Baaghi TV

Category: جرائم و حادثات

  • شہر قائد میں تیز رفتارواٹر ٹینکرنے ایک اورکمسن بچے کی جان لے لی

    شہر قائد میں تیز رفتارواٹر ٹینکرنے ایک اورکمسن بچے کی جان لے لی

    شہر قائد کے علاقے منگھوپیرغریب نواز کالونی میں تیز رفتارواٹر ٹینکرنے ایک اورکمسن بچے کی جان لے لی۔

    منگھو پیرتھانے کی حدود میں واقع علاقےغریب نواز کالونی میں دندناتے تیز رفتار واٹرٹینکر کی ٹکرسے کمسن بچہ جاں بحق ہوگیا جس کی لاش قانونی کارروائی کے لیے ایدھی ایمبولینس کے ذریعے عباسی شہید اسپتال منتقل کی گئی جہاں متوفی بچے کی شناخت 7 سالہ عارف ولد غلام عباس کے نام سے ہوئی۔

    حادثے کے بعد منگھوپیر پولیس نے فوری کارروائی کرتے ہوئے واٹرٹینکرکو قبضے میں لےکر اس کے ڈرائیور کو گرفتار کرلیا جس کی شناخت وزیر محمد ولد قدرون شاہ کے نام سے ہوئی،متوفی بچے کے والد غلام عباس نے بتایا کہ متوفی بیٹے کی والدہ کا تین سال قبل انتقال ہوگیا تھا، معصوم عارف دوبھائیوں میں سب سے چھوٹا تھا۔

    وی وی آئی پی نے تیسری بیوی بننے پر ماہانہ 34 لاکھ، عالیشان گھر اور گاڑی کی پیشکش کی: ملائیشین اداکارہ کا انکشاف

    انہوں نے مزید بتایا کہ واٹرٹینکرگلی میں پانی ڈال کر واپس جا رہا تھا ریورس کرتے ہوتے ہوئے واٹر ٹینکر نے بچے کو کچل دیا، واٹر ٹینکر کے ڈرائیورنے کان میں ہینڈ فری لگائی ہوئی تھی لوگوں نے شورکرکے واٹرٹینکرڈرائیورکو آوازدیکرروکنے کی کوشش کی واٹرٹینکر ڈرائیور نے لوگوں کی آواز نہیں سنی، وا ٹرٹینکروالے چند پیسوں کی لالچ میں بچوں کو روندرہے ہیں متوفی بچے کے والد نےانصاف فراہم کرنےاور گرفتار واٹرٹینکرکے ڈرائیور و مالکان کے خلاف قا نونی کارروائی کرنے کا مطالبہ بھی کیا۔

    لاہور: تحریک انصاف کا پی پی 167 میں ضمنی الیکشن کے بائیکاٹ کا اعلان

  • کراچی: سگی بیٹی کو زیادتی کا نشانہ بنانیوالے باپ کو 10 سال قید کی سزا

    کراچی: سگی بیٹی کو زیادتی کا نشانہ بنانیوالے باپ کو 10 سال قید کی سزا

    کراچی میں ایڈیشنل ڈسٹرکٹ اینڈ سیشن جج شرقی نے سگی بیٹی کو زیادتی کا نشانہ بنانے کے مقدمے میں جرم ثابت ہونے پر باپ کو 10 سال قید کی سزا سنا دی۔

    ایڈیشنل ڈسٹرکٹ اینڈ سیشن جج شرقی نے سگی بیٹی کو زیادتی کا نشانہ بنانے کے مقدمے کا فیصلہ سنادیاعدالت نے ملزم عرفان کو 10 سال قید کی سزا اور ایک لاکھ روپے جرمانہ بھی عائد کردیاعدالت نے جرمانے کی رقم متاثرہ لڑکی کو بطور معاوضہ دینے کا حکم دیا ہے۔

    عدالت نے فیصلے میں کہا ہے کہ ملزم کا کوئی سابقہ کرمنل ریکارڈ نا ہونا اور تفتیش میں اہم شواہد جمع نہ کرنے پر سزا میں نرمی کی گئی عدالت نے دفاع کی طرف سے جائیداد ہتھیانے کے لیے جھوٹا مقدمہ درج کرانے کی دلیل مسترد کردی،ماں اپنی بیٹی کو جھوٹے الزام میں کبھی نہیں الجھائے گی استغاثہ کے مطابق واقعہ ستمبر 2023 میں کورنگی کے علاقے میں پیش آیا۔

    واٹس ایپ صارفین کو نئے خطرناک سائبر فراڈ کا سامنا،وارننگ اور حفاظتی اقدامات جاری

    بنگلہ دیش کا ٹی 20 ورلڈ کپ کے میچز انڈیا میں کھیلنے سے انکار

    غزہ میں بارش کے بعد خستہ حال عمارت گرنے سے دو فلسطینی جاں بحق

  • گھوٹکی پولیس کی کارروائیاں، چوری شدہ سامان سمیت ایک ملزم گرفتار

    گھوٹکی پولیس کی کارروائیاں، چوری شدہ سامان سمیت ایک ملزم گرفتار

    میرپورماتھیلو (باغی ٹی وی،نامہ نگارمشتاق علی لغاری) ایس ایس پی گھوٹکی محمد انور کھیتران کی ہدایات پر گھوٹکی پولیس نے روپوش، اشتہاری اور جرائم پیشہ افراد کے خلاف کارروائیاں تیز کر دیں۔

    تھانہ یارو لنڈ پولیس نے خفیہ اطلاع پر کارروائی کرتے ہوئے ملزم سجاد علی ولد حضور بخش عرف محمد بخش مھر، سکنہ گاؤں لانڈھیوں مھر کو واپڈا کی چوری شدہ تاریں، موٹر سائیکلوں کے چوری شدہ مختلف پارٹس اور دیگر سامان سمیت گرفتار کر لیا، جبکہ ملزم کا بھائی بھار ولد محمد بخش مھر پولیس کو دیکھتے ہی فرار ہو گیا۔ گرفتار اور فرار ملزمان کے خلاف کرائم نمبر 01/2026 دفعہ 379، 411 تعزیراتِ پاکستان کے تحت مقدمہ درج کر لیا گیا۔

    اسی تھانے کی ایک اور کارروائی میں خفیہ اطلاع پر غلام یاسین عرف پپو ولد محمد اکرم کھوکر کی کباڑ کی دکان پر چھاپہ مارا گیا، تاہم ملزم اپنے ایک نامعلوم ساتھی کے ہمراہ فرار ہو گیا۔ پولیس نے موقع سے موٹر سائیکلوں کے چوری شدہ مختلف پارٹس برآمد کر لیے، جبکہ فرار ملزمان کے خلاف کرائم نمبر 02/2026 کے تحت مقدمہ درج کر لیا گیا۔

    دوسری جانب تھانہ داد لغاری پولیس نے کینجھر پتافی اسٹاپ پر کارروائی کرتے ہوئے محمد اسماعیل ولد صابر پتافی کی کباڑ کی دکان پر چھاپہ مارا، جہاں سے چوری شدہ واپڈا کی تاریں، لوہے کی جالیاں اور موٹر سائیکلوں کے مختلف چوری شدہ پارٹس برآمد کیے گئے، تاہم ملزم فرار ہو گیا۔ فرار ملزم کے خلاف کرائم نمبر 03/2026 کے تحت مقدمہ درج کر لیا گیا۔

    گھوٹکی پولیس کے مطابق گرفتار اور نامزد ملزمان بجلی کی تاروں، ٹرانسفارمر کوائلز اور موٹر سائیکلوں کے چوری شدہ پارٹس کی خرید و فروخت میں ملوث ہیں، عوام ایسے عناصر سے ہوشیار رہیں۔

  • ننکانہ صاحب: زگ زیگ ٹیکنالوجی استعمال نہ کرنے والے بھٹوں کے خلاف کارروائی، بھٹہ مسمار

    ننکانہ صاحب: زگ زیگ ٹیکنالوجی استعمال نہ کرنے والے بھٹوں کے خلاف کارروائی، بھٹہ مسمار

    ننکانہ صاحب (باغی ٹی وی،نامہ نگاراحسان اللہ ایاز) ڈپٹی کمشنر ننکانہ صاحب محمد تسلیم اختر راو کی ہدایت پر محکمہ ماحولیات نے بڑی کارروائی کرتے ہوئے زگ زیگ ٹیکنالوجی استعمال نہ کرنے والے اینٹوں کے بھٹے کو مسمار کر دیا۔

    کارروائی ننکانہ صاحب کے نواحی قصبہ واربرٹن میں کی گئی، جہاں آلودگی پھیلانے اور سموگ کا سبب بننے والے بھٹے کے خلاف سخت ایکشن لیا گیا۔ اس موقع پر ڈپٹی کمشنر محمد تسلیم اختر راو نے کہا کہ ماحولیاتی آلودگی پھیلانے والوں کے خلاف کریک ڈاؤن بلا امتیاز جاری رہے گا۔

    انہوں نے بتایا کہ متعلقہ ادارے روزانہ کی بنیاد پر صنعتی یونٹس اور بھٹہ جات کی چیکنگ کر رہے ہیں تاکہ ماحولیاتی قوانین پر عملدرآمد یقینی بنایا جا سکے۔ ڈپٹی کمشنر کا کہنا تھا کہ حکومت پنجاب عوام کو صاف اور صحت مند ماحول فراہم کرنے کے لیے عملی اقدامات کر رہی ہے اور اس مقصد کے لیے تمام دستیاب وسائل بروئے کار لائے جا رہے ہیں۔

    انہوں نے مزید کہا کہ ضلعی انتظامیہ کی جانب سے ماحول کو بہتر بنانے کے لیے گرینڈ شجرکاری مہم بھی جاری ہے، جبکہ صاف ماحول کے قیام کے لیے شہریوں کا تعاون ناگزیر ہے۔

  • کراچی: ڈولمن مال پر دہشت گرد حملے کا بڑامنصوبہ ناکام بنا دیا

    کراچی: ڈولمن مال پر دہشت گرد حملے کا بڑامنصوبہ ناکام بنا دیا

    کراچی:شہر قائد میں ایک بڑے دہشت گرد حملے کی کوشش ناکام، بھاری مقدار میں بارودی مواد برآمد، ڈولمن مال کو نشانہ بنانے کا منصوبہ تھا-

    کراچی میں رئیس گوٹھ کے علاقے میں پولیس نے ایک بڑا دہشت گردی کا منصوبہ ناکام بناتے ہوئے ایک ویبیئد (VBIED) اور بھاری مقدار میں دھماکہ خیز مواد قبضے میں لے لیا، جس میں 2,000 کلوگرام دھماکہ خیز مواد سے بھرے 60 ڈرم اور 5 گیس سلنڈر، اس کے ساتھ ساتھ کمپاؤنڈ میں ذخیرہ شدہ اضافی دھماکہ خیز مواد، بشمول 40 کلوگرام گھریلو دھماکہ خیز مواد کی 6 بوریاں شامل تھیں، یہ مواد ڈولمن مال پر حملے کے لیے تیار کیا گیا تھا اور تحقیقات جاری ہیں.

    یتیم اور بے سہارا بچیاں وزیر اعلیٰ سہیل آفریدی کی خصوصی مہمان بن گئیں

    پیپلز پارٹی کراچی دشمن جماعت ہے ان کو کوئی ووٹ نہیں دیتا،حافظ نعیم الرحمان

    پاکستان اور چین کا سی پیک سمیت مختلف شعبوں میں تعاون کو نئی جہت دینے پر اتفاق

  • سیالکوٹ: پولیس کا خونی کھیل پتنگ مافیا کے خلاف کریک ڈاؤن، سینکڑوں پتنگیں اور کیمیکل ڈوریں برآمد، ملزم گرفتار

    سیالکوٹ: پولیس کا خونی کھیل پتنگ مافیا کے خلاف کریک ڈاؤن، سینکڑوں پتنگیں اور کیمیکل ڈوریں برآمد، ملزم گرفتار

    سیالکوٹ( باغی ٹی وی ڈسٹرکٹ رپورٹر مدثر رتو) سیالکوٹ پولیس نے خونی کھیل پتنگ بازی میں ملوث مافیا کے خلاف کارروائیاں تیز کر دی ہیں۔ تھانہ کوٹلی سید امیر کے ایس ایچ او سب انسپکٹر کاشف علی نے پولیس ٹیم کے ہمراہ کارروائی کرتے ہوئے ملزم عبدالرحمان، سکنہ سیالکوٹ، کو گرفتار کر لیا۔

    پولیس کے مطابق ملزم کے قبضے سے 500 پتنگیں اور متعدد کیمیکل ڈوریں برآمد کی گئیں، جبکہ ملزم کے خلاف مقدمہ درج کر کے مزید قانونی کارروائی شروع کر دی گئی ہے۔

    اس موقع پر ڈی پی او سیالکوٹ فیصل شہزاد نے والدین پر زور دیا کہ وہ اپنے بچوں کو اس خونی کھیل سے دور رکھیں۔ انہوں نے اساتذہ اور سول سوسائٹی سے بھی اپیل کی کہ وہ خطرناک کھیل اور غیر قانونی کاروبار کے خاتمے میں اپنا کردار ادا کریں۔ ڈی پی او نے شہریوں کو ہدایت کی کہ پتنگ بازی کی اطلاع فوری طور پر 15 پر دے کر ذمہ دار شہری ہونے کا ثبوت دیں۔

    ترجمان سیالکوٹ پولیس کے مطابق سال 2025 کے دوران ضلع بھر میں انسداد پتنگ بازی ایکٹ کی خلاف ورزی پر مجموعی طور پر 431 مقدمات درج کیے گئے، جبکہ کارروائیوں کے دوران 7 ہزار 359 پتنگیں، 751 کیمیکل ڈوریں اور چرخیاں برآمد کی گئیں۔

  • سیالکوٹ: شہری ہیلمٹ چوروں اور گراں فروشوں کے نشانے پر، ٹریفک مہم کے دوران شہریوں کی جیبوں پر ڈاکہ، وزیر اعلیٰ سے نوٹس کا مطالبہ

    سیالکوٹ: شہری ہیلمٹ چوروں اور گراں فروشوں کے نشانے پر، ٹریفک مہم کے دوران شہریوں کی جیبوں پر ڈاکہ، وزیر اعلیٰ سے نوٹس کا مطالبہ

    سیالکوٹ: (باغی ٹی وی ،ڈسٹرکٹ رپورٹر مدثر رتو)سیالکوٹ میں وزیر اعلیٰ پنجاب کی ٹریفک اصلاحات کی آڑ میں ہیلمٹ چوری اور مصنوعی مہنگائی کا ایک نیا کاروبار چمک اٹھا ہے، جس نے موٹر سائیکل سواروں کو شدید ذہنی و مالی اذیت میں مبتلا کر دیا ہے۔ وزیرِ اعلیٰ مریم نواز کی جانب سے ہیلمٹ کے لازمی استعمال کے احکامات کے بعد جہاں ایک طرف قانون کی پاسداری کے لیے شہریوں کا رجحان بڑھا ہے، وہیں دوسری طرف سماج دشمن عناصر نے پارکنگ ایریاز اور مصروف بازاروں سے ہیلمٹ چوری کرنے کی وارداتیں تیز کر دی ہیں۔ شہریوں کا کہنا ہے کہ ایک طرف چوروں کا خوف ہے تو دوسری طرف دکانداروں نے ہیلمٹ کی قیمتوں میں کئی گنا اضافہ کر کے لوٹ مار کا بازار گرم کر رکھا ہے، جس پر ضلعی انتظامیہ اور پرائس کنٹرول کمیٹیوں کی خاموشی انتظامی نااہلی کا منہ بولتا ثبوت ہے۔

    عوامی حلقوں نے موجودہ صورتحال پر شدید غم و غصے کا اظہار کرتے ہوئے کہا ہے کہ سرکاری احکامات پر عملدرآمد کی کوشش میں شہری چوروں اور گراں فروشوں کے ہتھے چڑھ رہے ہیں۔ شہریوں نے مطالبہ کیا ہے کہ پولیس ہیلمٹ چوری میں ملوث گروہوں کا سراغ لگائے اور انتظامیہ دکانوں پر چھاپے مار کر ہیلمٹ کی قیمتوں کو اعتدال پر لائے تاکہ غریب اور متوسط طبقے کے لیے قانون پر عمل کرنا ممکن ہو سکے۔ شہریوں نے وزیرِ اعلیٰ پنجاب سے پرزور اپیل کی ہے کہ وہ اس سنگین صورتحال کا فوری نوٹس لیں اور ہیلمٹ کی سرکاری قیمت مقرر کرنے سمیت سکیورٹی کے مؤثر اقدامات کے احکامات جاری کریں تاکہ عوام کو اس دوہری مصیبت سے نجات مل سکے۔

  • پشاور: ورسک روڈ پر فائرنگ، خواجہ سرا قتل

    پشاور: ورسک روڈ پر فائرنگ، خواجہ سرا قتل

    پشاور کے علاقے ورسک روڈ حسن گھڑی کے قریب نامعلوم افراد کی فائرنگ سے خواجہ سرا جاں بحق ہوگیا۔

    پولیس کے مطابق فائرنگ کا واقعہ فقیر آباد تھانے کی حدود میں پیش آیا، جہاں شگئی پل کے قریب خواجہ سرا باسط عرف بجلی کو نشانہ بنایا گیا۔ فائرنگ کے نتیجے میں خواجہ سرا موقع پر ہی دم توڑ گیا۔پولیس کا کہنا ہے کہ واقعے کی اطلاع ملتے ہی نفری موقع پر پہنچی، لاش کو تحویل میں لے کر پوسٹ مارٹم کے لیے اسپتال منتقل کیا گیا جبکہ جائے وقوعہ سے شواہد اکٹھے کیے گئے۔ پولیس کا کہنا ہے کہ جلد ملزم کو گرفتار کر لیا جائے گا،تحقیقات جاری ہیں.

  • میرپورماتھیلو: تھانہ داد لغاری پولیس نے مطلوب ملزم صفدر علی کو واپڈا کی چوری شدہ تاروں سمیت گرفتار کر لیا

    میرپورماتھیلو: تھانہ داد لغاری پولیس نے مطلوب ملزم صفدر علی کو واپڈا کی چوری شدہ تاروں سمیت گرفتار کر لیا

    میرپورماتھیلو (باغی ٹی وی، نامہ نگار مشتاق علی لغاری) ایس ایس پی گھوٹکی محمد انور کھیتران کی ہدایات پر گھوٹکی پولیس نے روپوش، اشتہاری اور دیگر جرائم پیشہ افراد کے خلاف کارروائیاں تیز کر دی ہیں۔

    تھانہ داد لغاری کے ایس ایچ او ذوالفقار علی مھر اور ان کے عملے نے دورانِ گشت خفیہ اطلاع پر کاروائی کرتے ہوئے نرلی پل کے قریب کرائم نمبر 69/2025 دفعہ 379 ت پ اور کرائم نمبر 72/2025 دفعہ 382 ت پ کے مقدمات میں مطلوب ملزم صفدر علی ولد علی اصغر ملک سکنہ نزد درگاہ دین شاہ تعقلہ میرپورماتھیلو کو واپڈا کی چوری شدہ تاروں سمیت گرفتار کر لیا۔

    پولیس کا کہنا ہے کہ گرفتار ملزم سے مزید تفتیش جاری ہے اور اس کے ممکنہ دیگر جرائم کی چھان بین بھی کی جا رہی ہے۔

  • ڈیجیٹل پلیٹ فارم کے ذریعے وارداتیں،ملزمان گرفتار

    ڈیجیٹل پلیٹ فارم کے ذریعے وارداتیں،ملزمان گرفتار

    کراچی کے ضلع ویسٹ میں تھانہ اورنگی پولیس نے جدید ڈیجیٹل پلیٹ فارمز کے غلط استعمال کے ذریعے شہریوں کو لوٹنے والے اشتہاری اور عادی جرائم پیشہ ملزمان کے خلاف کامیاب کارروائی کرتے ہوئے دو ملزمان کو منشیات، نقدی اور موٹر سائیکل سمیت گرفتار کرلیا ہے۔

    ایس ایس پی ویسٹ کے مطابق گرفتار ملزمان آن لائن پلیٹ فارمز پر دیے گئے اشتہارات کے ذریعے گاڑیاں اور موٹر سائیکلیں خریدنے کے بہانے شہریوں سے رابطہ کرتے تھے۔ ملزمان آن لائن بک شدہ ڈرائیو کے ساتھ مقررہ مقام پر پہنچتے اور موقع ملتے ہی موٹر سائیکل کو چیک کرنے یا ٹرائی کرنے کے بہانے لے کر فرار ہوجاتے تھے۔ بعد ازاں یہ چوری شدہ موٹر سائیکلیں سندھ کے مختلف شہروں میں فروخت کردی جاتی تھیں،پولیس حکام کے مطابق موصولہ سی سی ٹی وی فوٹیج میں بھی گرفتار ملزمان کو اسی طریقہ واردات کے تحت موٹر سائیکل لے جاتے اور واردات کرتے ہوئے واضح طور پر دیکھا جاسکتا ہے، جس سے ان کے جرائم میں ملوث ہونے کی تصدیق ہوئی۔

    ایس ایس پی ویسٹ طارق الٰہی مستوئی نے بتایا کہ پولیس نے خفیہ اطلاع پر مغل کانٹا کے قریب ٹارگیٹڈ کارروائی کرتے ہوئے موٹر سائیکل پر سوار دو ملزمان کو گرفتار کیا۔ گرفتار ملزمان کے قبضے سے ڈیڑھ کلو سے زائد (1630 گرام) چرس، نقدی رقم اور وارداتوں میں استعمال ہونے والی موٹر سائیکل برآمد کرلی گئی۔پولیس کے مطابق گرفتار ملزمان کی شناخت شان علی ولد لطف علی اور نورالامین ولد حسنین کے نام سے ہوئی ہے۔ گرفتار ملزم شان علی موٹر سائیکل چوری اور دھوکہ دہی کے متعدد مقدمات میں پہلے سے ہی اشتہاری اور مطلوب تھا۔