پاکپتن(باغی ٹی وی) عید کے خوشیوں کے موقع پر ایک افسوسناک واقعہ پیش آیا ہے، جہاں محلہ گلزار آباد میں 8 سالہ بچے نے عید کے لیے رقم نہ ملنے پر اپنی ماں ثوبیہ بی بی کو قتل کر دیا۔ اس واقعے نے علاقے میں خوف و ہراس پھیلا دیا ہے۔
تفصیلات کے مطابق کمسن بچے نے اپنی والدہ سے عید کے لیے پیسے مانگے، لیکن جب والدہ نے انکار کیا تو بچہ غصے میں آ گیا۔ اشتعال میں آکر بچے نے قینچی اٹھائی اور اپنی ماں کے سینے میں گھونپ دی۔ گہرے زخموں کی تاب نہ لاتے ہوئے ثوبیہ بی بی موقع پر ہی دم توڑ گئیں۔
واقعے کی اطلاع ملتے ہی پولیس فوری طور پر جائے وقوعہ پر پہنچی اور کمسن ملزم کو حراست میں لے لیا۔ پولیس نے قانونی کارروائی کا آغاز کر دیا ہے اور واقعے کی تحقیقات جاری ہیں۔
پولیس حکام کا کہنا ہے کہ وہ اس واقعے کی تہہ تک پہنچنے کی کوشش کر رہے ہیں اور اس بات کا تعین کرنے کی کوشش کر رہے ہیں کہ بچے نے یہ قدم کیوں اٹھایا۔
