Category: جرائم و حادثات

اوچ شریف باغی ٹی وی (نامہ نگار حبیب خان) اوچ شریف کے نواحی علاقے موضع ککس میں 30 سالہ ذہنی معذور خاتون کو مبینہ زبردستی زیادتی کا نشانہ بنا دیا گیا، ملزم گرفتار، مقدمہ درج

تفصیلات کے مطابق اوچ شریف کے نواحی علاقے موضع ککس میں 30 سالہ ذہنی معذور شہناز بی بی کے ساتھ زنا بالجبر کا واقع پیش آیا جو کہ ذہنی طور پر معذور ہے ،ایف آئی آر کے مطابق ذہنی معذور 30 سالہ خاتون کے بھانجےمحمدصابرولدعبدالمجید نے تھانہ اوچ شریف میں درخواست دائر کرتے ہوئے کہا کہ گزشتہ روز بوقت 6/30بجے شام میں اپنی ممانی فیض مائی کو ملنے اس کے گھر گیا میری ممانی گھرپر موجود نہ تھی ،

میری خالہ شہناز مائی بعمری 30 سالہ جس کا ذہنی توازن درست نہ ہے عارف عرف عامر ولد عبد الحمید اسکے ساتھ مبینہ طور پر زبردستی زنا حرام کر رہا تھا اور وہ چیخ پکار کر رہی تھی جو ہمیں آتا دیکھ کر موقع سے بھاگ گیا ، جس کی رپورٹ تھانہ میں ارسال کی تو مقامی پولیس نے کارروائی کرتے ہوئے ملزم محمد عارف عرف عامر کو گرفتار کر کے حوالات میں بند کر دیا اور اس پر ایف آئی آر درج کر دی،

ڈیرہ غازیخان (باغی ٹی وی)غازی یونیورسٹی کے وائس چانسلرکی بدانتظامی اورنارواسلوک پر 19ہیڈآف ڈیپارٹمنٹ اپنے عہدوں سے مستعفی
غازی یونیورسٹی ڈیرہ غازی خان کی موجودہ صورتحال کے تناظر میں ایکٹنگ وائس چانسلر پروفیسر ڈاکٹر محمد کامران کی طرف سے جس طرح غیر قانونی اقدامات و انتقامی کاروائیاں کی جارہی ہیں اور اساتذہ کو جس طرح ہر اساں کیا جارہا ہے، اور جس طرح یونیورسٹی کا ماحول خراب کیا جارہا ہے، اس کے پیش نظر ہم جملہ چیئر مین ، ڈائریکٹر زو پر نسپل آفیسران انتظامیہ کے ہر غلط فیصلے سے بری الذمہ رہتے ہوئے اپنی اضافی ذمہ داریوں سے احتجاجا مستعفی ہونے کا اعلان کردیا ہے،مستعفی ہونے والوں میں
یہ بھی پڑھیں
غازی یونیورسٹی جنسی سیکنڈل، پولیس نے آئی جی پنجاب کے حکم پر ڈھائی ماہ بعد مقدمہ درج کرلیا
1۔ پروفیسر ڈاکٹر ارشد منیر (چیئر پرسن شعبہ اسلامی علوم) 2۔ پروفیسر ڈاکٹر سعد اللہ خان لغاری(چیئر پرسن شعبہ نباتیات)3۔ ڈاکٹر خضر سمیع اللہ(چیئر پرسن شعبہ حیوانیات)4 ۔ڈاکٹر صفدر بشیر(چیئر پرسن شعبہ سوائل اور انوائرمینٹل سائنس)5۔ ڈاکٹر محمد راشد(چیئر پرسن شعبہ فزکس)6۔ ڈاکٹر جاوید اقبال(چیئر پرسن شعبہ اگر ونومی)7۔ ڈاکٹر ضیا اللہ(چیئر پرسن شعبہ بزنس ایڈمنسٹریشن) 8۔ ڈاکٹر محمد آصف(چیئر پرسن شعبہ انگریزی )9۔ پروفیسر ڈاکٹر سعد اللہ خان لغاری(ڈائریکٹر اکیڈمکن)10۔ ڈاکٹر خضر سمیع اللہ(ڈائریکٹر ایڈ منسٹریشن)11۔ ڈاکٹر صفدر بشیر(ڈائر یکٹر پروجیکٹ)12۔ ڈاکٹر صغیر عطا(ڈائریکٹر اورک)13۔ ڈاکٹر محمد سلیم (ڈائریکٹر اسٹوڈنٹ)14۔ ڈاکٹر فیصل حسین(ڈائر یکٹر کیوای سی)15۔ ڈاکٹر جاوید اقبال(ڈائر یکٹر ایکسٹرنل لنکیج)16۔ ڈاکٹر ثاقب بشیر(پی اے ٹو وائس چانسلر)17۔ ڈاکٹر محمد امجد بشیر(ٹریژرار)18۔ ڈاکٹر محمد ابو بکر صدیق(ڈائریکٹرآئی ٹی)19۔ ڈاکٹر فیصل حسین(کنوینیئرسینٹرل ایکزکیٹوکمیٹی)شامل ہیں

ڈیرہ غازی خان :غازی یونیورسٹی کےوائس چانسلرکی لوزایڈمنسٹریشن ،بدانتظامی پر ڈاکٹر پروفیسر ارشد مینر لغاری ہیڈ آف ڈیپارٹمنٹ اسلامک اسٹڈیز،غازی یونیورسٹی ڈیرہ غازی خان و دیگرشعبہ جات ہیڈز کا مستعفی ہونے کا اعلان@BaaghiTV @MumtaazAwan pic.twitter.com/11or82pazu

— QNN WORLD (@QNN_World) August 9, 2023

کندھ کوٹ ،باغی ٹی وی (نامہ نگارمختیاراعوان )ڈپٹی کمشنر کشمور منور علی مٹھيانی کی ہدایت پر ایڈیشنل کمشنر ون عبدالوہاب ، محکمہ زراعت کے ڈپٹی ڈائریکٹر فتح محمد نے کندھ کوٹ کی زرعی کھاد کی دکانوں کا اچانک دورہ کر کے یوریا اور ڈی اے پی سرکاری نرخوں پر فروخت کرنے کی ہدایت کی۔ اے ڈی سی نے کسانوں کو سرکاری نرخوں پر کھاد فراہم کرنے دکانوں پر پہنچے اور چار تاجروں کو عدم تعمیل اور لائسنس نہ ہونے پر جرمانہ کیا۔

آج ڈپٹی کمشنر کشمور منور علی مٹھیانی کی ہدایات پر ای ڈی سی ون، محکمہ زراعت کے ڈپٹی ڈائریکٹر مختیار کار نے کندھ کوٹ ضلع میں بڑھتی کھاد کی قیمتوں کا جائزہ لینے کے لیے غلہ منڈی کا اچانک دورہ کیا۔ اے ڈی سی نے چار تاجروں مہندرا نیو گلیمر شاپ، وجے کمار گریش ٹریڈر، ونیش کمار لال ٹریڈر اور کیلاش کمار ڈیلر کے پاس لائسنس نہ ہونے پر کارروائی کرنے کی ہدایت کی۔

جس کے بعد ایڈیشنل کمشنر ون عبدالوہاب کی زیر صدارت ڈپٹی کمشنر آفس میں زرعی کھاد کی بڑھتی ہوئی قیمتوں کے حوالے سے اجلاس ہوا جس میں ڈپٹی ڈائریکٹر محکمہ زراعت توسیع ڈاکٹر فتح محمد ، کھاد ڈیلرز اور کسانوں نے شرکت کی

ایڈیشنل ڈپٹی کمشنر نے کھاد کے تاجروں کو تنبیہ کرتے ہوئے کہا کہ وہ اپنے تجدید شدہ لائسنس پہلی فرصت میں تیار کرالیں۔ زائد منافع اور ذخیرہ اندوزی کرنے والے تاجروں کے خلاف قانون کے مطابق کارروائی کی جائے گی۔

کندھ کوٹ ،باغی ٹی وی (نامہ نگار مختیاراعوان )کشمور شہر کے قریب 45 آرڈی کے مقام پر مسلح افراد نے ایک شخص کو قتل کر دیا، مقتول کی لاش گھر پہنچنے پرگھر میں کہرام مچ گیا۔ورثاء کا لاش سندھ پنجاب بارڈر پر رکھ دھرنا جاری

مقتول شاہ نواز شر کے ورثاء کا کہنا تھا کہ ہمارے نوجوان کو پولیس چوکی کے سامنے قتل کیا گیا جہاں پولیس موبائل بھی موجود تھی۔اور پولیس بھی لیکن پولیس نے بچانے کی کوشش نہ کی بلکہ پولیس نے قاتلوں کو پروٹوکول دیکر روڈ کراس کرا دیا، ہمارا بھائی ناجائز قتل کیا گیا ہے ہماری کسی سے کوئی دشمنی نہیں، مقتول کے بھائی نورل. شر کا میڈیا کو. موقف

ورثاء کی جانب سے نعش انڈس ہائے وے ڈیرہ موڑ سندھ پنجاب بارڈر پر رکھ کر روڈ بند کر دیا گیا جب تک ایس ایس پی قاتلوں کی گرفتاری کی تصدیق نہیں کرتے ہم لاش نہیں اٹھائیں گے

ڈیرہ غازی خان(باغی ٹی وی ) اسلامیہ یونیورسٹی بہاولپور اسکینڈل کے بعد پنجاب کے شہر ڈیرہ غازی خان کی غازی یونیورسٹی کی طالبہ نے دو اساتذہ پر جنسی ہراسگی کا الزام عائد کردیا۔
اس اسکینڈل کا پردہ فاش اس وقت ہوا جب ریپ کا شکار طالبہ کا ایک ویڈیو بیان سوشل میڈیا پلیٹ فارمز پر وائرل ہوا۔ طالبہ نے الزام لگایا کہ ڈاکٹر ظفر وزیر نے اسے نشہ آور چیز پلا کر زیادتی کا نشانہ بنایا۔لڑکی کے وائرل ہونے والے بیان کے بعد ڈیرہ غازی خان کے گدائی تھانے میں دو پروفیسرز اور ایک ٹیچر کے خلاف دفعہ 376 کے تحت مقدمہ درج کر لیا گیا ہے۔

غازی یونیورسٹی ڈیرہ غازی خان کی طالبہ ثناارشاد کی وائرل ویڈیو بیان کے معاملہ پر اعلی حکام ڈھائی ماہ بعد متحرک ہو گئے ، آئی جی پنجاب ڈاکٹر عثمان انور نے ڈی پی او ڈیرہ غازی خان کو واقعہ کی تفتیش اپنی نگرانی میں کروانے کا حکم دے دیا، اور ہدایت کی کہ واقعہ کی ہر پہلو سے تفتیش جلد مکمل کرتے ہوئے ذمہ داران کو قانون کے کٹہرے میں لایا جائے،

آئی جی پنجاب نے کہا کہ طالبات کو بلیک میل یا زیادتی کرنے والے ملزمان کسی رعایت کے مستحق نہیں، قانونی تقاضے پورے کرتے ہوئے متاثرہ طالبہ کو فوری انصاف مہیا کیا جائے۔ واضح رہے کہ غازی یونیورسٹی میں جنسی زیادتی کا سکینڈل جسے وائس چانسلر ڈاکٹر کامران اور اس کی ٹیم نے معمولی کارروائی کرنے کے بعد چھپائے رکھا بارے یونیورسٹی کی طالبہ ثنا ارشاد نے پردہ چاک کر دیا

غازی یونیورسٹی جنسی سیکنڈل سے پردہ چاک کر نیوالی طالبہ ثنا ارشاد نے یونیورسٹی پروفیسر ز ڈاکٹر ظفر وزیر اور خالد خٹک پر براہ راست اپنے ساتھ زیادتی کا الزام عائد کرتے ہوئے شوشل میڈیا کے بعد گدائی پولیس کو بھی ہوشربا انکشافات کرتے ہوئے مبینہ الزام عائد کیا کہ ڈاکٹر پروفیسر ظفر وزیر ایچ او ڈی فزکس اور پروفیسر خالد خٹک دونوں پروفیسر نے میرے ساتھ زیادتی کی۔
یہ بھی پڑھیں
اسلامیہ یونیورسٹی ویڈیو اسکینڈل کی تحقیقات کیلئے سپریم کورٹ میں درخواست دائر

اسلامیہ یونیورسٹی بہاولپور،بزدار دورمیں وائس چانسلرکو نکالنے کی سفارش ہوئی تھی

اسلامیہ یونیورسٹی بہاولپور،بزدار دورمیں وائس چانسلرکو نکالنے کی سفارش ہوئی تھی

قصور : گورنمنٹ اسلامیہ کالج قصورکی طالبات غیرمحفوظ،پرنسپل کودی گئی درخواست ردی کی نذر

قصور:باغی ٹی وی کی خبرپرایکشن ،اسلامیہ کالج کی طالبات کو ہراساں کرنے والا شخص گرفتار

ماہ مئی میں میری کلاس فیلو طاہرہ لال نے فون کیا کہ اگر پیپرز میں نمبر بہتر لگوانے ہے تو فلاں جگہ پہنچ جائے۔ میں اس کے کہنے پر جامپور روڈ پہنچی تو طاہرہ لال اور خالد خٹک وہاں موجود تھے اسی اثنا میں پروفیسر ڈاکٹر ظفر وزیر وہاں پہنچ گئے اور انہوں نے دونوں کو بہانے سے باہر بھیج دیا اور مجھے نشہ آور چیز ملکر پلا دی اور بعد ازاں مجھے جنسی زیادتی کا نشانہ بنایا۔ اور دھمکی دی کہ کسی کو بتایا تو سنگین نتائج بھگتنا ہوں گے۔

جس پر میں اپنی بدنامی کے باعث خاموش رہی، مگر اس دوران ظفر وزیر اور خالد خٹک مجھے مسلسل بلیک میل کرتے رہے اور میری چھوٹی بہن جو( بی ایس سیکنڈ سمسٹر) کی سٹوڈنٹ ہے کو بھی اپنی جنسی حوس کا نشانہ بنانے اور تعلقات استوار کرنے پر مجبور کرتے رہے

دریں اثنا، یونیورسٹی کے ترجمان نے کہا کہ یہ ایک پرانا مسئلہ ہے اور یونیورسٹی نے مشتبہ افراد کے خلاف کارروائی بھی کی ہے۔ ترجمان نے کہا کہ "دونوں اساتذہ کو معطل کر دیا گیا ہے اور محکمانہ انکوائری بھی جاری ہے”

چترال،باغی ٹی وی(نامہ نگارگل حماد فاروقی)تحصیل میونسپل انتظامیہ یعنی ٹی ایم اے چترال کے عملہ کو گذشتہ 6 ماہ سے تنخواہیں نہ ملنے پر 135 ملازمین کی 10 دنوں سے ہڑتال جاری ہے۔ عملہ صفائی کی ہڑتال سے چترال میں ویمن اینڈ چلڈرن ہسپتال کے علاوہ ڈسٹرکٹ ہیڈ کوارٹرز ہسپتال، شاہی مسجد روڈ، اتالیق چوک اور مختلف بازار گندگی کے ڈھیر میں تبدیل ہوگئے جہاں گرمی کی وجہ سے پڑی ہوئی گندگی سے تعفن اور بدبو سے راہ گیروں کو نہایت مشکلات کا سامنا ہے۔

ٹی ایم اے کے عملہ نے تحصیل میونسپل آفیسر کے دفتر کو بھی تالہ لگایا ہوا ہے اور اس کے دفتر کے سامنے دھرنا دیا ہوا ہے۔ ہمارے نمائندے نے ہڑتالی کیمپ کا دورہ کرکے ان سے ان کی موقف جاننے کی کوشش کی۔ عمر عتیق کا کہنا ہے کہ میں پچھلے تیرہ سالوں سے ٹی ایم اے میں درجہ چہارم ملازم ہوں۔ ہمیں پچھلے 6 مہینوں سے تنخواہیں نہیں مل رہی ہے۔ ہم نے اپنے بچوں کیلئے نہ تو چھوٹی عید پر نہ بڑی عید پر نئے کپڑے اور جوتے خریدے۔ ہمارے آس پاس کے لوگ بڑی عید پر قربانی کررہے تھے مگر ہماری تنخواہیں نہ ہونے کی وجہ سے ہم صرف ان کو حسرت بھری نگاہوں سے دیکھ کر مایوسی تصویر بنے رہے

زاربہادر خان ان کا سپر وائزر ہے ان کا کہنا ہے کہ ہم دکانداروں سے ادھار لے لے کر اب ہم شرم کے مارے اس راستے سے بھی نہیں گزرسکتے کیونکہ جب ہم دکان کے سامنے سے گزرتے ہیں تو دکاندار اپنے ادھار کا تقاضا کررہے ہیں۔ انہوں نے کہا کہ ہمیں اس بات پر افسوس ہورہا ہے کہ پورے شہر کی صفائی ستھرائی ہم کررہے ہیں ہم پچھلے دس دنوں سے ہڑتال میں بیٹھے ہوئے ہیں مگر ابھی تک نہ ڈپٹی کمشنر، نہ اسسٹنٹ کمشنر نہ کوئی اور ذمہ دار بندہ ہمارے پاس آیا تاکہ ہمارا دکھڑا تو سنے۔ انہوں نے کہا کہ اگر ہمارا جائز مطالبہ پورا نہیں ہوا تو ہم راست قدم اٹھانے پر مجبور ہوں گے جس میں سڑک کو بلاک کرنا اور لوگوں کو پینے کی پانی کی فراہمی بھی معطل کرنا شامل ہے۔

خورشید علی سینٹیشن سپر وائزر کا کہنا ہے کہ پورے چترال بازار کی صفائی کا ذمہ داری ان کی ہے ان کے پاس 18 خاکروب اور چار گاڑیاں ہیں۔ ہمیں پچھلے چھ مہینوں سے تنخواہ نہیں ملی جس کی وجہ سے ہم پچھلے دس دنوں سے ہڑتال میں بیٹھے ہوئے ہیں۔ انہوں نے اس بات پر نہایت افسوس کا اظہار کیا کہ ابھی تک کسی بھی ذمہ دار افسر نے ہمارا حال احوال تک نہیں پوچھا۔ انہوں نے کہا کہ دس دنوں سے بازار میں گند پڑا ہے اور بد بو کی وجہ سے لوگوں کو نہایت مشکلات کا سامنا ہے ہمیں لوگوں کی مشکلات کا احساس ہے مگر ہم کیا کریں ہم بھی بال بچوں والے ہیں۔ ہمارے گھر میں بیوی بچے بھوک سے نڈھال ہیں۔

عبد الرحیم بھی ٹی ایم اے کا ملازم ہے جو ہڑتالی کیمپ میں بیٹھا ہوا ہے ان کا کہنا ہے کہ ہم تنخواہیں نہ ملنے کی وجہ سے مجبوراً ہڑتال میں بیٹھ گئے مگر ابھی تک کسی نے ہمار ا حال احوال تک نہیں پوچھا۔ انہوں نے کہا کہ جب تک ہمیں تنخواہیں نہیں ملتی ہماری ہڑتال جاری رہے گی۔

اس موقع پر بعض سیاسی کارکن اور وکلاء برادری نے بھی ہڑتالی کیمپ کا دورہ کرکے ان کے ساتھ اظہاری یکجہتی کیا۔

اس سلسلے میں تحصیل میونسپل آفیسر محمد حنیف سے بھی رابطہ کرکے ان کا موقف جاننے کی کوشش کی گئی جن کا کہنا تھا کہ انہوں نے ان ملازمین کی تنخواہ جاری ہونے کیلئے حکام بالا تک تحریری رپورٹ بھیجی ہے اور ہماری کوشش ہوگی کہ ان درجہ چہارم ملازمین کو جو سارا دن شہر کی صفائی ستھرائی کرتے ہیں ان کی تنخواہیں جلد سے جلد جاری ہوسکیں۔ ان سے جب یہ پوچھا گیا کہ بعض حلقے یہ بھی الزام لگا رہے ہیں کہ ٹی ایم اے چترال میں سفارشی بنیادوں پر ڈیڑھ سو سے زیادہ ملازمین بھرتی کئے گئے جن میں سے اکثر کام نہیں کرتے اور گھر بیٹھے تنخواہیں لے رہے ہیں تو ان کا کہنا تھا کہ ہم نے صوبائی حکومت کے ہدایت پر 70 ملازمین کو فارغ کیا ہے۔

اوچ شریف باغی ٹی وی (نامہ نگار حبیب خان)اوچ شریف شہر الشمس چوک میں ٹریفک کی ابتر صورتحال سے جہاں ایک طرف شہری پریشان ہیں وہیں دوسری طرف خواتین اور بچے اس صورتحال سے بری طرح متاثر ہو رہے ہیں، ہنگامی سروس مہیا کرنے والی گاڑیاں بھی ٹریفک جام میں پھنسی رہتی ہیں
تفصیلات کے مطابق اوچ شریف الشمس چوک ،غوث اعظم چوک، للو والی پل چوک ایسی جگہیں ہیں جہاں ٹریفک جام رہنا معمول ہے صرف یہی نہیں بلکہ یہاں تعینات ٹریفک پولیس اہلکاروں کا ٹریفک جام سے نظریں چرانا اور اپنی ڈیوٹی سے پہلو تہی کرنا اور بھتہ خوری کرنا بھی معمول بن چکا ہے

مرکزی شاہراہ پر جا بجا پارکنگ اسٹینڈز موٹر سائیکل اسٹینڈ بس اسٹینڈ وین اسٹینڈ بن چکے ہیں اور ٹریفک پولیس اہلکاروں کی طرف سے چھوٹ کی وجہ سے بسیں ویگنیں موٹر سائیکل جہاں سے جی چاہیں اٹھائیں سواریاں والی صورتحال بن چکی ہے مذکورہ بالا کسی ایک چوک میں ٹریفک پولیس اہلکار اپنی ڈیوٹی ادا کرتے نظر نہیں آتے

ٹریفک کے ساتھ ساتھ چاند گاڑیوں کی بھرمار اور ٹریفک اصولوں کی خلاف ورزی کے سبب ٹریفک کی روانی متاثر رہتی ہے اورحادثات معمول بن چکے ہیں، چاند گاڑیوں کے ڈرائیور ٹریفک پولیس اہلکاروں کو جُل دیکر نکلنے میں کامیاب رہتے ہیں اور سڑکوں پر جس بے ہنگم طریقے سے ڈرائیونگ کرتے وہ قابل تعزیر ہے کیونکہ ان کی لا پرواہی پر مبنی ڈرائیونگ سے نہ صرف سواریوں کی زندگیاں تو خطرے میں رہتی ہی ہیں بلکہ سڑک کنارے پیدل چلتے راہگیر بھی اس خطرے سے محفوظ نہیں،

للو والی پل ،غوث اعظم چوک میں ویگنوں اور لانگ روٹ پر چلنے والی بسوں نے اَت مچا رکھی ہے اور بیچ سڑک کے گاڑیاں کھڑی کر کے سواریاں بٹھاتے ہیں جس سے عقب سے آتی ٹریفک جام ہوجاتی ہے اور سبھی لوگ اس ٹریفک جام میں پھنس کر رہ جاتے ہیں یہ سب اس وجہ سے ہے کہ ٹریفک پولیس کا محکمہ شہر بھر کی ٹریفک کو ڈسپلن دینے یں بری طرح ناکام ثابت ہوا ہے