Baaghi TV

Category: جرائم و حادثات

  • پتوکی سے منشیات فروش گرفتار , تھانہ صدر میں مقدمہ درج

    پتوکی سے منشیات فروش گرفتار , تھانہ صدر میں مقدمہ درج

    پتو کی ، قصور:-
    ڈی پی او قصور عبدالغفار قیصرانی کی ہدایت پر تھانہ صدر پتوکی کے ایس ایچ او محمود الحسن کی زبردست کاروائی کاروائی۔

    باغی ٹی وی کی رپورٹ کے مطابق بدنام زمانہ منشیات فروش سہیل انجم کو پولیس ناکے پر چیکنگ کے دوران حراست میں لیا گیا ہے۔ چار کلو چرس برآمد تفصیلات کے مطابق ڈی پی او قصور کی ہدایت پر چلائی گئی خصوصی مہم کے دوران تھانہ صدر پتوکی کے ایس ایچ او محمود الحسن نے کاروائی کرتے ہوئے پھولنگر کے رہائشی بدنام زمانہ منشیات فروش سہیل انجم کو موٹر سائیکل سمیت گرفتار کرکے ان کے قبضہ سے چار کلوچرس برآمد کر لی ۔پولیس کو اطلاع ملی کہ بدنام زمانہ منشیات فروش اپنی موٹر سائیکل نمبریLEX/7702پر سوار ہوکر چرس لیکر فروخت کیلئے آرہا ہے جس پر پولیس نے بھونیکے موڑ کے قریب ناکہ بندی کر لی ۔پولیس نے منشیات فروش کو گرفتار کرکے اس کے قبضہ سے چارکلوچرس برآمد کر کے موٹر سائیکل قبضہ میں لے لی ملزم کے خلاف تھانہ صدر پولیس پتوکی نے مقدمہ درج کرکے اسے ڈسٹرکٹ جیل قصور بھجوا دیا ہے ۔

  • گجرات پولیس کا ضلع بھر میں آپریشن جاری، 4 رکنی خطرناک ڈکیت گینگ گرفتار

    گجرات پولیس کا ضلع بھر میں آپریشن جاری، 4 رکنی خطرناک ڈکیت گینگ گرفتار

    گجرات (نمائندہ باغی ٹی وی) ڈی پی اوگجرات سید علی محسن کی زیر قیادت گجرات پولیس کا ضلع بھرمیں جرائم پیشہ عناصر کے خلاف آپریشن جاری، کھاریاں کے علاقہ میں اسلحہ کے زور پرڈکیتاں کرنے والا 4چار رکنی خطرناک ڈکیت گینگ اسلحہ سمیت گرفتار،مال مسروقہ برآمد
    تفصیلات کے مطابق ڈی پی او گجرات سید علی محسن کی زیر قیادت گجرات پولیس کی کامیابیوں کا سلسلہ جاری۔SHO تھانہ صدر کھاریاں SIسرفراز انجم نے اپنی ٹیم کے ہمراہ کاروائی کرتے ہوئے کھاریاں میں اسلحہ کے زور پر دیہاتیوں سے مال مویشی چھیننے والے چار رکنی خطرناک ڈکیت گینگ کو اسلحہ سمیت گرفتار کر لیا۔گرفتار ہونے والے ملزمان میں 1۔اصغر علی ولد مختار شاہ سکنہ کوٹ قطب دین 2۔عثمان ولد محمد صادق سکنہ کوٹ قطب دین 3۔غفور حسین ولد ذاکر حسین سکنہ ضلع فیصل آباد 4۔حسن ظہیر ولد محمد علی سکنہ ضلع فیصل آباد شامل ہیں۔ملزمان کے قبضہ سے مال مسروقہ 3لاکھ 75ہزار روپے نقدی،موبائل فون اور وارداتوں میں استعمال ہونے والا اسلحہ 2عدد پسٹل 30بور بھی برآمد کر لیے گئے۔ملزمان سے تفتیش جاری ہے جس میں مزید انکشافات متوقع ہیں۔ ڈسٹرکٹ پولیس آفیسر سید علی محسن نے ڈکیت گینگ کو گرفتار کر کے مال مسروقہ برآمد کرنے والی ٹیم کو خصوصی شاباش دی اور تعریفیسرٹیفکیٹ سے نوازا۔

  • قصور رائیونڈ روڈ حادثات کا گڑھ بن گیا

    قصور رائیونڈ روڈ حادثات کا گڑھ بن گیا

    قصور:-
    قصور رائیونڈ روڈ ٹوٹ پھوٹ کا شکار ہونے کی وجہ سے روز بروز حادثات میں اظافہ ہو رہا ہے۔
    باغی ٹی وی کی رپورٹ کے مطابق قصور شہر سمیت کئی دیگر قصبوں اور دیہاتوں کو رائیونڈ شہر سے ملانے والی 25 کلومیٹر سڑک گزشتہ 6 سال ٹوٹ پھوٹ کا شکار ہے۔ 25 کلومیٹر طویل یہ 2 رویہ سڑک 50 سے زائد دیہاتوں کو آپس میں ملاتی ہے۔

    قصور رائیونڈ روڈ پر سفر کرنا موت کا باعث بن رہا ہے۔ آج شام بھی 4 موٹر سائیکل سواروں کا گڑھوں سے بچتے ہوئے تصادم ہو گیا تھا۔ جس کے نتیجے میں 4 افراد کی ٹانگیں ٹوٹ گئی ہیں اور 2 افراد زخمی بھی ہوئے ہیں۔

    تفصیلات کے مطابق یہ واقعہ شام 6 بجے اٹھیل پور کے نزدیک واقع چٹی مسجد سٹاپ پر پیش آیا تھا۔
    زخمیوں کو فوری طور پر ہسپتال منتقل کر دیا گیا ہے۔

  • شیخوپورہ شہر میں موٹر سائیکل چھیننے والا گروہ متحرک، شہری لٹنے لگے

    شیخوپورہ(نمائندہ باغی ٹی وی) شہر میں موٹر سائیکل چھیننے والا گینگ متحرک ہو چکا ہے تفصیلات کے مطابق م ایک ہفتے میں دوران ڈکیتی موٹر سائیکل چھیننے کی دوسری واردات ہوئی ہے

    دوسری طرف خانپور کے قریب دن دیہاڑے ڈکیتی کی واردات ہوئی جس میں مزاحمت پر فائرنگ خاتون زخمی ہو گئی اس واردات میں 3 موٹر سائیکل سوار مسلح ڈاکو میاں بیوی سے نقدی رقم.طلائی زیورات اور موٹر سائیکل چھین کر فرار ہوگئے

    جبکہ محمد حسین نامی شخص شیخوپورہ سے لاہور اپنی بیوی کے ساتھ
    شہر میں طارق روڈ پر بھی موٹر سائیکل سوار مسلح ڈاکو شہری سے 125 موٹر سائیکل چھین کر فرار ہو گئے تھے ج کہ موٹر سائیکل سوار مسلح ڈاکو جاتے ہوئے شہری کی قمیض بھی اتروا کر لے گئے تھے

    شہریوں کا کہنا ہے کہ پولیس چوری، ڈکیتی اور موٹر سائیکل چھیننے والے گینگ کو پکڑنے میں بری طرح ناکام ہو چکی ہے

  • شہید کانسٹیبل عامر اعجاز 5 بہنوں کا اکلوتا بھائی اور والدین کا واحد سہارا تھا

    شہید کانسٹیبل عامر اعجاز 5 بہنوں کا اکلوتا بھائی اور والدین کا واحد سہارا تھا

    سرگودھا(نمائندہ باغی ٹی وی) شہید کانسٹیبل عامر اعجاز 5 بہنوں کا اکلوتا بھائی تھا
    گزشتہ شب شاہپور کے علاقہ میں ہونے والے پولیس مقابلے میں شہید ہونے والا پولیس کانسٹیبل عامر اعجاز 1992 میں پیدا ہوا اور B.com تک تعلیم حاصل کرنے کے بعد 2014 میں سرگودھا پولیس میں بطور کانسٹیبل بھرتی ہوا ۔ عامر اعجاز 5 بہنوں کا اکلوتا بھائی اور بوڑھے والدین کا واحد سہارا تھا گزشتہ شب ہونے والے پولیس مقابلے میں اپنی اور اپنے خاندان کی پرواہ نہ کرتے ہوئے فرض کی انجام دہی میں جام شہادت نوش کیا سرگودہا کی عوام اس بہارت سپوت کو خراج تحسین پیش کرتی ہے

  • مظفرگڑھ کے نالہ سہراب میں 40فٹ گہرا شگاف پڑنے سے سینکڑوں ایکڑ پر کھڑی فصلیں تباہ

    مظفرگڑھ میں نالہ سہراب میں 40 فٹ چوڑا شگاف پڑگیا،شگاف پڑنے سے قریبی زرعی اراضی اور فصلیں زیرآب آگئیں.مظفرگڑھ کے علاقے بیٹ میرہزار میں نالہ سہراب میں 40 فٹ سے زائد چوڑا شگاف پڑگیا.پولیس کیمطابق نہر میں شگاف پڑنے سے قریبی درجنوں ایکڑ زرعی اراضی اور فصلیں زیرآب آگئیں،زرعی اراضی زیرآب آنے کے باعث ان پر کھڑی کپاس،کماد اور چاول کی فصلیں خراب ہوگئیں.اہل علاقہ نے الزام عائد کیا ہے کہ محکمہ انہار کے عملے کی ملی بھگت سے پانی چوری کی وارداتوں کے باعث نہر کے کنارے کمزور ہوئے جس کے باعث نہر میں شگاف پڑگیا.شگاف پر کرنے کے لیے محکمہ انہار کا عملہ طلب کرلیاگیا ہے.

  • ایک اور سپوت مادر وطن پر قربان ہو گیا نمازہ جنازہ ادا کر دی گئی

    ایک اور سپوت مادر وطن پر قربان ہو گیا نمازہ جنازہ ادا کر دی گئی

    سرگودھا(نمائندہ باغی ٹی وی)گزشتہ شب پولیس مقابلہ میں شہید ہونے والے پولیس کانسٹیبل عامر اعجاز کی نماز جنازہ ڈسٹرکٹ پولیس لائن سرگودھا میں ادا کر دی گئی جس میں آر پی اوسرگودھا سید خرم علی اور ڈی پی او سرگودھا حسن مشتاق سکھیرا کے علاوہ بڑی تعداد میں پولیس افسران اور اہلکاران نے شرکت کی تفیلات کے مطابق گزشتہ شب شاہپور کے علاقے میں مزمان کی گرفتاری کے دوران فائرنگ کے نتیجے میں ایک اہلکار شہید ایک زخمی ہو گیا جبکہ جوابی فائرنگ سے ایک ملزم ہلاک ہو گیا

  • گلگت بلتستان شدید بارش کی لپیٹ نقصانات اندازے سے باہر

    گلگت بلتستان شدید بارش کی لپیٹ نقصانات اندازے سے باہر

    ، ضلع شگر میں لینڈ سلائڈنگ ہیوی فلڈ کے باعث بہت سارے مکانات اور فصلیں تباہ کثیر تعداد میں مویشیاں بھی دب گئے اطلاع کے مطابق باپ اپنے بیٹے کو بچاتے ہوئے سلابی ریلے میں دب کر جانبحق ہو گئے ہیں .
    گلگت بلتستان کے دیگر علاقوں سے بھی سیلاب اور تباہ کاریوں کے اطلاع ہیں، صوبائی حکومت کی طرف امدادی سامان متاثرہ خاندانوں تک پہنچایا دیا گیا۔
    اللہ تعالی سب کے مشکلات آسان فرمائے.

  • مظفرگڑھ میں ڈاکووں کی مبینہ فائرنگ سے ایک پولیس اہلکار شہید دوسرا زخمی ہوگیا

    مظفرگڑھ میں ڈاکوؤں کی فائرنگ کے نتیجے میں میں ایک پولیس کانسٹیبل شہید جبکہ ایک پولیس اہلکار زخمی ہوگیا.مظفرگڑھ کی تحصیل جتوئی کے علاقے کلر والی کے قریب مسلح ڈاکوؤں کا گروہ عام شہریوں سے لوٹ مار میں مصروف تھا،،اس دوران کار میں سوار پولیس اہلکاروں کا علاقے سے گزر ہوا تو انھوں نے ڈاکوؤں کا پیچھا کرنے کی کوشش کی،،ڈاکوؤں کی پولیس اہلکاروں پر فائرنگ کے نتیجے میں ظہیر نامی پولیس کانسٹیبل شہید ہوگیا،فائرنگ کے نتیجے میں کار میں سوار دوسرا پولیس اہلکار آفتاب شدید زخمی ہوگیا،،واقعے کے بعد ڈاکو فرار ہونے میں کامیاب ہوگئے،پولیس کیمطابق فرار ہونے والے ڈاکوؤں کی گرفتاری کیلئے علاقے کی ناکہ بندی کردی گئی ہے،شہید ہونے والے پولیس کانسٹیبل کی میت اور زخمی ہونے والے اہلکار کو دیہی مرکز صحت شہرسلطان منتقل کردیا گیا ہے.

  • تھانہ کڑانہ پولیس کی کاروائی بدنام زمانہ منشیات فروش 1320 گرام چرس سمیت گرفتار

    تھانہ کڑانہ پولیس کی کاروائی بدنام زمانہ منشیات فروش 1320 گرام چرس سمیت گرفتار

    سرگودہا(نمائندہ باغی ٹی وی )تھانہ کڑانہ پولیس کی کاروائی بدنام زمانہ منشیات فروش 1320 گرام چرس سمیت گرفتار تفصیلات کے مطابق ایس ایچ او تھانہ کڑانہ نوید اکرم نے سب انسپکٹر عمر حیات پر مشتمل ٹیم کے ہمراہ چک نمبر 102 جنوبی میں ریڈ کر کے بدنام علاقہ منشیات فروش ملزم لیاقت علی ولد عبدالرحمان سکنہ 102 جنوبی کو 1320 گرام چرس فروخت کرتے ہوئے رنگے ہاتھوں گرفتار کر لیااور منشیات فروشی کی دفعات کےتحت تھانہ کڑانہ میں مقدمہ درج کرکے تفتیش کا آغاز کر دیا