Category: جرائم و حادثات

ضلع چکوال کے شہر ڈھڈیال کے علاقے موہڑہ خورد میں اینٹوں اور ڈنڈوں سے مسلح ہو کر سابق لیگی کونسلر نے بیٹوں اور بھتیجوں کے ہمراہ زبردستی گھر کے اندر گھس کر مکینوں کو شدید تشدد کا نشانہ بنا ڈالا جس کے نتیجے میں خاتون اور اس کے شوہر کے بازو ٹوٹ گئے جبکہ بیٹے محمد اکرم کا سر پھٹ گیا جسم کے دیگرحصوں پر بھی گہرے زخم آئے۔

باغی ٹی وی کی رپورٹ کے مطابق حملہ آوروں نے گھر کے اندر کھڑے ٹریکٹرکو آگ لگانے کی کوشش کی موہڑہ خورد میں محمداکرم بیوی بچوں کے ہمراہ گھر کے اندر کام کاج میں مصروف تھا کہ اسی اثناءمیں سابق مسلم لیگی کونسلر راجہ محمد جاوید نے بیٹوں احسن جاوید ،محسن جاوید ،بھتیجوں عدنان شفیق، مبشر شفیق اور سلیمان ادریس کے ہمراہ مل کر گھر کے اندر گھس آئے اور اینٹوں اور ڈنڈوں سے حملہ کر دیا جس کے نتیجے میں ادھیڑ عمر محمد اکرم اس کی اہلیہ ،بیٹے وسیم اشرف اینٹیں لگنے سے شدید زخمی ہو گئے ،محمد اکرم اور اس کی اہلیہ کے بازو ٹوٹ گئے۔ جبکہ جسم کے دیگر حصوں پر بھی شدید چوٹیں آئیں جبکہ وسیم اشرف کا سر پھٹ گیا ۔حملہ آوروںنے گھر کے اندر موجود ٹریکٹر کو آگ لگانے کی کوشش کی مگر لوگوں کے اکٹھا ہونے پر موقعہ سے فرار ہونے میں کامیاب ہو گئے۔ ریسکیو1122نے زخمیوں کو ابتدائی طبی امداد کے بعد ڈسٹرکٹ ہیڈ کوارٹر ہسپتال چکوال منتقل کیا تو حملہ آور وہاں بھی پہنچ گئے تاہم پولیس کی مداخلت سے ہسپتال میدان جنگ بننے سے محفوظ رہا۔ تھانہ ڈھڈیال میں واقعہ کی رپورٹ درج کرا دی گئی ہے۔دریں اثناءمضروب محمد اکرم اور اس کے بیٹے وسیم اشرف نے وزیراعظم، وزیراعلیٰ پنجاب اور دیگر حکام سے نوٹس لینے کامطالبہ کیا ہے۔وجہ عناد یہ بتائی جاتی ہے کہ حملہ آور راجہ محمد جاوید نے عام انتخابات میں مسلم لیگ ن کو سپورٹ کی تھی جبکہ محمد اکرم اوراس کے خاندان نے پی ٹی آئی کو ووٹ دئیے تھے جس کی بناءپر چپقلش چل رہی تھی۔ وقوعہ کے وقت راجہ محمدجاوید اور دیگرملزمان نے یہ بہانہ بنا کر حملہ کیا کہ مضروب محمد اکرم اور ان کے بیٹوں نے ان کے ذاتی رستے کو استعمال کرنے کی کوشش کی ہے تاہم پولیس مصروف تفتیش ہے۔

تلہ گنگ کے نواحی علاقے ڈھوک مصاحب تھانہ ٹمن کی حدود میں با اثر افراد بارہ سالہ بچے پر بہیمانہ تشدد کیا، پولیس کو ملزمان کے خلاف درخواست دی گئی تو پولیس نے ملزمان کو گرفتار کرنے کی بجائے ان کے گھر آ کر دعوت کھائی اور چل دی، بچے کے والد نے حکام سے اپیل کی ہے کہ ہمیں انصاف دلوایا جائے ، اگر انصاف نہ ملا تو مجبورا انتقامی کاروائی کریں گے.

باغی ٹی وی کی رپورٹ کے مطابق ضلع چکوال کے تھانہ ٹمن کی حدود میں واقع ڈھوک مصاحب میں ایک افسوسناک واقعہ پیش آیا ہے. محمد طیب خورشید ولد محمد خورشید سکنہ ڈھوک مصاحب اپنے والدین کے ہمراہ خالہ کے گھر افطاری کرنے گیا ہوا تھا ،افطاری کے بعد اسکے والدین جلدی گھر آ گئے اور طیب خورشید رات دس بجے کے قریب گھر جانے کے لئے نکلا کہ ڈھوک مصاحب کے رہائشی ذیشان ولد اشتیاق کے گھر کی طرف چند شرارتی بچے پتھر پھینک رہے تھے ،پتھر پھینکنے والے بچے بھاگ گئے اور ذیشان اور اشتیاق باپ بیٹے نے طیب کو پکڑ لیا اور تھپڑ مارے ، طیب وہاں سے بھاگا تو باپ بیٹے نے موٹر سائیکل پر سوار ہو کر بچے کا پیچھا کیا اور اس کے پاوں پر موٹر سائیکل چڑھاتے رہے. ساتھ تھپڑ بھی مارتے رہے ،طیب کے گھر کے قریب ویرانے میں ملزمان نے طیب کو زمین پر گرایا اور بہیمانہ تشدد کیا، شور کی آواز سن کر طیب کا والد باہرخورشید باہر نکلا اور ان سے منت سماجت کی تو وہ موقع سے فرار ہو گئے. طیب کو اس کا والد میال چوکی میں لے کر گیا تا کہ ملزمان کے خلاف مقدمہ کا اندراج کیا جا سکے ،پولیس چوکی والوں نے انہیں ٹمن ہسپتال بھیج دیا جہاں بچے کا باقاعدہ میڈیکل نہیں کیا گیا، یہ بات بچے کے والد خورشید نے ایک ویڈیو پیٍغام میں بتائی ہے،خورشید کا مزید کہنا تھا کہ ہسپتال والوں نے بچے کا علاج بھی نہیں کیا، پولیس میں رپورٹ کروائی گئی لیکن پولیس نے ملزمان کے گھر آ کرچکن کڑاہی کھائی اور چل دئیے، پولیس نے ملزمان کو گرفتار نہیں کیا، بچے کے والد جو پاک فوج سے ریٹائرڈ ہیں انہوں نے مطالبہ کیا ہے کہ انہیں انصاف چاہئے، ڈی پی او چکوال، آئی جئ پنجاب ،وزیر اعلیٰ پنجاب واقعہ کو نوٹس لیں اور بااثر ملزمان کو گرفتار کر لیں ، خورشید نے اعلان کیا کہ اگر انہیں انصاف نہ ملا تو وہ انتقامی کاروائی کرنے پر مجبور ہوں گے جس کی تمام تر ذمہ داری پولیس اور حکمرانوں پر ہو گی. ویڈیو میں بچہ کہتا ہے کہ میرے والد نے جو کہا ہے وہ سچ ہے ہمیں انصاف فراہم کیا جائے.