Category: جرائم و حادثات

چونیاں،باغی ٹی وی (نامہ نگارمیاں عددیل اشرف) مرکزی مسلم لیگ نے سیلاب زدگان کے لئے امدادی کیمپ لگا دیئے
کھانا، ادویات، خشک راشن اور جانوروں کے لئے چارہ بھی فراہم کیا جا رہا ہے مرکزی رہنماء حافظ سیف اللہ خالد کا صحافیوں کے ہمراہ امدادی کیمپوں کا دورہ

دریائے ستلج میں سیلاب کی تباہ کاریوں کی وجہ سے ضلع قصور کے ہزاروں افراد بے گھر ہو چکے ہیں اربوں روپے کی فصلیں تباہ ہو چکی ہیں مرکزی مسلم لیگ طرف سے ضلع قصور کی حدود میں چار امدادی کیمپ قائم کر دیئے گئے ہیں گزشتہ روز مرکزی رہنماء حافظ سیف اللہ قصوری نے سینئر صحافیوں،صابر چوہدری،مہر محمد اسماعیل جاوید، اعظم چوہدری، عبدالغفور اور حافظ وحید اشرف کے ہمراہ امدادی کیمپوں کا دورہ کیا اور سیلاب کی تباہ کاریوں کا معائنہ کیا امدادی کیمپوں میں سیلاب زدگان کے لئے روزانہ کی بنیاد پر ہزاروں لوگوں کے لئے کھانا، ادویات اور خشک راشن تقسیم کیا جا رہا ہے جانوروں کے لئے چارہ بھی مہیاء کیا جا رہا ہے

حافظ سیف اللہ قصوری نے اس موقع پر صحافیوں کو بتایا کہ پاکستان مرکزی مسلم لیگ کے تربیت یافتہ کارکن اپنی ذاتی کشتیوں کے ذریعے ہزاروں افراد کو ریسکیو کر چکے ہیں اور سیلاب میں گھرے ہوئے اپنے بھائیوں کی ہر ممکن مدد کی جا رہی ہے انہوں نے مزید بتایا کہ ضلعی انتظامیہ خاطر خواہ انتظامات نہ کر رہی ہے، سرکاری وسائل کا غلط استعمال کیا جا رہا ہے بیوروکریسی خوف خدا کرتے ہوئے بوگس کاروائیاں کرنے اور جعلی بل منظور کروانے کی بجائے ایمانداری سے حقداروں پر ان کا حق پہنچانے کی کوشش کرے

اس موقع پر مرکزی مسلم لیگ پاکستان کے دیگر راہنما اور کارکنان بھی موجود تھے

چونیاں،باغی ٹی وی (نامہ میاں عدیل اشرف) شہری بجلی کے بھاری بلوں کے خلاف گھروں سے باہر نکل آئے،ایک تو مہنگی بجلی اوپر سے اووربلنگ شہری بلبلا اٹھے واپڈا بل اب صرف بل نہیں رہا بلکہ باقاعدہ ڈکیتی بن چکا ہے ،بجلی کے بلوں کے ذریعے حکومتی لوٹ کھسوٹ منظور نہیں مراعات یافتہ طبقے کی خاطر غریبوں، مزدوروں، دیہاڑی داروں اور سفید پوشوں کا معاشی استحصال بند ہونا چاہئے

بجلی 5 روپے 40 پیسے فی یونٹ مزید مہنگی کر کے عوام کے اوپر مزید مہنگائی کا بم گرا دیا جس کے خلاف چونیاں مستووال کے شہریوں نے ‏پرامن احتجاجی ریلی جامعہ مسجد سے لے کر کیپٹن صہیب اشرف شہید چوک تک نکالی ،شہریوں نے حکومت کے خلاف شدید نعرے بازی کی اور بلوں میں اوور چارجز فوری واپس لینے کا مطالبہ کیا

چونیاں کے شہری اور کسان مہنگائی اور بجلی کی بڑھتی ہوئی قیمتوں کے خلاف سراپا احتجاج ،شہریوں نے پرامن احتجاجی ریلی نکالی جس میں صحافی تاجر برادری اور کسانوں نے بھرپور شرکت کی ریلی جامعہ مسجد مستووال سے ہوتی ہوئی کیپٹن صہیب اشرف شہید چوک پہنچی، مقررین نے شرکاء سے خطاب کرتے ہوئے کہا کہ آئے روز بجلی کی بڑھتی ہوئی قیمتیں عام آدمی کے لئے ناقابل برداشت ہوتی جا رہی ہے ،

معاشی بدحالی کے اس دور میں دو وقت کی روٹی کمانا مشکل ہو چکا ، کمائی نصف اور مہنگائی ڈبل ہو چکی جس سے مزدور کسان تاجر اور سول سوسائٹی پر زندگی کا دائرہ تنگ ہوتا جا رہا ہے ،نگران حکومت اپنے فیصلوں پر نظر ثانی کرے اور عوام کو ریلیف دیا جائے،احتجاجی ریلی میں شہریوں نے حکومت وقت کو آڑے ہاتھوں لیا اور کہا کہ ظالم حکومت نے عوام کا جینا محال کر دیا ہے

شہریوں نے چیف جسٹس آف پاکستان سے مطالبہ کیا ہے کہ ائے روز بجلی کی بڑھتی ہوئی قیمتوں کا نوٹس لیا جائے تاکہ عام آدمی کی زندگی اسان طریقے سے گزر سکے۔

چترال،باغی ٹی وی (نامہ نگارگل )حماد فاروقی دروش میں دوبارہ 2 دن بعد پشاور چترال شاہراہ احتجاجاََ بند
چترال کے علاقے دروش میں عوام نے ایک ہفتے می دوسری مرتبہ پشاور چترال شاہراہ کو احتجاج کے طور پر ہر قسم کے ٹریفک کیلئے بند کیا تھا جس کی وجہ سے سینکڑوں مسافروں کو مشکلات کا سامنا ہوا۔

مظاہرین نے کلدام گول کے مقام پر سڑک پر دھرنا دیکر اسے سات گھنٹوں تک ہر قسم ٹریفک کیلئے بند کرتے ہوئے مطالبہ کیا کہ شاہ نگار میں بدھ کے روز جو دو افراد کو بے دردی سے قتل کئے گئے تھے ان کے قاتل کو فوری گرفتار کیا جائے

بدھ کے روز دروش کے علاقے شاہ نگار سے تعلق رکھنے والے دو افراد اشرف علی اور احسان الدین کو اس وقت بے دردی سے قتل کیا گیا جب وہ شاہ نگار کے جنگل سے جلانے کی لکڑی لارہے تھے۔ علاقے کے لوگوں نے اس وقت ان کی لاشیں دروش چوک میں سڑک پر رکھ کر پشاور چترال شاہ راہ کو ہر قسم کی ٹریفک کیلئے بند کیا تھا۔ بعد میں سب ڈویژنل پولیس آفیسر دروش اقبال کریم نے یقین دیہانی کرائی تھی کہ ملزمان کو 48 گھنٹوں کے اندر اندر گرفتار کرلیں گے جس پر مظاہرین نے راستہ کھولا تھا۔ مقررہ وقت ختم ہونے کے باوجود جب ملزمان گرفتار نہیں ہوئے تو ویلیج کونسل شاہ نگار کے چیرمین وقار احمد کے کال پر اٹھارہ مساجد کے لوگ ایک بار پھر کلدام گول چوک میں جمع ہوئے۔

مظاہرین کا کہنا ہے کہ پولیس ملزمان کو گرفتار کرنے میں بری طرح ناکام ہوئی ہے اسلئے وہ دوبارہ احتجاج کرنے پر مجبور ہوئے۔ اس موقع پر ایک احتجاجی جلسہ بھی ہوا جس سے تمام سیاسی اور مذہبی جماعتوں کے رہنماوں نے اظہار خیال کیا۔ مقررین نے کہا کہ حالیہ واقعہ چترال کی پرامن ماحول کو جان بوجھ کر خراب کرنے کی ایک سازش لگ رہی ہے اور پولیس ملزمان کے ساتھ ملی ہوئی ہے یہی وجہ ہے کہ تین دن گزر گئے مگر ملزمان ابھی تک گرفتار نہیں ہوسکے۔

اس موقع پر مظاہرین نے پولیس اور ضلعی انتظآمیہ کے خلاف نعرہ بازی بھی کی۔بعد میں ضلعی انتظامیہ نے مظاہرین کے ساتھ مذاکرات کرتے ہوئے یقین دہانی کرائی کہ ملزمان کو دو دن کے اندر گرفتار کرکے ان کے گھروں کو بھی مسمار کیا جائے گا جس پر مظاہرین نے دھرنا ختم کرتے ہوئے سڑک کو ٹریفک کیلئے کھول دیا۔

۔سیالکوٹ ، باغی ٹی وی ( سٹی رپورٹر شاہد ریاض کی رپورٹ) پولیس کا منشیات فروشوں کے خلاف بڑے پیمانے پر کریک ڈاؤن.ضلع بھر میں منشیات فروشوں کے خلاف تابڑ توڑ کاروائیاں شروع کر دی گئی ہیں . گزشتہ 24 گھنٹوں کے دوران منشیات فروشوں کی سرکوبی کیلیے 76 مقامات پر چھاپے مارے گئے .

کریک ڈاؤن کے دوران 41 بدنام زمانہ منشیات فروش گرفتار.گرفتار منشیات فروشوں کے قبضہ سے 65 کلوگرام منشیات اور 37 لٹر شراب برآمد کی گئی ہے.منشیات فروشوں کے خلاف 41 مقدمات درج کیے گئے.عادی نشئیوں کی کمین گاہوں پر بھی چھاپے مارے گئے 57 نشئی مختلف ہسپتالوں میں منتقل کر دیے گئے ہیں.

پولیس ضلع کو منشیات کی لعنت سے پاک کرنے کے لیے پر عزم ہے. ضلع کو منشیات سے مکمل پاک کرنے کے لئے شہریوں کا تعاون اہم ہے.شہری منشیات فروشوں سے متعلق پولیس کو مطلع کریں نام پوشیدہ رکھا جائے گا. آئی جی پنجاب ڈاکٹر عثمان انور کی ہدایت پر صوبہ بھر میں منشیات فروشوں کے خلاف کریک ڈاؤن کیا جارہا ہے،ڈ پی او کہنا ہے کہ. ضلع سے منشیات کے مکمل خاتمہ تک کریک ڈاؤن جاری رہے گا.