Category: جرائم و حادثات

اوچ شریف،باغی ٹی وی(نامہ نگارحبیب خان) ون ویلر کی ٹکر سے موٹرسائیکل سوارجاں بحق
تفصیل کے مطابق ریسکیو سٹاف کے مطابق اوچ شریف روڈ پر ون ویلنگ کے دوران موٹر سائیکل سوار نے سامنے سے آتے ہوئے دوسرے موٹر سائیکل کو ہٹ کیا ون ویلنگ والے لڑکے کو ہیڈ انجری ہوئی اور سامنے والا موٹرسائیکل سوار جان بحق ہو گیا ،

جاں بحق والے شخص کی شناخت کاشف ولدحقنواز بعمر25 سال ہوئی ہے جبکہ ون ویلرجس نے ٹکرماری اس کی شناخت عارف ولدنورمحمدسکنہ چکی موڑ جس کا سر چوٹ لگنے سے زخمی ہے ،جسے ریسکیو 1122 نے علاج کیلئے ہسپتال منتقل کردیا ہے

ڈیرہ اسماعیل خان،باغی ٹی وی (نامہ نگاراحمدنوازمغل)جشن عید میلادالنبی نے پولیس نے سیکورٹی پلان جاری کردیا،ضلع کو 06 سیکٹرز میں تقسیم کیا گیا،02 ایس پیز مرکزی جلوسوں کو سپروائز جبکہ ڈی ایس پی سیکٹر کمانڈر ہیں،شہر بھر میں ناکہ بندیاں اور پولیس موبائلز گشت کرینگے،تمام جلوسوں کی ڈی پی او ڈیرہ خود نگرانی کررہے ہیں

ڈی پی او ڈیرہ اسماعیل خان کا کہنا ہے کہ ضلع بھر میں 47 جلوسوں کی سیکورٹی کیلئے 1300 اہلکار وافسران تعینات ہیں، شہر کے مختلف مقامات پر ناکہ بندیاں اور پولیس موبائلزکا شاہراہوں پر گشت جاری ہے،تمام جلوسوں کے روٹس کی BDU کی ٹیمیں سوئیپنگ کررہی ہیں

اوچ شریف باغی ٹی وی (نامہ نگار حبیب خان) ریسکیو 1122 اوچ شریف سنٹر کی زیر تعمیر عمارت کا کام سست روی کا شکار ، کروڑوں روپے مالیت سے نئی بننے والی اوچ شریف ریسکیو سنٹر کی عمارت کھنڈرات میں تبدیل ہونے لگی ، آورہ جانوروں نے ٹھکانے لگا لئے ۔

تفصیلات کے مطابق اوچ شریف میں ریسکیو 1122 سنٹر کی عمارت کی تعمیر کا کام سست روی کا شکار ہے جو کہ گزشتہ سال سے ٹھیکیدار اور محکمہ بلڈنگ کی مبینہ نااہلی کے باعث ریسکیو سنٹر کا کام بند ہوا پڑا ہے کروڑوں روپے مالیت سے بننے والی ریسکیو 1122کی عمارت اس وقت کھنڈرات میں تبدیل ہونے لگی ہے

ریسکیو کی عمارت کا کام شروع نہ ہونے سے اہل علاقے میں مایوسی بڑھنے لگی ہے جبکہ عمارت مکمل نہ ہونے کے باعث آوارہ جانوروں نے اسے اپنا مسکن بنا لیا ہے جس کے حوالے سے شہریوں محمد افضل ,محمد یعقوب, حفیظ اللہ خان, عبد الوہاب, فاروق احمد, مختار احمد, سیکندر عباس ,مسرت عباس ,ذیشان علی, حیدر علی محمد سلیم ,اللہ نواز ,زبیر احمد, منظور حسین, ثقلین عباس ,ناصر عباس ,جعفر عباس, آصف علی, محمد ایوب و دیگر نے بتایا کہ شہر میں آئے روز حادثات رونما ہوتے ہیں ریسکیو کی بلڈنگ مکمل نہ ہونے کی وجہ سے مزید عملہ تعینات نہیں کیا جا رہا ریسکیو کی سہولت نہ ہونے کے باعث کئی شہری ہسپتال پہنچنے سے پہلے زندگی کی بازی ہار جاتے ہیں

شہریوں نے کہا کہ اگر اوچ شریف شہر میں ریسکیو سنٹر کی زیر تعمیر عمارت جلد از جلد مکمل ہو جائے اور فنکشنل کردی جائے تو کافی حد تک حادثات میں زخمی مریضوں کو بروقت طبی امداد فراہم کی جاسکتی ہے اور بروقت ہسپتال منتقل کرنے سے کئی مریضوں کی زندگیاں بچ جائیں گی

شہریوں نے ڈپٹی کمشنر بہاولپور سے مطالبہ کیا کہ غفلت برتنے پر محکمہ بلڈنگ بہاولپور کے افسران اور ٹھیکیدار کے خلاف سخت کارروائی عمل میں لائی جائے اور ریسکیو کی عمارت کو جلد از جلد مکمل کرتے ہوئے اسے فعال کیا جائے

سیالکوٹ،باغی ٹی وی (سٹی رپورٹرشاہدریاض) بیوٹی سیلونوں پر مساج کی آڑ میں فحاشی کا دھندہ عروج پر تھانہ صدر اورتھانہ موترہ پولیس کی کاروائی متعدد لڑکیاں اور مرد گرفتار مقدمات درج
تفصیل کے مطابق تھانہ صدر کے سب انسپکٹر مرزا ادریس نے اپنی ٹیم کے ہمراہ ہیئر سلون مساج سنٹرپکی کوٹلی میں چھاپہ مار کر فحش حرکات کرتے ھوئے 8خواتین اور2مردوں کو گرفتار کر لیا۔

تھانہ موترہ کے SHO افضال احمد نے بھی اپنی ٹیم کے ھمراہ سلون مساج سینٹر پر فحاشی کرتے ھوئے 4 مرد 8خواتین کو گرفتار کرلیے۔شہریوں کا کہنا ہے کہ ڈی پی او سیالکوٹ تمام تھانوں کے SHOکو ہدائت دیں کہ اپنے اپنے علاقہ سے سلون پر فحاشی کے اڈے چلانے والوں کے خلاف فوری کارروائی کریں۔

سیالکوٹ, باغی ٹی وی (سٹی رپورٹر شاہد ریاض)ایف آئی اے کمپوزیٹ سرکل گوجرانوالہ کی کاروائیاں،2 ملزمان گرفتار
ڈائریکٹر گوجرانوالہ زون کی ہدایت پر پاسپورٹ مافیا کی گرفتاری کے لئے کریک ڈاون جاری۔ڈپٹی ڈائریکٹر گوجرانوالہ سرکل عمران رانجھا کی زیر نگرانی چھاپہ مار ٹیم نے 2 ملزمان کو گرفتار کر لیا۔

گرفتار ملزمان میں محمد عاشق اور محمد احمد شامل۔ملزمان کو ریجنل پاسپورٹ آفس سیالکوٹ کے باہر سے گرفتار کیا گیا۔گرفتار ملزمان ٹوکن کے فوری اجراء، فیس جمع کروانے اور پاسپورٹ کے جلد اجراء کے نام پر عام لوگوں سے رقم بٹورنے میں ملوث تھے۔

ایف آئی اے ترجمان کا کہنا ہے کہ ملزمان کے قبضے سے متعدد پاسپورٹس برآمد کر لئے گئے۔ملزمان کو گرفتار کر کے تفتیش کا آغاز کر دیا گیا۔

گو جرہ،باغی ٹی وی(عبدالرحمان جٹ کی رپورٹ) گوجرہ میں مبینہ طور پر مردارکاگوشت فروخت کرنے والے قصابوں کی شامت آگئی اسسٹنٹ کمشنر گوجرہ نعمان ڈوگرمردہ جانوروں کا گوشت کرنے والے قصابوں کے خلاف متحرک ہوگئے انہوں نے ویٹرنری اینڈ محکمہ فوڈ کی ٹیم کے ہمراہ محلہ نیو پلاٹ گلی نمبر 12 میں اپنے گھرمیں خودساختہ غیر قانونی سلاٹر ہاؤس بناکرعرصہ دراز سے میںنہ طورپرمردہ جانوروں کوذبح کر نے والے قصاب محمد یوسف والد بدر دین کورنگ ہاتھوں پکڑلیا

جب کہ فقیر محمد و ال محمد بوٹا موقع سے بھاگ جانے میں کامیاب ہو گیا جنہوں نے اپنے گھر میں کافی عرصہ سے مبینہ طورپر اپنے گھر میں سلاٹرھاوس قائم کر کے مکروھ دھندہ شروع کر رکھا تھا جس کے بارے میں میڈیا میں کئی دفعہ خبریں بھی شائع ہو چکی ہیں اسی بنا پر اسسٹنٹ کمشنر گوجرہ نعمان احمد ڈوگر نے کارروائی کرتے ہوئے ٹیم کے ہمراہ چھاپہ مار کر ملزم کو قابو کر لیا اورذبح کیاگیا کافی مقدار میں جانورکابدبودار برف سے فریز کیا ہواگوشت برآمد کرکے اپنی تحویل میں لے کر کاروائی کا اغاز کر دیا

اہل علاقہ نے اسسٹنٹ کمشنر گوجرہ کی اس کاروائی پر ان کو خراج تحسین پیش کیا اور کہا کہ ہم امید کرتے ہیں کہ اسسٹنٹ کمشنر گوجرہ شہرکے مختلف علاقوں میں قصابوں کے دیگرسلاٹرھاوس پربھی چھاپوں کا سلسلہ جاری رکھیں گے اور ایسے مکروہ دھندہ میں ملوث قصابوں کا قلع قمہ کریں گے