Category: جرائم و حادثات

سیالکوٹ ،باغی ٹی وی (سٹی رپورٹر شاہد ریاض)ایف آئی اے کی کارروائی ،دوسرے کے پاسپورٹ پر یونان جانے والا پکڑاگیا
ایف آئی اے امیگریشن کی سیالکوٹ ائرپورٹ پر کارروائی،غیر قانونی پاسپورٹ پر سفر کرنے والے مسافر کو آف لوڈ کر دیا۔اخلاق فاروق نامی ملزم نے زاہد فاروق کے پاسپورٹ پر سفر کرنے کی کوشش کی۔

ملزم فلائٹ نمبر QR631 سے یونان جا رہا تھا۔ابتدائی تفتیش کے مطابق ملزم نے اپنے رشتے دار سے مذکورہ پاسپورٹ حاصل کیا۔ملزم نے مذکورہ پاسپورٹ حاصل کرنے کے لئے 13 لاکھ روپے ادا کئے۔

ملزم کو مزید کارروائی کے لئے ایف آئی اے اینٹی ہیومن ٹریفیکنگ سرکل گجرانوالہ منتقل کر دیا گیا۔ڈپٹی ڈائریکٹر سیالکوٹ ائرپورٹ امام زیدی کی جانب سے بروقت کارروائی پر ٹیم کی کارکردگی کو سراہا گیا۔

سیالکوٹ،باغی ٹی وی (سٹی رپورٹرشاہدریاض)ڈسکہ،تھانہ موترہ کے علاقہ بیگ چک میں نوجوان نے زہریلی گولیاں کھاکر زندگی کا خاتمہ کرلیا
تفصیل کے مطابق ڈسکہ میں گذشتہ روز باپ اور بیٹے کے درمیان جھگڑا ہوا بیٹے نے دلبرداشتہ ہوکر زہریلی گولیاں کھا لیں،نوجوان کی حالت بگڑنےپر ہسپتال لایا گیامگر جانبر نہ ہوسکااور زندگی کی بازی ہار گیا۔

جاں بحق ہونے والے نوجوان کی شناخت 23سالہ شبیر کے نام سے ہوئی ہے پولیس نے موقع پر پہنچ کر ابتدائی کارروائی کا آغاز کردیا ہے-

سرگودھا،باغی ٹی وی (نامہ نگار ملک شاہنواز جالپ )سرگودہا تھانہ صدر پولیس کی بڑی کاروائی مختلف14 مقدموں میں مطلوب اشتہاری ملزمان گرفتار۔
تفصیل کے مطابق ایس ایچ او تھانہ صدرحافظ نوید اکرم کی سربراہی میں اے ایس آئی عمر فاروق نے کارروائی کرتے ہوئے مختلف 14مقدمات میں ملوث اشتہاری ملزم امان اللہ ولد عمر حیات اور مختار ولد زمان کو گرفتار کر کے 2عدد پسٹل،موٹرسائیکل،موٹریں،بیٹریاں اور نقدی برآمد کر لی۔

اہل علاقہ نے پولیس کی کارروائی کو سراہتے ہوئے کہا کہ ملزمان نے عرصہ دراز سے علاقے میں خوف وہراس پھیلا رکھا تھا۔

سیالکوٹ،باغی ٹی وی (سٹی رپورٹرشاہدریاض)2 عورتوں سمیت 6 بدنام زمانہ منشیات فروش گرفتار، ڈی پی او سیالکوٹ محمد حسن اقبال کی ہدایت پر سیالکوٹ پولیس نے موت کے سوداگر منشیات فروشوں کے خلاف بڑے پیمانے پر کارروائیوں کا سلسلہ جاری کر رکھا ہے

ڈی ایس پی ڈسکہ سرکل سعادت علی کی سربراہی میں ایس ایچ او تھانہ موترہ سب انسپکٹرافضال حسین نے اپنی ٹیم کے ہمراہ ہیومن انٹیلی جنس بیسڈ آپریشن کے دوران ضلع میں منشیات فروشی کے بڑے نیٹ ورک کو کو بریک کرتے ہوئے مکروہ دھندے میں ملوث بدنام زمانہ منشیات 1. ملک حفیظ ولد ملک عزیز سکنہ کوٹلی علی باب ، ڈسکہ،2. محمد پرویز ولد سلطان سکنہ کوٹلی علی باب ، ڈسکہ 3. واجد علی ولد محمد حسین سکنہ بیڑھ ،ڈسکہ،4. عنصر علی عرف مستنصر ولد محمد اسلم سکنہ کوٹلی علی باب ، ڈسکہ،5. مسمات فائقہ زوجہ عنصر علی عرف مستنصر ولد محمد اسلم سکنہ کوٹلی علی باب ، ڈسکہ ،6. شمیم بی بی زوجہ عرفان سکنہ کمال پور ڈسکہ کو لیڈیز پولیس کی مددسے گرفتار کر لیا

ان کے قبضہ سے مجموعی طور پر 28کلو 50گرام چرس، 6کلو500گرام آئس ، 120گرام ہیروئن، 2الیکٹرانک کنڈے ،اسلحہ ناجائز2پسٹل 30بور معہ متعدد گولیاں ،3موٹر سائیکلیں اور 10ہزار روپے سے زائد رقم وٹک برآمد کرلی ہے۔ ملزمان منشیات سیالکوٹ کے مختلف علاقوں میں سپلائی کرتے تھے۔ جن کو گرفتار کر کے ضلع میں منشیات کی سپلائی کی ایک اور چین کو بریک کر دیا گیا ہے۔

ڈی پی او سیالکوٹ محمد حسن اقبال نے کہا ہے کہ ضلع سے منشیات کی لعنت کا جڑ سے خاتمہ کرنے کیلیے چھوٹے موٹے نشئیوں کی بجائے اس مکروہ دھندے میں ملوث بڑی مچھلیوں کو پکڑا جا رہا ہے شہر سے منشیات کے مکمل خاتمے تک کریک ڈاؤن جاری رہے گا.

ڈی پی او سیالکوٹ محمد حسن اقبال نے کاروائی میں شامل پولیس ٹیم کے لیے تعریفی سرٹیفکیٹس اور نقد انعام کا اعلان کیا ہے

ننکانہ صاحب، باغی ٹی وی(نامہ نگار احسان اللہ ایاز) پنجاب فوڈ اتھارٹی کا گرینڈ آپریشن،غیر معیاری نمک تلف اورجرمانہ
ننکانہ صاحب میں فوڈ سیفٹی ٹیموں کے جڑانوالہ روڈ، سبزی منڈی، ریلوے روڈ پر واقع نمک یونٹس پر چھاپے، 5 یونٹس کی چیکنگ، 20کلو غیر معیاری نمک تلف، 35ہزارکےجرمانے عائد،

نمک کے سیمپل ناقص پائے جانے پر کارروائی عمل میں لائی گئی ڈی جی فوڈ اتھارٹی نمک میں آئیوڈین کی مقدار مقررہ حد سے کم پائی گئی صفائی کے انتہائی ناقص انتظامات، زنگ آلود گرائنڈنگ مشین زیر استعمال تھی یونٹس میں موجود ملازمین کے میڈیکل بھی عدم موجود پائے گئے

پروسیسنگ ایریا میں کیڑے مکوڑوں، مکھیوں کی بھرمار پائی گئی پیکنگ کے لیے تیار نمک ٹوٹے گندے فرش پر رکھا پایا گیا صوبہ بھر میں خوراک کا کاروبار پنجاب فوڈ اتھارٹی قوانین کے مطابق ہی کیا جا سکتا ہے

اپنے اردگرد موجود ملاوٹ مافیا کی اطلاع پنجاب فوڈ اتھارٹی کی ہیلپ لائن1223پر دیں

سرگودھا ،باغی ٹی وی(نامہ نگا ر ملک شاہنواز جالپ) گھروں میں ملازمت کا بہانہ ، زیور چوری کرنے والی عورتیں گرفتار
سرگودھا تھانہ ساہیوال پولیس کی بڑی کامیابی،گھروں میں ملازمت کا بہانہ کرکے زیور چوری کرنے والی عورتیں گرفتار ،گرفتار عورتوں نے ایک گھر میں کچھ روز ملازمت کی اور پھر اپنے مالک کے گھر سے 13 تولہ طلائی زیورات چوری کیے اور فرار ہوگئی

مقامی پولیس نے چوری شدہ زیور اور اس زیور کو فروخت کرکے حاصل کی گئی رقم برآمد کر لی ،برآمد ہونے والا مال مسروقہ بعد از قانونی کاروائی اصل مالک کے حوالے کر دیا گیا

بہترین کارکردگی کا مظاہرہ کرنے پر ڈی پی او سرگودھا نے ایس ایچ او تھانہ ساہیوال اور انکی ٹیم کو شاباش دی ہے