Category: جرائم و حادثات

سیالکوٹ،باغی ٹی وی( سٹی رپورٹر شاہد ریاض)پنجاب میں گاڑیوں میں لوڈ مرغیوں کی آلائشیں کہاں جاتی ہیں؟ان سے کیا بنتاہے؟،پنجاب فوڈ اتھارٹی بتانے سے قاصر
پورے پنجاب فوڈ اٹھارٹی والوں کی ذمہ داری ہے کہ وہ پتہ لگائیں کہ یہ گاڑی مرغیوں والی دکانوں سے گند اٹھا کر کہاں لے جاتی ہےاور اس گند کو کس استعمال میں لایا جاتا ہے،
زرائع کے مطابق یہ لوگ اس گند یعنی چکن ویسٹ کا دکانداروں کو ماہانہ لاکھوں روپیہ ایڈوانس دیتے ہیں ،اگر ایک سبزی فروش کو ہلکی کوالٹی کا شاپر استعمال کرنے پر 10 ہزار جرمانہ کیا جا سکتا ہے یا ایک سموسہ فروش کو سر پر کیپ نہ پہننے پر 5 ہزار جرمانہ کیا جا سکتا ہے توگاڑیوں میں لوڈ چکن ویسٹ کی تحقیقات اور کارروائی کیا پنجاب فوڈ اتھارٹی کے دائرہ اختیار میں نہیں آتی؟

دوسری طرف ذرائع کا کہنا ہے کہ مرغی کی آلائشوں سے چربی نکال مضرصحت بناسپتی گھی بنایا جارہا ہے ،ذرائع کا یہ بھی کہنا ہے مبینہ چمک کے کمال کی وجہ سے پنجاب فوڈ اتھارٹی کے ذمہ داروں کو دکھائی نہیں دیتا،

سماجی حلقوں نے پنجاب فوڈ اتھارٹی کے ذمہ داران اورضلعی انتظامیہ سے مطالبہ کیا ہے کہ مرغیوں کی آلائشیں اٹھانے والوں کو سراغ لگا کر پتہ کیا جائے اور عوام کو بتایا جاۓ کہ اسے کس کام کے لیے استعمال کیا جاتا ہے کیونکہ مرغیوں کی آلائشوں سے متعلق کافی خوفناک قسم کی باتیں اورخبریں گردش میں ،ان خبروں کی وجہ سے عوام میں بے چینی پائی جارہی ،اعلیٰ حکام سے اس اہم معاملے پر نوٹس لینے کامطالبہ کیا ہے.

سالکوٹ،باغی ٹی وی (سٹی رپورٹرشاہد ریاض سے)بجلی کے بل مقررہ تاریخ کے بعد تقسیم ہونے لگے،عوام پرناجائز بھاری جرمانے عائد
سیالکوٹ کی تمام سب ڈویزنز کے بل تقسیم کرنے والے اہلکاروں نے ایک ہفتہ قبل جاری ہونے والے بجلی کے بلوں کو ادائیگی کی مقررہ تاریخ میں ایک دو دن کے وقفہ سے بلوں کی تقسیم کو معمول بنالیا, بجلی کے بھاری بھرکم بلوں کی ادائیگی کے لیے ایک دن میں پیسے کہاں سے لائیں۔شہری پریشان حال،

واپڈا آفس ضلع سیالکوٹ کی تمام سب ڈویزنز کے تمام بل تقسیم کرنے والے اہلکاروں نے ایک ہفتہ قبل جاری ہونے والوں بلوں کو ادائیگی کی مقررہ تاریخ میں ایک دو دن بعد بلوں کی تقسیم کو معمول بنالیا۔مقررہ تاریخ والے دن بل کے لیے پیسے اکٹھےنہ ہوپانے کی صورت میں بھاری جرمانہ بھی بل میں شامل ہوجاتاہے۔مقررہ تاریخ گزرنے کے تین چارروزبعد ہی واپڈااہلکار میٹرکاٹنے کی دھمکیاں دینے چلے آتے ہیں۔

مہنگائی کی چکی میں پسی ہوئی عوام کومقررہ تاریخ کے بعد جاری ہونے والے بجلی کے بھاری بھرکم بل اور جرمانے کے ساتھ ادا کرنے میں مشکلات کا سامنا کرنا پڑرہاہے ،دوسری طرف طرح طرح کے ٹکیسوں سے مزین بجلی کے بھاری بلوں اور شدید ترین مہنگائی کے بوجھ تلے دب کرمری ہوئی عوام کے تابوت میں آخری کیل ٹھونکنے کے برابرہے۔

شہریوں کا کہنا ہے کہ چئیرمین واپڈا، چئیرمین گیپکو، وزیراعظم پاکستان، وزیراعلی پنجاب سمیت متعلقہ اداروں کے ذمہ داران فوری نوٹس لیتے ہوئے ٹیلی فون اور گیس کے بلوں کی طرح کم ازکم ایک ہفتہ قبل بجلی کے بلوں کی تقسیم کو یقینی بنانے کے لیے اپنا کرداراداکریں۔

میرپورخاص،باغی ٹی وی (نامہ نگار سید شاہزیب شاہ کی رپورٹ ) سوشل میڈیا پر نام نہاد افراد کے ذریعے سینٹرل جیل انتظامیہ کو بدنام کرنے کی کوشش کی جارہی ہے
سپرنٹینڈنٹ جیل میرپورخاص عظیم قادر تھیبو نے کہا ہے کہ کچھ شر پسند عناصر جن میں کچھ ہمارے اسٹاف کے لوگ چھپے ہوئے ہیں سوشل میڈیا پر مختلف نام نہاد افراد کے ذریعے سے سینٹرل جیل انتظامیہ کو فیل کرنے کی کوشش کر رہے ہیں جس کی میں شدید مذمت کرتا ہوں جبکہ ہمارے یہاں پر قیدیوں کو انتہائی بہترین ماحول فراہم کیا گیا ہے بہترین کوالٹی والا کھانا اور رشتہ داروں کے ملنے کی سہولت انہیں میسر ہے جبکہ ڈاکٹر انہیں میڈیکل ایڈ فراہم کرتا ہے

دوسری طرف جیل ہسپتال میں ساری سہولتیں میسر ہیں اس وجہ سے سینٹرل جیل میرپور خاص سندھ میں ایک مثالی جیل ہے۔وہ آج اپنے آفس میں نیشنل پریس کلب میرپورخاص کے ایک وفد سے بات چیت کر رہے تھے جس میں شامل قمرالدین شیخ، سہیل احمدخان، نظیر احمد چانڈیو، حیات قریشی اور شاہزیب شاہ شامل تھے۔انہوں نے سوالوں کے جواب میں کہا کہ سینٹرل جیل میرپورخاص میں چھ ڈویژن بنائے گئے ہیں جن میں ٹوٹل 21 بیرکس ہیں اور ہر بیرک میں 40 سے 50 قیدیوں کو رکھنے کی گنجائش ہے

انہوں نے مزید کہا کہ سیکیورٹی سیل میں 120 افراد کو رکھنے کی گنجائش ہے جبکہ اس وقت ٹوٹل 835 قیدی سینٹرل جیل میں قید ہیں تاہم ایک ہزار قیدیوں کے رکھنے کی یہاں پر گنجائش ہے انہوں نے مزید کہا کہ گورنمنٹ کے منظور شدہ شیڈول کے حساب سے بہترین کوالٹی والا کھانا یہاں قیدیوں کو فراہم کیا جاتا ہے جبکہ ہر مہینے متعلقہ مجسٹریٹ بھی جیل کا دورہ کر کے ہر بیرک ہسپتال اور قیدیوں سے ملاقات کر کے معلومات حاصل کرتے ہیں

سپرنٹینڈنٹ جیل میرپورخاص عظیم قادر تھیبو نےکہا کہ ہمارے پاس 178 پولیس مین ہیں جن میں دو اے ایس آئی ہیں تین اسسٹنٹ سپرنٹینڈنٹ ہیں اور دو سب انسپکٹرز ہیں۔انہوں نے مزید کہا کہ ایک سازش کے تحت جیل کی انتظامیہ کو فیل کرنے کی کوشش کی جا رہی ہے جبکہ حقیقت میں ملوث افراد جیل انتظامیہ کے خلاف جھوٹا پروپیگنڈہ کر کے اپنے مقاصد حاصل کرنا چاہتے ہیں جو انشاءاللہ تعالی ناکام ہوں گے

انہوں نے کہا کہ مجھے عارضی ایڈیشنل چارج دیا گیا ہے اور میں اپنی ڈیوٹی ایمانداری سے سرانجام دے رہا ہوں بعد ازاں صحافیوں نے جیل کے مختلف حصوں کا دورہ کر کے معلومات حاصل کیں

گوجرہ،باغی ٹی وی(نامہ نگار عبدالرحمن جٹ سے )ڈی پی اوٹوبہ ٹیک سنگھ کا تھانہ سٹی و صدر گوجرہ اور نواں لاہور کا سرپرائز وزٹ
ڈسٹرکٹ پولیس آفیسر ٹوبہ ٹیک سنگھ سید کرار حسین نے تھانہ سٹی گوجرہ،صدر گوجرہ اور نواں لاہور کا سرپرائز وزٹ کیا۔ دوران وزٹ تھانہ جات میں صفائی کے انتظامات کو چیک کیا۔ ایس ایچ او کو صفائی کے انتظامات کو مزید بہتر بنانے کے احکامات جاری کئے۔ تھانہ جات کی بلڈنگ، فرنٹ ڈیسک، مال خانہ تھانہ اور حوالات کو چیک کیا اور انتظامات کا جائزہ لیا اور تھانہ جات کے تفتیشی افسران و ملازمین سے ملاقات کی تمام تھانہ جات کے ایس ایچ او ز کو زیر تفتیش مقدمات کی جلد ازجلد میرٹ پر تفتیش کر کے چالان عدالت داخل کروانے کا حکم دیا۔

دوران وزٹ افسران و ملازمین سے خطاب کرتے ہوئے ڈی پی او ٹوبہ ٹیک سنگھ نے کہا کہ شہریوں پر تشدد اور غیر قانونی حراست بالکل برداشت نہیں کی جائے گی تھانہ میں بند ملزمان کی صحت کا بھرپور خیال رکھا جائے تمام افسران و ملازمان شہریوں سے خوش اخلاقی اور خندہ پیشانی سے پیش آئیں۔
اس موقع پر ڈی ایس پی گوجرہ آفتاب احمد صدیقی بھی ان کے ہمراہ تھے۔

ڈی پی او نے کہا کہ تمام افسران و ملازمان شہریوں سے خوش اخلاقی اور خندہ پیشانی سے پیش آئیں۔ گشت کو موثر بنایا جائے اور جو لوگ اپنے معمولات کے کام سے فارغ ہوکر لیٹ نائٹ اپنے گھروں کو جاتے ہیں ان دیہاتوں کے لنک روڈز کو محفوظ بنایا جائے۔

اوکاڑہ،باغی ٹی وی( نامہ نگار ملک ظفر)پاکستان مسلم لیگ (ن)کے سابق ایم پی اے چوہدری منیب الحق نے کہا ہے کہ چیئر مین پی ٹی آئی کے ساتھ جو کچھ ہوا وہ مکافات عمل ہے، اپنے دور اقتدار میں ساری جماعتو ں کے لیڈروں کو چور کہنے والا آ ج سر ٹیفائیڈ چور ثابت ہو گیا،

توشہ خانہ کیس میں فیصلہ حق اور سچ کی فتح ہے ایک نام نہاد صادق و ا مین کی اصلیت سامنے آ گئی۔ان خیالات کااظہارانہوں نے صحافیوں سے گفتگو کرتے ہوئے کیا۔چوہدری منیب الحق نے کہاکہ سیاسی لیڈروں کوچور کہنے والا ایک دفعہ ضرور اپنے انجام کو پہنچ چکا ہے

چیئر مین پی ٹی آئی کیخلاف فیصلہ دینے والے جج کو سلام پیش کر تے ہیں کہ اس نے کسی دھمکی و لالچ سے مرعو ب ہو ئے بغیر حق اور سچ کا فیصلہ کرکے ایک متکبر شخص کو اپنے انجام تک پہنچایا ہے۔ انہو ں نے کہاکہ چیئرمین پی ٹی آئی بارے فیصلہ عدلیہ اور ان کے جرم کا معاملہ ہے جس سے (ن) لیگ کا کو ئی تعلق وا سطہ نہیں ہے

چیئرمین پی ٹی آئی کے بارے میں جو فیصلہ عدالت نے کیا ہے اس فیصلہ میں چیئرمین پی ٹی آئی خود کو بے گناہ ثابت کر یں اگر اس مو قع پر لیگی کارکنو ں سے الجھنے کی کو شش کی گئی تو اینٹ کا جواب پتھر سے دینگے۔

اوکاڑہ،باغی ٹی وی( نامہ نگار ملک ظفر) شہری عدم تحفظ کا شکار، پولیس چوری کی وارداتوں کو کنٹرول کرنے میں ناکام . چوری کی آٹھ مختلف وارداتوں میں چور لاکھوں روپے مالیت کے موٹر سائیکل چُرا کر لے گئے۔

تفصیلات کے مطابق رفیع کالونی اوکاڑہ کے رہائشی شکیل نے اپنی موٹر سائیکل گھر کے باہر کھڑی کی جسے نا معلوم چور چُرا کر لے گئے۔ دوسری واردات میں نواحی قصبہ اعوان اوتاڑ کے رہائشی عنائت اللہ نے اپنی موٹر سائیکل سبزی منڈی کھڑی کی جسے نا معلوم چور چُرا کر لے گئے۔

تیسری واردات میں نواحی قصبہ لالو پور کے رہائشی امتیاز نے اپنی موٹر سائیکل گھر کے باہر کھڑی کی جسے نا معلوم چور چُرا کر لے گئے۔چوتھی واردات میں نواحی قصبہ بھومن شاہ کے رہائشی اسلم نے اپنی موٹر سائیکل گھر کے باہر کھڑی کی جسے نا معلوم چور چُرا کر لے گئے۔

پانچویں واردات میں نواحی قصبہ حجرہ شاہ مقیم کے رہائشی ارشاد نے اپنی موٹر سائیکل گھر کے باہر کھڑی کی جسے نا معلوم چور چُرا کر لے گئے۔چھٹی واردات میں نواحی قصبہ بصیر پور کے رہائشی شاہ بہرام نے اپنی موٹر سائیکل گھر کے باہر کھڑی کی جسے نا معلوم چور چُرا کر لے گئے۔

ساتویں واردات میں نواحی قصبہ مہتاب گڑہ کے رہائشی محمد یٰسین نے اپنی موٹر سائیکل گھر کے باہر کھڑی کی جسے نا معلوم چور چُرا کر لے گئے۔آٹھویں واردات میں نواحی قصبہ گھمن کوٹ کے رہائشی افضل کے گھر سے احمد، نعیم، اکرام ار عرفان موٹر سائیکل اور دیگر سامان چُرا کر لے گئے پولیس نے مقدمات درج کر لئے ہیں۔