منڈی بہاؤالدین،باغی ٹی وی (نامہ نگاراافنان طالب)پولیس کی کارروائی 10 لٹردیسی شراب برآمد،ملزم گرفتار
تھانہ پاہڑیانوالی پولیس چوکی چاڑانوالہ کے انچارچ مزمل فیروز سب انسپکٹر اور ہیڈ کانسٹیبل عاطف عزیز نے منشیات فروش کے خلاف کارروائی کرتے ہوئے ملزم ظفر اقبال حال مقیم سندھانوالہ سے 10 لیٹر دیسی ساخت کی شراب برآمد کرکے اس کے خلاف مقدمہ درج کرکے پابند سلاسل کردیا گیا ہے
سب انسپکٹر مزمل فیروز نے کہا کہ جرائم اور منشیات کا خاتمہ انکی اولین تر جیحات میں شامل ہے
کندھ کوٹ،باغی ٹی وی (نامہ نگارمختیاراعوان) شہید ٹیچرکے قاتلوں کی گرفتاری، مغویوں کی بازیابی اور ڈاکوؤں کے خاتمے تک کچے میں آپریشن جاری رہے گا،ایس ایس پی بشیر احمد بروہی
آپریشن کی سربراہی ایس ایس پی بشیر بروہی رینجرز کے ونگ کمانڈر کر رہے ہیں ،سکول ٹیچر کے قتل میں ملوث ملزمان کی گرفتاری کے لیے چوتھے روز بھی آپریشن جاری ہے۔ ایس ایس پی بشیر احمد بروہی کے مطابق کرم پور کچے میں رینجرز اور پولیس کے اہلکار آپریشن کر رہے ہیں۔
پولیس اور ڈاکوؤں کے درمیان وقفے وقفے سے فائرنگ کا تبادلہ جاری ہے اور جمال کے علاقے سے پولیس نے 15 سے زائد افراد کو حراست میں لے لیا ہے۔ پولیس کے مطابق ڈاکوؤں کےکئی ٹھکانوں کو آگ لگادی گئی ہے۔
ایس ایس پی بشیر احمد بروہی نے کہا کہ شہید استاد کے قاتلوں کے گرفتاری مغویوں کی بازیابی اور ڈاکوؤں کے خاتمے تک کچے میں آپریشن جاری رہے گا،ایس ایس پیے مطابق پرائمری اسکول کے استاد اللہ رکھیو نندوانی کےقتل میں ڈاکو صدام نندوانی کا گینگ ملوث ہے۔ استاد کےقتل میں ملوث ملزمان کی گرفتاری تک آپریشن جاری رہےگا۔
خیال رہے کہ اللہ رکھیو نندوانی کو 5 روز قبل سکول سے واپسی پر ڈاکوؤں نے فائرنگ کرکے قتل کیا تھا۔اللہ رکھیو نندوانی کچےکے ڈاکوؤں کے خطرے کے باوجود بچوں کو پڑھانےکے لیے سکول پہنچتے تھے۔شہید استاد اللہ رکھیو نندوانی کے قاتل گرفتار نہ ہونے سے ورثاء میں مایوسی پائی جاتی ہے
اللہ رکھیو نندوانی گوٹھ نصراللہ بجارانی میں واقع پرائمری اسکول میں موٹر سائیکل پر اپنی بندوق لےکر جاتے تھے۔چند روز پہلے اللہ رکھیو نندوانی کے بندوق لے کر اسکول جانے کی ویڈیو بھی وائرل ہوئی تھی۔
دوسری طرف کچے میں ڈاکوؤں کا راج برقرار ہے کہیں پر کوکاری گینگ تو کہیں پر سبزوئی گینگ نے تہلکہ مچایا ہوا ہے،پولیس ذرائع کے مطابق ڈاکوؤں کے جاگیرانی ، بنگوار ، تیغانی اور شر گینگ سمیت 30 سے زائد ڈاکوؤں کے گینگز نے علاقے کے لوگوں کا جینا اجیرن کردیا ہے،
پولیس آپریشن میں جدید سہولیات کے باوجود کچے میں پولیس نے کوئی خطرناک اشتہاری ملزم گرفتار نہیں کیا ہے،پولیس اور رینجرز کے مشترکہ اپریشن میں ناکامی کے بعد ڈاکوؤں نے اپنی سلطنت قائم کرلی ہے اور ڈکیتی کی وارداتیں کو عروج پر پہنچادیا ہے
پولیس ذرائع کا کہنا ہے کہ شہر ہو یا قومی شاہراہ ڈاکو لوٹ مار اور لوگوں کو اغوا کر کے باآسانی کچے کی طرف فرار ہو جاتے ہیں .
تنگوانی سے باغی ٹی وی کے نامہ نگار منصور بلوچ کی رپورٹ کے مطابق کشمور پولیس اور رینجرز کا مشترکہ آپریشن تھانہ تنگوانی، جمال اور شبیر آباد کی حدود میں ریڈ آپریشن تیسرے روز بھی جاری رہا لیکن کوئی خاطر خواہ نتیجہ ابھی تک سامنے نہیں آسکا جبکہ اپریشن میں کئی ڈاکوؤں کے ٹھکانے مسمار کر کے آگ لگا دی گئی ہے
کالعدم تنظیم ٹی ٹی پی، پاکستان میں دہشت گردی کے بعد اب شہریوں سے بھتہ مانگنے لگ گئی، اسلام آباد کی خاتون کو ایک ارب روپے بھتے کی کال وصول، مقدمہ درج کر لیا گیا،
کالعدم تنظیم ٹی ٹی پی کی جانب سے ایک ارب روپے بھتے کا مطالبہ، گولڑہ پولیس نے واقعہ کا مقدمہ متاثرہ خاتون کی مدعیت میں درج کر لیا ،درج مقدمے میں کہا گیا ہے کہ اسلام آباد کی رہائشی خاتون کو کال موصول ہوئی جس میں اس سے ایک بلین بھتہ طلب کیا گیا ہے،کال تحریک طالبان پاکستان کی جانب سے کی گئی اور کہا گیا کہ وزیرستان تحریک کے لئے پیسے دیں، خاتون کی جانب سے درج مقدمے کے مطابق دو الگ الگ نمبروں سے کال موصول ہوئی ،ایک نمبر افغانستان جبکہ دوسرا نمبر ایران کا تھا، خاتون نے دعویٰ کیا کہ اسے واٹس ایپ پر اسکے گھر، اور اسکی بیٹی کے گھر کی تصاویر بھی بھیجی گئی ہیں.
بدمعاشوں، ٹارگٹ کلرز،شوٹرز اور بھتہ خور بچنے نہیں چاہئے، سی سی پی او کا حکم
بھتہ خوری میں ملوث جعلی صحافی بے نقاب
شہر قائد کراچی میں جعلی صحافیوں کا ٹولہ جرائم اور چوری میں ملوث نکلا
سوشل میڈیا پر وزیر اعظم کے خلاف غصے کا اظہار کرنے پر بزرگ شہری گرفتار
سوشل میڈیا چیٹ سے روکنے پر بیوی نے کیا خلع کا دعویٰ دائر، شوہر نے بھی لگایا گھناؤنا الزام
امیر بالاج ٹیپو قتل کیس میں اہم پیشرفت سامنے آئی ہے، پولیس نے گرفتار ملزم احسن شاہ کے گھر کاروائی کی ہے
امیر بالاج ٹیپو قتل کیس میں تحقیقاتی ٹیم نے گرفتار ملزم احسن شاہ کے گھر کاروائی کی ہے، دوران کاروائی پولیس نے 25 لاکھ روپے بھی برآمد کر لئے ہیں،پولیس نے احسن شاہ کی نشاندہی پر لاہور کے علاقے راوی رود سے ایک اور ملزم کو بھی گرفتار کیا ہے،چھاپہ مار ٹیم کی قیادت جوائنٹ انویسٹیگیشن ٹیم کے سربراہ آفتاب پھلروان نے کی
احسن شاہ نے دوران تفتیش پولیس کو بتایا تھا کہ طیفی بٹ سے بالاج کی مخبری کرنے کا 50 لاکھ لیا تھا جس میں سے 25 لاکھ پولیس نے ریکور کرلیا ہے،لاہور سی آئی اے آرگنائزڈکرائم نے امیر بالاج ٹیپو قتل کی تفتیش کے لیے علی اصغر پٹھان، ملک سہیل، احسن شاہ، شوٹر ایاز سہولت کار بلال اور وقوعہ میں استعمال ہونے والی گاڑی کے ڈرائیور حسنین کو بھی حراست میں لے رکھا ہے
امیر بالاج قتل کیس،ملزم احسن شاہ کے موبائل فون سے قابل اعتراض تصاویر اور ویڈیو برآمد ہوئی ہیں،نازیبا تصاویر اور ویڈیو ایک سو سے زائد ہیں، پولیس حکام کے مطابق نازیبا ویڈیو اور تصاویر بارے بھی تحقیقات کر رہے ہیں،
امیر بالاج ٹیپو کو 18 فروری کو شادی کی تقریب میں قتل کیا گیا تھا،چوہنگ پولیس کے مطابق ٹیپو ٹرکاں والا کے بیٹے امیر بالاج ٹیپو کے قتل کا مقدمہ اس کے بھائی امیر مصعب کی مدعیت میں درج کیا گیا تھا، قتل کےمقدمے میں 302 سمیت دیگر دفعات شامل کی گئی تھیں، مقدمہ خواجہ تعریف گلشن، اس کےکزن خواجہ عقیل اور 4 نامعلوم افراد کے خلاف درج کیا گیا،پولیس کے مطابق امیر بالاج پر فائرنگ کےدوران گولی لگنے سے مرنے والے مبینہ حملہ آور کی شناخت مظفر کے نام سے ہوئی جو شیخوپورہ کا رہائشی تھا اور امیر بالاج پر فائرنگ کے دوران ہی مارا گیا تھا
واضح رہے کہ امیر بالاج کا باپ ٹیپو ٹرکاں والا بھی 14 سال پہلے دشمنی کی بھینٹ چڑھ گیا تھا، ٹیپو ٹرکاں والا کو 2010 میں دبئی سے واپسی پر قتل کیا گیا تھا،بالاج قتل واقعہ کے بعد میں خوف ھراس پھیل گیا ہے،گینگ وار شروع ھونے کا خطرہ ہے،
طالبات کو کالج کے باہر چھیڑنے والا گرفتار،گھر کی چھت پر لڑکی کے سامنے برہنہ ہونیوالا بھی نہ بچ سکا
پولیس کا قحبہ خانے پر چھاپہ،14 مرد، سات خواتین گرفتار
خاتون کے ساتھ زیادتی ،عدالت کا چھ ماہ تک گاؤں کی خواتین کے کپڑے مفت دھونے کا حکم
موٹرسائیکل پر گھر چھوڑنے کے بہانے ملزم کی خاتون سے زیادتی
88 قبحہ خانوں پر چھاپوں کے دوران 417 ملزمان گرفتار
لاہور میں خاتون کو رکشہ پر ہراساں کرنے کا ایک اور واقعہ
13 سالہ بچے کے ساتھ بدفعلی کرنے والے دو ملزمان گرفتار
سوشل میڈیا کے ذریعے لاہور میں لڑکیاں سپلائی کرنے والے ملزمان گرفتار
سیالکوٹ، باغی ٹی وی (بیوروچیف شاہد ریاض سے)احترام رمضان آرڈیننس کی خلاف ورزی پر 4 دکاندار گرفتار
تفصیل کے مطابق احترام رمضان آرڈیننس کی خلاف ورزی پر اسسٹنٹ کمشنر غلام سرور نے ایکشن لیتے ہوئے 4 دکاندار کو گرفتار کرلیا۔
احترام رمضان آرڈیننس کی خلاف ورزی پر مختلف ہوٹلز مالکان کو مجموعی طور پر 1 لاکھ 53 ہزار روپے جرمانہ کیا۔
اسسٹنٹ کمشنر سیالکوٹ غلام سرور نے کہاکہ احترام رمضان آرڈیننس کی خلاف ورزی پر بلا امتیاز کارروائی عمل میں لائی جائے گی، ہوٹلز اور ریسٹورنٹ مالکان مقررہ اوقات کار سے قبل اپنا کاروبار بند رکھیں .
خانیوال: میاں چنوں میں 23 سالہ لڑکی کو چار افراد نے اجتماعی زیادتی کا نشانہ بنا ڈالا۔
باغی ٹی وی : پولیس کے مطابق میاں چنوں کے تھانہ تلمبہ کی حدود کے علاقے پل گھراٹ میں مقیم ملتان کی رہائشی 23 سالہ لڑکی کو اجتماعی زیادتی کا نشانہ بنایا گیا، لڑکی تشویشناک حالت میں ملی جس کو تحویل میں لینے کے بعد طبی امداد اور میڈیکل کےلیے ٹی ایچ کیو اسپتال منتقل کیا گیا۔
اسپتال میں متاثرہ نے اپنے ساتھ پیش آئے واقعے کے بارے میں بتایا اور چار افراد کے نام لیے، پولیس نے لڑکی کے بیان کی روشنی میں مقدمہ درج کر کے دو افراد کو گرفتار کرلیا۔
دوسری جانب اسلام آباد کے ایف نائن پارک میں ایک اور زیادتی کا واقعہ سامنے آ یا12 سالہ بچی کو گھر سے لے جا کر ایف نائن پارک میں مبینہ طور پر زیادتی کا نشانہ بنایا گیا پولیس نے واقعہ کا مقدمہ درج کر لیا اور ملزم کو بھی گرفتار کر لیا ہے، ملزم کی شناخت ساجد کے طورپر ہوئی ہے،درج مقدمے کے مطابق خاتون کا کہنا تھا کہ بچیوں کے ہمراہ کرائے کے مکان میں رہتی ہوں، خاوند نے طلاق دے رکھی ہے، لوگوں کو گھروں میں کام کرتی ہوں،مہرین دختر طالب میری بچی کو گھر سے بلا کر شام چھ بجے لے کر گئی، بچی رات کو 11 بجے واپس آئی تو اس نے بتایا کہ مہرین کے بھائی ساجد نے اسے موٹر سائیکل پربٹھایا اور ایف نائن پارک میں جا کر زبردستی زیادتی کی ہے-
ترجمان اسلام آباد پولیس کے مطابق ایف نائن پارک زیادتی کا وقوعہ،وقوعہ میں ملوث مرکزی ملزم کو گرفتار کرلیا گیا ہے۔وقوعہ کے متعلق تھانہ مارگلہ میں مقدمہ درج ہے۔مدعیہ مقدمہ کے مطابق ملزم نے مدعیہ کی 12 سالہ لڑکی کو زیادتی کا نشانہ بنایا۔ملزم سے مزید تفتیش جاری ہے۔
ننکانہ صاحب، باغی ٹی وی (نامہ نگار احسان اللہ ایاز )ضلع کونسل میں جعلی ادائیگیوں کاانکشاف،افسران نے بوگس ادائیگیوں کے لیے رشتہ داروں کے نام پر فرمیں رجسٹر کروا لیں،بغیر کام کےکروڑوں روپے کی بوگس ادائیگیاں
ڈسٹرکٹ کونسل ننکانہ میں جعلی ادائیگیوں کا انکشاف ہوا ہے افسر ان نے بوگس ادائیگیوں کےلیے رشتہ داروں کے نام پر فرمیں رجسٹر کروا لیں بغیر کام کے کروڑوں روپے کی بوگس ادائیگی ہیں افسران چند چہیتوں کے ساتھ مل کر حکومتی خزانے کو دونوں ہاتھوں سے لوٹنے میں مصروف شہری کی درخواست پر انکوائری شروع
تفصیلات کے مطابق ضلع کونسل ننکانہ صاحب صاحب میں عرصہ دراز سے عوام کے ٹیکس کے پیسوں کو کرپٹ افسران اپنے چند چہیتے ٹھیکیداروں کے ساتھ مل کر بے دردی سے لوٹنے میں مصروف ہیں سابق چیف آفیسر ساجد مشرف، ڈسٹرکٹ فنانس آفیسر عبدالرزاق سابق سب انجینئر فرحت عباس، سابق ڈسٹرکٹ آڈٹ آفیسر رائے بشارت علی ان سب افسران نے اپنی اپنی فرضی فرمیں ضلع کونسل ننکانہ صاحب میں رجسٹر کروائی ہوئیں ہیں جن کے نام پر کروڑوں روپے کے بوگس بل بنا کر ادائیگیاں کی گئیں
اور یہ سلسلہ نئے تعینات ہونے والے چیف آفیسر ضلع کونسل عامر اختربٹ نے بھی شروع کر دیا ہے موجودہ سی او ضلع کونسل نے ڈسٹرکٹ آفیسر فنانس عبدالرزاق کے ساتھ مل کر محرم الحرام 2023 کے موقع پر کیمروں اور دیگر آلات کی تنصیب کی مد میں ضلع کونسل کے اکاونٹ سے رافع ٹریدرز کے نام پر2617000روپے کی بوگس ادائیگی کی جس کو سابق ایڈ منسٹریر ضلع کونسل رفیق احسن بوگس ہونے کی وجہ سے پاس کرنے سے انکار کر چکے تھے
لیکن موجودہ افسران نے ٹھیکیدار سے بھاری رشوت لے کر یہ بوگس ادائیگی بغیر فائل مکمل کروائے ہی کر دی ،شہری اسامہ نے ضلع کونسل ننکانہ میں ہونے والی کرپشن کے خلاف صوبائی محتسب اعلی کو درخواست دے دی ہے جس پر ایڈوائزر صوبائی محتسب اعلی پنجاب نے انکوائری شروع کرتے ہوئے نوٹس جاری کر دئیے ہیں
سرگودھا ،باغی ٹی وی( ادریس نواز چدھڑ سے )پولیس کے افسران کرائم کنٹرول کرنے میں بری طرح ناکام، شہری عدم تحفظ کا شکار
تفصیلات کے مطابق سرگودھا ضلع بھر میں آئے روز چوری و ڈکیتی کی وارداتوں میں اضافہ ہوتا جا رہا ہے ۔ جس کی وجہ سے شہری عدم تحفظ کا شکار ہو چکے ہیں ۔ جبکہ پولیس کے افسران چوری و ڈکیتی کی واداتوں کو کنٹرول کرنے میں مکمل طورپرناکام ہوچکے ہیں۔
ڈی پی او سرگودھا کی جانب سے نئے پروموٹ ہوئے سب انسپکٹرز کو ایس ایچ اوز تو لگایا جا رہا ہے لیکن نہ تو کرائم کنٹرول ہو رہے ہیں اور نہ ہی پولیس لا اینڈ آرڈر کی صورتحال کو برقرار رکھ پا رہی ہے ۔ جس کی وجہ سے ضلع بھر میں آئے روز چوری ، ڈکیتی ، قتل ، اقدام قتل و دیگر وارداتوں میں ہوشربا اضافہ ہو چکا ہے ، جس پر ڈی پی او سرگودھا کی خاموشی بھی لمحہ فکریہ ہے ۔
ڈی پی او سرگودھا فیلڈ میں پولیس جوانوں کیساتھ افطاری کرتے اور جوانوں کا حوصلہ بڑھاتے دکھائی دے رہے ہیں ، اس کے باوجود بھی کرائم میں کمی نہیں آ رہی جو کہ پولیس کی ناکامی کا منہ بولتا ثبوت ہے ۔
شہریوں کا کہنا ہے کہ پہلے نگران حکومت میں بھی یہی صورتحال تھی ، ہم نے سوچا کہ کوئی حکومت آ جائے گی تو حالات بدل جائیں گے لیکن موجودہ حکومت بھی دیگر کاموں میں مصروف ہے ۔ شہری آئے دن لُٹ رہے ہیں ۔ تھانوں میں انصاف ملنا بھی مشکل ہوچکاہے اور پولیس کو کوئی پوچھنے والا نہیں ہے۔
تھانوں میں تعینات عملہ اپنی من مرضی کر رہا ہے ، شہریوں نے وزیراعلیٰ پنجاب مریم نواز شریف سے مطالبہ کیا ہے کہ سرگودھا میں بگڑتی ہوئی لا اینڈ آرڈر کی صورتحال اور بڑھتے ہوئے کرائم پر فوری نوٹس لیں تاکہ افسران فوٹو سیشن کی بجائے حقیقی معنوں میں کام کر کے دکھائیں ۔ کیونکہ تمام افسران صرف فوٹو سیشن میں لگےہیں،
لنڈی کوتل(باغی ٹی وی رپورٹ )ضلع خیبر کے علاقہ ملاگوری میں اشتہاری مجرم گرفتار
ایس ایچ او تھانہ ملاگوری شاہ خالد آفریدی کی ایڈیشنل ایس ایچ او کام ولی اور ایڈیشنل ایس ایچ او غفار خان کے ہمراہ کامیاب کارروائی۔ وقاص نامی اشتہاری ملزم گرفتار۔
اس حوالے سے ایس ایچ او شاہ خالد آفریدی نے بتایا کہ ملزم وقاص ساکن لوڑہ مینہ پولیس فورس کو علت 41 میں 2023-07-04کو دو بھائیوں پر فائرنگ کرانے سے ایک بھائی ہلاک جبکہ دوسرا بھائی زخمی کرانے کا الزام تھا جبکہ گرفتار شدہ ملزم اشتہاری تھا اور تھانہ ملاگوری کو 324/34, 302 اور 15ڈبل اے میں مطلوب تھا۔
انہوں نے کہا کہ ملزم کی گرفتاری ایک بڑا چیلنچ تھا جس میں پولیس فورس نے کامیابی حاصل کی ہے اور کوئی بھی شخص قانون سے بالاتر نہیں ہے۔
میرپورماتھیلو،باغی ٹی وی (نامہ نگارمشتاق علی لغاری)بینظیر انکم سپورٹ پروگرام کےفرنچائز ر، ریٹیلرزاورایجنٹ مافیاء بے لگام
بینظیر انکم سپورٹ پروگرام فرنچائز اور کیش پوائنٹ ریٹیلرز ایجنٹ بے لگام ہو گئے، حکومت کی جانب سے مستحق خواتین کو ملنے والی سہ ماہی امدادی رقم قسط خواتین کی فرنچائز، کیش پوائنٹ ایجنٹ اور ریٹیلرز بغیر ڈر و خوف اپنی من مانیاں عروج پر پہنچ گئی ہیں ضلع گھوٹکی کے قریبی شہر جروار شہر میں بینظیر انکم سپورٹ پروگرام کا فرنچائز اور ریٹیلر امیردین گبول اور احساق نائچ دونوں مل کر غریب خواتین کی آئی ہوئی رقم 1500 سے لے 2000 تک کٹوتی کررہے ہیں
اس دوران مقامی صحافی مشتاق علی لغاری اپنی فیملی کے ساتھ حکومت کی طرف سے ہوئی رقم نکلوانے گیا تو اس سے بھی 2000 روپے کاٹ لئے تواس نے ان سے پوچھا کہ ہماری رقم سے اتناکٹوتی کیوں کر رہے ہوتو ایجنٹ امیردین گبول نے کہاکہ تم کون ہو ہم سے پوچھنے والے اورحساب کتاب رکھنے والے اوراس سےدو شناختی کارڈ اور رقن بھی چھین لی اورغنڈہ گردی کرتے ہوئے مرنے مارنے پرتیارہوگیا،
بینظیر انکم سپورٹ پروگرام کی امدادی رقم دینے والے فرنچائز، کیش پوائنٹ ریٹیلرز ایجنٹ کا ضلعی انتظامیہ اور بی آئی ایس پی ذمہ داران کی جانب سے کوئی چیک اینڈ بیلنس نہ ہونے کی وجہ سے کھلی چھوٹ دینے پرغنڈہ عناصر نے خواتین سمیت ان کے ساتھ آنے والے مردوں کو بھی بے عزت کرنامعمول بنالیا ہے
اورمستحق خواتین کی حکومت کی طرف سے ملنے والی رقم سے غیر قانونی کٹوتی کا کھلے عام جاری ہےاور خواتین سے روزانہ لاکھوں روپے کی لوٹ مار کا سلسلہ جاری ہے،متاثرین نےاعلیٰ حکام سے نوٹس لیکر ان غنڈہ عناصر کیخلاف قانونی کارروائی کرنےکا مطالبہ کیا ہے.