سیالکوٹ، باغی ٹی وی (شاہد ریاض سٹی رپورٹر )پسرور محلہ کھوکھراں,فائرنگ 2 جان بحق ایک زخمی
تفصیل کے مطابق تحصیل پسرور محلہ کھوکھراں میں فائرنگ کے نتیجے میں دو شخص جاں بحق اورایک زخمی۔ریسکیو 1122 کے مطابق کالر نے بتایا کہ پرانی دشمنی کے باعث مخالف پارٹی نے فائرنگ کی۔

فائرنگ سے 40سالہ نعیم موقع پر ہی جاں بحق ہو گیا جس کی لاش کو ضروری کارروائی کے بعد پسرور ہسپتال منتقل کر دیاگیا ہے جبکہ 26سالہ مزمل اور 38سالہ شہزاد کو ریسکیو کے پہنچنے سے پہلے ہی پرائیویٹ ہسپتال منتقل کر دیا گیا۔

متاثرین کا تعلق علاقہ کلاسوالہ سے ہے،

میرپورخاص،باغی ٹی وی (نامہ نگار سید شاہزیب شاہ کی رپورٹ )میرواہ گورچانی کے قریب تیز رفتار ٹریکٹر نے دو نوجوان کو کچل دیا ،ڈگری کے رہائشی دونوں نوجوان موقع پر ہی جاں بحق -تعلقہ اسپتال میرواہ میں ڈاکٹر نہ ہونے کے باعث پوسٹ مارٹم کے لئے دونوں لاشیں ڈگری منتقل .

تفصیلات کے مطابق میرواہ گورچانی کے قریب ڈگری تھانے کی حدود العباس شوگر مل بائی پاس بالمقابل ماشاءاللہ پیٹرول پمپ ک تیز رفتار ٹریکٹر اور موٹر سائیکل کے درمیان خوفناک تصادم ہو گیا ،حادثے کے نتیجے میں ڈگری کے وارڈ نمبر 2 میر جان محمد کالونی کے رہائشی دو نوجوان 20 سالہ قاسم حسین ولد محمد شفیق راجپوت اور 17 سالہ تابش ولد محمد حسین ملک موقع پر ہی جاں بحق ہو گئے –

اطلاع ملتے ہی ڈگری پولیس جائے وقوعہ پر پہنچ گئی اور دونوں نوجوانوں کی نعشوں کو تعلقہ ہیڈ کوارٹر ہسپتال میرواہ گورچانی پہنچایا جہاں پر حسب معمول ڈاکٹر نہ ہونے کی وجہ دونوں نعشوں کو پوسٹ مارٹم کے لیے تعلقہ اسپتال ڈگری منتقل کر دیا گیا –

ٹریکٹر ڈرائیور موقع سے فرار ہونے میں کامیاب ہو گیا،ڈگری پولیس نے ٹریکٹر اور موٹر سائیکل اپنی تحویل میں لے لیا اور تفتیش شروع کردی ،حادثہ ٹریکٹر کی تیز رفتاری کے باعث پیش آیا-

دونوں متوفی ڈگری سے میرپورخاص اپنی والدہ کی دوا لینے کے لیے جا رہے تھے کہ حادثے کا شکار ہو گئے – دونوں نوجوانوں کی نعشیں گھر پہنچتے ہی کہرام مچ گیا –

یہاں یہ امر بھی قابل ذکر ہے کہ گذشتہ روز ہی العباس شوگر مل نے گنے کی کریشنگ شروع کی ہے روڈ پر ٹریکٹر ٹرالیوں کا بہت رش ہوتا ہے ہر سال گنے کے سیزن میں کئی قیمتی زندگیوں کا چراغ گل ہو جاتا ہے-

دوسری جانب حکومت سندھ کی جانب سے دیہی مرکز صحت میرواہ گورچانی کو تعلقہ ہیڈ کوارٹر ہسپتال کا درجہ تو دے دیا گیا لیکن ڈاکٹروں سمیت کوئی بھی بنیادی سہولیات میسر نہیں ہیں.

اوچ شریف ،باغی ٹی وی (نامہ نگارحبیب خان )تھانہ اوچ شریف کی حدود میں قومی شاہراہ پر موجود پولیس چوکی مقبول شہید بند ہونے سے جرائم پیشہ عناصر کو کھلی چھوٹ مل گئی، اہل علاقہ عدم تحفظ کا شکار، آر پی او بہاولپور، ایڈیشنل آئی جی جنوبی پنجاب سے چوکی مقبول شہید جلد بحال کرنے کاعوامی مطالبہ

تفصیلات کے مطابق تھانہ اوچ شریف کی حدود میں قومی شاہراہ پر واقع پولیس چوکی مقبول شہید نامعلوم وجوہات کی بینا پر بند کر دی گئی، چوکی مقبول شہید بند ہونے سےعلاقہ مکینوں کو شدید مشکلات کا سامناکرناپڑرہاہے، چوکی مقبول شہید کچے کے علاقوں کے کریمنل گروہوں کی واحد گزرگاہ ہے، چوکی مقبول شہید بند ہونے کی وجہ سےگھروں اور روڈ کی وارداتوں میں اضافہ ہو گیا

گذشتہ پندرہ دنوں میں شہر اوچ شریف میں آئے روز چوریوں کی وارداتوں میں اضافہ ہوگیا ہے، 15 دنوں میں کئی موٹر سائیکل چوری ہو گئے ،چوری کی وارداتوں سے شہری گھروں میں محصور ہو کر رہ گئے ،چور گھروں کی گھات لگانے لگے کہ کون سا گھر خالی پڑا ہے اس میں چوری کی واردات کر لیں

ناصر ٹاؤن کے رہائشی محمد اختر نامی شخص کی والدہ اپنی بیٹی کو روزانہ مدرسہ سے لینے جاتی تھی گذشتہ روز سر شام چور محمد اختر کی والدہ کے گھر چور گھس کر گھر سے نقدی رقم ایک کلو چاندی ایک تولا سونا لے گئے، جب اختر کی والدہ گھر پہنچی تو چور گھر کا صفایا کر گئے تھے

شہریوں محمد صدیق محمد صادق محمد انوار محمد بخش محمد صفدر سمیت دیگر افراد نے میڈیا سے گفتگو کرتے ہوئے کہا کہ تھانہ اوچ شریف کےایس ایچ او کی نا اہلی سے آئے روز چوریوں کی وارداتوں میں اضافہ ہوگیا ہے،شہریوں کاکہناتھا کہ اوچ شریف قومی شاہراہ پر قائم چوکی مقبول شہید کو ختم کرنے کی وجہ سے بھی چور شہر میں داخل ہو رہے ہیں

چوکی کی عمارت چوروں، ڈاکوؤں اور نشیوں کی آماج گاہ بن گی، اوچ شریف شہر اور دیہی علاقوں کو کریمنل گروہوں نےاپنی لپیٹ میں لے لیا، چوکی مقبول شہید بند ہونے کی وجہ سے جرائم کنٹرول کرنے میں پولیس ناکام

علاقہ مکینوں نے احتجاج کرتےہوئے وزیراعلی پنجاب آئی جی پنجاب آر پی او بہاولپور ڈی پی او بہاولپور سے چوکی مقبول شہید بحال کرکے ملازم تعینات کرنے کا مطالبہ کیا ہےتاکہ علاقہ مکین سکھ کا سانس لے سکیں-

سیالکوٹ ،باغی ٹی وی (سٹی رپورٹر شاہدریاض) پٹرولنگ پوسٹ گلوٹیاں موڑ کی کارروائی،مشکوک گاڑی سے کلاشنکوف اور سینکڑوں گولیاں برآمد

تفصیل کے مطابق پٹرولنگ پوسٹ گلوٹیاں موڑ کا افسران کی ہدایت پر ناجائز اسلحہ کے خلاف کارروائیاں مزید تیز ،ایس ایس پی پٹرولنگ عبدالوہاب اور ڈسٹرکٹ انچارج ڈی ایس پی عرفان الحق سلہریا کی زیر نگرانی انچارج پٹرولنگ پوسٹ گلوٹیاں موڑ سب انسپکٹر یاسر محبوب اور ان کی ٹیم نے ہائی ویز پر اسلحہ کی نمائش اور ناجائز اسلحہ رکھنے والوں کے خلاف کارروائیاں تیز کر دی ہیں

ناکہ بندی کے دوران مشکوک گاڑی سے کلاشنکوف اور سینکڑوں گولیاں برآمد، ملزم کوگرفتار کرکے تھانہ سٹی ڈسکہ میں مقدمہ درج کروا دیا گیا،اس موقع پر ڈسٹرکٹ آفیسر ڈی ایس پی عرفان الحق سلہریا کا کہنا تھا کہ ہائی ویز پر اسلحہ کی نمائش کرنے والوں کے خلاف ہر صورت بلاامتیاز کارروائی کی جائے گی۔

سیالکوٹ ،باغی ٹی وی (سٹی رپورٹر شاہدریاض )تیزرفتارآلٹوکارالٹ گئی
تفصیل کے مطابق جیل روڈ، بھیڈ پلی لاری اڈہ کے قریب سوزوکی آ لٹو کار تیز رفتاری کے باعث الٹ گئی، کار میں موجودتمام افراد معجزانہ طور محفوظ رہے ،

کار ڈرائیور کے مطابق دوران ڈرائیونگ اچانک میری آنکھوں کے سامنے اندھیرا آگیا اور گاڑی فٹ پاتھ سے ٹکرا گئی اور ٹائرپھٹنے کی وجہ سے الٹ گئی تاہم کارمیں بیٹھے افراد محفوظ رہے جبکہ کار بری طرح تباہ ہوگئی،

ریسکیو1122 اورٹریفک پولیس نے گاڑی کو سیدھا کر کے بند ٹریفک رواں دواں کردیا۔