Category: جرائم و حادثات

اوچ شریف باغی ٹی وی (نامہ نگار حبیب خان)نہم کلاس کی طالبہ کا رول نمبر سلپ مانگنا جرم بن گیا،استانی کا بچی پر بہیمانہ تشدد

مار نہیں پیار کے بورڈ اسکولوں کے گیٹوں پر لگے خانہ پری ہوتی ہیں اور لوگوں کو جھانسہ دینے کے مترادف ثابت ہوئے گورنمنٹ گرلز ہائی اسکول محراب والا میں ماں کا درجہ رکھنے والی ٹیچر لاریب فضل جلاد بن گئی اور سلپ مانگنے پر طالبہ پر بیہمانہ تشددکیا جس پر ٹیچر کیخلاف تھانہ ڈیرہ نواب صاحب میں مقدمہ درج طالبہ پر بیہمانہ تشدد پر طالبات میں خوف و ہراس

موضع محراب والا کے گرلز ہائی اسکول کی نویں کلاس کی طالبہ زینب بی بی اپنی رولنمبرسلپ لینے اسکول گئی تو موجود ٹیچر نے اسے تھپڑوں اور مکوں سے مارا بعدازاں اس کو بالوں سے پکڑ کر ڈیسک پر دائیں بائیں مارا اور گلے میں دوپٹہ ڈال کر جھنجھوڑتی رہی وہ چیختی چلاتی رہی، اس کے کاندھوں پر زخم کے نشان ہوگئے

گواہان نےموقع پر پہنچ کر اسے چھڑایا اور اس کا میڈیکل بھی کرایا گیا، تشدد ثابت ہونے پر تھانہ ڈیرہ نواب صاحب پولیس نے مقدمہ نمبر 63/24 بجرم A 328 درج کیا لیا ہے

یاد رہےمقدمہ متاثرہ طالبہ کے والد محمد جلیل ولد غلام رسول قوم نہڑ ساکن محراب والا کی درخواست پر درج کیا گیا ہے

اوچ شریف،باغی ٹی وی (نامہ نگار حبیب خان) بینظیر انکم سپورٹ پروگرام کے بند پوائنٹ کھولے جائیں ،پریشان حال خواتین سراپا احتجاج

تفصیل کے مطابق احمدپورشرقیہ سمیت گردونواح میں رمضان المبارک کی آمد سے قبل ہی (BISP) کی طرف سے سوشل میڈیا پر میسج چلنا شروع ہوئے کہ آمدہ چند دنوں میں خواتین کو 10500 روپے کی قسط شروع کر دی جائے گی تاہم بینیفشری خواتین ڈیوائسز نہ چلنے کی وجہ سے درپدر کی ٹھوکریں کھا رہی ہیں

ضرورت اس امر کی ہے اگر بے نظیر انکم سپورٹ پروگرام میں خواتین کو سپورٹ کرنا ہی ہے تو ان کے لیے باقاعدہ مختلف علاقوں میں کاؤنٹر قائم کیۓ جائیں تاکہ انہیں رقم وصول کرنے میں آسانی رہے

صبح سے لے کر رات گئے تک یہ خواتین مختلف علاقوں میں ٹولیوں کی شکل میں پیسے لینے کے لیے قطاروں میں ذلیل و خوار ہیں مگر افسوس کہ انتظامیہ کی طرف سے انہیں کوئی ریلیف نہیں مل رہا

کمشنر بہاولپور، ڈی سی او بہاولپور اور اسسٹنٹ ڈائریکٹر بے نظیر انکم سپورٹ پروگرام کی اقساط کو تقسیم کرانے کے لیے فوری طور پر عملی اقتدامات کرائیں تاکہ ان غریب خواتین کو باآسانی رقم کاحصول ممکن ہو سکے اورہ خواتین خوار ہونے سے بچ جائیں.