Category: اہم خبریں

جوہر ٹاؤن دھماکہ "را” کے ملوث ہونے کے ثبوت،دو مزید ملزمان گرفتار،ڈیوڈ بارے اہم انکشافات
باغی ٹی وی کی رپورٹ کے مطابق جوہر ٹاؤن دھماکے کی تحقیقات میں اہم پیشرفت سامنے آئی ہیں.،وزیراعلیٰ پنجاب عثمان بزدار کی زیر صدارت اجلاس میں جوہر ٹاؤن دھماکے کی تحقیقاتی رپورٹ پیش کر دی گئی

اجلاس میں پنجاب میں امن عامہ کی صورتحال اوردیگرمعاملات کا جائزہ لیا گیا ،وزیراعلیٰ پنجاب عثمان بزدارنے جوہر ٹاؤن دھماکے کی تحقیقات پر اطمینان کا اظہارکیا وزیراعلیٰ عثمان بزدار کینے تحقیقات کو سا ئنٹفک اندازسے آگے بڑھانے کی ہدایت کی وزیراعلیٰ پنجاب کا کہنا تھا کہ جوہر ٹاوَن دھماکے میں ملوث دہشت گرد سزاکے حقدار ہیں ،

وزیراعلیٰ پنجاب @UsmanAKBuzdar کی زیر صدارت اعلی سطح اجلاس میں صوبے میں امن عامہ کی صورتحال کا جائزہ لیا گیا اور جوہر ٹاؤن دھماکے کی تحقیقات پر پیشرفت کے حوالے سے رپورٹ پیش کی گئی

وزیراعلیٰ کا ابتدائی تحقیقات پر اطمینان کااظہار اور تحقیقات کو سا ئنٹیفک اندازسےآگےبڑھانے کی ہدایت pic.twitter.com/t7u0qeI6qW

— . (@CMPunjabPK) June 25, 2021

دوسری جانب جوہر ٹاؤن دھماکے کے الزام میں گرفتار ڈیوڈ سے رابطے میں رہنے والے دو مزید افراد کو گرفتار کیا گیا ہے،دھماکے میں استعمال گاڑی لینے والے شخص کی گرفتاری کیلئے چھاپے مارے جا رہے ہیں ،ڈیوڈ سے رابطے میں رہنے والے دو ملزمان میں سے ایک کو لاہور اور دوسرے کو خیبر پختونخواہ سے پکڑا گیا گیا ہے، دھماکے میں استعمال کار کو بابو صابو پر چیک کرنے والے پولیس اہلکار کا بیان بھی ریکارڈ کیا گیا ہے

گرفتار ملزم ڈیوڈ پال کے بارے میں انکشاف ہوا ہے کہ وہ کراچی کے علاقے محمود آباد کا رہائشی ہے رات گئے ڈیوڈ پال کے گھر پر قانون نافذ کرنے والے اداروں نے چھاپہ بھی مارا گھر کی تلاشی کے دوران چند دستاویزات قبضے میں لی گئی ہیں تا ہم کوئی گرفتاری نہیں کی گئی،ابتدائی تحقیقات کے مطابق پیٹر پال ڈیوڈ بحرین میں سکریپ اور ہوٹل کا کاروبار کرتا ہے، ملزم ڈیڑھ ماہ پہلے بحرین سے کراچی پہنچا تھا۔ ڈیوڈ نے ڈیڑھ ماہ کے دوران 3 بار لاہور کا دورہ کیا اور 27 دن مقیم رہا ملزم کے لاہور میں قیام کے دوران مختلف افراد سے رابطوں کے شواہد ملے ہیں۔

خبر رساں ادارے کے مطابق دھماکے میں بھارت کے ملوث ہونے کے شواہد بھی ملے ہیں تفتیشی ٹیموں کو جوہر ٹاؤن دھماکے میں بھارت کی خفیہ ایجنسی را کے ملوث ہونے کے واضح ثبوت مل گئے ہیں جن سے پتہ چلا کہ دھماکے کی فنڈنگ بھارتی خفیہ ایجنسی را کی جانب سے کی گئی تھی جب کہ شواہد کی روشنی میں دھماکے میں ملوث ایک شخص کے علاوہ ماسٹر مائنڈ اور تمام سہولت کاروں کو گرفتار کرلیا گیا ہے

دھماکے میں استعمال ہونے والی گاڑی ڈرائیور نے پار کی اور اسکے بعد چوک یتیم خانہ جہاں گاڑیوں کے اڈے ہیں وہاں گیا اور کسی گاڑی میں بیٹھ کر روانہ ہوا، پولیس نے اس ضمن میں اڈوں سے بھی ریکارڈ لے لیا ہے

واضح رہے کہ لاہور کے علاقے جوہر ٹاؤن میں 23 جون کو دھماکہ ہوا تھا اسی علاقے میں جماعت الدعوۃ کے امیر حافظ محمد سعید کی رہائش گاہ بھی قائم ہے ،جوہرٹاؤن میں ہونے والے بم دھماکے کا ایک اور زخمی جناح ہسپتال میں دم توڑ گیا جس کے بعد بم دھماکے میں شہید ہونے والے افراد کی تعداد چار ہوگئی ہے ایدھی حکام کے مطابق بم دھماکے میں زخمی ہونے والا 40 سالہ مظہر زخموں کی تاب نہ لاتے ہوئے ہسپتال میں دم توڑ گیا مظہر بی آر او سوسائٹی میں واقع گھر میں مالی کا کام کرتا تھا اور شیر شاہ کالونی کا رہائشی تھا۔

قبل ازیں دھماکے کا مقدمہ درج کرلیا گیا ہے۔مقدمہ محکمہ انسداد دہشت گردی لاہور تھانے میں انسپکٹر عابد بیگ کی مدعیت میں درج کیا گیا۔ مقدمے میں قتل، اقدام قتل اور دہشت گردی کی دفعات شامل کی گئی ہیں۔ مقدمے میں 7 اے ٹی اے، 3/4ایکسپلوزو ایکٹ سميت دیگر دفعات شامل ہیں۔درج ایف آئی آر کے مطابق دہشت گردوں نے کارروائی میں گاڑی اور موٹر سائیکل استعمال کیں۔ مقدمے کے متن میں یہ بھی کہا گیا ہے کہ دھماکے میں 3افراد جاں بحق اور 21 زخمی ہوئے۔ مقدمے میں 3 نامعلوم دہشت گردوں کا ذکرکیا گیا ہے۔

جوہر ٹاون دھماکہ کیسے ہوا ؟ ابتدائی تحقیقاتی رپورٹ آ گئی

جوہر ٹاون دھماکہ حافظ محمد سعید کی رہائشگاہ کے قریب ہوا؟ حقیقت سامنے آ گئی،

جوہر ٹاون دھماکہ۔ زخمیوں کے نام سامنے آ گئے ۔اموات میں اضافہ

لاہور جوہر ٹاؤن دھماکے میں پڑوسی ملک کے ملوث ہونے کے ثبوت سینئر صحافی سامنے لے آئے

لاہور میں دھماکہ آنکھیں کھولنے کے لیے کافی ہے ، شہباز شریف

دہشت گردی کے کتنے تھریٹ ملے تھے؟ لاہور دھماکے کے بعد آئی جی کا انکشاف

جوہرٹاون دھماکہ:تحقیقاتی ادارے ملزم کے قریب پہنچ گئے،

جوہرٹاؤن دھماکہ؛ بارود سے بھری گاڑی کا مالک کون؟بارود کہاں نصب کیا گیا اورگاڑی کیسے پہنچی؟تہلکہ خیزانکشافات 

لاہور دھماکہ، ایئر پورٹ سے فرار ہونیوالے مشتبہ شخص کو گرفتار کر لیا گیا

جوہر ٹاؤن دھماکہ،تحقیقات میں زبردست کامیابی حاصل کر لی، شیخ رشید

سیاست کی صفوں میں طوفان آنیوالا ہے، آصف زرداری ناممکن کو ممکن کرنے لاہور پہنچ گئے
باغی ٹی وی کی رپورٹ کے مطابق سینئر صحافی و اینکر پرسن مبشر لقمان کا کہنا تھا کہ آج کافی دنوں بعد بڑی خبریں آئی ہیں، آصف زرداری کا لاہور مشن ہے کیا، کیسے جنوبی پنجاب محاذ دوبارہ گرم ہونے والا ہے، دو سال پہلے ہی جنرل الیکشن کی تیاری شروع کیوں ہو گئی ہے

مبشر لقمان کا کہنا تھا کہ آئل ٹینکرز والے احتجاج کر رہے ہیں، فلور ملز والے احتجاج کر رہے ہیں، قلت ہو سکتی ہے، سندھ میں گیس کی قلت ہے، لاہور میں پانی کے بلوں میں اضافے کی منظوری دے دیا ہے، آئل، فلور والے اضافی ٹیکسز کی وجہ سے احتجاج کر رہے ہیں، بجٹ میں کہا گیا تھا کہ کوئی اضافی ٹیکس نہیں لگائیں گے لیکن لگائے گئے اور بجٹ منظور ہونے سے پہلے اسکے ثمرات عوام تک آ گئے ہیں

مبشر لقمان کا مزید کہنا تھا کہ شہباز شریف نظر آ رہے ہیں، مریم جب پیشی ہو تو میڈیا میں نظر آتے ہیں، مولانا فضل الرحمان بھی خاموش ہیں، ن لیگ اور پی ٹی آئی سے ہٹ کر ایک تیسری بڑی سیاسی قوت ہے پیپلز پارٹی، آصف زرداری آئندہ انتخاب میں سرپرائیز دینے کی پیشنگوئی کر رہے ہیں، چودھری پرویز الہی سے ہونے والی گفتگو آئندہ الیکشن کے حوالہ سے پیغٍام دیتی ہے، زرداری نے کہا کہ آپ ہمارے بھی اتحادی تھے اور اس حکومت کے، اب پتہ تو چل گیا ہو گا، آنیوالے انتخاب میں پی پی سرپر ائیز دے گی، جلد جنوبی پنجاب کی اہم شخصیات پی پی میں شامل ہوں گی، پرویز الہیٰ نے ملاقات میں بلاول کی تعریف کی

مبشر لقمان کا کہنا تھا کہ تارکین وطن کو ووٹ دینے کا حق اس کے بڑے دوررس نتائج مرتب ہوتے ہیں، دنیا میں اٹھاسی لاکھ پاکستانی آبادی ہیں، اب ان میں شاید اضافہ یا کمی ہوئی ہو گی، چالیس یا پچاس لاکھ نئے ووٹرز ہوں گے جو بیرون ملک میں ہوں گے،مقبولیت میں کمی بیشی کو دیکھیں تو شہروں میں مہنگائی کی وجہ سے ووٹر متاثر ہوا اسلئے حکومت کی امیدوں کا محور سمندر پار پاکستانی ہیں، یہی صورت باقی رہ گئی ہے جس سے وہ حکومت بنا سکتے ہیں ورنہ شاید کے پی میں حکومت اس بار نہ بنا سکیں،

مبشر لقمان کا مزید کہنا تھا کہ زرداری صاحب جو بات کر رہے ہیں کہ جنوبی پنجاب میں نقب لگائیں گے، تحریک انصاف نے صوبہ بنانے کا وعدہ کیا تھا مگر تین سالوں میں محض سیکرٹریٹ کا لارا دیا گیا، لوگ ایک نئی سیاسی جماعت کو آزمانے کے موڈ میں تھے، جنوبی پنجاب میں تحریک انصاف کی بڑی فتح تھی مگر اب شائد تحریک انصاف جیتی ہوئی نشستیں بھی حاصل نہ کر سکے، اب نئی منزلوں کی جانب اڑان ہو گی، جنوبی پنجاب محاذ کے لوگ کہیں اور جائیں گے.

مبشر لقمان کا مزید کہنا تھا کہ اگلے الیکشن میں پی پی کی پوزیشن بہتر ہو سکتی ہے، پنجاب میں توجہ جنوبی پنجاب ہے، کے پی کی بات کریں تو وہان کی عوام زیادہ اپنے اوپر کسی کو مسلط نہیں کرتی، زرداری صاحب کی سیاسی جادوگری چل سکتی ہے، پی پی اگلے الیکشن میں نوے کے قریب سیٹیں لے گئیں تو باقی جماعتوں کے ساتھ اتحاد کر کے حکومت بنا سکتی ہے. اسوقت حکومت کیمپ میں تھرتھلی مچی ہوئی ہے

باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ ایک انتہائی بریکنگ نیوز لے کر آ رہا ہون، سنیں گے تو ہوش اڑ جائیں گے ،ا سکا تعلق کل کے اندوہناک واقعہ سے ہے جو جویر ٹاؤن لاہور میں ناکے کے اوپر دھماکہ ہوا ہے، کالی گاڑی میں ،

مبشر لقمان کا کہنا تھا کہ میرے ساتھ دعا میں شریک ہوں، پولیس اہلکار جو کل زخمی ہوا اسکی حالت تشویشناک ہے، وہ وینٹی لیٹر پر ہے، اللہ اسکو شفا دے، صحت دے ، آمین، ڈیوٹی دیتے ہوئے زخمی ہوا، اسکے اہلخانہ کو بھی اللہ صبر دے، جو اہم خبر ہے کہ پاکستان کے اندر پتہ نہین کتنی ایجنسیز ہیں، انکے کیا فنڈ، گاڑیاں، سیف ہاؤسز اور بنگلے ہیں لیکن یہ پتہ ہے کہ یہ گاڑی گوجرانوالہ میں 2010 میں چھینی گئی، اسکی ایف آئی آر ہوئی، 11 سال پہلے گاڑی چھینی گئی اور ہمارے ذہنوں میں ڈالا ہوا کہ جب گاڑی چھنتی ہے تو علاقہ غیر میں چلی جاتی ہے اور اسکو ٹوٹے ٹوٹے کر کے بیچ دیا جاتا ہے یا وہیں چلایا جاتا ہے، یا چھیننے والے کا فون آ جاتا ہے کہ اتنے پیسے دے دو اور گاڑی واپس لے لو، گیارہ برس قبل گاڑی چھینی گئی، لاہور گوجرانوالہ کے درمیان کئی بار نظر آئی کیونکہ سیف سٹی ہے، سی ٹی ڈی کے کیمرہ ہیں اور تصویریں میچ ہو رہی ہیں، اتفاق کی بات ہے کہ گاڑی کا رنگ بھی وہی ہے اور رنگ بھی نہیں بدلا

مبشر لقمان کا کہنا تھا کہ بابو صابو انٹرچینج پر لاہور میں داخل ہوتے وقت کی تصویر ہے جہاں اسی آدمی کو اسی حلیے میں، اسکی ٹوپی وہی ہے، وہی شلوار قمیض ہے، گاڑی بھی وہی ہے جس کی چیکنگ ہو رہی ہے، پولیس والا اسکے کاغذات چیک کر رہا ہے، ڈگی نہیں چیک کررہا ہے، میری پولیس ذرائع سے بات ہوئی وہ کہتے ہیں کہ جو ویڈیو ہے اس میں پتہ چلتا ہے کہ اس نے پیسے دے کر ناکے سے گاڑی نکالی، پولیس کا بیان ہے ڈگی کھولی ہی نہیں کیونکہ اس نے کہا کہ ڈگی کھلتی نہیں، چوبیس گھنٹے سے زیادہ ہو گئے واقعہ کو اور اڑتالیس گھنٹے سے زیادہ اس ناکے کو ہو گئے، پھر وہ جوہر ٹاؤن آیا اور دھماکہ ہوا، کہا جا رہا ہے کہ ریموٹ کنٹرول تھا لیکن اسکا اثر اتنا زیادہ تھا کہ کئی گھروں کے کھڑکیاں شیشے ٹوٹ گئے اور چار لوگ شہید ہو گئے، ایک پولیس والا زخمی بھی ہوا

مبشر لقمان کا مزید کہنا تھا کہ بابو صابو پر اسکو روک لیا گیا تھا سمجھیں یہ پولیس کے سامنے تھا، پولیس کے پاس تھا ، اسوقت یہ نہتا تھا ، ریموٹ کنٹرول ڈیوائس بھی سامنے نظر نہیں آر ہی، اسکی ڈگی نہیں کھولی گئی اور چوبیس گھنٹے ہو گئے اسکی سی ٹی ڈی والے فوٹیج نہیں ریلیز کر رہے کیونکہ اس میں اپنے پولیس والوں کا نام آتا ہے، پنجاب پولیس کا نام آتا ہے، فوٹیج ریلیز ہو گی تو پتہ چلے گا کہ واقعی پیسے اس نے دیئے، کس وجہ سے اسکو جانے دیا، میری اور آپکی گاڑی کھڑی ہو جائے اور ڈگی نہ کھلے تو آگے کھڑے ہو جاتے ہیں کہ ایسے نہیں جا سکتے، اس آدمی کو کیسے جانے دیا، گاڑیوں کے پرچے کیوں کرتے ہیں جبکہ چیسز نمبر، انجن نمبر فوری چیک نہیں کر سکتے، سیف سٹی کس لئے ہے، ایک وائرلس پر اگر گاڑی کو چیک نہیں کر سکتے کہ نمبر پلیٹ اصلی ہے یا جعلی،

Lahore Explosion..| Important evidence of negligence comes to light..!!https://t.co/zMLHj4Z8qx#LahoreBlast #Pakistan pic.twitter.com/jm6RWaOfal

— Mubasher Lucman (@mubasherlucman) June 24, 2021

مبشر لقمان کا مزید کہنا تھا کہ اگر میں یہ کہوں تو غلط نہیں ہو گا کہ کل کا دھماکہ پولیس کی غفلت ہے اور ان تمام اداروں کی جو مامور تھے، سی ٹی ڈی ابھی تک ویڈیو منظر پر نہیں لائی، وہ کون عوامل ہیں جو چھپا رہے ہیں معاملے کو، انٹرنیشنلی پاکستان خبروں میں آ گیا کہ لاہور جیسا سیف شہر اس میں لوگوں کو ہلا کر دن دہاڑے رکھ دیا گیا ہے، اتنے کلو کوئی مواد لے کر چلتا ہے ، بابو صابو انٹرچینج پر اکیس جون کو گاڑی آئی اور روکی گئی، اسکی چیکنگ کی گئی، کاغذات چیک ہوئے پھر اسی گاڑی کو آگے جانے دیا گیا،کوئی سوال کرے کہ اسوقت جو میٹریل ہے وہ اس میں نہیں ہو گا، ہو سکتا ہے نہ ہو، میں کچھ نہیں کہہ سکتا، لیکن یہ کہہ سکتا ہوں کہ گاڑی کی صحیح تلاشی نہیں لی گئی، پوری ویڈیو کو سامنے نہیں لایا جا رہا، ہو سکتا ہے اسکو تلف یا ایڈٹ کر دیا جائے، یہ دیر میری سمجھ سے باہر ہے.

نواز شریف کی سزا کیخلاف اپیل،عدالت نے بڑا فیصلہ سنا دیا
اسلام آباد ہائی کوٹ نے ایون فیلڈ اور العزیزیہ ریفرنس میں نوازشریف کی دونوں اپیلیں خارج کردیں

اسلام آباد ہائی کورٹ نے محفوظ کیا گیا فیصلہ سنادیا نوازشریف کی احتساب عدالت سے سزاوں کے خلاف دونوں اپیلیں خارج کی گئیں اسلام آبا د ہائیکورٹ کے جسٹس عامر فاروق اور جسٹس محسن اخترکیانی نے فیصلہ سنایا نوازشریف کو احتساب عدالت کی جانب سے سنائی گئی سزائیں برقرار رکھی گئی نواز شریف پہلے ہی عدالتی مفرور قرار دیئے جاچکے ہیں احتساب عدالت کے جج محمد بشیر نے ایون فیلڈ ریفرنس میں 10 سال قید کی سزا سنائی تھی احتساب عدالت کے جج ارشد ملک نے العزیزیہ ریفرنس میں نوازشریف کو 7سال قید کی سزا سنائی تھی احتساب عدالت کے جج محمد بشیر نے ایون فیلڈ ریفرنس میں نوازشریف کو 10 سال قید کی سزا سنائی تھی اسلام آباد ہائیکورٹ نے 9صفحات پر مشتمل فیصلہ جاری کردیا فیصلے میں کہا گیا کہ نواز شریف سرنڈر کے بعد اپیل کے لیے عدالت سے رجوع کریں نوازشریف واپس آئیں یا پکڑے جائیں تواپیل کرسکتےہیں

جوہر ٹاؤن دھماکہ،تحقیقات میں زبردست کامیابی حاصل کر لی، شیخ رشید

جو ہرٹاون دھماکہ پر وفاقی وزیر داخلہ شیخ رشید احمد نے ویڈیو بیان میں کہا ہے کہ پنجاب پولیس نے جوہر ٹاون دھماکے کی تحقیقات میں زبردست کامیابی حاصل کی ہے

وفاقی وزیر داخلہ شیخ رشید احمد کا کہنا ہے کہ پنجاب پولیس ملزمان کی گرفتاری کے قریب ہے پنجاب پولیس جلد ملزمان کو قانون کی گرفت میں لیکر عوام کو اچھی خبر سنائیں گے جو لوگ ملک میں انتشار پھیلانا اور پاکستان کو انڈرپریشر لانا چاہتے ہیں وہ ناکام ہوں گے پاکستان کبھی کسی دباو میں نہیں آئے گا افغانستا ن بارڈ ر پر ہم نے چھیاسی فیصد اورایران بارڈر پر چھیالیس فیصد فینسنگ ہوگئی ہے وزیراعظم عمران خان کی حکومت میں سیاسی اورمعاشی استحکام آیا ہے پاکستان کے دشمنوں کو یہ چیز ایک آنکھ نہیں بھاتی دشمنوں نے دہشت گردی کے راستے اپنا نا شروع کیا ہے وہ ناکام ہوں گے پاکستان کے عوام پاک فوج کے ساتھ ملکر اس ملک میں امن استحکام اورترقی کاسفر جاری رکھیں گے

جو ہرٹاون دھماکہ پر وفاقی وزیر داخلہ شیخ رشید احمد کا ویڈیو بیان #baaghitv #pakistan #lahore #JoharTown #JoharTownBlast #hafizsaeed #Blast @OfficialDPRPP @DCLahore @ShkhRasheed pic.twitter.com/0n5wim2Ek9

— Baaghi TV باغی ٹی وی (@BaaghiTV) June 24, 2021

واضح رہے کہ لاہور کے علاقے جوہر ٹاؤن میں 23 جون کو دھماکہ ہوا تھا اسی علاقے میں جماعت الدعوۃ کے امیر حافظ محمد سعید کی رہائش گاہ بھی قائم ہے ،جوہرٹاؤن میں ہونے والے بم دھماکے کا ایک اور زخمی جناح ہسپتال میں دم توڑ گیا جس کے بعد بم دھماکے میں شہید ہونے والے افراد کی تعداد چار ہوگئی ہے ایدھی حکام کے مطابق بم دھماکے میں زخمی ہونے والا 40 سالہ مظہر زخموں کی تاب نہ لاتے ہوئے ہسپتال میں دم توڑ گیا مظہر بی آر او سوسائٹی میں واقع گھر میں مالی کا کام کرتا تھا اور شیر شاہ کالونی کا رہائشی تھا۔

قبل ازیں دھماکے کا مقدمہ درج کرلیا گیا ہے۔مقدمہ محکمہ انسداد دہشت گردی لاہور تھانے میں انسپکٹر عابد بیگ کی مدعیت میں درج کیا گیا۔ مقدمے میں قتل، اقدام قتل اور دہشت گردی کی دفعات شامل کی گئی ہیں۔ مقدمے میں 7 اے ٹی اے، 3/4ایکسپلوزو ایکٹ سميت دیگر دفعات شامل ہیں۔درج ایف آئی آر کے مطابق دہشت گردوں نے کارروائی میں گاڑی اور موٹر سائیکل استعمال کیں۔ مقدمے کے متن میں یہ بھی کہا گیا ہے کہ دھماکے میں 3افراد جاں بحق اور 21 زخمی ہوئے۔ مقدمے میں 3 نامعلوم دہشت گردوں کا ذکرکیا گیا ہے۔

جوہر ٹاون دھماکہ کیسے ہوا ؟ ابتدائی تحقیقاتی رپورٹ آ گئی

جوہر ٹاون دھماکہ حافظ محمد سعید کی رہائشگاہ کے قریب ہوا؟ حقیقت سامنے آ گئی،

جوہر ٹاون دھماکہ۔ زخمیوں کے نام سامنے آ گئے ۔اموات میں اضافہ

لاہور جوہر ٹاؤن دھماکے میں پڑوسی ملک کے ملوث ہونے کے ثبوت سینئر صحافی سامنے لے آئے

لاہور میں دھماکہ آنکھیں کھولنے کے لیے کافی ہے ، شہباز شریف

دہشت گردی کے کتنے تھریٹ ملے تھے؟ لاہور دھماکے کے بعد آئی جی کا انکشاف

جوہرٹاون دھماکہ:تحقیقاتی ادارے ملزم کے قریب پہنچ گئے،

جوہرٹاؤن دھماکہ؛ بارود سے بھری گاڑی کا مالک کون؟بارود کہاں نصب کیا گیا اورگاڑی کیسے پہنچی؟تہلکہ خیزانکشافات 

لاہور دھماکہ، ایئر پورٹ سے فرار ہونیوالے مشتبہ شخص کو گرفتار کر لیا گیا