مظفرگڑھ کے علاقہ ٹبہ کریم آباد میں پولیس اور حساس اداروں نے مشترکہ کارروائی کرتے ہوئے حساس ادارے کا جعلی آفیسر بن کر لوگوں کو لوٹنے والےشخص کو گرفتار کرلیا۔ پولیس کے مطابق گرفتار ملزم وسیم خود کو حساس ادارے کا آفیسر ظاہر کرکے لوگوں سے رقم بٹورتا تھا ساتھ ہی ملزم نےجعلی آفیسر بن کر بیوروکریسی اور پولیس آفیسران سے اپنےکام بھی نکلوائے۔ترجمان مظفرگڑھ پولیس وسیم خان گوپانگ کے مطابق گرفتار شخص کے خلاف تھانہ سٹی میں مقدمہ درج کرلیاگیاہے۔
Category: جرائم و حادثات
-
جعلساز حساس ادارے کا افسر بن کر بیوروکریسی سے کام نکلواتا رہا
-
باغی ٹی وی کی خبر پر ایکشن،معلمات کو ہراساں کرنے والے سی ای ایجوکیشن کی چھٹی
باغی ٹی وی کی نشاندہی پر مظفرگڑھ میں سرکاری خواتین اساتذہ کو ہراساں کرنے میں ملوث سی ای او ایجوکیشن مظفرگڑھ فیاض بزدار کو فوری طور پر انکے عہدے سے ہٹادیاگیا،فیاض بزدار پر خواتین اساتذہ نے جنسی ہراسگی کے الزامات عائد کیے تھے.مظفرگڑھ میں سرکاری خواتین اساتذہ کو ہراساں کرنے والے سی ای او ایجوکیشن فیاض بزدار کو فوری طور پر ان کے عہدے سے ہٹادیا گیا،وائس چیئرپرسن وزیراعلی پنجاب شکایات سیل مہناز سعید کیمطابق فیاض بزدار کو فوری طور پر سکول ایجوکیشن ڈیپارٹمنٹ سے ہٹانے کا نوٹیفیکیشن بھی جاری کردیاگیا.فیاض بزدار کی جگہ ڈسٹرکٹ ایجوکیشن آفیسر بھکر ملک مسعود ندیم کو سی ای او ایجوکیشن مظفرگڑھ تعینات کردیاگیا.سی ای او ایجوکیشن فیاض بزدار کی جانب سے خواتین اساتذہ کو مبینہ طور پر جنسی طور پر ہراساں کیے جانے اور فحش میسجز بھیجے کا انکشاف باغی ٹی نے اپنی خصوصی رپورٹ میں کیا تھا بعدازاں متاثرہ خواتین اساتذہ نے وزیراعلی پنجاب شکایات سیل کی وائس چیئرپرسن مہناز سعید کو درخواستیں دی تھیں۔متاثرہ خواتین نے یہ الزام بھی عائد کیا تھا کہ فیاض بزدار خود کو وزیر اعلی پنجاب عثمان بزدار کا رشتہ دار بتاکر خواتین اساتذہ کو خوف دلا کر زبردستی جنسی طور پر ہراساں کرتے ہیں.مہناز سعید کے مطابق فیاض بزدار انکوائری مکمل ہونے تک معطل رہیں گے.خواتین اساتذہ کو ہراساں کرنے کے الزام میں فیاض بزدار کیخلاف وزیراعلی پنجاب شکایات سیل اور مظفرگڑھ کی ضلعی انتظامیہ کی جانب سے بھی تحقیقات جاری ہیں.
واضح رہے کہ باغی ٹی وی نے4روز قبل 18 مئی کو اپنی خصوصی رپورٹ میں سی ای او ایجوکیشن مظفرگڑھ فیاض بزدار کی جانب سے خواتین اساتذہ کو ہراساں کیئے جانے کا انکشاف کیا تھا۔
-
ہائیکورٹ بیلف کا چھاپہ،دو روز سے مغوی شخص بازیاب کروا لیا خبر آگئی
ساہیوال/سرگودہا(نمائندہ باغی ٹی وی) پولیس تھانہ ترکھان والا پر ہائیکورٹ بیلف کا چھاپہ دو روز سے بغیر کسی مقدمہ کے حوالات میں بند محمد الیاس برآمد کروالیا تفصیلات کے مطابق محمد الیاس گزشتہ سال قتل ہونے والے نوجوان مزمل شاہ کے مقدمہ کا مستغیث اور عینی شاہد ہے ،مقتول مزمل کی بیوہ مقدس بتول نے قاضی رفیع اللہ جام ایڈووکیٹ کی وساطت سے ہائیکورٹ کو محبوس محمد الیاس کی برآمدگی کی درخواست دی تھی جس پر کاروائی کرتے ہوئے ہائیکورٹ نے بیلف ارسال کیا،پولیس تھانہ ترکھان والا نے اپنے تحفظ کے لئے الیاس کی ایک مقدمہ کے نامعلوم ملزم کی بندی ڈال دی،ہائیکورٹ نے پولیس تھانہ ترکھان والا کو ریکارڈ سمیت طلب کر لیا
-
قومی رضا کار پولیس فورس کا خصہ ہیں ڈی پی او حسن سکھیرا نے بتا دیا
سرگودہا(نمائندہ باغی ٹی وی )ڈی پی او حسن مشتاق سکھیرا کی ہدایت پر ضلع بھر کے تھانہ جات میں تعینات پولیس قومی رضا کاران کو ٹی اے بل کے چیک تقسیم کر دیے گئے-
تفصیلات کے مطابق گزشتہ روز ڈی پی او سرگودہا کی ہدایت پر ڈی ایس پی ہیڈ کوارٹر ملک محمد عثمان نے ضلع بھر کے تھانہ جات میں ڈیوٹی سر انجام دینے والے پولیس قومی رضاکاران کو ذکاءاللہ شہید پولیس لائن میں 32 لاکھ روپے سے زائد رقم کے ٹی اے بل کے چیک تقسیم کیے -اس سلسلہ میں تقریب کا انعقاد کیا گیا جس سے خطاب کرتے ہوئے ڈی ایس پی ہیڈ کوارٹر سرگودہا نے کہا کہ یہ قومی رضاکار پولیس فورس کا خصہ ہیں پولیس ان قومی رضاکاروں کے ساتھ مل کے جرائم پیشہ عناصر کے خلاف سرگرم عمل ہے ان کی خدمات قابل تخسین ہیں اور آئندہ بھی ان کی ویلفئیر کا خصوصی خیال رکھا جائے گا -
سکول ٹیچر پر تشدد کرنے والی ملزمہ کے خلاف مقدمہ درج
گجرات (نمائندہ باغی ٹی وی ) ڈی پی او گجرات سید علی محسن کا تھانہ رحمانیہ کے علاقہ میں لیڈی سکول ٹیچر پر تشد د کی ویڈیو کا نوٹس، تشد د کرنے والی ملزمہ کے خلاف مقدمہ درج کر لیا گیا۔ تفصیلات کے مطابق تھانہ رحمانیہ کے علاقہ ڈھیرو گھنہ میں بچے کو سکول نہ بھیجنے پر ہیڈ ٹیچر کی جانب سے بچے کے گھر نوٹس بھجوایا جس پر ملزمہ مسمات نازیہ ذوجہ محمد یٰسین سکنہ ڈھیرو گھنہ سکول آگئی اور لیڈی ٹیچر پر تشدد کیا جس کی ویڈیو سوشل میڈیا پر وائرل ہوئی۔
ڈی پی او گجرات سید علی محسن وائرل ہونے والی ویڈیو کا فوری نوٹس لیتے ہوئے تشد د کرنے والی خاتون کے خلاف مقدمہ کا اندراج کا حکم جاری کیا جس پر ایس ایچ او رحمانیہ نے ملزمہ کے خلاف مقدمہ درج کر کے تفتیش شروع کر دی گئی۔
ڈی پی او گجرات سید علی محسن کا کہنا تھا کہ تدریس ایک مقدس پیشہ ہے اور استاتذہ قوم کے محسن ہیں ان کے تقدس کو ہمیشہ قائم رکھا جائے گاجبکہ کہ ان کو ہراساں کرنے والے عناصر کے خلاف سخت قانونی کاروائی عمل میں لائی جائے گی . -
تھانہ کلچر میں اہم تبدیلی،اب سائلین کو ملے گا اب پڑھ لکھا عملہ
ڈی پی او مظفرگڑھ نے ضلع کے ہر تھانے میں گریجوایٹ اور ابتدائی پروموشن امتحانات پاس شدہ کنسٹیبلز کو نائب محرر اور خواتین کی آسان رسائی اور ان کے مسائل کے حل کیلئے ہر تھانے میں 2 لیڈی کنسٹیبلز بھی تعینات کردیں۔تفصیل کے مطابق ڈی پی او مظفرگڑھ صادق علی ڈوگر نے تھانہ کلچر میں اہم تبدیلی کرتے ہوئے ضلع بھر میں پہلے سے تعینات نان گریجوایٹ کنسٹیبلز کو نائب محررز کو تبدیل کرتے ہوئے ان کی جگہ پڑھے لکھے جن کی کم از کم قابلیت گریجو ایشن ہے اور ابتدائی پروموشن امتحانات لسٹ اے اور لسٹ بی پاس شدہ کنسٹیبلز کو نائب محرر تعینات کردیا، اس سے نا صرف تھانہ کلچر میں تبدیلی ہو گی بلکہ سروس ڈیلیوری میں بھی اضافہ ہو گی اور عوام کا پولیس پر اعتماد بڑھے گا اور پولیس کے رویہ میں بھی تبدیلی آئیگی اور عوامی شکایات میں اس سلسلہ میں خاطر خواہ کمی آئیگی اور تھانہ کا ریکارڈ کی تکمیل بھی با آسانی ہو سکے گی، اسی سلسلے تھانہ میں خواتین کے اہم مسائل کے حل اور ان کی آسان رسائی کیلئے ضلع کے ہر تھانہ میں 2 لیڈی کنسٹیبلز تعینات کردی ہیں جس سے خواتین کے مسائل خواتین کے ذریعے ہی حل کیئے جائیں گے جس سے خواتین بلا جھجک اپنے مسائل کے حل کیلئے تھانہ آ سکیں گی اور اپنے مسائل خواتین کو شئیر کر کے ان کا حل کرا سکیں گی، اسی سلسلے میں ڈی پی او مظفرگڑھ نے پڑھے لکھے کنسٹیبلز کے بطور نائب محرر اور لیڈی کنسٹیبلز کی ضلع کے ہر تھانے میں تعیناتیاں کا نوٹیفیکیشن بھی جاری کردیا ہے.
-
جسے اللہ رکھے اسے کون چکھے سرگودہا یونیورسٹی کی بس کو خادثہ جانیے اس خبر میں
سرگودہا(نمائندہ باغی ٹی وی) یونیورسٹی آف سرگودہا کی بس کو یونورسٹی روڈ پر خادثہ پیش آگیا تفصیلات کے مطابق موٹر سائیکل سوار اچانک یونیورسٹی بس کے سامنے آگیا جس سے موٹر سائیکل بس کے نیچے آگئی مگر موٹر سائیکل سوار معجزاتی طور پر بچ گیا ااور کوئی جانی نقصان نہیں ہوا جبکہ موٹر سائیکل تباہ ھو گئی عام عوام کا کہنا ہے کے ان بسوں کے ڈرائیور انتہائی غیر مختاط ڈرائیونگ کرتے ہیں جس سے آئے روز خادثات پیش آتے ہیں
-
گوجرانوالہ میں دس سالہ گھریلو ملازمہ پر تشدد کا واقعہ
پنجاب کے شہر گوجرانوالہ میں ایک اور افسوسناک واقعہ پیش آیا ہے جس میں دس سالہ گھریلو ملازمہ کو رسیوں سے باندھ کر شدید تشدد کا نشانہ بنایا گیا
باغی ٹی وی کی رپورٹ کے مطابق گوجرانوالہ کے علاقہ چن دا قلعہ کے قریب دس سالہ گھریلو ملازمہ پر مبینہ طور پر شدید تشدد کیا گیا. متاثرہ بچی کا کہنا ہے کہ مالک نے گرم پانی سے جلا کرمیرے اوپر مرچیں پھینکیں،مجھے رسیوں سے باندھ کر ڈنڈے بھی مارے گئے. پولیس نے واقعہ کا مقدمہ درج کر کے گھر کے مالک سابق سٹی ناظم جاوید کو گرفتار کر لیا ہے، واقعہ کا مقدمہ تھانہ صدر میں پولیس کی مدعیت میں درج ہوا ہے. پولیس کے مطابق گھریلو ملازمہ کو اس کے ورثا علاج کے لئے لاہورلے گئے ہیں
-
فیصل آباد میں چینی افسر نے مقامی مزدور کو جلتی بھٹی میں دھکا دیدیا
فیصل آباد: انڈسٹریل اسٹیٹ ساہیانوالہ کی نجی فیکٹری میں چینی افسر نے مبینہ طور پرمقامی مزدورکوجلتی بھٹی میں دھکا دیدیا۔
فیصل آباد کی نجی فیکٹری میں چینی افسر نے مزدور شہروز کو کام سمجھ نہ آنے پرجلتی بھٹی میں دھکا دیا، شہروزکوتشویشناک حالت میں الائیڈ اسپتال فیصل آباد منتقل کردیا گیا۔ پولیس نے چینی افسر کو حراست میں لے کر تحقیقات شروع کردی ہیں۔
سی پی او اظہر اکرام نے بتایا کہ چینی شہری کو تحویل میں لے لیا گیا ہے اور قانون کے مطابق کارروائی کریں گے ، ڈی ایس پی اور ایس ایچ او واقعے کی تفتیش کررہے ہیں۔
فیکٹری میں شہروز کے ساتھی مزدوروں نے احتجاج کرتے ہوئے انصاف کا مطالبہ کیا۔ چینی شخص فیکٹری میں لیبر انچارج کے عہدے پر تعینات ہے۔
-
دس روپے دیکر سفاک ملزم نے کی نو سالہ بچی کے ساتھ زیادتی
بھارتی ریاست ہما چل پردیش میں الیکشن کے دن پولنگ بوتھ کے پاس نو سالہ کی بچی سے زیادتی کا واقعہ سامنے آیا ہے، بچی کی والدہ کی شکایت پر پولیس نے مقدمہ درج کر لیا ہے.
باغی ٹی وی کی رپورٹ کے مطابق بھارتی ریاست ہماچل پردیش کے شہر دیو بھومی کلو میں لوک سبھا انتخابات کے لئے بنائے گئے پولنگ بوتھ کے قریب نو سال کی بچی کے ساتھ زیادتی کا واقعہ سامنےآیا ہے. مقامی سکول میں الیکشن کے لئے بنائے گئے پولنگ بوتھ کے قریب بچی کے ساتھ زیادتی کی گئی ہے. سکول کے ساتھ ملحقہ گرائوند میں بچی کھیل رہی تھی اور اس کی ماں کھیتوں میں کام کرنے گئی ہوئی تھی. ملزم نے بچی کے پاس جا کر اسے دس روپے دئیے اور کہا کہ دکان سے چیز لے آو ، بچی چیز لینے جا رہی تھی تو ملزم نے راستے میں اس بچی کے ساتھ زیادتی کی. بچی سے زیادتی کرنے والے ملزم کی پہچان دیوندر سنگھ کے طور پر ہوئی جس کے خلاف مقدمہ درج کر لیا گیا ہے.