Category: جرائم و حادثات

کندھ کوٹ ،باغی ٹی وی(نامہ نگارمختیار احمد اعوان)اسسٹنٹ کمشنر کشمور عمران نظیر شیخ کی ہدایات پر تحصیلدار خالد حسين اسسٹنٹ تحصیلدار نور محمد چاچڑ اور قانون نافذ کرنے والے اداروں کی گندم اور کھاد کے ذخیرہ اندوزوں کے خلاف کارروائی۔
تفصیلات کے مطابق آج اسسٹنٹ کمشنر کشمور عمران نظیر شیخ کی ہدایات پر تحصیلدار خالد حسین اسسٹنٹ تحصیلدار نور محمد چاچڑ اور قانون نافذ کرنے والے اداروں کی بڈانی اور اس کے گردو نواح میں بڑے پیمانے پر کارروائیاں جاری ۔

اناج ذخیرہ کرنے کے دکان اور کھاد ذخیرہ کرنے کے دکان سیل ۔اس موقع پر مختیارکار نے کہا کہ نگراں حکومت کے حکم پر ملک بھر میں ذخیرہ اندوزی کرنے والے تاجروں کے خلاف کارروائیاں جاری ہیں۔اس سلسلے میں آج بڈانی شہر اور اس کے گردونواح میں کاروائی کرتے ہوئے 50 کلو گندم کے 86 ہزار 500 تھیلے جبکہ غیر قانونی طور پر ذخیرہ کی گئی کھاد کے تھیلے برآمد کر کے 60 دکان سیل کر دیے گئے جن کے خلاف قانون کے مطابق کارروائی کی جائے گی۔

سیالکوٹ ،باغی ٹی وی (سٹی رپورٹرشاہدریاض) تھانہ ہیڈمرالہ پولیس کا 15 کال پر فوری ریسپانس خودکشی کی کوشش کرنے والی 8 بچوں کی ماں کو بچا لیا
تفصیل کے مطابق تھانہ ہیڈ مرالہ زندہ پونچا کی رہائشی 8 بچوں کی ماں 45 سالہ ساجدہ بی بی نے گھریلو حالات سے دلبرداشتہ ہوکر چھری سے اپنی اور بچوں کی زندگی کا خاتمہ کرنے کی کوشش کی. محلہ داروں کی طرف سے 15 پر واقعہ کی اطلاع موصول ہونے پر ڈی پی او سیالکوٹ محمد حسن اقبال نے معاملہ کا نوٹس لیا

ایس ایچ او تھانہ ہیڈ مرالہ نے ٹیم کے ہمراہ فوری موقع پر پہنچ کر خاتون کی جان بچائی 45 سالہ ساجدہ 8 بچوں کی ماں ہے جن میں چار بچے پیدائشی طور پر معذور ہیں ، خود کشی کرنے کی کوشش کرنے والی ساجدہ نامی خاتون کرایہ کے مکان میں رہتی ہے،خاتون کا تین ماہ سے کرایہ واجب الادا تھا بجلی بل کی عدم ادائیگی کی وجہ سے بجلی کا میٹر بھی منقطع ہو چکا تھا

خاتون کا خاوند معمولی مزدوری کرتا ہے جس سے 10 افراد پر مشتمل بڑی فیملی کی گزر بسر مشکل ہے خود کشی کی وجہ بچے چارروز سے بھوکے تھے
خاتون ساجدہ نے دل برداشتہ ہو کر بچوں کے ساتھ خودکشی کی کوشش کی اور چھری سے خود کو زخمی کر لیا۔ ایس ایچ او ہیڈمرالہ نے ڈی پی او حسن اقبال کی کی ہدایت پر ساجدہ کے مکان کا 3 ماہ کا کرایہ ادا کیا اور خاتون کو ساتھ والے گھر سے بجلی کا کنکشن فراہم کروایا اور خاتون کو ایک ماہ کا راشن لے کر دیا

ڈی پی او نےشوہر کو مناسب روزگار دلانے کا وعدہ کیا جس پر خاتون نے نم آنکھوں کے ساتھ اپنے اقدام پر شرمندگی کا اظہارکیا بچوں کی خاطر آئندہ ایسے انتہائی اقدام سے باز رہنے کا خاتون نے عہد کیا ہے

ڈی پی او سیالکوٹ محمد حسن اقبال نے بروقت کارروائی کرتے ہوئے 8 بچوں کی ماں کی زندگی بچانے جیسے شاندار اقدام پر ہیڈ مرالہ پولیس کو شاباش دی ہے

اوچ شریف باغی ٹی وی (نامہ نگار حبیب خان) ریسکیو 1122ٹیم کی انتھک کوششوں کے بعد ابو ظہبی نہر میں ڈوبنے والے محمد شہزاد کی ڈیڈ باڈی مل گئی شہریوں کا ریسکیو ٹیم کی کاوشوں کو سراہتے ہوئے خراج تحسین پیش
تفصیلات کے مطابق گذشتہ روز موضع گندہ کھوہ تحصیل احمدپور شرقیہ کے رہائشی محمد شہزاد ولد محمد اکمل پاؤں پھسلنے سے ابو ظہبی نہر میں جا گرا تھا، جس کی لاش کی تلاش کیلئے 1122ریسکو آپریشن جاری کرتے ہوئے دوسرے دن نہر میں ڈوبنے والے محمد شہزاد کی لاش ابو ظہبی نہر سے برآمد کر لی

محمد شہزاد کے والد محمد اکمل نے بتایا کہ اس کا بیٹا گذشتہ روز نہر کے کنارے کھیل رہا تھا کہ پاؤں پھلسنے سے نہر میں جا گرا انہوں نے کہا کہ ہم نے ریسکیو ٹیم کو فون کیا تو بروقت ریسکیو ٹیمیں جائے وقوعہ پر پہنچ کر میرے بیٹے کی تلاش شروع کردی رات ہونے پر ریسکیو آپریشن بند کرنا پڑا اگلی صبح پھر ریسکیو ٹیم نے آپریشن شروع کیا اور چند گھنٹوں کے بعد میرے بیٹے کی ڈیڈ باڈی ملی محمد شہزاد کے والد سمیت اہلیان علاقہ نے ریسکیو ٹیموں کی کوششوں کو سراہتے ہوئے خراج تحسین پیش کیا

اوچ شریف ،باغی ٹی وی (نامہ نگارحبیب خان )مسافرخانہ میں تھانہ عباس نگرکی حدود میں غیرت کے نام پر 2 نوجوان قتل ہوگئے
ریسکیو 1122 کے مطابق آج رات تقریباََ 2:30 کے بعد حدود تھانہ عباس نگر کے علاقہ موضع گُُدھ پور جھانگی روڈ بہاولپورمیں دوہرے قتل کی لرزہ خیز واقعہ رونما ہواہے جس میں دو نوجوان محمد صفدرولدظہوراحمدبعمر31 سال اور محمدحنیف ولدیت نامعلوم بعمر35 سال سکنہ بستی چاکرموضع ڈتہ بلوچ فائرنگ کے نتیجہ میں جاں بحق ہوگئے

ریسکیو1122 کے مطابق لواحقین کاکہنا ہے کہ راشد نامی نوجوان لڑکی بھگا کر جا رہا تھا ،لڑکی کے ورثاء نے پیچھا کرکے روکنے کی کوشش راشد نامی نوجوان نے فائر کھول دئیے،جس کے نتیجہ میں یہ اندوہناک واقعہ رونما ہوا ،

راشد نامی لڑکا موقع سے فرار ہونے میں کامیاب ہو گیا، ریسکیو سٹاف نے متعلقہ تھانے کی پولیس کو اطلاع کی تو پولیس موقع پر پہنچ گئی
وقوعہ کی اطلاع ملتے ہی مقامی پولیس نے کارروائی کا آغاز کر دیا-

سیاکوٹ باغی ٹی وی( شاہد ریاض سٹی رپورٹر)ایس ایچ او تھانہ سٹی ڈسکہ عمران سلطان کا جسم فروشوں کے خلاف سخت کریک ڈاؤن جاری
بھٹی کالونی سے نائکہ سمیت 3 خواتین اور 5 مرد گرفتار، مقدمہ درج کر کے مزید تفتیش جاری ہے
تھانہ سٹی پولیس نے ڈسٹرکٹ پولیس آفیسر حسن اقبال اور ڈی ایس پی سٹی سعادت علی کی ہدایات کے مطابق جسم فروشی کے مکروہ دھندے میں ملوث افراد کے خلاف گھیرا تنگ کردیا.

تھانہ سٹی پولیس نے کارروائی کرتے ہوئے بھٹی کالونی گاگا سے مخبر کی اطلاع پر زنا کی تیاری کرتے ارم شہزادی نائکہ کے گھر سے ملزمان 1. دانیال مسیح ساکن متیکے سائیاں 2. حسنین ساکن سوہاوہ 3. کرن ساکن 8 نمبر چونگی 4. شفقت بی بی ساکن دھاموکے 5. امانت ساکن متیکے 6. محمد اقبال ساکن مرزا گورائیہ 7. محمد اشیاق ساکن پرانا ڈسکہ کو گرفتار کر کے پابند سلاسل کردیا.

ایس ایچ او تھانہ سٹی ڈسکہ عمران سلطان کے مطابق ملزمان سے تفتیش کا عمل جاری ہے. ان کا مزید کہنا تھا کہ تھانہ سٹی کی حدود میں جسم فروشی جیسے قبیح فعل کی کسی کو ہرگز اجازت نہیں دی جائے گی.

سیالکوٹ ،باغی ٹی وی( سٹی رپورٹر شاہد ریاض)اسسٹنٹ کمشنر ڈسکہ کا میانوالی بنگلہ چینی زخیرہ اندوزی کرنے والوں کے خلاف کریک ڈاؤن
چینی زرخیزہ اندوزی کرنے والوں کے خلاف کریک ڈاؤن کرتے ہوے دوکانوں کو سیل کر دیا ،مختلف پٹرول پمپس پر بھی چھاپہ مارتے ہوے متعدد پٹرول پمپس کو جرمانے کر دیئے ،

گلزار احمد میانوالی بنگلہ چینی ذخیرہ کرنے پر 5000 ہزار جرماںہ، محمد فیاض بھکی سندہواں پٹرول پمپس جرمانہ 40000 ہزار، محمد اعظم سکنہ چکری پٹرول پمپس جرمانہ 40000ہزار ، منصب اکن وڈالہ سندہواں گیس ریفلنگ جرمانہ 10000 ہزار ، یاسر وڈالہ سندہواں گیس جرمانہ 10000ہزار، منور گیس ریفلنگ وڈالہ سندہواں جرمانہ 80000 ہزار ، محمد عارف پرائس کنٹرول ایکٹ جرمانہ 2000 روپے ،کئی دکانداروں کو وارننگ

تنگوانی باغی ٹی وی (نامہ نگار منصور بلوچ)تنگوانی کے اساتذہ نےپروموشن میں ناانصافی ہونے پر پریس کلب پہنچ کر احتجاج کیا
تفصیلات کے مطابق تنگوانی ہائی سکول کے اساتذہ اپنی پروموشن میں ناانصافی ہونے کی وجہ سے استاد اعجاز کھوسہ ،عبدالعزیز بکھرانی، نبی داد باجکانی فہیم سر کی اور فیاض ڈاہانی کی سرپرستی میں احتجاج کرتے ہوئے پریس کلب تنگوانی پہنچ کر ہاتھوں میں پلے کارڈ اٹھائے ہوئے احتجاج کیا

احتجاج کرنے والوں کا کہنا تھا کہ ان کے ساتھ ڈائریکٹر ایجوکیشن لاڑکانہ نے رشوت کے عوض ہمارے ساتھ نا انصافی کرتے ہوئے جونیئروں کو پروموشن دے دی اور ہمیں پرومیشن نہیں دی گئی ان کا مزید کہنا تھا کہ اگر ہمارے ساتھ انصاف نہیں ہوا تو ہم اپنا احتجاج مزید بڑھائیں گے-

ڈیرہ غازیخان ( باغی ٹی وی )ڈیرہ غازی خان میں بہت بڑے دھماکےکی آواز سنی گئی ہے،معلوم ہواہے کہ یہ گدائی چٹ سرکانی روڈ کے قریب دھماکہ ہوا ہے
ٹیمیں روانہ ہو چکی ہیں،زور دار دھماکہ کی اطلاع پر ریسکیو 1122 کی گاڑیاں چٹ روڈ کی جانب رواں دواں ہیں،دھماکہ کی آواز ڈیرہ غازی خان میں دور دراز تک سنی گئی ،زور دار دھماکہ سے عمارتیں لرز اٹھی ،ہرطرف خوف ہراس ضلعی انتظامیہ نے تاحال تصدیق نہ کی،

ڈی جی خان سے تازہ ترین اپڈیٹ کے مطابق
ترجمان کمشنر آفس ڈی خان کے مطابق ڈی جی خان میں دھماکہ کی آواز سنی گئی،متعلقہ اداروں نے ابتدائی تحقیقات کے بعد رپورٹ پیش کردی
1122پولیس15 اور حساس اداروں اور عوام کی طرف سے کسی قسم کی دہشت گردی،تخریب کاری ،حادثہ اور نقصان رپورٹ نہیں کیا

قوی امکان ہے کہ کسی جنگی جہاز نے ساؤنڈ بیریئر توڑا ہے تاہم حتمی تصدیق کی جارہی ہےکسی قسم کا جانی و مالی نقصان رپورٹ نہیں ہوا
کمشنر ڈیرہ غازی خان ڈاکٹرناصرمحمود بشیر کا دھماکہ سے متعلق وضاحتی بیان میں کہنا تھاکہ

کمشنر ڈیرہ غازی خان ڈاکٹرناصرمحمود بشیر کا دھماکہ سے متعلق وضاحتی بیانhttps://t.co/87gl938Bag@BaaghiTV@MumtaazAwan@Division_dgk pic.twitter.com/pl3kXndSEc

— QNN WORLD (@QNN_World) October 6, 2023

ڈیرہ غازی خان میں دھماکہ کی آواز کا معاملہ پرڈی پی او ڈیرہ غازی خان نے کہا ہے کہ ڈیرہ غازی خان کی عوام کو پریشان ہونے کی ضرورت نہیں،
کسی قسم کے نقصان ہونے کی کوئی اطلاع نہیں-

سرگودھا،باغی ٹی وی (نامہ نگار شاہ نوازجالپ) قتل کے کیس کی سماعت کے دوران ملزم کو کمرہ عدالت میں ہی قتل کردیا گیا،سرگودھا میں قتل کے کیس کی سماعت کے دوران ملزم کو کمرہ عدالت میں ہی قتل کردیا گیا۔مبینہ قاتل وکیل کے بھیس میں آیا اور سب کے سامنے فائرنگ کر کے ملزم امانت علی کو قتل کردیا۔

مبینہ ملزم کی جانب سے فائرنگ کے بعد عدالتی عملے نےفوری حرکت کرتے ہوئے حملہ آور کو قابو کرکے پولیس کے حوالے کیا۔گرفتار ملزم نے بیان دیا کہ مقتول امانت نے میرے ماموں کا قتل کیا تھا اور بیرون ملک فرارہوگیا تھا، بدلہ لینے کیلئے اسے قتل کیا۔

پولیس کے مطابق سرگودھا میں علاقہ مجسٹریٹ عمران ہارون کی عدالت میں مقدمہ قتل کی سماعت جاری تھی کہ اس دوران وکیل کے بھیس میں آنے والے ملزم نے اپنی ٹانگ کیساتھ بندھی پستول نکالی اور فائرنگ کرکے مخالف کو قتل کردیا۔

کمرہ عدالت میں ہونے والے قتل کاا آر پی او سرگودھاکا نوٹس، ڈی پی او سے رپورٹ طلب کرلی اوروقوعہ کی مکمل انکوائری کا حکم جاری کردیا