Category: جرائم و حادثات

لاہور ( ) جدید علوم اپنی جگہ ، مگر ان کے برے استعمال سے معاشرے میں جو تباہی پھیل رہی ہے اس کے نقصانات بہت ہی زیادہ خطرناک ہیں، پہلے فیس بک، واٹس ایپ ، انسٹا گرام اور کئی ایسے پروگرام بے حیائی کے لیے استمعال ہورہے تھے ، اب ایک اور نئی مصیبت گلے آن پڑی ہے. یہ مصبیت ٹک ٹاک ہے جس نے آتے ہی تباہی مچا دی

تفصیلات کے مطابق ٹک ٹاک کے ذریعے ایک ایسا گھنونا کھیل کھیلا گیا کہ ہمسائے کی عزت تار تار کردی ، اطلاعات کے مطابق تھانہ فیکٹری ایریا کے علاقہ میں ہمسایہ نے چھت پر سوئے میاں بیوی کی ویڈیو بنا کر ٹک ٹاک پر لگا دی پولیس نے مقدمہ درج کر لیا

یہ ایسی تکلیف دہ ویڈیوہے کہ اس کو شیئر کرنا بھی کسی جرم سے کم نہیں، پولیس کے مطابق مجرم کو گرفتار کرلیا ہے اور اس کو قانون کے کٹہرے میں لا کر قرار واقعی سزادی جائے گی

کراچی :سکول کے سوئمنگ پول میں ڈوب کر جاں بحق ہونے والے کم عمر لڑکے کی تدفین کردی گئی جبکہ پولیس نے قتل بالسبب کے الزام میں 2 انسٹرکٹر کو گرفتار کرلیا۔ پولیس کے مطابق اسکول کے سوئمنگ پول میں بچے کی موت کے بعد واقعہ کی تفتیش کا آغاز کردیا گیا۔

کراچی سے پولیس ذرائع کے مطابق پولیس نے متوفی عثمان کے والد ذیشان احمد درانی کی مدعیت میں دفعہ 322 (قتل بالسبب) کے تحت ایف آئی آر درج کرتے ہوئے 2 انسٹرکٹر کو گرفتار کرلیا۔ڈاکٹر روتھ فاؤ سول ہسپتال کراچی میں بچے کا پوسٹ مارٹم کیا گیا، جس کے بارے میں پولیس سرجن ڈاکٹر قرار احمد عباسی نے تصدیق کی کہ بچے کی موت ڈوبنے سے ہوئی۔

کراچی : تین بچوں کی موت نے والدین کی دنیا اجاڑ کررکھ دی ، اطلاعات کے مطابق کراچی میں سبزی منڈی کے قریب کھیل کود کے دوران جوہڑ میں ڈوب کر تین کمسن بھائی جاں بحق ہوگئے جبکہ چوتھے کو اسپتال میں طبی امداد دی جا رہی ہے ۔ بچوں کی عمریں 5 سے 11 سال کے درمیان ہیں۔ جاں بحق ہونے والوں میں عبدالبارى، محمد نبیل اور شفیع الله ولد لعل شامل ہیں جبکہ چوتھے بچے کا نام عبدالغنى ہے۔

ذرائع کے مطابق مقامی لوگوں کا کہنا ہے کہ نجانے کس وقت وہ قریب واقع جوہڑ کے قریب چلے گئے۔ کوئی ایک ڈوبا تو اسے بچانے میں چاروں اندر گرگئے۔علاقے مکین پہنچے تو رضا کاروں کو بھی بلایا گیا۔

پولیس کے مطابق پانی میں ڈوب کر جاںبحق ہونے والے دو بچوں کی لاشیں اور دو کو بے ہوشی کی حالت میں جوہڑ سے نکال کر اسپتال منتقل کیا گیا جہاں تیسرا بھی دم توڑ گیا۔ چوتھے کو طبی امداد فراہم کی جا رہی ہے۔علاقہ مکینوں کا کہنا تھا کہ اس علاقے میں بڑے بڑے گڑھے ہیں جن میں بارشوں کے بعد پانی جمع ہوگیا ہے۔

خانیوال: پاکستان میں کم عمری کی شادی پر پابندی کےبعد اس میں‌ملوث افراد اور کرداروں کو سزا کے بعد اب بھی یہ سلسلہ رکا نہیں ، ایسا ہی ایک واقعہ خانیوال میں ہوا جہاں پولیس نے کم عمر بچوں کی شادی رکوادی،ذرائع کے مطابق دلہا دلہن کے والد گرفتارصوبہ پنجاب کے ضلع خانیوال میں پولیس نے کم عمر بچوں کی شادی رکوا کر دلہا دلہن دونوں کے والد کو گرفتار کرکے مقدمہ درج کرلیا۔

پولیس حکام کے مطابق ضلع خانیوال کے شہر کبیروالا میں 14 سالہ منزہ بی بی اور 15 سالہ رضوان کی شادی رکوا کر دونوں کے والد خلاف نواں شہر پولیس اسٹیشن میں مقدمہ درج کرکے قانونی کارروائی شروع کردی۔ایف آئی آر کے مطابق دلہا دلہن کے والد کے خلاف چائلڈ میرج ریسٹرینٹ ایکٹ ( سی ایم آر اے ) 1929 کے سیکشن 6 (ون) کے تحت درج کیا گیا۔

ڈیرہ غازی خان : جنوبی پنجاب میں‌پسماندگی ختم کرنےکے دعوے دھرے دھرے رہ گئے ، ہسپتالوں میں جان بچانے کی ادویات نہیں ، مریضوں کو لاہور کی راہ دکھائی جاتی ہے. اطلاعات کے مطابق ڈیرہ غازی خان کا 17 سالہ حسین سانپ ڈسنے کی وجہ سے جانبحق ہوگیا ، ورثا کا کہنا ہے کہ ڈاکٹروں نے مریض کا نہ علاج کیا اورنہ ہی ویکسی نیشن نہیں کی گئی

ڈیرہ غازی خان سے باغی ٹی وی کے نمائندے کے مطابق گزشتہ رات ایک نواحی علاقے سے تعلق رکھنے والا 17 سال کا حسین نامی نوجوان کو سانپ نے ڈس لیا ، ورثا جب اس نوجوان کو لیکر ہسپتال پہنچے تو ڈاکٹروں نے یہ کہہ کر معذور ی کااظہار کردیا کہ ہمارے پاس تو سانپ ڈسنے کی ویکسین ہی نہیں‌. ورثا نے ڈاکٹروں سے درخواست کی کہ اور بھی طریقہ اختیار کیا جاسکتا ہے.لیکن ڈاکٹروں نے ان سنی کردی

ذرائع کےمطابق یہ نوجوان اسی تکلیف سے ہستپال میں ہی دم توڑ گیا جس پر اس نوجوان کےورثا نےلاش اسپتال روڈپررکھ کراحتجاج شروع کردیا . جس کی وجہ سے کافی دیر تک ٹریفک جام رہی ، دوسری طرف مقامی لوگوں نے وزیراعظم سے درخواست کی کہ وہ دور دراز علاقوں میں صحت کاور انسانی جان سے ایسا کھلواڑہ ہونے کا نوٹس لیں اور پسماندگی ختم کرنے والوں سے پوچھیں کہ وہ دعووں پر عمل کب کریں گے