Category: جرائم و حادثات

بھارتی ریاست اتر پردیش میں غیر مناسب تعلقات کے نتیجے میں شوہروں کے قتل کے کئی ہولناک واقعات سامنے آئے ہیں جنہوں نے عوام کو جھنجھوڑ کر رکھ دیا۔

این ڈی ٹی وی کے مطابق ایک کیس میں اجے نامی شخص نے دورانِ تفتیش انکشاف کیا کہ اس کی ساتھی انجلی نے اپنے شوہر راہول کے قتل کی سازش اس وقت رچی جب راہول کو دونوں کے تعلقات کا علم ہو گیا۔ منصوبے کے مطابق اجے نے راہول کو کھیتوں کے قریب بلا کر تین گولیاں مار کر ہلاک کیا۔اسی ضلع میں ایک اور واقعہ میں کاجل نامی خاتون نے اپنے عاشق کے ساتھ مل کر شوہر کو قتل کیا۔ پولیس کے مطابق کاجل نے پہلے شوہر کو نشہ آور گولیاں دیں، پھر موٹر سائیکل پر نہر کے قریب لے جا کر دوپٹے سے گلا گھونٹ کر ہلاک کر دیا اور لاش نہر میں پھینک دی۔

رپورٹ کے مطابق یہ واقعات اتر پردیش میں شوہروں کے قتل کی بڑھتی ہوئی وارداتوں کا تسلسل ہیں۔اسی نوعیت کا ایک بھیانک واقعہ رواں سال مارچ میں میرٹھ میں پیش آیا، جہاں مسکان نامی خاتون نے اپنے عاشق ساحل شکلا کے ساتھ مل کر شوہر سوربھ راجپوت کو قتل کر کے لاش کے چار ٹکڑے کیے، انہیں ڈرم میں بند کر کے سیمنٹ سے بھر دیا اور ہماچل پردیش فرار ہوگئی۔ بعد میں مسکان نے خود اہل خانہ کے سامنے جرم کا اعتراف کیا، جنہوں نے پولیس کو اطلاع دی۔

پولیس کے مطابق تمام مقدمات میں غیر اخلاقی تعلقات اور گھریلو تنازعات کو قتل کی بنیادی وجوہات قرار دیا گیا ہے، جب کہ تمام ملزمان کے خلاف قتل اور سازش کے تحت مقدمات درج کر لیے گئے ہیں

پاکستان نے خفیہ ایٹمی سرگرمیوں کے بھارتی الزامات مسترد کر دیے

آئی سی سی ویمن ورلڈ کپ میں ٹیموں کی تعداد بڑھا دی گئی

سیکیورٹی خدشات، جعفر ایکسپریس کی آمد و رفت 4 روز کے لیے معطل

بولی وڈ اداکارہ زرین خان انتقال کر گئیں

پاک افغان مذاکرات ختم، ثالثوں نے بھی ہاتھ کھینچ لیے،خواجہٰ آصف

بھارتی دارالحکومت نئی دلی کے علاقے روہنی میں دوسری شادی نہ کروانے پر ایک شخص نے اپنے دوست کو چھری مار کر زخمی کر دیا۔

پولیس کے مطابق ملزم جگدیش نے اپنے دوست دیپک کو دوسری شادی کے لیے دلہن تلاش کرنے کے وعدے پر 60 ہزار روپے دیے تھے، لیکن وعدہ پورا نہ ہونے پر دونوں کے درمیان جھگڑا ہوگیا۔جگدیش نے دیپک سے اس عورت کے بارے میں پوچھا جس سے شادی کروانے کا وعدہ کیا گیا تھا، اس دوران دونوں میں تلخ کلامی ہوئی اور دیپک نے اچانک چاقو نکال کر جگدیش کے سینے پر وار کیا۔پولیس کا کہنا ہے کہ خود کو بچانے کے لیے جگدیش نے بھی جوابی وار کیا، جس سے دیپک زخمی ہوگیا اور موقع سے فرار ہوگیا۔ اطلاع ملنے پر پولیس موقع پر پہنچی اور جگدیش کو اسپتال منتقل کیا۔

تحقیقات کے دوران جگدیش نے بتایا کہ اس کی ازدواجی زندگی کافی عرصے سے کشیدہ تھی اور وہ دوسری شادی کرنا چاہتا تھا۔ اسی مقصد کے لیے اس نے دیپک سے مدد مانگی تھی۔پولیس کے مطابق جگدیش نے پہلے 30 ہزار روپے نقد دیے اور بعد ازاں آن لائن مزید 30 ہزار روپے ادا کیے۔واقعہ کی رات تقریباً 11 بجے دیپک نے جگدیش کو ریتھالا بس اسٹینڈ پر بلایا، جہاں دونوں کے درمیان جھگڑا ہوا اور نوبت حملے تک پہنچ گئی۔پولیس نے دونوں افراد کو گرفتار کرکے مزید تفتیش شروع کر دی ہے

یوٹیوب نے اسرائیلی جنگی جرائم سے متعلق ویڈیوز حذف کردیں

اسلام آباد پولیس پی ٹی آئی رہنماؤں کی گرفتاری کے لیے خیبر ہاؤس پہنچ گئی

ایم کیو ایم وفد کی مولانا فضل الرحمٰن سے ملاقات، آئینی ترمیم پر مشاورت

پیپلز پارٹی نے این ایف سی فارمولے میں تبدیلی کی تجویز مسترد کر دی

تھانہ گوجر خان کی حدود میں خاتون کو مبینہ طور پر ریپ کے بعد قتل کر دیا گیا، پولیس نے مقدمہ درج کرکے تین ملزمان کو گرفتار کر لیا ہے۔

پولیس کے مطابق افسوسناک واقعہ سٹی پیلس محلہ بابا رحیم شاہ میں پیش آیا۔ ایف آئی آر کے مطابق مقامی جیولرز اور نجی بینک کے ملازم نے خاتون سے کروڑوں روپے کے زیورات ہتھیانے کے بعد اسے بلیک میل کیا۔متاثرہ خاتون کے شوہر کی مدعیت میں درج مقدمے میں کہا گیا ہے کہ ملزمان نے خاتون کو زیادتی کا نشانہ بنانے کے بعد زہریلی گولیاں کھلا کر قتل کیا۔

پولیس ترجمان کے مطابق مقدمے میں نامزد تینوں ملزمان کو گرفتار کر لیا گیا ہے اور کیس کی تفتیش ایس ایس پی انویسٹی گیشن کی نگرانی میں جاری ہے۔پولیس نے بتایا کہ مقتولہ کا پوسٹ مارٹم مکمل کر لیا گیا ہے، جب کہ واقعے کی مزید تفتیش جاری ہے

قازقستان آج رات ابراہم معاہدوں میں شامل ہو گا ، امریکی اہلکار

افغان فورسز کی سیز فائر کی خلاف ورزی، پاک فوج کا مؤثر جواب

بھارت دنیا کی سب سے بڑی الیکشن چور جمہوریت بن گیا،راہول گاندھی

کراچی میں ہیوی وہیکلز کی دہشت کا سلسلہ تھم نہ سکا۔ لانڈھی کے علاقے میں ایک تیز رفتار ٹریلر نے موٹرسائیکل سواروں کو ٹکر مار دی، جس کے نتیجے میں 20 سالہ کاشان موقع پر جاں بحق جبکہ 19 سالہ جواد شدید زخمی ہوگیا۔

ریسکیو ذرائع کے مطابق حادثہ اس وقت پیش آیا جب دونوں نوجوان موٹرسائیکل پر جا رہے تھے کہ پیچھے سے آنے والے ٹریلر نے انہیں روند ڈالا۔ لاش اور زخمی کو اسپتال منتقل کر دیا گیا، جبکہ ٹریلر ڈرائیور موقع سے فرار ہوگیا۔پولیس نے ڈرائیور کی تلاش شروع کر دی ہے۔اعداد و شمار کے مطابق کراچی میں رواں برس کے دوران 733 افراد سڑک حادثات میں جاں بحق اور 10 ہزار سے زائد زخمی ہوئے۔

سب سے زیادہ حادثات ہیوی گاڑیوں جیسے ڈمپر، ٹریلر اور واٹر ٹینکرز کے باعث پیش آئے۔شہریوں نے متعلقہ اداروں سے مطالبہ کیا ہے کہ ہیوی وہیکلز کی نگرانی سخت کی جائے تاکہ مزید قیمتی جانوں کا ضیاع روکا جا سکے

27ویں آئینی ترمیم: حکمران اتحاد کی تمام ارکان کو اسلام آباد میں رہنے کی ہدایت

حارث رؤف پر دو میچز کی پابندی، سوریا کمار اور صاحبزادہ فرحان کو جرمانے

27ویں آئینی ترمیم میں غلط شق کی حمایت نہیں کی جائے گی، ناصر شاہ