Category: جرائم و حادثات

سیالکوٹ،باغی ٹی وی (شاہدریاض بیوروچیف)ناجائز تجاوزات سائیکل والی گلی و دیگرچوراہوں پر ریڑھی بانوں اور دکانداروں کا قبضہ

سیالکوٹ میں ناجائز تجاوزات کے خلاف وزیر اعلیٰ پنجاب مریم نواز شریف کے سخت اقدامات کے باوجود تجاوزات مافیاء کیخلاف کارروائی کے خاطرخواہ نتائج برآمد نہ ہوسکے ،چوک علامہ اقبال روڈ پر واقع سائیکلوں والی گلی مشہور ہے مگر یہاں سے اکثر گزرنے والی ٹریفک ناجائز تجاوزات کی وجہ سے گھنٹوں ٹریفک جام رہتی ہے، شام ہوتے ہی سیالکوٹ کے مصروف ترین علاقوں اور چوراہوں میں ریڑھیاں کھڑی کی جانے لگی ہیں ، تجاوزات کی یلغار سے شہری سراپا احتجاج، حکومت سے فوری نوٹس لینے کا مطالبہ ۔

سیالکوٹ میں جگہ جگہ تجاوزات قائم ہو چکی ہیں، سیالکوٹ کے مرکزی چوک علامہ اقبال ، مجاہد روڈ ، تحصیل بازار ، مسلم بازار ، چوک شہیداں ، بازار کاٹھیاں ، دو دروازہ ، راجہ بازار، ریلوے روڈ ، ایبٹ روڈ ، دارہ آرائیاں ، خادم علی روڈ ، عالم چوک اور پل ایک نیکا پورہ میں تجاوزات نے شہریوں کا سڑک سے گزر نانا ممکن بنا دیا ہے ۔ تجاوزات کے باعث شہریوں کو سخت مشکلات کا سامنا ہے ۔

دکاندار دکانوں کے آگے کئی کئی فٹ تک اپنی دکانوں کی نمائش لگا لیتے ہیں۔ شام ہوتے ہی ریڑھی بان مصروف ترین چوراہوں میں اپنی ریڑھیاں لگا لیتے ہیں۔ ٹریفک جام ہوتی ہے تو انہیں کوئی پرواہ نہیں ہے ۔ اہلیان سیالکوٹ نے حکومت پنجاب ، کمشنر گوجرانوالہ ، ڈپٹی کمشنر سیالکوٹ سمیت دیگر حکام سے نوٹس لینے اور تجاوزات ختم کروانے کا مطالبہ کیا ہے۔

سیالکوٹ ،باغی ٹی وی( بیوروچیف شاہد ریاض سے)خونی کھیل ون ویلنگ اور پتنگ بازی کے خلاف سیالکوٹ پولیس کا زبردست کریک ڈاؤن 25 منچلے گرفتار پتنگیں برآمد اور موٹر سائیکلیں بند ، مقدمات درج.

تھانہ حاجی پورہ اور تھانہ مراد پور پولیس نے سڑکوں پر اودھم مچاتے ہوئے ون ویلنگ ، ریسنگ ،ہوائی فائرنگ اور سٹنٹ بازی جیسے خطرناک کرتب کر کے اپنی اور دوسروں کی زندگیوں کو خطرے میں ڈالنے والے منچلے نوجوانوں اور پتنگ بازوں کے خلاف کریک ڈاؤن کرتے ہوئے 25افراد کو گرفتار کر کے پابند سلاسل کر دیا ہے ملزمان کے قبضہ سے ون ویلنگ میں استعمال ہونے والی موٹر سائیکلیں اور پتنگیں قبضہ میں لے کر مقدمات درج کر لیے گئے ہیں۔

ڈی پی او سیالکوٹ محمد حسن اقبال کا کہنا ہے کہ ون ویلنگ اور پتنگ بازی موت کا کھیل ہے جس کی وجہ سے سینکڑوں ماؤں کی گودیں اجڑ چکی ہیں سیالکوٹ پولیس اس خطرناک کھیل کو روکنے کے لیے بھر پور عزم کے ساتھ مصروف عمل ہے تاہم والدین کو چاہیے کہ وہ بھی اپنے بچوں کی سرگرمیوں پر کڑی نظر رکھیں اور انہیں اس جان لیوا کھیل سے باز رکھیں۔

سیالکوٹ،باغی ٹی وی(بیوروچیف شاہد ریاض سے) سی آئی اے پولیس کی کامیاب کارروائی،اغوا برائے تاوان کا مغوی راجن پور سے بحفاظت بازیاب

تفصیلات کے مطابق تھانہ سول لائن شہری مسمی محمد شیر از ولد محمد امجد سکنہ پاک پورہ مورخہ 24 29.01 کو بوقت 5 بھی شام گھر سےکسی کام کے سلسلہ میں گیا تھا مورخہ 01.02.24 کو 1:05 بجے دن محمد شیراز نے اپنے فون نمبر سے اپنے والد محمد امجد کے فون پر کال کی اور بتایا کہ میں راجن پور ہوں۔

جو اس دوران شیراز کی بیوی نے اپنے خاوند شیراز کے موبائل نمبر پر کال کی جو کسی نامعلوم شخص نے فون اٹینڈ کیا اور کہا کہ شیراز کو اغوا کر لیا گیا ہے اور 1 کروڑ روپے کی ڈیمانڈ کی جس پر مقدمہ نمبر 24 / 143 مورخہ 02.02.24 بجرم A 365 ت پ تھانہ سول لائن سیالکوٹ درج رجسٹر ہوا۔

ڈسٹرکٹ پولیس آفیسر سیالکوٹ محمد حسن اقبال کی خصوصی ہدایات پر اور ایس پی انویسٹی گیشن سیالکوٹ غلام عباس کی سربراہی میں محمود الحسن راناDSP/OCU کی نگرانی میں محمد صدیق IP/OCU کے ہمراہ ملا زمان کی ٹیم تشکیل دے کر مقدمہ کو ٹریس کرنے کا ٹارگٹ دیا گیا

مغوی کے فون نمبر کے CDR حاصل کر کے LOCATION لی گئی دوران تفتیش یہ بات سامنے آئی کہ مسمی شیر از احمد رشتہ کے لالچ میں اپنی مرضی سے راجن پور گیا تھا جو کہ وہاں پہنچنے پر نامعلوم ملزمان نے شیر از کو اغوا کر لیا

ملزمان کے لنکر کے CDR حاصل کیے گئے CDR کی مدد سے مغوی کی LOCATION کے مطابق وہاں کے بااثر وڈیروں اور مقامی پولیس اور خفیہ سورس کے تعاون سے مغوی کو بحفاظت بازیاب کروالیا گیا ہے اور حوالے وارثان کیا گیا۔

ڈی پی او سیالکوٹ محمد حسن اقبال نے پولیس ٹیم میں شامل تمام افسران و ملازمان کے لیے تعریفی سرٹیفکیٹس اور نقد انعام کا اعلان کیا ہے