Baaghi TV

Category: جرائم و حادثات

  • گوجرانوالہ میں دس سالہ گھریلو ملازمہ پر تشدد کا واقعہ

    گوجرانوالہ میں دس سالہ گھریلو ملازمہ پر تشدد کا واقعہ

    پنجاب کے شہر گوجرانوالہ میں ایک اور افسوسناک واقعہ پیش آیا ہے جس میں دس سالہ گھریلو ملازمہ کو رسیوں سے باندھ کر شدید تشدد کا نشانہ بنایا گیا

    باغی ٹی وی کی رپورٹ کے مطابق گوجرانوالہ کے علاقہ چن دا قلعہ کے قریب دس سالہ گھریلو ملازمہ پر مبینہ طور پر شدید تشدد کیا گیا. متاثرہ بچی کا کہنا ہے کہ مالک نے گرم پانی سے جلا کرمیرے اوپر مرچیں پھینکیں،مجھے رسیوں سے باندھ کر ڈنڈے بھی مارے گئے. پولیس نے واقعہ کا مقدمہ درج کر کے گھر کے مالک سابق سٹی ناظم جاوید کو گرفتار کر لیا ہے، واقعہ کا مقدمہ تھانہ صدر میں پولیس کی مدعیت میں درج ہوا ہے. پولیس کے مطابق گھریلو ملازمہ کو اس کے ورثا علاج کے لئے لاہورلے گئے ہیں

  • فیصل آباد میں چینی افسر نے مقامی مزدور کو جلتی بھٹی میں دھکا دیدیا

    فیصل آباد: انڈسٹریل اسٹیٹ ساہیانوالہ کی نجی فیکٹری میں چینی افسر نے مبینہ طور پرمقامی مزدورکوجلتی بھٹی میں دھکا دیدیا۔

    فیصل آباد کی نجی فیکٹری میں چینی افسر نے مزدور شہروز کو کام سمجھ نہ آنے پرجلتی بھٹی میں دھکا دیا، شہروزکوتشویشناک حالت میں الائیڈ اسپتال فیصل آباد منتقل کردیا گیا۔ پولیس نے چینی افسر کو حراست میں لے کر تحقیقات شروع کردی ہیں۔

    سی پی او اظہر اکرام نے بتایا کہ چینی شہری کو تحویل میں لے لیا گیا ہے اور قانون کے مطابق کارروائی کریں گے ، ڈی ایس پی اور ایس ایچ او واقعے کی تفتیش کررہے ہیں۔

    فیکٹری میں شہروز کے ساتھی مزدوروں نے احتجاج کرتے ہوئے انصاف کا مطالبہ کیا۔ چینی شخص فیکٹری میں لیبر انچارج کے عہدے پر تعینات ہے۔

  • دس روپے دیکر سفاک ملزم نے کی نو سالہ بچی کے ساتھ زیادتی

    دس روپے دیکر سفاک ملزم نے کی نو سالہ بچی کے ساتھ زیادتی

    بھارتی ریاست ہما چل پردیش میں الیکشن کے دن پولنگ بوتھ کے پاس نو سالہ کی بچی سے زیادتی کا واقعہ سامنے آیا ہے، بچی کی والدہ کی شکایت پر پولیس نے مقدمہ درج کر لیا ہے.

    باغی ٹی وی کی رپورٹ کے مطابق بھارتی ریاست ہماچل پردیش کے شہر دیو بھومی کلو میں لوک سبھا انتخابات کے لئے بنائے گئے پولنگ بوتھ کے قریب نو سال کی بچی کے ساتھ زیادتی کا واقعہ سامنے‌آیا ہے. مقامی سکول میں الیکشن کے لئے بنائے گئے پولنگ بوتھ کے قریب بچی کے ساتھ زیادتی کی گئی ہے. سکول کے ساتھ ملحقہ گرائوند میں بچی کھیل رہی تھی اور اس کی ماں کھیتوں میں کام کرنے گئی ہوئی تھی. ملزم نے بچی کے پاس جا کر اسے دس روپے دئیے اور کہا کہ دکان سے چیز لے آو ، بچی چیز لینے جا رہی تھی تو ملزم نے راستے میں اس بچی کے ساتھ زیادتی کی. بچی سے زیادتی کرنے والے ملزم کی پہچان دیوندر سنگھ کے طور پر ہوئی جس کے خلاف مقدمہ درج کر لیا گیا ہے.

  • جعلی پیر کی خاتون کے ساتھ زیادتی، پولیس کی بھی پیر کے ساتھ ساز باز

    جعلی پیر کی خاتون کے ساتھ زیادتی، پولیس کی بھی پیر کے ساتھ ساز باز

    فیصل آباد کے علاقے میں جعلی پیر نے خاتون سے مبینہ طور پر زیادتی کی ہے پولیس کی جانب سے تعاون نہ کرنے پر متاثرہ خاتون نے اہلیان علاقہ کے ہمراہ احتجاج کیا ہے

    باغی ٹی وی کی رپورٹ کے مطابق فیصل آباد کے علاقے نشاط آباد میں مقیم جعلی پیرامجد نے خاتون عظمیٰ بخاری کے ساتھ مبینہ طور پر زیادتی کی ،خاتون نے پولیس کو پیر کے خلاف کاروائی کے لئے درخواست دی تو پولیس نے اس معاملہ پر کوئی توجہ نہیں دی جس پر متاثرہ خاتون نے ضلع کونسل چوک میں پولیس روئیے کے خلاف احتجاج کیا ہے. احتجاج کرنے والوں کا کہنا تھا کہ جعلی پیر ملزم امجد نے اپنے دو دوستوں کے ساتھ ملکر دم کے لئے آنے والی خاتون کے ساتھ زیادتی کی. ملزما ن کے خلاف مقدمہ درج ہو چکا ہے مگر پولیس انہیں گرفتارنہیں کر رہی، پندرہ روز سے ملزمان آزاد گھوم پھر رہے ہیں.

  • رمضان بازاروں کی 1لاکھ من کے قریب سستی چینی کا ذخیرہ اندوزوں کے گوداموں سے برآمدگی کا انکشاف

    مظفگڑھ میں اسسٹنٹ کمشنر اور پولیس نے ذخیرہ اندوزوں کیخلاف کارروائی کرتے ہوئے غیرقانونی طور پر ذخیرہ کی گئی مزیدساڑھے 7 ہزار من چینی برآمد کرکے 2 گودام سیل کردئیے.مظفرگڑھ میں زخیرہ اندوزوں سے چینی کی برآمدگی کا سلسلہ جاری ہے اس حوالے سے چوک گودر میں سپیشل برانچ کی نشاندہی پر اسسٹنٹ کمشنر ظہور بھٹہ اور پولیس نےمزید 2 غیرقانونی گوداموں پر چھاپہ مارکر مزید ساڑھے 7 ہزار من چینی بھی برآمد کرلی لی.اسسٹنٹ کمشنر ظہور بھٹہ کیمطابق کاروائی کے دوران دونوں گودام سیل کردئیے گئے جبکہ ذخیرہ اندوزوں کیخلاف تھانہ قریشی میں مقدمات درج کیے جارہے ہیں.ذرائع کے مطابق مظفرگڑھ کے مختلف علاقوں میں قائم گوداموں سے ملنے والی چینی جنوبی پنجاب کے مختلف رمضان بازاروں کے لئے شوگر ملز سے سستے داموں حاصل کی گئی۔ اس سے قبل بھی مظفرگڑھ کی تحصیل کوٹ ادو کے علاقہ دائرہ دین پناہ سے بھی نجی گوداموں پر چھاپہ کے دوران 65ہزار من چینی برآمد کی گئی تھی ۔ذرائع کے مطابق مظفرگڑھ کے مختلف علاقوں میں قائم غیر قانونی گوداموں سے ملنے والی چینی کی مقدار 1لاکھ من کے قریب پہنچ چکی ہے اور انتظامیہ رمضان بازار کے لئے حاصل کی گئی چینی کے نجی گوداموں میں موجودگی کو چھپانے کی کوشش کرتے ہوئے اس کو ذخیرہ اندوزی کے زمرے میں ڈال رہی ہے۔برآمد شدہ چینی کی مالیت اربوں روپے بتسئی جاتی ہے۔

  • اسلام آباد میں کمسن فرشتہ زیادتی کے بعد قتل

    اسلام آباد میں کمسن فرشتہ زیادتی کے بعد قتل

    وفاقی دارالحکومت اسلام آباد میں کمسن بچی کو زیادتی کے بعد قتل کر دیا گیا ہے

    باغی ٹی وی کی رپورٹ کے مطابق اسلام آباد کے علاقے چک شہزاد سے 15 مئی کو کمسن فرشتہ لاپتہ ہوئی تھی جسے قتل کر کے جنگل میں پھینک دیا گیا، پولیس کا کہنا ہے کہ نعش کو جنگل سے برآمد کر کے پوسٹ مارٹم کروایا گیا ہے جس میں کمسن فرشتہ کے ساتھ زیادتی کی بھی تصدیق ہوئی ہے. پولیس نے ملزمان کو گرفتار کر نے کے لئے ٹیمیں تشکیل دے دی ہیں.فرشتہ کا تعلق خیبر پختونخواہ کے قبائلی علاقے ضلع مہمند سے تعلق تھا.مقتولہ بچی مقامی سکول میں دوسری جماعت کی طالبہ تھی۔ علی پورفراش کے علاقے میں رہائش پذیر مقتولہ (ف) کے والد نے مقامی پولیس تھانے شہزاد ٹاون میں پانچ روز قبل بچی کی گمشدگی کی شکایت درج کروائی تھی۔ فرشتہ کے والد نے کمسن بیٹی کی لاش کو دھوپ میں رکھ کر احتجاج کیا ، وفاقی دارالحکومت ہونے کے باوجود کیس بھی حکومتی نمائندے نے ان سے رابطہ نہیں کیا.

    واضح رہے کہ گذشتہ دو ماہ کے دوران وفاقی دارالحکومت اسلام آباد میں یہ دوسرا واقعہ ہے جس میں ایک کمسن بچی کو زیادتی کا نشانہ بنایا گیا ہے۔ اس سے پہلے بارہ کہو کے علاقے میں ایک دو سالہ بچی کو جنسی زیادتی کا نشانہ بنایا گیا تھا۔

    کمسن فرشتہ کی زیادتی کے بعد سماجی رابطےکی ویب سائٹ ٹویٹر پر #JusticeForFarishta ٹاپ ٹرینڈ رہا. شہریوں نے فرشتہ کے قاتلوں کو سزا دینے کا مطالبہ کیا ہے.

  • معلمات ہراسگی کیس کے مرکزی کردار سی او ایجوکیشن مظفرگڑھ کی باغی ٹی وی سے خصوصی گفتگو

    مظفرگڑھ کی ڈسٹرکٹ ایجوکیشن اتھارٹی کے چیف ایگزیکٹو آفیسر فیاض بزدار نے باغی ٹی وی سے خصوصی گفتگوکرتے ہوئے خواتین اساتذہ کو ہراساں کرنے کی خبروں کی تردید کردی.مظفرگڑھ میں ایجوکیشن اتھارٹی کے سی ای او فیاض احمد بزدار کی جانب سے خواتین اساتذہ کو ہراساں کرنے کی خبر باغی ٹی پر چلنے کے بعد مزید متاثرہ خواتین سرکاری اساتذہ نے وزیراعلی پنجاب کے شکایات سیل سے رجوع کرلیا،ذرائع کیمطابق شکایات سیل سے رابطہ کرنے والی خواتین اساتذہ کی تعداد 12 ہوگئی ہے.وائس چیئرپرسن وزیراعلی پنجاب شکایات سیل مہناز سعید کے مطابق سی ای او ایجوکیشن کیخلاف مزید شواہد اکٹھا کرنے کے لیے ٹیچرز یونین،ایپکا اور محکمہ تعلیم کے عملے سے بھی رابطے کیے جارہے ہیں. باغی ٹی وی پر خبر چلنے کے بعد سی ای او ایجوکیشن فیاض بزدار کیخلاف ضلعی انتظامیہ بھی حرکت میں آگئی ہے.ضلعی انتظامیہ کے ذرائع کے مطابق ڈپٹی کمشنر ڈاکٹر احتشام انور نے سی ای او ایجوکیشن فیاض بزدار کی سرزنش کی ہے اور معاملے کی تحقیقات شروع کردی ہیں.دوسری جانب سی ای او ایجوکیشن فیاض بزدار نے باغی ٹی وی سے خصوصی گفتگو کرتے ہوئے خود پر لگائے گئے الزامات کی تردید کی ہے

    ویڈیو دیکھیں.

    https://youtu.be/nO9pSpRR0AE

    ان کا کہنا ہے کہ جن لوگوں کے ناجائز کام نہیں کیے وہ میرے خلاف مہم چلا رہے ہیں.سی ای او فیاض بزدار کا کہنا تھا کہ جو خواتین معاملے کے پیچھے ہیں تحقیقات میں ان کی حقیقت سامنے آجائیگی.واضح رہے کہ باغی ٹی وی نے مظفرگڑھ کے چیف ایگزیکٹو آفیسر ایجوکیشن فیاض بزادر کی جانب سے خواتین استانیوں کو ہراساں کرنے کی خبر سب سے پہلے 18مئی کو باغی ٹی وی نے بریک کی تھی بعدازاں وزیر اعلی شکایت سیل کی وائس چیئرپرسن مہناز سعید نے اس حوالے سے خواتین ٹیچرز کی شکایات پر مبنی ایک رپورٹ وزیراعلی پنجاب کو ارسال کی تھی ۔

  • تلہ گنگ،چائلڈ پورن گرافی کیس، ایف آئی اے نے ایک اور ملزم گرفتار کر لیا

    تلہ گنگ،چائلڈ پورن گرافی کیس، ایف آئی اے نے ایک اور ملزم گرفتار کر لیا

    سوشل میڈیا پر عریاں تصویر دینے اور لڑکے کو بلیک میل کرنے کے جرم میں ایف آئی اے نے تلہ گنگ سے ایک اور ملزم کو گرفتار کر لیا

    باغی ٹی وی کی رپورٹ کے مطابق پنجاب کے شہر تلہ گنگ کے نواحی گاوں جھاٹلہ میں مبینہ طور پر چار ملزمان نے سولہ سالہ لڑکے کی عریاں تصاویر بنائیں اور انہیں فیس بک پر اپ لوڈ کر دیا، ملزمان طالب علم کو بلیک میل کرتے رہے اور دوستی و جنسی زیادتی کے لئے مجبور کرتے رہے. واقعہ کی اطلاع ملنے پر طالب علم کے والد نے ایف آئی اے کو درخواست دی جس پر ایف آئی اے تھانہ سرکل راولپنڈی نے جھاٹلہ میں چھاپہ مار کر چائلڈ پورن گرافی کیس کا تیسرا ملزم خبیب گرفتار کر لیا.ملزم کے دو ساتھیوں دانیال شیراز اور محمد زبیر کو ایف آئی اے دو ماہ قبل گرفتار کر چکی ہے. ایف آئی آر میں نامزد ایک اور ملزم معوذ فاروق تاحال ایف آئی اے کے شکنجے میں نہ آ سکا جس کی گرفتاری کے لئے چھاپے مارے جا رہے ہیں.مذکورہ ملزمان نے معصوم بچوں سے زیادتی کی ویڈیو بنا کر سوشل میڈیا پر اپ لوڈ کی تھیں۔ ملزمان کے خلاف دو جنوری 2019 کو مقدمہ درج کیا گیاتھا

    واضح رہے کہ ڈی جی ایف آئی اے سائبرکرائم ونگ کیپٹن ریٹائرڈ محمد شعیب نے انکشاف کیا تھا کہ پاکستان میں چائلڈ پورنوگرافی ایک منافع بخش کاروبار بن چکا ہے ، پاکستان میں چائلڈ پورنو گرافی کے سرے بین الاقوامی مافیا تک جاتے ہیں۔
    سینیٹ کی قائمہ کمیٹی برائے انسانی حقوق نے اسلام آباد میں چائلڈ پروٹیکشن بل 2018، ملک بھر میں جرائم پیشہ کم عمر بچوں کیلئے علیحدہ عدالتوں کے قیام اور چائلڈ پورنو گرافی کے قانون میں ترمیمی بل منظور کیا ہوا ہے.جس کے تحت چائلڈ پورنو گرافی پر 14 سال، جنسی ہراسگی پر7 سال قید و جرمانہ ہو گا.

  • باغی ٹی وی کی خصوصی رپورٹ پر خواتین کو ہراساں کرنے کے کیس میں پیش رفت

    باغی ٹی وی کی خصوصی رپورٹ پر خواتین کو ہراساں کرنے کے کیس میں پیش رفت

      ( نعمان بھٹہ) سی او ایجوکیشن مظفرگڑھ کی جانب سے ہرا ساں کی جانے والی خواتین اساتذہ نے سی ای او ایجوکیشن فیاض بزدار کے خلاف وزیر اعلی شکایت سیل کو درخواست دے دی.باغی ٹی وی کی رپورٹ کے مطابق وزیراعلی شکایات سیل کی وائس چئیر پرسن مہناز سعید کے مطابق مظفرگڑھ کے سی ای او ایجوکیشن فیاض احمد بزدار سرکاری خواتین اساتذہ کو ہراساں کرنے میں ملوث ہیں.10 سے زائد متاثرہ خواتین اساتذہ نے انھیں ثبوت فراہم کردئیے ہیں مگر وہ سامنے نہیں آنا چاہتیں.مہنازسعید کا کہنا ہے کہ موصول ہونے والے ثبوتوں کے ذریعے یہ بات سامنے آئی ہے کہ محکمانہ سزاؤں کا خوف دلا کر کئی خواتین اساتذہ کو جنسی طور پر ہراساں کیاگیا،فحش میسجز بھیجے گئے اور جواب طلبیوں کے لیے خواتین اساتذہ کو دفتری اوقات کے بعد ڈسٹرکٹ ایجوکیشن اتھارٹی کے دفتر آنے پر مجبور کیا جاتا رہا.راجن پور میں تعیناتی کے دوران بھی فیاض بزدار کیخلاف ہراسمنٹ کی شکایات سامنے آتی رہیں.وائس چیئرپرسن وزیراعلی پنجاب شکایات سیل کیمطابق متاثرہ خواتین اساتذہ نے انھیں آگاہ کیا کہ سی ای او ایجوکیشن فیاض بزدار انکے سامنے خود کو وزیراعلی پنجاب عثمان بزدار کا رشتہ دار ظاہر کرتے رہے،حالانکہ فیاض بزدار کا وزیراعلی پنجاب عثمان بزدار سے کوئی تعلق واسطہ نہیں ہے.مہنازسعید کے مطابق خواتین اساتذہ کی درخواست پر معاملے کی انکوائری مکمل کرلی گئی ہے اور رپورٹ وزیر اعلی پنجاب کو بھجوائی جارہی ہے.ابتدائی رپورٹ میں سی ای او ایجوکیشن کو عہدے سے ہٹانے کی سفارش کی جائیگی.واضح رہے کہ باغی ٹی وی نے اس پر اسپیشل رپورٹ مرتب کی تھی تو اس ایشو کو اٹھایا تھا جس پر انتظامیہ کہ جانب سے اس ایشو پر پیش رفت سامنے آگئی.

      https://login.baaghitv.com/amp/%d9%88%d8%b2%db%8c%d8%b1-%d8%a7%d8%b9%d9%84%db%8c-%d9%be%d9%86%d8%ac%d8%a7%d8%a8-%da%a9%d8%a7%d9%85%d8%a8%db%8c%d9%86%db%81-%d9%82%d8%b1%db%8c%d8%a8%db%8c-%d8%b1%d8%b4%d8%aa%db%81-%d8%af%d8%a7%d8%b1/

       

      وائس چیئرپرسن وزیراعلی پنجاب شکایات سیل مہناز سعید کا مزید کہنا تھا کہ وزیراعلی پنجاب عثمان بزدار نے شفاف انکوائری کی ہدایت کی ہے.دوسری جانب معاملے پر موقف لینے کے لیے سی ای او ایجوکیشن مظفرگڑھ فیاض احمد بزدار سے رابطہ کیاگیا تو نہ تو انھوں نے فون اٹینڈ کیا اور نہ ہی میسجز کا کوئی جواب دیا.

  • لاہور کے غازی آباد علاقہ سے 12 افراد گرفتار، مختلف جرائم کے تحت مقدمات درج

    لاہور کے غازی آباد علاقہ سے 12 افراد گرفتار، مختلف جرائم کے تحت مقدمات درج

    لاہورمیں غازی آباد پولیس نے مختلف کاروائیوں‌ کے دوران 12 افراد کو گرفتار کیا ہے جن پر قمار بازی اور دیگر الزامات ہیں. ان کے خلاف مقدمات درج کر لئے گئے ہیں.

    باغی ٹی وی کی رپورٹ‌ کے مطابق غازی آباد پولیس کا کہنا ہے کہ اس نے مختلف کاروائیوں میں جدید الیکٹرونک گیمز پر جواء کھیلنے والے 11 قمار باز گرفتار کئے جن میں‌ فیضان، وسیم، یوسف، ساجد، افتخاراور نعمان وغیرہ شامل ہیں‌جبکہ اسی طرح‌ ایک اور کاروائی میں غازی آباد پولیس نے غیر قانونی پیٹرول ایجنسی چلانے والے ملزم رحمت کو گرفتار کیا اور مذکورہ ملزمان کے خلاف مقدمات درج کر لیے ہیں.

    لاہو رمیں ان دنوں‌ قمار بازوں‌کے خلاف خاص طو رپر آپریشن کیا جارہا ہے