Category: جرائم و حادثات

عمان (مسقط_نمائندہ باغی ٹی وی) سلطنت آف عمان میں دو افراد کے قتل میں ملوث شخص کو گرفتار کر لیا گیا ہے۔ تفصیلات کے مطابق گذشتہ روز المصنعہ تھانے کی حدود میں البلوشی قبیلہ سے تعلق رکھنے والے دو سگے بھائیوں کو فائرنگ کر کے قتل کر دیا گیا تھا۔ مقتولین کا تعلق الشرش قصبہ سے ہے۔ رائل عمان پولیس نے بتایا کہ قاتل کو صلالہ کے قریب ثمریت کے علاقہ سے گرفتار کر لیا گیا ہے جو مقتولین کا کزن ہے۔ باغی ٹی وی کی تحقیقات کے مطابق قتل خاندانی دشمنی کی بنیاد پر کیا گیا۔ دو ماہ قبل قاتل کا مقتولین میں سے چھوٹے بھائی کے ساتھ لڑائی جھگڑا بھی ہوا تھا جس کے بعد قاتل ایک ماہ تک پولیس کی حراست میں رہا۔ جو گزشتہ ہفتے ہی حوالات سے رہائی پانے کے بعد موقع کی تلاش میں رہا۔ اور پھر موقع ملتے ہی دونوں بھائیوں کو بیچ سڑک گولیاں مار دیں جہاں وہ موقع پر ہی جاں بحق ہو گئے اور قاتل خود فرار ہو گیا تھا۔

امریکی ریاست ایری زونا کی ایک عدالت نے 28 سالہ امریکن استانی برٹنی زیمورا [Brittany Zamora] کو 20 سال قید کی سزا سنا دی۔

تفصیلات کے مطابق برٹنی زیمورا کو رواں سال مارچ میں گرفتار کیا گیا تھا۔ زیمورا نے اعتراف کیا کہ اس نے ایری زونا کے شہر Goodyear کے ایک پرائمری اسکول Las Brisas کے طالب علم کو اپنے جال میں پھنسایا کیوں کہ وہ اس عمر کے لڑکوں کی جانب میلان رکھتی ہیں۔شادی شدہ استانی پر الزام تھا کہ اس نے اپنے ایک 13 سالہ شاگرد کو منظّم طریقے سے جنسی طور پر برانگیختہ کیا اور اس سے 8 مرتبہ جسمانی تعلق بھی قائم کیا۔

تیرہ سالہ لڑکا ان ہیجان انگیز جذبات کے خلاف مزاحمت نہ کر سکا اور زیمورا کی شیطانی خواہشات کی بھینٹ چڑھ گیا۔ اس کے بعد وہ منتظر رہنے لگا کہ کب اسے موقع ملے اور وہ پھر سے زیمورا کے پاس پہنچ جائے۔ اس غرض کے لیے اس نے اسکول سے چھٹی کرنا شروع کر دی اور گھر اور دوستوں سے بھی دور ہونے لگا۔ اس صورت حال نے شاگرد کے والد کو شک میں مبتلا کر دیا اور اس نے بچوں کی نگرانی کے لیے استعمال ہونے والی موبائل ایپلی کیشن کا سہارا لیا۔ اس طرح وہ زیمورا کی اپنے بیٹے کے ساتھ بات چیت اور ارسال کردہ تصاویر جاننے میں کامیاب ہو گیا۔

زیمورا کے شوہر کو ان تمام باتوں کا علم ہوا تو اس نے شاگرد کے والد کے ساتھ سمجھوتا کرنے کی پوری کوشش کی تا کہ پولیس اور عدالت تک بات نہ پہنچے۔ تاہم شاگرد کے والد نے اس کو مسترد کر دیا اور پولیس کو سارے معاملے سے آگاہ کر دیا۔ ٹھوس شواہد سامنے آنے پر پولیس نے فوری طور پر زیمورا کو گرفتار کر لیا۔ اس پر کم عمر بچے کے ساتھ جنسی تعلق قائم کرنے اور صریح جنسی پیغامات ارسال کرنے کے الزامات عائد کیے۔ اس کے علاوہ زیمورا کو اس کے کام سے بھی برخاست کر دیا گیا۔

عمان (مسقط_نمائندہ باغی ٹی وی) خلیجی ریاست سلطنت آف عمان کے سیاحتی مقام جبل اخضر پر خوفناک حادثہ پیش آیا جس کے نتیجہ میں چار افراد جان بحق جبکہ آٹھ شدید زخمی ہو گئے۔ تفصیلات کے مطابق گذشتہ شب ایک منی بس جبل اخضر پر اس وقت حادثہ کا شکار ہوئی جب وہ سیاحوں کو لیکر واپسی کے سفر پر تھی۔
رائل عمان پولیس نے اپنے ایک بیان میں کہا کہ لاشوں اور زخمیوں کو ہسپتال منتقل کر دیا گیا ہے جہاں زخمی افراد کا علاج جاری ہے۔ تاہم ابھی تک جاں بحق اور زخمی افراد کی شہریت کے بارے میں کچھ نہیں بتایا گیا۔