکاروں نے مشکوک سمجھتے ہوئے رکشے کو رکنے کا اشارہ کیا ۔

پولیس کے مطابق یہ مردہ مینڈک شہر کے ایک معروف بازار میں منتقل کئے جارہے تھے ، پولیس حکام کا کہنا ہےکہ ملزمان عرصہ دراز سے اس مکروھ دھندھ سے وابستہ ہیں ۔مینڈکوں کی سپلائی کہاں اور کیوں کی جارہی تھی اس مقصد کےلیے مزید تفتیش کے لیے ملزمان پرنس اور اظہر کو تھانہ شاہدرہ کے حوالے کر دیا گیا ہے ۔دوسری طرف محکمہ لائیوسٹاک کو مطلع کردیا گیا ہے ۔

منڈی بہاوالدین : ملک میں‌بے راہ روی انتہا کو پہنچ گئی ، ایک طرف قوم قصور واقعہ کی وجہ سے صدمے میں ڈوبی ہوئی تو دوسری طرف منڈی بہاوالدین میں دو جنسی درندوں نے دو کم سن بچیوں سے زیادتی کرکے مزید غمگین کردیا ،

ذرائع کےمطابق منڈی بہاالدین میں دو کم سن لڑکیوں سے مبینہ طور پر جنسی زیادتی پر دو ملزمان کو جیل بھیج دیا گیا۔ڈی پی اور ناصر سیال کے مطابق دونوں مشتبہ افراد کو 14 روز ہ ریمانڈ پر منڈی بہاالدین کی ڈسٹرکٹ جیل بھیج دیا گیا ہے۔

ذرائع کے مطابق یہ دونوں واقعات تھانہ سٹی کے علاقے مغل پورہ اور عثمانیہ محلہ میں پیش آٸے جہاں مبینہ طور پر 10 سالہ اور 9 سالہ لڑکی کو جنسی زیادتی کا نشانہ بنایا گیا۔رپورٹ کے مطابق عثمانیہ محلے میں 9 سالہ بچی شام کے تقریباً سات بجے گلی سے قلفی لینے گئی تھی جہاں ان کے ساتھ نازیبا حرکات کی گئیں جس کے بعد ان کی والدہ نے رپورٹ درج کرادی۔