Baaghi TV

Category: جرائم و حادثات

  • کراچی :نجی لیبارٹری میں ڈکیتی کرنے والا بائیک سروس کا رائیڈر نکلا

    کراچی :نجی لیبارٹری میں ڈکیتی کرنے والا بائیک سروس کا رائیڈر نکلا

    کراچی کے علاقے ناظم آباد میں عباسی شہید اسپتال کے قریب نجی اسپتال کی لیبارٹری میں ڈکیتی کرنے والا مرکزی ملزم آئن لائن بائیک سروس کا رائیڈر نکلا۔

    باغی ٹی وی کے مطابق کراچی کے علاقے ناظم آباد میں عباسی شہید اسپتال کے قریب نجی اسپتال کی لیبارٹری میں اسلحے کے زور پر ڈاکہ ڈالنے کوشش کرنے والے دو ملزمان کو گرفتار کرلیا گیا۔دوران تفتیش انکشاف ہوا کہ مرکزی ملزم آن لائن بائیک سروس کا رائیڈر نکلا، ملزم نے بیان میں بتایا نجی اسپتال کی لیبارٹری میں داخل ہوکر لوٹ مار کر رہے تھے کہ لیبارٹری ملازم خفیہ الارم بجادیا اور تین منٹ کے اندر پولیس پہنچی اور ملزمان کو دھرلیا۔پولیس نے کہا کہ ملزم محفوظ خان کو ساتھی سلیم کیساتھ گرفتار کیا گیا تھا، ملزم سلیم کے مطابق وہ پہلے بھی منشیات کیس میں گرفتار ہوچکا ہے۔ایڈیشنل ایس ایچ او نے بتایا کہ کیش کاؤنٹرپرملازم کی حاضردماغی سے دونوں ملزمان پکڑے گئے، شاہین فورس اورناظم آبادپولیس نے 2 سے 3 منٹ کے اندر پہنچ کر ملزمان کوگرفتارکیا۔ایڈیشنل ایس ایچ او ناظم آباد کاشف پولیس نے گرفتار ملزمان کے قبضے سے لوٹا ہوا سامان کیش اور پستول برآمد کیا۔

    سندھ حکومت کا اسمگل شدہ پیٹرول فروخت کرنیوالے پمپس سیل کرنے کا حکم

    جسد خاکی کی بروقت منتقلی کے لیے خیبرپختونخوا حکومت کا مفت ایمبولینس سروس منصوبہ

  • اے این ایف کی کارروائیاں، 63.83کلو گرام منشیات برآمد، 11ملزمان گرفتار

    اے این ایف کی کارروائیاں، 63.83کلو گرام منشیات برآمد، 11ملزمان گرفتار

    اینٹی نارکوٹکس اتھارٹی نے تعلیمی اداروں میں منشیات فروشی اور منشیات سمگلنگ کے خلاف گزشتہ 24گھنٹوں میں ملک گیر 13 کارروائیوں میں 11 ملزمان گرفتار کر لیے جبکہ ڈیڑھ کروڑ روپے سے زائد مالیت کی 63.83 کلو گرام منشیات برآمدکی گئی

    اے این ایف ہیڈکوارٹر راولپنڈی سے جاری رپورٹ کے مطابق ملتان میں یونیورسٹی کے قریب ملزم سے 500 گرام آئس برآمد کی گئی۔جھنگ روڈ فیصل آباد کے قریب ملزم سے 500 گرام چرس برآمدکی گئی ۔سیالکوٹ میں یونیورسٹی کے قریب ملزم سے 300 گرام چرس اور 100 گرام آئس برآمدکی گئی ۔ترجمان نے بتایاکہ گرفتار ملزم نے تعلیمی اداروں کے طلبا کو منشیات فروخت کرنے کا اعتراف کیا ہے ۔ اسلام آباد ایئرپورٹ پر بحرین جانے والے مسافر سے 360 گرام ہیروئن برآمد کی گئی ۔لاہور میں کوریئر آفس میں آسٹریلیا بھیجے جانے والے پارسل سے 1 کلو 530 گرام چرس برآمدکی گئی ۔کراچی میں کوریئر آفس سے بحرین بھیجے جانے والے پارسل سے 240 گرام ہیروئن برآمدکی گئی ۔چاغی سے 47 کلو گرام افیون برآمدکی گئی ۔سپر ہائی وے جامشورو کے قریب 2 ملزمان سے 5 کلو گرام آئس برآمد کی گئی ۔ شیخوپورہ روڈ کے قریب ملزم سے 2 کلو 400 گرام افیون اور 3 کلو 600 گرام چرس برآمدکی گئی ۔شاہ فیصل روڈ کورنگی کراچی میں ملزم سے 850 گرام ویڈ برآمدکی گئی ۔ بابو صابو ٹول پلازہ لاہور کے قریب 2کارروائیوں میں 2 کلو 910 گرام ہیروئن برآمدکر کے خاتون سمیت ملزم گرفتارکیے گئے ۔ترکئی ٹال پلازہ جہلم کے قریب ملزم Aسے 530 گرام ہیروئن اور 410 گرام آئس برآمدکی گئی ۔ترجمان اے این ایف گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔

    صدارتی انتخابات شفاف ہونگے،امریکی انتخابی ادارے کی عوام کو یقین دہانی

    امریکی، پاکستانی اور بھارتی صدر کی تنخواہ کتنی ہوتی ہے؟ ایک جائزہ

  • اوچ شریف: خاندانی دشمنی پر فائرنگ، تین افراد زخمی

    اوچ شریف: خاندانی دشمنی پر فائرنگ، تین افراد زخمی

    اوچ شریف(باغی ٹی وی ،نامہ نگارحبیب خان) خاندانی دشمنی پر فائرنگ، تین افراد زخمی

    تفصیل کے مطابق اوچ شریف کے نواحی علاقے خیرپور ڈاھا میں خاندانی دشمنی کے باعث دو گروپوں میں لڑائی کے دوران فائرنگ کا تبادلہ ہوا، جس میں تین افراد زخمی ہو گئے۔ زخمیوں میں جاوید، آصف اور فقیر بخش شامل ہیں، جنہیں فوری طور پر ہسپتال منتقل کر دیا گیا۔

    ریسکیو ذرائع کے مطابق ریسکیو 1122 کو کال موصول ہوئی جس میں اطلاع دی گئی کہ تین افراد کو گولیاں لگی ہیں تاہم کالر موقع پر موجود نہیں تھا۔ کنٹرول روم نے فوری کارروائی کرتے ہوئے اوچ شریف سے ایمبولینس روانہ کر دی۔ موقع پر پہنچنے کے بعد ریسکیو ٹیم نے زخمیوں کو فرسٹ ایڈ فراہم کی اور انہیں ہسپتال منتقل کیا۔

  • حب وندر پولیس کی کارروائی ،کراچی سے چھینی گئی کار برآمد ،03 ملزمان گرفتار

    حب وندر پولیس کی کارروائی ،کراچی سے چھینی گئی کار برآمد ،03 ملزمان گرفتار

    حب وندر پولیس نے کراچی سے چھینی گئی کار برآمد کرتے ہوئے03 ملزمان کو گرفتار کر لیا.

    ڈسٹرکٹ حب ایس ایس پی حب محمد معروف عثمان کی ہدایت پر ڈی ایس پی سرکل حب و وندر محمد عارف بلوچ کی زیر نگرانی میں ایس ایچ او وندر طارق رحیم جاموٹ نے ہمراہ پولیس پارٹی کے کھرکھیڑہ چیک پولیس ناکہ پر دوران چیکنگ حب سے اوتھل جانے والی کار گاڑی کو رکنے کا اشارہ کیا جس پر ڈرائیور نے بجائے رکنے کے لنک روڈ باندیکہ پر بھاگنے کی کوشش کی جس کو ناکام کرتے ھوئے بنگلہ پل کے نزدیک قابو کیا گیا جس میں تین ملزمان مبشر ولد مقصود خاص خیلی سکنہ ناظم آباد کراچی عبدالرحمن ولد ناصر قوم رونجھہ سکنہ ناظم آباد کراچی اور سعاد ولد عابد قوم مرزا سکنہ گولیمار کراچی کو گرفتار کرلیا ہے یکم 01 نومبر 2024 کو کراچی کے پولیس تھانہ سپر مارکیٹ کے علاقے سےچھینی گئی آلٹو مہران کار گاڑی رجسٹریشن نمبر BYW 526 برآمد کرلی ہے گرفتار ملزمان کے خلاف پولیس تھانہ تحصیل وندر میں مقدمہ و فرد درج کرکے مزید تفتیش پولیس نے شروع کردی ہے۔

    کراچی کے ہسپتالوں سے نومولود بچوں کو اغواکرکے فروخت کرنے والا گروہ گرفتار

  • کراچی کے ہسپتالوں سے نومولود بچوں کو اغواکرکے فروخت کرنے والا گروہ گرفتار

    کراچی کے ہسپتالوں سے نومولود بچوں کو اغواکرکے فروخت کرنے والا گروہ گرفتار

    کراچی کے ضلع کیماڑی اینٹی اسٹریٹ کرائم سیل نے خفیہ اطلاع پر کاروائی کرتے ہوئےہسپتالوں سے نومولود بچوں کو اغواکرکے فروخت کرنے والا گروہ گرفتار کر لیا.

    باغی ٹی وی کے مطابق ضلع کیماڑی پولیس کو ہسپتالوں سے نومولود بچوں کو اغوا کرکے فروخت کرنے میں ملوث ڈسٹرکٹ ٹھٹہ کے رہائشی میاں بیوی کی پاک کالونی میں موجودگی کی اطلاع موصول ہوئی تھی۔اطلاع پر انچارج اینٹی اسٹریٹ کرائم سیل سب انسپکٹر راجہ خالد نے ٹیم کے ہمراہ کاروائی کرتے ہوئے پاک کالونی بڑا بورڈ کے علاقے سے مزکورہ میاں بیوی کو گرفتار کرکے قبضہ سے ایک نومولود بچی برآمد کرلی۔گرفتار ملزمہ و ملزم کی شناخت شازیہ زوجہ اعجاز علی ہنگورو اور اعجاز علی ہنگورو ولد مولیڈنو کے ناموں سے ہوئی، گرفتار ملزم و ملزمہ نے دوران انٹروگیشن درج زیل ہو شربا انکشافات کئے۔1. گرفتار ملزم و ملزمہ ضلع ٹھٹھہ کے رہائشی ہیں۔2. گرفتار ملزمہ B.A پاس گھریلو خاتون ہے جبکہ گرفتارملزمہ کا شوہر ایگریکلچر ڈیپارٹمنٹ میں سرکاری ملازم ہے۔3. ملزمہ سے برآمدہ نومولود بچی سجاول سول ہسپتال سے اغواکی گئی ہے.4. ملزمہ سے برآمدہ نومولود بچی تسلیم نامی ہیلتھ ورکر کی مدد سے اغوا کی گئی ہے۔5. ملزمہ نے ہیلتھ ورکر کو بچی کے اغوا کے بدلے ڈھائی لاکھ روپے دئے۔6. ملزمہ اپنے شوہر کے ہمراہ عاصمہ نامی بے اولاد خاتون کو بچی 8 لاکھ روپے میں فروخت کرنے کراچی آئی تھی۔7. ملزمہ نے سن 2019 میں بھی مزکورہ تسلیم نامی ہیلتھ ورکر سے ڈھائی لاکھ روپے میں نومولود بچہ خرید کرفروخت کرنے کاا نکشاف کیا۔ 8. ملزمہ نے مزید انکشاف کیا کہ سن 2019 میں اغوا کیا گیابچہ ٹھٹہ میں بے اولاد جوڑے کو بیچا تھا جوکہ اب چار سال کا ہے اور اسکول جاتا ہے۔گرفتار ملزم و ملزمہ کے خلاف تھانہ پاک کالونی میں مقدمہ الزام نمبر 519/2024 بجرم دفعہ 363/364-A ت پ کا اندراج کرکے مزید تفتیش کی جارہی ہے۔

    مئیر کراچی کا براہ راست انتخاب: حافظ نعیم الرحمان و دیگر کی درخواستیں مسترد

  • گوجرہ: چوروں نے اللہ توکل سیف الماری فیکٹری کا صفایا کردیا

    گوجرہ: چوروں نے اللہ توکل سیف الماری فیکٹری کا صفایا کردیا

    گوجرہ(باغی ٹی وی ،نامہ نگارعبدالرحمن جٹ) چوروں نے اللہ توکل سیف الماری فیکٹری کا صفایا کردیا

    تفصیل کے مطابق گوجرہ میں چوروں نے ایک اور فیکٹری کو نشانہ بنا لیا۔ گزشتہ رات، اللہ توکل سیف الماری فیکٹری میں چوری کی واردات کے دوران چوروں نے لاکھوں روپے کا سامان چوری کر لیا۔ چک 309 ج ب کے رہائشی قیصر محمود نے سٹی پولیس کو دی گئی درخواست میں بتایا کہ وہ معمول کے مطابق نماز مغرب کے بعد اپنی فیکٹری کو بند کرکے گھر چلا گیا تھا۔

    صبح تقریباً 9 بجے جب قیصر نے فیکٹری کا دروازہ کھولا تو اس نے دیکھا کہ اس کا سامان بکھرا پڑا ہے۔ چوروں نے دروازے کے سائیڈ والے تالے کو توڑ کر اندر داخل ہوکر مشین گرل، کینچیاں، 25 کلوگرام پیتل کے راڈ، رنگ والے گیلن اور دیگر چھوٹا موٹا سامان چوری کر لیا۔ چوری شدہ سامان کی مالیت 6 لاکھ 75 ہزار روپے بتائی گئی ہے۔

    واقعے کی اطلاع ملتے ہی سٹی پولیس نے موقع پر پہنچ کر ضابطہ کی کارروائی کا آغاز کیا۔ ایس ایچ او سٹی نے جائے وقوعہ کا معائنہ کیا اور متاثرہ شخص نے مقدمہ کے اندراج کے لیے درخواست دے دی ہے۔ پولیس نے چوروں کی تلاش کے لیے کارروائیاں شروع کر دی ہیں اور مقامی لوگوں سے بھی مدد طلب کی ہے تاکہ چوروں کو جلد از جلد پکڑا جا سکے۔ یہ واقعہ علاقے میں خوف و ہراس کی فضا پیدا کر رہا ہے اور شہریوں میں عدم تحفظ کا احساس بڑھ رہا ہے۔

  • اوکاڑہ:ریسکیو 1122 اکتوبر میں 4954 ایمرجنسیز، 4667 متاثرین، 1861 کو ابتدائی طبی امداد

    اوکاڑہ:ریسکیو 1122 اکتوبر میں 4954 ایمرجنسیز، 4667 متاثرین، 1861 کو ابتدائی طبی امداد

    اوکاڑہ (باغی ٹی وی، نامہ نگار ملک ظفر) ریسکیو 1122 اوکاڑہ نے ماہ اکتوبر کی کارکردگی کی رپورٹ جاری کر دی ہے، جس کے مطابق ریسکیو سروس کو 18,262 کالیں موصول ہوئیں، جن میں سے 4,954 ایمرجنسی کالیں تھیں۔ ڈسٹرکٹ ایمرجنسی آفیسر انجینئر احتشام کی زیر صدارت ہونے والے اجلاس میں بتایا گیا کہ اس دوران 4,667 افراد متاثر ہوئے، جن میں سے 1,861 کو موقع پر ابتدائی طبی امداد فراہم کی گئی، جبکہ 2,806 متاثرین کو ہسپتال منتقل کیا گیا۔

    رپورٹ کے مطابق اکتوبر میں موصول ہونے والی ایمرجنسی کالز میں شامل تھے: 1,132 روڈ ٹریفک حادثات، 3,202 میڈیکل ایمرجنسیز، 76 آگ لگنے کے واقعات، 131 جرائم کے واقعات، 1 ڈوبنے کا واقعہ، اور 412 متفرق حادثات۔ روڈ ٹریفک حادثات میں 1,198 افراد متاثر ہوئے، جن میں 13 افراد جان کی بازی ہار گئے۔ 667 افراد کو ابتدائی طبی امداد دی گئی جبکہ 508 متاثرین کو ہسپتال منتقل کیا گیا۔

    آگ لگنے کے 76 واقعات میں 7 کمرشل، 3 رہائشی اور 66 دیگر مقامات شامل تھے۔ آگ لگنے کی وجوہات میں شارٹ سرکٹ، موم بتی، لاپرواہی اور دیگر عوامل شامل ہیں۔ ریسکیو 1122 نے بروقت کارروائی کرتے ہوئے تقریباً 42 ملین روپے کی جائیداد کو محفوظ کیا۔

    ریسکیو موٹر بائیک سروس نے 2,464 ایمرجنسیز پر 3.53 منٹ کے اوسط وقت میں مدد فراہم کی۔ پیشنٹ ریفرل سسٹم کے تحت 326 مریضوں کو بہتر طبی امداد کے حصول کے لئے منتقل کیا گیا۔

    ڈسٹرکٹ ایمرجنسی آفیسر انجینئر احتشام نے عوام سے درخواست کی کہ وہ غلط یا رونگ کال کرنے سے گریز کریں تاکہ اصلی ایمرجنسی کالز کو بروقت سنا جا سکے۔ انہوں نے عزم ظاہر کیا کہ ریسکیو 1122 ہر متاثرہ شخص کی مدد کے لئے ہمہ وقت موجود ہے، بلا تفریق رنگ، نسل یا مذہب۔

  • اوچ شریف: چائلڈ لیبر ایکٹ ردی کاغذ، بچوں سے کھلے عام جبری مشقت، حکومتی ادارے خاموش

    اوچ شریف: چائلڈ لیبر ایکٹ ردی کاغذ، بچوں سے کھلے عام جبری مشقت، حکومتی ادارے خاموش

    اوچ شریف (باغی ٹی وی، نامہ نگار حبیب خان) اوچ شریف اور گردونواح میں چائلڈ لیبر ایکٹ کی خلاف ورزیوں پر حکومتی ادارے مکمل طور پر ناکام نظر آ رہے ہیں۔ معصوم بچوں کو دیہاڑی اور کھانے کے عوض جبری محنت مشقت پر مجبور کیا جا رہا ہے، جبکہ مقامی و ضلعی انتظامیہ اور لیبر ڈیپارٹمنٹ خاموش تماشائی بنے ہوئے ہیں۔ اطلاعات کے مطابق، لیبر انسپکٹرز پر ماہانہ منتھلی لینے کے الزامات بھی عائد کیے گئے ہیں، جس کے باعث وہ بچوں سے جبری مشقت کروانے والوں کے خلاف کاروائی سے گریزاں ہیں۔

    اوچ شریف کے مختلف کاروباری مراکز، ورکشاپس، بھٹہ خشت، چائے کے ہوٹل، بیکری، اور کباڑ خانوں سمیت کئی مقامات پر کمسن بچوں سے سخت محنت کروائی جا رہی ہے۔ صوبائی حکومت نے چائلڈ لیبر کے خلاف کارروائی کے احکامات دیے ہیں، مگر لیبر ڈیپارٹمنٹ کے افسران کی مبینہ بے حسی اور منتھلی معاملات کی وجہ سے یہ احکامات محض کاغذی کاروائی بن کر رہ گئے ہیں۔ نتیجتاً، سکول جانے کی عمر کے بچے اپنے اہل خانہ کی کفالت کے لیے مزدوری کرنے پر مجبور ہیں۔

    متعدد بار بچوں پر تشدد اور غیر انسانی سلوک کے واقعات بھی سامنے آچکے ہیں لیکن لیبر ڈیپارٹمنٹ کی مجرمانہ خاموشی کے باعث کوئی عملی قدم نہیں اٹھایا گیا۔ شہریوں کا کہنا ہے کہ محکمہ لیبر کے افسران کی ملی بھگت اور بااثر افراد کی سرپرستی کے سبب چائلڈ لیبر میں دن بہ دن اضافہ ہو رہا ہے۔

    اوچ شریف کے شہریوں نے وزیر اعلیٰ پنجاب سے اپیل کی ہے کہ لیبر ڈیپارٹمنٹ میں فرض شناس اور ایماندار افسران کو تعینات کیا جائے تاکہ جبری مشقت کا شکار بچوں کا مستقبل محفوظ بنایا جا سکے۔ شہریوں کا کہنا ہے کہ اگر فوری طور پر کارروائی نہ کی گئی تو یہ معصوم بچے ہمیشہ کے لیے علم و ترقی سے محروم رہ جائیں گے۔

  • اوچ شریف: پولیس چوکی غیر فعال، جرائم میں اضافہ، شہری عدم تحفظ کا شکار

    اوچ شریف: پولیس چوکی غیر فعال، جرائم میں اضافہ، شہری عدم تحفظ کا شکار

    اوچ شریف (باغی ٹی وی نامہ نگار حبیب خان) تھانہ اوچ شریف کی حدود میں قومی شاہراہ پر واقع پولیس چوکی مقبول شہید کی غیر فعالیت کے باعث علاقے میں چوری، ڈکیتی اور راہزنی کی وارداتوں میں تشویشناک حد تک اضافہ ہو گیا ہے۔ جرائم پیشہ عناصر کے لیے یہ چوکی محفوظ پناہ گاہ بن چکی ہے، جس سے شہریوں میں خوف و ہراس بڑھ رہا ہے۔

    ذرائع کے مطابق، چوکی مقبول شہید گزشتہ کچھ عرصے سے نامعلوم وجوہات کی بنا پر بند ہے، جس کا فائدہ اٹھاتے ہوئے جرائم پیشہ عناصر کچے کے علاقوں سے یہاں گزر کر وارداتیں کر رہے ہیں۔ کپاس کے سیزن کے دوران آڑھتی اور بیوپاری حضرات روزانہ لٹنے پر مجبور ہیں۔ چوکی کی عمارت اب چوروں، ڈاکوؤں اور نشے کے عادی افراد کا مرکز بن چکی ہے، جہاں سے یہ عناصر دیگر ملحقہ علاقوں میں جرائم کی وارداتیں کرتے ہیں۔

    اہل علاقہ نے احتجاج کرتے ہوئے ایڈیشنل آئی جی جنوبی پنجاب اور دیگر اعلیٰ حکام سے اپیل کی ہے کہ فوری طور پر چوکی مقبول شہید کو دوبارہ فعال بنایا جائے اور پولیس اہلکار تعینات کیے جائیں، تاکہ شہری سکھ کا سانس لے سکیں اور علاقے میں امن و امان بحال ہو۔

  • میہڑ: بڑھتی ہوئی بدامنی کے خلاف شہریوں کا احتجاج، امن و امان کی بحالی کا مطالبہ

    میہڑ: بڑھتی ہوئی بدامنی کے خلاف شہریوں کا احتجاج، امن و امان کی بحالی کا مطالبہ

    میہڑ (باغی ٹی وی،نامہ نگارمنظور علی جوئیہ) بڑھتی ہوئی بدامنی کے خلاف شہریوں کا احتجاج، امن و امان کی بحالی کا مطالبہ

    تفصیل کے مطابق میہڑ میں بڑھتی ہوئی بدامنی کے خلاف شہری سڑکوں پر نکل آئے اور پولیس و انتظامیہ کے خلاف شدید نعرے بازی کی۔ شہری اتحاد کے چیئرمین نیاز علی برڑو کی قیادت میں دعا چوک سے گھنٹہ گھر چوک تک پیدل مارچ کیا گیا، جہاں مظاہرین نے احتجاجی دھرنا دیا۔

    احتجاجی ریلی میں بڑی تعداد میں شہریوں، مذہبی جماعتوں اور سیاسی و سماجی تنظیموں کے نمائندوں نے شرکت کی۔ شرکاء میں رائس مل ایسوسی ایشن، جماعت اسلامی، قومی عوامی تحریک، جی ڈی اے اور دیگر جماعتیں بھی شامل تھیں۔

    مظاہرین نے اعلیٰ حکام سے اپیل کی کہ میہڑ میں بڑھتی ہوئی بدامنی کا فوری نوٹس لے کر امن و امان کی صورتحال بہتر بنائی جائے۔ بصورت دیگر پرامن احتجاج کا سلسلہ جاری رہے گا۔