ڈنگہ گجرات کی21سالہ ماریہ پر سرگودھا کے مبینہ پیر عزیر شاہ کی تیزاب گردی کا معاملہ
(نمائندہ باغی ٹی وی) وزیراعلی کی ہدایت پر بچی علاج کیلئے جناح ہسپتال کے برن یونٹ لاہور منتقل،سینئر ڈاکٹرز علاج کریں گے , , واقعہ میں ملوث مرکزی ملزم عزیر شاہ اور مرتضی گرفتار، وزیراعلی کا ماریہ کیلئے 5لاکھ روپے کی مالی امداد کا اعلان , , شفاف انکوائری کیلئے ڈی پی اوبھکر انکوائری افسرمقرر،انکوائری مکمل ہونے کے بعد ملوث پولیس اہلکاروں کے خلاف کاروائی کی جائے گی:ترجمان وزیر اعلی پنجاب ڈاکٹر شہباز گل
ترجمان وزیراعلی پنجاب ڈاکٹر شہباز گل نے جناح ہسپتال کے برن یونٹ میں میڈیا سے گفتگو کرتے ہوئے کہا ہے کہ ڈنگہ گجرات کی21سالہ ماریہ پر سرگودھا کے مبینہ پیر عزیر شاہ نے تیزاب پھینکا تھا -وزیراعلی پنجاب کی ہدایت پر بچی کو علاج کے لیے لاہور منتقل کیا گیاہے -ماریہ کا علاج جناح ہسپتال برن یونٹ کے سینئر ڈاکٹرز کریں گے اورپنجاب حکومت ماریہ کے علاج کے تمام اخراجات برداشت کرے گی -ترجمان نے کہا کہ وزیراعلی پنجاب نے ماریہ کیلئے 5لاکھ روپے کی مالی امداد کا اعلان کیا ہی-واقعہ 2سال قبل پیش آیا اور اتنا طویل عرصہ بچی کو بغیر علاج کے رکھا گیا-انہوں نے کہا کہ واقعے میں ملوث مرکزی ملزم عزیر شاہ اور مرتضی کو گرفتار کر لیا گیا ہے -متاثرہ فیملی کی بروقت دادرسی نہ کرنے اور نازیبا سلوک پر تھانہ میانی سرگودھا کے عملے کے خلاف کارروائی ہو گی -انہوں نے کہا کہ وزیراعلی نے شفاف انکوائری کرنے کیلئے ڈی پی اوبھکر کو انکوائری افسر لگایا ہے-انکوائری مکمل ہونے کے بعد ملوث پولیس اہلکاروں کے خلاف کاروائی کی جائے گی -ترجمان وزیراعلی پنجاب ڈاکٹر شہباز گل نے کہا کہ وزیراعظم عمران خان اور وزیراعلی پنجاب عثمان بزدار اس واقعہ پر رنجیدہ ہیں-ملزمان کو عبرت ناک سزا دی جائے گی-متاثرہ بچی ماریہ کے والد رمضان نے کہا کہ وزیراعلی پنجاب سے انصاف کی امید ہی-وزیراعلی پنجاب عثمان بزدار نے سوشل میڈیا پر میری اپیل پر نوٹس لیاہے اورترجمان وزیراعلی شہباز گل میرے گھر آئے اور بچی کا علاج شروع ہو رہا ہی-انہوںنے کہا کہ ملزم عزیر شاہ نے زیادتی کی، اسے سخت سزا ملنی چاہیی-ماریہ کے والدرمضان نے کہا کہ وزیراعظم پاکستان اور وزیراعلی پنجاب کے مشکور ہیں-
Category: جرائم و حادثات
-
سرگودہا مبینہ پیر کے ظلم کا شکار ہونے والی ماریہ کے ساتھ کیا ہوا جانیے اس خبر میں
-
قابل اعتراض ویڈیو بنا کر بھتہ وصول کرنے والا گروہ گرفتار خبر آگئی
سرگودھا(نمائندہ باغی ٹی وی) ڈی پی او سرگودھا حسن مشتاق سکھیرا کا بھتہ خور گروہ کے خلاف کارروائی کا حکم تفصیلات کے مطابق سیٹلائٹ ٹاﺅن پولیس نے تین ملزمان کو جوڈیشل ریمانڈ پر جیل بھجوا دیا جیل بھجوائے جانے والوں میں رمضان چدھڑ، خرم شہزاد، ابرار شامل ہیں گروہ مختلف طریقوں سے سادہ لوح شہریوں کو پھنسا کر ان کی قابل اعتراض ویڈیو بنا کر بھتہ طلب کرتا تھا، گروہ میں چار افراد اور تین خواتین شامل ہیں، ایف آئی آر کا متن گروہ کے ایک رکن اور دو خواتین نے 27 مئی تک انسداد دہشتگردی عدالت سے عبوری ضمانت کروا لی ڈی پی او سرگودہاکا کہنا تھا کہ جرائم پیشہ عناصر کے خلاف آہنی ہاتھوں سے نمٹا جائے گا،
-
شیخوپورہ پولیس ایکشن میں
شیخوپورہ (نمائندہ باغی ٹی وی) ایس ایچ او اے ڈویژن ظہیرعالم شاہ کی کاروائی، محلہ رحمان پورہ کے رہائشی عبدالمتین خان کو لوٹنے والی رقم واپس دلوا دی، 6ماہ قبل ملزمان عبدالرحمان اورعلی حیدر نے 10لاکھ 50ھزارروپے چھینے تھے
7لاکھ پہلےاورساڑھے3لاکھ روپے کی رقم آج مدعی کو واپس کردی گئی
ڈی پی او شیخوپورہ غازی صلاح الدین نے ایس ایچ او تھانہ اے ڈویژن ظہیر عالم شاہ کو بہترین کارکردگی پر شاباش دی -
گھر میں کام کرنےسے انکار،سابق وزیر خارجہ نے اپنی تین سابقہ ملازماوں کوگرفتار کرادیا
لاہور میں سابق وزیر خارجہ حناربانی کھر کی بہن خدیجہ کھر کے گھر کام کرنے والی 3 ملازمہ بہنوں کو مبینہ چوری کے الزام میں مظفرگڑھ سے حراست میں لے لیا گیا۔گرفتار لڑکیوں کی والدہ کا کہنا ہے کہ ان کی بیٹیوں کو ظلم کانشانہ بنایا جاتا،،روز روز کے ظلم سے تنگ آکر بیٹیوں کی شادیاں کرنے کے لیے انھیں واپس بلایا تو انکی بیٹیوں پر چوری کا جھوٹا الزام عائد کردیا گیا.مظفرگڑھ کے علاقے سنانواں سے 3 ملازمہ بہنوں کو لاہور کے تھانہ سرور روڈ پولیس نے حراست میں لے کر لاہور منتقل کردیا.
والدہ کیمطابق اس نے بچیوں کی شادیاں کرانے کے لیے انھیں گھر بلایا تو پہلے چھٹی دینے سے انکار کیاگیابعدازاں بچیاں اپنی شادیوں کے لیے گھر آئیں تو 3 ماہ پہلے حناربانی کھر کی بہن خدیجہ کھر کے گھر ہونے والی چوری کی واردات میں اسکی بیٹیوں کو ملوث کردیاگیاہے.حمیدہ بیگم کا کہنا تھا کہ تین ماہ قبل ہونے والی مبینہ چوری کی واردات کے بعد تفتیش میں متعلقہ پولیس اور اداروں نے اسکی بیٹیوں کو بیگناہ قرار دیا تھا.اسکی بیٹیوں نے شادیوں کے لیے خدیجہ کھر کے گھر کا کام کرنا چھوڑا تو ان پر چوری کا جھوٹا الزام لگادیاگیا.حمیدہ بیگم نے اپنی بیٹیوں کی بازیابی کا مطالبہ کیا ہے.
تھانہ سنانواں مظفرگڑھ پولیس کیمطابق لاہور پولیس نے تینوں بہنوں کو لاہور میں سابق وزیر خارجہ حناربانی کھر کی بہن خدیجہ کھر کے گھر میں مبینہ چوری کے مقدمے میں حراست میں لیا ہے۔دوسری جانب گرفتار کی گئی تینوں بہنوں کی والدہ حمیدہ بیگم کیطابق عائشہ،عابدہ اور شاہدہ گزشتہ 11 سال سے سابق وزیر خارجہ حناربانی کھر اور انکی بہن خدیجہ کھر کے گھروں میں کام کررہی تھیں جہاں انکی بیٹیوں پر ظلم کیا جاتا اور گھر آنے کے لیے چھٹیاں بھی نہ دی جاتیں.دوسری جانب کھر خاندان کیمطابق ملازماؤں کو چوری کے مقدمہ کی تفتیش کے لیے لاہور پولیس نے حراست میں لیا ہے،چوری کے مقدمے میں گرفتار نامزد ڈرائیور نے تفتیش میں ملازماؤں کے نام لیے تھے.
-
کوئٹہ دھماکہ میں امام مسجد شہید، تیرہ افراد زخمی
کوئٹہ کے علاقے پشتون آباد میں ہونیوالے دھماکے میں امام مسجد مولانا عطاء الرحمان شہید ہو گیا
باغی ٹی وی کی رپورٹ کے مطابق جمعہ کے وقت نمازی مسجد میں جمع تھے ،مسجد رحمانیہ میں دھماکہ ہوا جس کے نتیجے میں امام مسجد مولانا عطاء الرحمان شہید ہو گیا جبکہ تیرہ افراد زخمی ہوئے جن میں سے تین زخمیوں کی حالت تشویشناک ہے، تمام زخمیوں کو ہسپتال منتقل کر دیا گیا ہے. دھماکے سے قریبی عمارتوں کے شیشے بھی ٹوٹ گئے ہیں.
واضح رہے کہ پاکستان کے صوبہ بلوچستان کے شہر کوئٹہ میں جمعہ کو ایک بار پھر دہشت گردوں نے وار کیا ہے. مسجد میں دھماکے سے ایک شخص جاں بحق جبکہ تیرہ افراد زخمی ہوئے ہیں
-
ڈسٹرکٹ پولیس آفیسرمظفرگڑھ کا ریڈیو کے ذریعے عوام سے رابطہ
ڈی پی او مظفرگڑھ صادق علی ڈوگر کی ریڈیو پروگرام میں شرکت، کالرز نے فون پر ڈی پی او سے براہ راست بات کی، مسائل اور شکایات کا فوری حل ہونے پرعوام نے ڈی پی او کو خراج تحسین پیش کیا۔تفصیل کے مطابق ڈی پی او مظفرگڑھ صادق علی ڈوگر نےایف ایم ریڈیو 98.8 کے پروگرام "پولیس آن لائن” میں شرکت کی۔ پروگرام کے میزبان کاشف عباس آکاش اور فضا چوہدری تھے۔ ڈی پی او نے پروگرام میں چند دنوں کی تعیناتی میں مظفرگڑھ میں پولیس ڈرائیونگ سکول کا قیام اور ڈولفن سکوارڈ کی کامیابی سے شروعات کا خصوصی ذکر کیا ہے، پروگرام کے دوران ضلع بھر سے کالرز نے کالز کر کے ڈی پی او کو براہ راست اپنے مسائل سے آگاہ کیا اور ڈی پی او نے ان کے مسائل کے حل کےلیے موقع پر احکامات جاری کئے۔ میزبان کاشف عباس آکاش کا کہنا تھا کہ یہ حقیقی تبدیلی ہے عوام آج براہ راست گھر بیٹھے اپنے علاقہ کے ڈی پی او سے مسائل پر گفتگوکر رہے ہیں۔
-
محبوبہ کی خاطر نوجوان نے گردہ بیچا،محبوبہ نے اسکے ساتھ کیا کیا؟ جان کر ہوں حیران
پنجاب کے علاقہ عارف والا میں نوجوان نے اپنی محبوبہ کو تین لاکھ دینے کے لئے اپنا گردہ بیچ ڈالا اور جب رقم کی واپسی کا تقاضا کیا محبوبہ بے نوجوان کی پٹائی کروا دی
باغی ٹی وی کی رپورٹ کے مطابق کامونکی کے رہائشی ہمایوں نے پولیس کو بتایا کہ اس کی عارف والا کی ایک خاتون کے ساتھ دوستی ہوئی خاتون نے تین لاکھ روپے نوجوان سے مانگے تو ہمایوں نے کہا کہ اتنی بڑی رقم اس کے پاس نہیں جس پرخاتون نے کہا کہ اگر وہ میرا سچا دوست ہے تو میرے لئے اپنا گردہ بیچ دو اور تین لاکھ مجھے دو نوجوان نے خاتون کے کہنے پر اپنا گردہ بیچ دیا، اور ساڑھے تین لاکھ روپے خاتون کو دے دئیے . ہمایوں کا کہنا ہے کہ جب اس نے دوست خاتون سے رقم کی واپسی کا تقاضا کیا تو اس نے گھر بلا کر چوری کا الزام لگا دیا اور رشتے داروں ، محلے داروں کو بلا کر پٹائی کروا دی . واقعے کے بعد پولیس نے زخمی نوجوان کو طبی امداد کے لیے اسپتال منتقل کر دیا ہے، پولیس کا کہنا ہے کہ تحقیقات کے بعد ملزمان کے خلاف کارروائی کریں گے .
-
فیصل آباد، انسداد دہشت گردی کی عدالت نے ایڈووکیٹ عمران منج کو 18 سال قید کی سزا سنادی
فیصل آباد: انسداد دہشت گردی کی عدالت نے سول جج پر حملہ کر کے زخمی کرنے والے وکیل کو سزا سنا دی، ایڈووکیٹ عمران منج کو مجموعی طور پر 18 سال 6 ماہ قید کا حکم سنایا گیا۔ ملزم کو مجموعی طور پر ڈھائی لاکھ روپے جرمانہ ادا کرنے کا بھی حکم کیا گیا ہے۔ ملزم ایڈووکیٹ عمران منج نے 25 اپریل کو جڑانوالہ میں عدالت میں بیٹھے سول جج کو کرسی مار کر زخمی کیا تھا۔ وکیلوں نے انسداد دہشت گردی کی عدالت کے باہر احتجاج بھی کیا اور گیٹ کو توڑنے کی کوشش کی گئی۔
-
ریاست مخا لف تقریر، گلالئی کے خلاف مقدمہ درج
ریاست مخالف تقریر اور پختون قوم میں پاکستان کے خلاف نفرت پھیلانے کے جرم میں گلالئی اسماعیل پر مقدمہ درج کرلیا گیا ہے.
باغی ٹی وی کی رپورٹ کے مطابق گلالئی اسماعیل کے خلاف درج مقدمہ میں کہا گیا ہے کہ اس نے کمسن فرشتہ کو بنیاد بنا کر پاک فوج، حکومت کے خلاف ہرزہ سرائی کی اور پشتون قوم میں نفرت پھیلانے کی کوشش کی. گلالئی کے خلاف مقدمہ تھانہ شہزاد ٹاون میں درج کیا گیا ہے جس میں انسداد دہشت گردی کی دفعات بھی شامل ہیں.
وزیر سائنس و ٹیکنالوجی فواد چودھری کا کہنا ہے کہ پی ٹی ایم جس طرح ایک معصوم بچی کے بیہمانہ قتل کو اپنی دو ٹکے کی سیاست کے لئے استعمال کر رہی ہے اس سے لگتا ہے کہ اُن کی سیاست کے سینے میں دل نہیں ہے۔
واضح رہے کہ گلالئ اسماعیل کا تعلق پی ٹی ایم سے ہے جو وطن عزیز پاکستان کے خلاف منفی سرگرمیوں میں ملوث ہے ، ڈی جی آئی ایس پی آر میجر جنرل آصف غفور نے ایک پریس کانفرنس میں کہا تھا کہ اب بہت ہو گیا مزید برداشت نہیں کریںگے، پی ٹی ایم کے خلاف قانونی کاروائی ہوگی
واضح رہے کہ اسلام آباد کے علاقے چک شہزاد سے 15 مئی کو کمسن فرشتہ لاپتہ ہوئی تھی جسے قتل کر کے جنگل میں پھینک دیا گیا، پولیس کا کہنا ہے کہ نعش کو جنگل سے برآمد کر کے پوسٹ مارٹم کروایا گیا ہے جس میں کمسن فرشتہ کے ساتھ زیادتی کی بھی تصدیق ہوئی ہے. پولیس نے ملزمان کو گرفتار کر نے کے لئے ٹیمیں تشکیل دے دی ہیں.فرشتہ کا تعلق خیبر پختونخواہ کے قبائلی علاقے ضلع مہمند سے تعلق تھا.مقتولہ بچی مقامی سکول میں دوسری جماعت کی طالبہ تھی۔ علی پورفراش کے علاقے میں رہائش پذیر مقتولہ (ف) کے والد نے مقامی پولیس تھانے شہزاد ٹاون میں پانچ روز قبل بچی کی گمشدگی کی شکایت درج کروائی تھی۔ فرشتہ کے والد نے کمسن بیٹی کی لاش کو دھوپ میں رکھ کر احتجاج کیا ، وفاقی دارالحکومت ہونے کے باوجود کیس بھی حکومتی نمائندے نے ان سے رابطہ نہیں کیا.
واضح رہے کہ گذشتہ دو ماہ کے دوران وفاقی دارالحکومت اسلام آباد میں یہ دوسرا واقعہ ہے جس میں ایک کمسن بچی کو زیادتی کا نشانہ بنایا گیا ہے۔ اس سے پہلے بارہ کہو کے علاقے میں ایک دو سالہ بچی کو جنسی زیادتی کا نشانہ بنایا گیا تھا۔
کمسن فرشتہ کی زیادتی کے بعد سماجی رابطےکی ویب سائٹ ٹویٹر پر #JusticeForFarishta ٹاپ ٹرینڈ رہا. شہریوں نے فرشتہ کے قاتلوں کو سزا دینے کا مطالبہ کیا ہے.
