گلگت بلتستان کے ضلع گنگچھے غواڑی میں اچانک افسوسناک حادثہ
ایک بچہ جس نے زندگی کے صرف پانچ بہاریں دیکھی ہو۔ تین سال ماں کے گود میں اور دو بہاریں سکول کی بوجھ بھری زندگی ۔ یہ بچہ بھلا کیا جانے الیکڑک کرنٹ کس بھلا کا نام ہے اور ٹرانسفارمر ان کے لٸے صرف ایک ڈبہ ،صندوق اور نہ سمجھ آنے والی ایک چیز۔
پچھلے ماہ 26 جون کومحکمہ برقیات کی ایک میٹنگ میں 15 منٹ بجلی بند رکھنے پر 2 افسران کو معطل کیا جا سکتا ہے۔ جوکہ شاید ایک انسان کی ہاتھ پاوں اور جان سے زیادہ اہم ہے ۔لیکن ایک بچہ کی پوری ہاتھ بازو سمیت کاٹنا ان کی نظر میں اہم اور کوئی قیمت نہیں۔
نہ جانے اورکتنے ثاقب معزور ہو جائے اور کتنے غلام رسول اپنے جان سے ہاتھ دھو بیٹھے۔
خدارا ہوش سے کام کریں اور اپنی روٹی
روزی حلال کریں اور کل کو اسکے حساب بھی دینے ہیں۔
انتظامیہ سے اپیل ہے کہ اسکا فوری نوٹس لے اور محکمہ برقیات والوں کے خلاف فوری کاروائی کریں اور متاثرہ خاندان کے ساتھ تعاون کرے ورنہ عوام احتجاج کے لئے سڑکوں پے نکلیں گے۔
Category: جرائم و حادثات
ضلع گنگچھے میں اچانک افسوسناک حادثہ
ڈولفن اہلکاروں نے ایسا کیا کردیا جو ان کے خلاف ہی مقدمہ درج ہوگیا؟
مظفرگڑھ میں خاتون سے مبینہ طور پر زیادتی کی کوشش کرنے والے 2 ڈولفن فورس کے اہلکاروں کیخلاف مقدمہ درج کرلیاگیا، ڈی پی او مظفرگڑھ صادق علی ڈوگر نے مقدمہ میں نامزد ڈولفن فورس کے 2 اہلکاروں کو معطل کردیا.مظفرگڑھ کے علاقے لنگرسرائے میں خاتون کو مبینہ طور پر زیادتی کا نشانہ بناڈالا گیا،موضع نواب پور ملتان کی رہائشی تسلیم مائی نے الزام عائد کیا ہے کہ سلیم سیف اللہ اور محمد امین گجر نامی ڈولفن فورس کے 2 اہلکاروں نے اسے زیادتی کا نشانہ بنانے کی کوشش کی اور اسکی مزاحمت پر اہلکار واپس چلے گئے،تسلیم بی بی کیمطابق اہلکاروں کے جانے کے بعد محمد یونس نامی شخص نے اسے زیادتی کا نشانہ بنایا.تسلیم بی بی کی مدعیت میں تھانہ صدر میں 2 ڈولفن پولیس اہلکاروں سلیم سیف اللہ،امین گجر،محمد یونس،اجمل اور قیصر عباس کیخلاف مقدمہ درج کرلیاگیا ہے،دوسری جانب پولیس ترجمان وسیم خان کیمطابق ڈی پی او صادق علی ڈوگر نے مقدمے میں نامزد ڈولفن فورس کے دونوں اہلکاروں کو معطل کردیا جبکہ معاملے کے حقائق کے حوالے سے تحقیقات جاری ہیں.
شیخوپورہ میں ڈکیتیوں کی وارداتوں میں اضافہ
شیخوپور (نمائندہ باغی ٹی وی) شہر کے گنجان آباد علاقہ ڈیرہ خورشید روڈ پر ناکہ لگا کر کھڑے چار ڈاکو نے کرکٹ سٹیڈیم میں واقع ایک ہوٹل کے مینجر نبیل وارث کو لوٹ لیا ڈاکوؤں نے اسے شدید تشدد کا نشانہ بھی بنایا جبکہ وہ ہوٹل بند کرکے اپنے گھر واقع ڈیرہ خورشید جا رہا تھا ڈاکووں نے اس سے 25 ہزار روپے کے علاوہ قیمتی موبائل فون بھی چھین لیا اور فرار ہوگئے دریں اثناء شہر اور اس کے نواحی علاقوں میں گزشتہ 24 گھنٹوں کے دوران ہونے والی چوری ڈکیتی راہزنی اور موٹر سائیکل چوری کی وارداتوں کی تعداد دس بتائی گئی ہے آبادی بھکھی روڈ سے مقامی شہری عبدالرحمن عائشہ پارک سے نوجوان علی رضا کی موٹرسائیکل نامعلوم چورلے اڑے تھانہ سٹی بی ڈویژن کی آبادی چٹی کوٹھی روڈ میں نامعلوم نقب زنوں کا گروہ مقامی شہری حبیب اللہ کے گھر سے ایک لاکھ 36 ہزار روپے موٹر سائیکل اور دیگر قیمتی اشیاء نکال کر لے گیا تھانہ صدر فاروق آباد کے علاقہ روڑانوالی کے قریب ناکہ لگا کر کھڑے دو ڈاکووں نے ایک کیری ڈبہ کو روک لیا اور اس میں سوار کوٹ پنڈی داس کے رہائشی زمیندار غلام محمد اور اس کی فیملی سے لاکھوں روپے مالیت کے زیورات اور 30 ہزار روپے کیش اور چار موبائل فون چھین کر فرار ہو گئے
گلگت بلتستان کے ضلع گنگچھے میں انتظامیہ آئے روز پٹرول کا مصنوعی بحران پیدا کر رہے ہیں
گلگت بلتستان کے ضلع گنگچھے میں انتظامیہ آئے روز پٹرول کا مصنوعی بحران پیدا کر رہے ہیں، آج ایک بیمار نوجوان لڑکا پٹرول کی انتظار کرتے کرتے پٹرول پمپ پر بے ہوش ہو گئے۔عوام اور ٹورسٹ انتہائی پریشانی کا شکار۔
مارکیٹ سے دوسو پچاس روپے پر لیٹر بلیک خریدنے پر مجبور۔ انتظامیہ عوام اور ٹورسٹ کو جان بوجھ کے پٹرول ڈیزل کا مصنوعی بحران پیدا کر کے تنگ کرنے سے باز رہے۔انتظامیہ عوام کو ریلیف دینے کی بجائے تنگ کر رہے ہیں اور عوامی منتخب نمائندے عوام کی پریشانیوں سے لاعلم۔
مریم نواز کے ویڈیواسکینڈل کے مرکزی کردار ناصر بٹ پر14سنگین مقدمات درج ہونے کا انکشاف
یاسلام آباد :مریم نواز کے ویڈیو اسکینڈل کےمرکزی کردار ناصر بٹ کیخلاف اسلام آباد راولپنڈی مبینہ 14 سے زائد مقدمات درج ہونے کا انکشاف .جسے مریم نواز معصوم قرار دے رہی تھیں اور بار بار ناصر بٹ کی شخصیت کو میڈیا پر پیش کررہی تھیں اس ناصر بٹ پر پہلا مقدمہ 9 جون 1982ء کو کار سرکار میں مداخلت کا تھانہ مری روڈ میں درج ہوا،دوسرا 28 جنوری 1986ءکو تھانہ سٹی میں اقدام قتل کا مقدمہ درج ہوا ،ناصر بٹ پر23 مئی 1986ء کو تھانہ صادق آباد میں قتل اور اقدام قتل کا تیسرا مقدمہ درج ہوا ،4 جون 1986ء کو ناصر بٹ کیخلاف تھانہ گنج منڈی میں ناجائز اسلحہ رکھنے کا مقدمہ درج ہوا،
مریم نواز کے دست راست ناصر بٹ کیخلاف 15 دسمبر 1986ء کو تھانہ صادق آباد میں زنا اور پولیس پر حملے کا مقدمہ درج ہوا،ایسے ہی 2 دسمبر 1987ء تھانہ گنج منڈی میں اقدام قتل اور قتل کی اعانت کے تحت مقدمہ درج ہوا،27 مارچ 1990ء میں تھانہ آر اے بازار میں اقدام قتل کا مقدمہ درج ہوا،17 مئی 1993ء میں تھانہ وارث خان میں اقدام قتل کا مقدمہ درج ہوا،7 اکتوبر 1993ء کو تھانہ گنجمنڈی میں اقدام قتل کا مقدمہ درج ہوا۔20 مئی 1994ء کو تھانہ وارث خان میں پولیس پر حملے اور کار سرکار میں مداخلت کا مقدمہ درج ہوا ۔
11 جنوری 1996ء کو تھانہ گوجرخان میں غفلت سے گاڑی چلاتے ہوئے ایک شخص کو قتل کرنے کا مقدمہ ،ناصر بٹ کے خلاف 8 اپریل 1996ء میں اسلام آباد کے تھانہ کوہسارمیں بھی مقدمہ درج ہوا ،14 اکتوبر 1996ء کو تھانہ گنج منڈی میں مقدمہ درج کیا گیا،15 اکتوبر 1996ء کو تھانہ صادق آباد میں قتل اور اقدام قتل کا مقدمہ درج ہوا ،ناصر بٹ متعدد مقدمات میں اشتہاری بھی رہا، عدالتو ں نے وارنٹ بھی جاری کئے
کراچی:’غیرت’ کے نام’ پر بہن کو قتل کردیا
کراچی :غیرت کے نام پر قتل کرنے کی رسم ہی چل پڑی ،تمام تر حکومتی اقدات کے باوجود قتل کرنا ایک کھیل بن کررہ گیا ہے. ایسے ہی ایک واقعہ میں کراچی کے علاقے قائد آباد میں بھائی نے مبینہ طور پر بہن کو غیرت کے نام پر قتل کردیا۔پولیس کے مطابق مشتبہ ملزم مرتضیٰ رشید نے ٹیکسٹائل مل کے قریب داؤد چالی میں اپنی 18 سالہ بہن فاطمہ اور پڑوسی نوجوان کریم خان کو کو فائرنگ کرکے زخمی کر دیا اور موقع سے فرار ہو گیا۔
مقتولہ کو گلے کے نیچے گولی لگی تھی۔جناح ہسپتال کی ایگزیکٹو ڈائریکٹر ڈاکٹر سیمی جمالی نے کہا کہ دونوں زخمیوں کو ہسپتال لایا گیا جہاں ڈاکٹروں نے جواں سالہ لڑکی کو مردہ قرار دیا.ڈاکٹروں کا کہنا ہے کہ 21 سالہ کریم کو بائیں پاؤں میں گولی لگی اور اس کی حالت خطرے سے باہر ہے۔
قائد آباد کے پولیس آفیسرامین کھوسو کا کہنا تھا کہ مشتبہ ملزم نے کریم کو اس کی بہن سے بات نہ کرنے کی دھمکی دی تھی اور حملہ کرکے زخمی کیا تھا۔ہفتہ کو اس نے دونوں کو بات کرتے ہوئے دیکھا جس پر وہ طیش میں آگیا اور پستول نکال کر فائرنگ کردی۔پولیس کے مطابق مرتضیٰ نے کریم کے بھائی کے بھائی کو بھی قتل کرنے کی کوشش کی تاہم وہ وہاں سے بھاگ کر اپنی جان بچانے میں کامیاب رہا۔پولیس افسر کا کہنا تھا کہ ان کے خیال میں ملزم نے بہن کو اس ‘شک’ کی بنا پر قتل کیا کہ اس کے پڑوسی نوجوان سے تعلقات ہیں۔کراچی میں اس طرح کے قتل کا یہ کوئی پہلا واقعہ نہیں ہے اس سے پہلے بھی واقعات ہوئے ہیں لیکن قانون کی حکمرانی نہ ہونے اور کھلے عام میل جول کی وجہ سے اس پر قابو نہ پایا جاسکا
سپرٹ ظاہر کرکے سمگل کیا جانے والا کروڑوں روپے کا ایرانی تیل پکڑاگیا
مظفرگڑھ میں پولیس نے ایرانی تیل کے بڑے سمگلروں کے خلاف کاروائی کرتے ہوئے 3 کروڑ روپے مالیت کا ایرانی تیل پکڑلیا،ایرانی تیل کو کسٹم حکام کی ملی بھگت سے وائٹ سپرٹ ظاہر کرکے جنوبی پنجاب میں سپلائی کیاجارہا تھا،لیبارٹری رپورٹ نے بھانڈا پھوڑ دیا.مظفرگڑھ میں تھانہ سٹی پولیس نے سمگل شدہ ایرانی تیل کے دھندے میں ملوث بڑے گروہ کیخلاف کاروائی کی ہے.پولیس ذرائع کیمطابق سمگلروں کے گروہ کے تین کروڑ روپے مالیت کے ایرانی تیل سے بھرے 4 ٹرالر قبضے میں لے لیے گئے ہیں.پولیس ذرائع کیمطابق کوئٹہ میں کسٹم حکام کی ملی بھگت سے سمگل شدہ ایرانی تیل کو وائٹ سپرٹ ظاہر کرکے جنوبی پنجاب سمگل کیاگیا اور کسٹم حکام نے ایرانی تیل کو وائٹ سپرٹ ڈکلیئر کرنے کے لیے نہ صرف مبینہ طور پر رشوت وصول کی بلکہ کسٹم ڈیوٹی کے نام پر تقریبا 8 لاکھ کسٹم ڈیوٹی بھی وصول کی گئی.مظفرگڑھ پولیس کی جانب سے کروائے گئے تیل کے لیبارٹری ٹیسٹ نے بھانڈا پھوڑ دیا اور تیل کو وائٹ سپرٹ کی بجائے ایرانی تیل قرار دیا.پولیس ذرائع کیمطابق جنوبی پنجاب کے بڑے سمگلروں کیخلاف کاروائیاں شروع ہونے کے بعد بااثر سیاسی افراد سمگلروں کو چھڑانے اور ایرانی تیل واگزار کرانے کی کوششیں کررہے ہیں.پولیس ذرائع کیمطابق ایرانی تیل کی سمگلنگ میں ملوث بڑے سمگلروں کیخلاف تھانہ سٹی میں مقدمات درج کرکے 7 افراد کو گرفتار کرلیاگیا ہے.
جسے اللہ رکھے اسے کون چکھے
شیخوپورہ(نمائندہ باغی ٹی وی)
بس کوخانپور نہر میں گرنے سے اللہ نے بچا لیا.
تفصیلات کے مطابق شالیمار کمپنی کی بس سرگودھا سے لاہور جاتے ہوئے منی مزدا ٹرک کو اوور ٹیک کرتے تیز رفتاری کے باعث خانپور نہر پہ بنی دیوار کو 20/25فٹ تک توڑتی ہوئی رک گئی . جس سے 4/5مسافرمعمولی زخمی ہوئے اور بس اور مسافر کسی بڑے حادثے سے محفوظ رہے
گجرات: ایک اور بہو کو سسرال میں موت کے گھاٹ اتار دیا گیا
گجرات (نمائندہ باغی ٹی وی ) گجرات کے علاقہ کنجاہ کے گاوں بانٹھ میں ایک اور بہو کو سسرال میں موت کے گھاٹ اتار دیا گیا۔ 2 بچوں کی ماں صباء ندیم کو اسکے دیور نے آدھی رات کو سوتے میں سر میں ٹوکے کے وار کر کے اسکی گردن تن سے جدا کر دی اور فرار ھو گئے اطلاع پر پولیس موقع پر پہنچی مقتولہ کی نعش پوسٹمارٹم کے لئے ھسپتال پہنچائی تھانہ کنجاہ پولیس نے مقتولہ کے بھائی کامران کی رپورٹ پر اس کے دیور امیر حمزہ۔ شوھر ندیم۔ سسر خورشید اور شمریز وغیرہ کے خلاف مقدمہ درج کر لیا وجہ عناد گھریلو تنازعہ بتایا گیا ھے
ساہیوال سے دولہا بن کر آنیوالے کو ایف آئی اے نے کیا گرفتار
ایف آئی اے کی بڑی کاروائی، ساہیوال سے دولہا بن کر لاہور آنے والے ملزم کو گرفتار کر لیا
باغی ٹی وی کی رپورٹ کے مطابق ایف آئی اے سائبر کرائم نے خاتون کی درخواست پر ایک ایسے ملزم کو گرفتار کر لیا جو دولہا بن کر شادی کرنے لاہور پہنچا اور لاہور پہنچتے ہی ایف آئی اے کے ہتھے چڑھ گیا،
ایف آئی اے کو لاہور کے علاقے شاہدرہ کی رہائشی ایک خاتون نے درخواست دی تھی جس میں کہا گیا تھا کہ ایک شخص عثمان اسے سوشل میڈیا پر بلیک میل کر رہا ہے، غیر اخلاقی تصاویر کی مدد سے وہ بلیک میل کرتا ہے. ایف آئی اے نے ملزم کو پکڑنے کے لئے چال چلی اور متاثرہ خاتون کے اہلخانہ کی ملزم سے بات کروا کے اسے شادی کی آفر کر دی .
ساہیوال کا عثمان اپنے رشتے داروں کے ہمراہ بارات لے کر لاہور پہنچا تو ایف آئی اے تو شادی ہال میں داخل ہونے سے قبل ہی ملزم کو گرفتار کر لیا، ملزم نے متاثرہ خاتون سے لاکھوں روپے بھی بلیک میلنگ کےذریعے بٹورے
ملزم نے ایف آئی اے کو بتایا کہ لڑکی کے اہلخانہ کو اس نے تصاویر اور فوٹیج بھجوائی تھیں وہ اس سے نکاح کے لیے آج لاہور پہنچا تھا۔
ایف آئی اے نے خواتین سےدرخواست کی ہے کہ وہ اپنی پرائیویٹ تصاویر اور ویڈیوز کو کسی بھی صورت کسی سے بھی شیئر نہ کریں تاکہ ایسی صورتحال سے بچا جا سکے۔
