ڈیرہ غازیخان(باغی ٹی وی )بی ایم پی سمگلنگ نہ روک سکی،سخی سرورپولیس نے 2 گاڑیاں پکڑلیں، 2000 لیٹر ایرانی ڈیزل کی سمگلنگ کی کوشش کو ناکام بنا دیا،قانونی کارروائی کے بعدکسٹم حکام کے حوالے،پکڑی گئی دونوں گاڑیاں،بی ایم پی تھانہ وچیک پوسٹ بواٹہ،تھانہ کھر اور اہم چیک پوسٹ تھانہ راکھی گاج سے کراس ہو کر پولیس چیک پوسٹ سخی سرور تک پہنچیں۔
ڈی پی او احمد محی الدین کی ہدایت پر سمگلنگ کی روک تھام کے لئے ضلع بھر کے داخلی و خارجی راستوں پر چیکنگ کا سلسلہ جاری ہے اسی چیکنگ کے سلسلہ چیک پوسٹ سخی سرور پولیس نے بلوچستان سے صوبہ پنجاب سمگل ہونے والے ایرانی ڈیزل کو ناکام بنا دیا۔2000 لیٹر ایرانی ڈیزل کو قبضہ میں لیکر کاروائی کے بعد کسٹم حکام کے حوالہ کر دیا گیا ہے۔
یہ خبر بھی پڑھیں
ڈی جی خان :بی ایم پی کے سابق اورحاضرسروس ملازمین نے سمگلنگ نیٹ ورک قائم کرلیا
انچارج چیک پوسٹ سخی سرور فرہاد SI نے کہا ہے کہ نان کسٹم سامان سمگلنگ کرنے والوں کے خلاف آہنی ہاتھوں سے نمٹا جائے گا۔ نان کسٹم سامان سمگلنگ کرنے والوں کے ساتھ کسی بھی قسم کی کوئی رعایت نہیں برتی جائے گی۔
یہ خبربھی پڑھیں
ڈی جی خان :بی ایم پی اور سمگلرزکاگٹھ جوڑ،پنجاب پولیس نے ناکام بنادیا،6گاڑیاں پکڑی گئیں
مزید سیکورٹی کے پیش نظر چیک پوسٹ سخی سرور پولیس نے چیکنگ کے سسٹم کو مربوط کیا ہوا ہے کسی بھی صورتحال سے نمٹنے کیلئے تمام تر وسائل بروئے کار لانے جارہے ہیں۔
یاد رہے کہ پکڑی گئی یہ گاڑیاں بی ایم پی تھانہ وچیک پوسٹ بواٹہ،تھانہ کھر اور اہم چیک پوسٹ تھانہ راکھی گاج سے کراس کرکے پولیس چیک پوسٹ سخی سرور تک پہنچیں تھی اس سے قبل گذشتہ ہفتے سخی سرورپولیس نے 5 گاڑیاں ایرانی ڈیزل اورنان کسٹم سامان اور گدائی پولیس نے ایرانی ڈیزل سے بھراایک آئل ٹینکرپکڑکر کسٹم حکام کے حوالے کیا تھا.
