Category: جرائم و حادثات

ڈیرہ غازیخان ،باغی ٹی وی (نیوز رپورٹر شاہد خان )ڈسٹرکٹ ایمرجنسی بورڈ ڈیرہ غازیخان کا اجلاس ڈپٹی کمشنر مہر شاہد زمان لک کی زیرصدارت منعقد ہوا۔اجلاس میں ٹریکٹر ٹرالیوں سےہونیوالےحادثات اور کیمونٹی سیفٹی بارے اہم فیصلے کئے گئے۔اجلاس میں ضلعی ایمرجنسی آفیسر انجنیئر احمد کمال نے حادثات روک تھام بارے بریفنگ دی۔

ڈپٹی کمشنر مہر شاہد زمان لک نے کہا کہ دور حاضر میں حادثات کا بڑھنا لمحہ فکریہ ہے،حکومت پنجاب نے شہریوں کوحادثات سے بچانے کیلئے جدید سیفٹی میئرز متعارف کروائے ہیں،ضلع میں سیفٹی قوانین پر عملدرآمد کو یقینی بنانا ہماری ترجیح ہے،کسی بھی ایمرجنسی میں ریسکیو1122کیساتھ رابطے میں رہنا ضروری ہے،

ڈی سی ڈیرہ غازی خان نے کہا ریفلیکٹرز اور حفاظتی اقدامات کے بغیر کسی ٹریکٹر ٹرالی کو سڑک پر نہ آنے دیاجائے،شہریوں اور تمام سٹیک ہولڈرز میں حادثات بچاؤ بارے آگاہی دی جائے،

ڈسٹرکٹ ایمرجنسی آفیسر انجینئر احمد کمال نے بریفنگ دیتے ہوئے بتایا کہ ضلع میں484ٹریکٹر ٹرالی حادثات سے580افراد متاثر ہوئے،327کو موقع پر طبی امداد دی گئی ہے۔

سیالکوٹ ،باغی ٹی وی( سٹی رپورٹر شاہد ریاض) پسرور،تھانہ سبزپیر میں ڈی پی او سیالکوٹ حسن اقبال کی کھلی کچہری-
ڈی پی او سیالکوٹ محمدحسن اقبال کی جانب سے تھانہ سبزپیر میں لگائی گئی کھلی کچہری میں سائلین کی جانب سے شکایات کے انبار. زیادہ تر سائلین کی شکایات پولیس کے عدم تعاون کی تھیں، درخواستوں پر کارروائی نہ ہونے اور FIR کے اندراج کے بعد ملزمان کی عدم گرفتاری بارے کی گئیں.

علاقہ میں ہونیوالی بڑی ڈکیتیوں کے متاثرین بھی ڈاکووُں کی گرفتاری نہ ہونے پر شکایات لیکر پیش ہوئے جس پر پولیس کو کارروائیوں میں تیزی لانے کی ہدایت کی گئی.

ڈی پی او نے تمام سائلین کی شکایات توجہ سے سنیں اور کارروائی کے قابل درخواستوں کے بارے فوری احکامات جاری کئے اور ایس ایچ او سمیت دیگر پولیس اہلکاروں کو سائلین کے ساتھ دوستانہ رویہ اختیار کرنے کی ہدایت کی.

کندھ کوٹ ،باغی ٹی وی (نامہ نگارمختیاراعوان )کشمور میں فاروقی پیٹرول پمپ کے قریب روڈ حادثے میں 22 سالہ لڑکی جاں بحق ہوگئی،

کشمور پرائیویٹ سکول کے ٹیچر صبح سکول جا رہی تھی کہ سڑک عبور کرتے ہوئے تیز رفتار ٹرک کے نیچے آکر کچلی گئی ،جسے ورثاء زخمی حالت میں کشمور تعلقہ اسپتال لیکر آئے،جہاں پر ڈاکٹروں نے کہا کہ لڑکی دم توڑچکی ہے ،جب کہ ٹرک ڈرائیور موقع سے فرار ہوگیا،

کشمور پولیس نے ٹرک کو اپنی تحویل میں لے لیا،جب لڑ کی کی لاش اس کےگھر پہنچی پر گھر میں کہرام مچ گیا ،آخری اطلاعات تک واقعہ کا مقدمہ درج نہ ہو سکا تھا اور نہ ہی کوئی گرفتاری عمل میں لائی گئی ہے.

اوچ شریف،باغی ٹی وی (نامہ نگارحبیب خان )تھانہ اوچ شریف میں ٹاؤٹ مافیا کاراج، تاش پر جواء کھیلنے والے اور منشیات فروش بے لگام
تفصیلات کے مطابق اوچ شریف تھانہ کی حدود میں پولیس کی مبینہ ملی بھگت سے تاش کے پتوں پر لاکھوں روپے کا سرعام جوا جاری ہے کیونکہ پولیس افسران مبینہ طور پر اپنا حصہ وصول کرکے خود منشیات فروشوں اور جواریوں کی پشت پناہی کررہے ہیں۔

اوچ شریف شہر کے مختلف محلوں شمیم آباد، اکبر ٹاؤن ،اوچموغلہ ،للو والی پل، شمس کالونی، بلوچاں محلہ میں جوابلاروک ٹوک جاری ہے ،دوسری طرف ذرائع کا کہنا ہے کہ ان جوا کے اڈوں پر جسم فروشی کا مکروہ دھندہ بھی جاری ہے جہاں جرائم پیشہ افراد رات بھر شراب و شباب کی محفلیں سجاتے ہیں

اس کے علاوہ ذرائع کا بتانا ہے کہ باقاعدہ منتھلی کے عوض پابندی کے باوجود سرعام گٹکا، مین پڑی اور مختلف قسم کی منشیات کی فروخت بھی دھڑلے سے جاری ہے جس کے سبب نوجوان اور کم عمر بچے نشے کی بری لت میں مبتلا ہو رہے ہیں۔

اکثر جگہوں پر چرس افیون سمیت نشے کی مختلف اقسام کی فروخت پولیس کی آشیرباد سے جاری ہے۔ تاش کے پتوں اور دیگر جوئے کے سبب شہر میں جرائم پیشہ افراد، نشے کی حالت میں راتوں کو دیر تک سڑکوں پر گھومتے نظر آتے ہیں جبکہ شریف شہریوں کا گھروں سے نکلنا محال ہوگیا ہے۔

شہریوں جاوید اقبال،سمیع اللہ، ولید، فرحان، مبین، اسد اللہ، اکرام،اختر،عارف،شبیر ودیگر نے آر پی او بہاولپور اور ڈی پی او بہاولپور سے فوری نوٹس لے کر کرپٹ عناصرکی سرپرستی میں چلنے والے ان اڈوں کو بند کروانے اور اس مکروہ دھندہ میں پولیس کی وردی میں چھپے جرائم پیشہ عناصر کے خلاف کارروائی کرنے کا مطالبہ کیا ہے

قصور ،باغی ٹی وی (نامہ نگار طارق نوید سندھوکی رپورٹ)احاطہ کچہری میں 16 سالہ ملزم پولیس کی حراست میں قتل
تفصیل کے مطابق احاطہ کچہری میںقتل کامعاملہ، 16 سالہ افضل اور اس کے ساتھی نے تین ماہ قبل 6 سالہ بچے کو قتل کیا تھا جس پر تھانہ مصطفی آباد میں قتل کا مقدمہ درج تھا

اور آج ایڈیشنل سیشن جج کی عدالت میں پیشی پر آیا ہوا تھا جہاں پر زیر حراست ملزمان پر 6 سالہ مقتول کے لواحقین نے بدلہ لینے کیلئے فائرنگ کر دی جس کے نتیجے میں افضل موقع پر دم توڑ گیا جبکہ دوسرا ملزم شدید زخمی ہوا۔

فائرنگ کرنے والے دونوں ملزمان کو موقع پر گرفتار کر لیا گیا

سرگودھا ،باغی ٹی وی (نامہ نگارشاہنواجالپ) تحصیل کوٹ مومن نامعلوم افراد کی فائرنگ سے ایک شخص جاں بحق
سرگودھا کی تحصیل کوٹ مومن نامعلوم افراد کی فائرنگ سے ایک شخص جاں بحق ہوگیا، جاں بحق ہونے والے شخص کی شناخت محمد سفیر کے نام سے ہوئی ہے ،

محمد سفیر کوٹ مومن سے بھاگٹانوالا کے قریب قتل ہوا، قاتل موقع سے فرار ہوگئے،

مقتول محمد سفیر رحیم پور کا رہائشی تھا۔

سرگودھا،باغی ٹی وی (نامہ نگارشاہنوازجالپ)کمسن بچی کو زیادتی کا نشانہ بنانے والا درندہ گرفتار
تفصیل کے مطابق تھانہ اربن ایریا کے علاقے ٹوانہ پارک میں ملزم کاشف فاروق نے اڑھائی سالہ معصوم بچی سے زیادتی کی اور فرار ہوگیا تھا،

نگران وزیر اعلی پنجاب نے نوٹس لے کر آر پی او سرگودھا سے واقع کی رپورٹ طلب کی ،آر پی او شارق کمال صدیقی ڈی پی او اور ڈپٹی کمشنر کے ہمراہ متاثرہ بچی کی عیادت کے لئے ہسپتال پہنچ گئے،

آر پی او کی لواحقین سے خیریت دریافت اور انصاف کی یقین دہانی