Category: جرائم و حادثات

ڈیرہ اسماعیل خان،باغی ٹی وی (نامہ نگاراحمدنوازمغل)چوری کے الزام میں معصوم بچے پر تشدد، ملزمان گرفتار نہ ہو سکے،معصوم بچے کو شدید تشدد کا نشانہ بنایا جاتا رہا اور ساتھ میں ویڈیو بھی بنائی گئی ویڈیو سوشل میڈیا پر وائرل۔

ڈیرہ اسماعیل خان۔چوری کے الزام میں معصوم بچے پر تشدد، ملزمان گرفتار نہ ہو سکے۔پچے پر محسن نامی شخص کو تشدد کرتے ہوئے دیکھا جاسکتا ہے ،جس جگہ تشدد کیا جا رہا ہے وہ سلیم گلو نامی شخص کی ملکیت ہے ۔ پولیس ذرائع کاکہنا ہے کہ بچہ اور اس کے گھر والے گھر سے غائب ہیں
بچے کو تاحال تلاش نہیں کیا جا سکا

سوشل میڈیا پر بچے کو تشدد کا نشانہ بنانے کی وڈیو وائرل ہوئی ہے ،وڈیو کلپ میں بچے کا سر چارپائی میں جکڑ کر چپلوں سے پیٹا جارہا ہے۔
تشدد کرنے والا شخص بچے سے زبردستی چوری کا اعتراف کروانے کی کوشش کر رہا ہے۔ بچے سے آشیانہ سینٹر میں چوری کرنے کا الزام لگایا جارہا ہے۔تقریبا 6 سے 7 سال عمر کا بچہ قسمیں کھا کر چوری سے انکار کرتا نظر آرہا ہے۔

ڈیرہ اسماعیل خان شہر میں آئے روز معصوم بچوں پر تشدد تو کبھی پولیس کی غیر قانونی حراست کے الزامات اعلیٰ حکام کا آئی جی خیبر پختون خواہ سے نوٹس لینے کا مطالبہ گزشتہ روز ایک باپ اپنے بیٹے کی رہائی کے لیے آئی جی خیبر پختون خواہ سے انصاف کی اپیل کرتا نظر آیا تو اج دو ظالموں نے معصوم بچے کو تشدد کا نشانہ بنایا اور الزام عائد کیا کہ یہ بچہ چوریاں کرتا ہے اور ساتھ میں بچے پر تشدد کی ویڈیو بھی بناتے رہے

عوام دوست پولیس کا نعرہ لگانے والی ڈیرہ اسماعیل خان پولیس ان جرائم کو قابو کرنے اور اپنا قبلہ درست کرنے میں مکمل طور پر ناکام ہو چکی ہے شہریوں کا کہنا ہے کہ آئے روز اس قسم کی ویڈیوز سامنے آتی ہیں یادر ہے یہ کہ معصوم بچوں پر تشدد کیا جاتا ہے مگر پولیس قانونی کارروائی میں خامیاں چھوڑ کر ملزمان کو رہائی میں بڑا فائدہ پہنچ جاتا ہے

شہریوں کا کہنا ہے کہ انسانی حقوق کی تنظیمیں اس واقعے کا نوٹس لیں اور فوری طور پر ملزمان کی گرفتاری کو یقینی بنایا جائے کس معصوم بچے کی چیخ و پکار اور فریاد پر ان ظالم درندہ صفت انسانوں کو رحم تو نہ ایا مگر بچے پر تشدد کی ویڈیو بھی بناتے رہے۔

چترال،باغی ٹی وی (نامہ نگارگل حماد فاروقی )خاوند کی موت کا سن کر خاتون نے دریامیں چھلانگ لگاکر زندگی کاخاتمہ کرلیا
چترال کے علاقے کوغذی میں برکت اللہ نامی ایک شحص دل کا مریض تھا۔اور کافی عرصے سے زیر علاج تھا ۔ آج برکت اللہ اپنے کھیت میں معمول کے مطابق کام کررہا تھا کہ اچانک اسے دل کا دورہ پڑ گیا اور موقع ہی پر جاں بحق ہوا۔ جب اس کی بیوی کو اس کی موت کا خبر ملی تو وہ یہ صدمہ برداشت نہ کرسکی اور اس نے جاکر دریائے چترال میں چھلانگ لگاکر زندگی کا حاتمہ کرلی۔

ریسکیو ٹیم کو جب اطلاع ملی تو انہوں نے خاتون کی تلاش شروع کی۔ اور ریسکیو کے غوطہ خور ٹیم نے جگہ جگہ دریا میں اسے ڈھونڈا ۔ تاہم خاتون کی لاش چترال ٹاون کے علاقے جوٹی لشٹ کے قریب ہی دریا سے برآمد کرکے ڈسٹرکٹ ہیڈ کوارٹرز ہسپتال چترال پوسٹ مارٹم کیلئے لے جایا گیا۔

آزاد ذرائع کے مطابق برکت اللہ کی بیوی کو مرگی کا مرض لاحق تھا، خاتون کی لاش کو ضروری کاروائی کے بعد ورثاء کے حوالہ کردیا گیا۔ خاندانی ذرائع کے مطابق نماز عصر کے بعد میاں بیوی دونوں کا نماز جنازہ کوغذی گاؤں میں ادا کیاگیا

برکت اللہ کے دو بیٹے اور چار بیٹیاں ہیں جبکہ تین بیٹیوں کی شادی بھِی ہوچکی ہیں۔ اس کا ایک بیٹا چترال سکاوٹس میں ملازم ہے جبکہ ایک بیٹا سعودی عرب میں محنت مزدوری کررہا ہے۔ ایک ہی گھر سے بیک وقت دو جنازوں کی نکلنے پر علاقے کی فضاء نہایت سوگوار ہے اور لوگ ان کی المناک موت پر افسردہ ہیں۔

میرپورخاص،باغی ٹی وی (نامہ نگار سید شاہزیب شاہ کی رپورٹ )ایس ایس پی میرپورخاص کیپٹن (ر) اسد علی چودھری کے احکامات کی روشنی میں محمودآباد تھانہ کی حدود میں جرائم پیشہ عناصر کے خلاف کاروائیوں کا سلسلہ جاری ،
ایس ایچ اوتھانہ محمودآباد کامران ہالیپوٹو کی متعلقہ تھانے کی حدود علی ٹالپر ٹاؤن خفیہ اطلاع پر جرائم پیشہ عناصر کے خلاف کامیاب کارروائی، ملزم وزیر ولد لیموں ماچھی گرفتار، ملزم کے قبضے سے 9mm پسٹل اور 4 عدد زندہ راؤند برآمد.

ملزم کے خلاف مقدمہ نمبر 68/2023 زیر دفعہ 23ia سندھ آرمز ایکٹ، محمودآباد تھانے میں درج، ملزم سے مزید تفتیش جاری

میرپورخاص،باغی ٹی وی (نامہ نگار سید شاہزیب شاہ کی رپورٹ ) فرار ملزم کے اہل خانہ کا میرپورخاص پولیس نے جینا دوبھر کردیا ، چادر چار دیواری کا تقدس پامال کرتے ہوۓ خواتین پر پولیس کا تشدد ، ہمارا بیٹے سے اب ہمارا کوئی تعلق نہیں،مگر پھر بھی پولیس ہمیں بلا وجہ ذہنی اذیت دے رہی ہے ہمیں اس اذیت سے چھٹکارا دلایا جائے، ڈی آئی جی میرپورخاص، ایس ایس پی سے متاثرہ خاندان کی میں پریس کانفرنس کرتے ہوۓ اپیل ۔

تفصیلات کے مطابق میرپورخاص محمود آباد انڑ چوک کے رہائشی زوہیب انڑ اپنی دل کے مریض والدہ کے ہمراہ پریس کانفرنس کرتے ہوۓ کہا کہ میرے بیٹے ملزم جاوید انڑ سے اب ہمارا تعلق نہیں ہے مگر پولیس نے چادر اور چار دیواری کا تقدس پامال کرتے ہوۓ میری بیٹیوں پر تشدد کیا، پولیس کی جانب سے ہمیں دھمکیاں دی گئیں کہ ہم جاوید کو پیش کریں ،ہمیں بالکل نہیں معلوم کے جاوید انڑ کہا ہے اور نہ ہی اب ہمارا اس سے تعلق ہے ،

زوہیب انڑ اور ان کی والدہ نے پریس کانفرنس کرتے ہوئے مزید کہا کہ کچھ دن قبل ایس ایچ او وومین مومل لغاری نے میری بیمار والدہ کے ساتھ بدتمیزی کی دھکے دیئے اور گالم گلوچ کی ،کونسا قانون اجازت دیتا ہے کہ کسی بیمار خاتون کے ساتھ اس طریقے سے پیش آیا جاۓ ،بیمار خاتون کا مزید کہنا تھا کہ میرے بیٹے سے میرا کوئی تعلق نہیں،

اس کی اولاد سے میرا تعلق کوئی ختم نہیں کرسکتا میرے پوتا پوتی 13 سالہ علیشا ، 10 سالہ عریشا ، 10 سالہ عبدالرحمان کو میرے بیٹے جاوید انڑ کی سالی ناہید پروین زبردستی گھر سے لے گئی اور ہمیں بچوں سے ملنے نہیں دیتی انھوں نے میرے پوتا پوتی کو اپنے گھر میں تالے میں قید کیا ہوا ہے ان کی تعلیم تباہ ہورہی ہے انہیں پڑھائی نہیں کرنے دی جارہی اگر ہم ان سے ملنے جاتے ہیں تو ہمیں پولیس کے نام کی دھمکی دی جاتی ہے،

میری ڈی آئی جی میرپورخاص ، ایس ایس پی میرپورخاص سے گذارش ہے کہ ہمیں اس ذہنی تکلیف سے نجات دلائی جاۓ اور پولیس کی جانب سے ہمیں ہراساں کرنے کا نوٹس لیا جاۓ اور میرے پوتا پوتیوں کو ناہید پروین نامی خاتون سے آزاد کروا کر ہمارے حوالے کیا جاۓ تاکہ ہم انکا بہتر خیال رکھ سکیں

میہڑ،باغی ٹی وی (نامہ نگارمنظورعلی جوئیہ)یوسی منگوانی کے سیلاب متاثرین کا انڈس ہائی وے پر دھرنا،انڈس ہائی وے مکمل بند
یونین کونسل منگوانی کے سیلاب متاثرین بے یارومددگار ہوکر انڈس ہائی وے پر نکل آئے ،سیلاب متاثرین نے رکاوٹیں ڈال کر انڈس ہائی وے کو مکمل بلاک کر دیا اور ڈی سی دادو اور مختیارکار میہڑ کے خلاف سخت نعرے بازی کی،

متاثرین نے میڈیا سے بات کرتے ہوئے کہاکہ دیگر سیلاب متاثر یونین کونسل کوراشن اور دیگر سہولیات فراہم کی جارہی ہیں مگر ہماری یونین کونسل کو سیاسی بنیادوں کی وجہ سے نظر انداز کیا جارہاہے ،ایک تو سیلاب نے مکمل تباہ کردیا ہے دوسری طرف حکومت راشن نا دیکر کر بھوک اور بدحالی سےمارنا چاہ رہے

متاثرین نے اعلیٰ حکام سے مطالبہ کیا کہ یونین کونسل منگوانی کے سیلاب متاثرین کو بھوک اور بدحالی سے بچایا جائے.

تنگوانی باغی ٹی وی (نامہ نگار منصور بلوچ )دن دیہاڑے ڈکیتی کی 2 وارداتیں،ڈاکوؤں کا مزاحمت پرتشدد،موبائل فون،نقدی ،موٹرسائیکل چھین کرفرار
پہلی واردات تنگوانی کے قریب انڑ اسٹاپ پپ ڈاکوؤں نے جمال تھانے کی حدود میں ذوالفقار بھلکانی سے ڈاکوؤں نےموٹرسائیکل چھینے لگے تواس نےمزاحمت کی تو اسے گولی مارکر تشدد کرکے موبائل فون ،نقدی اور دیگر سامان،موٹرسائیکل سمیت چھین کر فرار ہوگئے

دوسری واردات جمال تھانے ہی کی حدود میں نامعلوم مسلح افراد نے اسلحہ کے زور پر ویکسینیٹر خدابخش نندوانی سے سرکاری موٹرسائیکل اور موبائل روک رقم چھین کر فرار ہوگئے،ویکسی نیشن کے دوران ویکسینیٹر سے ہونے والی ڈکیتی پرایس وی سلطان احمد کوسو کا ایس ایس پی کشمور سے مطالبہ ہے کہ جلد از جلد موٹرسائیکل ریکور کرائی جائے ،اگر موٹرسائیکل اور دیگر سامان ریکور نہ ہوا تو ہمیں بچوں کو پولیو ویکسین پلانے میں بڑی مشکلات کا سامناہوگا اور ملازمین ویکسینیٹروں سے روز اس طرح کے واقعات پیش آتے رہیں گے تو کیسے فیلڈ میں جائینگے.

گوجرہ ،باغی ٹی وی( نامہ نگار عبدالرحمن جٹ کی رپورٹ)گوجرہ میں بجلی کے بلوں میں بے تحاشااضافہ کے خلاف شہری سراپا احتجاج بن گئے سمندری روڈ بائی پاس پر محلہ اسلام پورہ کےلوگوں نے ٹائر جلا کر روڈ کو بلاک کر دیا۔

مظاہرین نے حکومت اور واپڈا کےخلاف شدید نعرہ بازی کی، شہریوں کے مطابق ان کے گھروں کو واپڈاکی جانب سے اضافہ کے ساتھ بھجوائے گئے بل عوام کے ساتھ ظلم اور زیادتی ہے جو جمع کرانے کی ان میں سکت نہیں ہے

ایک بزرگ شہری کاکہنا تھا کہ گذشتہ ماہ 45 ہزار روپے بل جمع کرایا اس مہینے کا پھر 37 ہزار روپے بل آگیا ہے ،گھر میں صرف ایک پنکھا اوربلب جلتا ہے ،اس بزرگ نے سوال کیا اگرایک بلب اور پبکھے کابل 37یا 45 ہزارہوسکتا ہے جومفت کی بجلی چلارہے ہیں ان کے تو پھر لاکھوں روپے بل بنتا ہوگا،انہیں کس کھاتے اور قانون کے تحت مفت بجلی دی جارہی ہے.

شہریوں نے حکومت سے مطالبہ کیاہے کہ ان کے ساتھ ناانصافی بند کی جائے ورنہ وہ سڑکوں پر نکلنے پرمجبور ہونگے عوام پر رحم کھایا جائے اور اضافی ٹیکسزختم کئے جائیں-