سرکاری ملازمین احتجاج،وزیراعظم کے حکم کے بعد ملازمین کے کپتان زندہ باد کے نعرے
باغی ٹی وی کی رپورٹ کے مطابق وزیراعظم عمران خان سے سرکاری ملازمین سے مذاکرات کرنے والی حکومتی کمیٹی کی ملاقات ہوئی ہے
وزیراعظم نے سرکاری ملازمین کی تنخواہوں میں اضافے کی منظوری دے دی،وزیراعظم کو سرکاری وفاقی ملازمین سے طے ہونے والے فارمولے پر بھی بریفنگ دی گئی،سرکاری وفاقی ملازمین کی تنخواہوں میں اضافے کی منظوری کابینہ سے لی جائے گی
تنخواہوں میں اضافے کی منظوری کابینہ سے سرکولیشن سمری کے ذریعے لی جائے گی جس کے بعد تنخواہوں میں اضافے کا نوٹیفکیشن جاری کیا جائے گا۔تنخواہوں میں اضافے کا اطلاق ایف آئی اے، ایف بی آر، نیب کے علاوہ باقی تمام وفاقی اداروں پر ہو گا
سرکاری ملازمین کو جب وزیراعظم کی جانب سے تنخواہوں میں اضافے کی خبر ملی تو احتجاج کے دوران وزیراعظم عمران خان،کپتان زندہ باد کے نعرے لگنا شروع ہو گئے
دوسری جانب جوڈیشل کمپلیکس کے سرکاری ملازمین نے بھی قلم چھوڑ احتجاج شروع کر دیا،ملازمین کا کہنا ہے کہ مہنگائی کے تناسب سے تنخواہوں میں اضافہ کیا جائے،ہماری تنخواہوں کو دیگر عدالتوں کے برابر کیا جائے،ہماری تنخواہوں میں مہنگائی کے تناسب سے اضافہ کیا جائے،جوڈیشل الاوَنس اور یوٹیلیٹی الاؤنس دیئے جائیں، مطالبات نہ مانے گئے تو ڈی چوک جا کر احتجاج میں شریک ہوں گے،
واضح رہے اسلام آباد کی شاہراہ دستور گزشتہ روز میدان جنگ بنی رہی، صبح سویرے ہی مطالبات کے حق میں احتجاج کے لیے وفاقی ملازمین نے کام چھوڑا اور ڈی چوک پہنچ گئے۔ پولیس نے ملازمین کو گرفتار کیا تو پتھراؤ شرو ع کر دیا گیا۔ پولیس کی جوابی شیلنگ سے ایک سرکاری ملازم زخمی جبکہ میڈیا ورکرز سمیت کئی افراد کی حالت غیر ہوگئی۔
مشتعل ملازمین نے وزیر اطلاعات شبلی فراز کی گاڑی بھی روک لی، احتجاج کے باعث پاک سیکرٹریٹ کے دروازے بند کر دیئے گئے جو مغرب کے بعد کھولے گئے۔ احتجاج کے باعث اسلام آباد کی کئی شاہراوں پر دن بھر شدید ٹریفک جام رہا جس سے شہریوں سخت مشکلات کا سامنا رہا۔
وفاقی سرکاری ملازمین کا دھرنا ناکام بنانے کے لئے پکڑ دھکڑ کا سلسلہ شروع کر دیا گیا ہے تھانہ سیکریٹریٹ پولیس نے دھرنے کے 7 قائدین حراست میں لے لیا گرفتار افراد میں چیف آرگنائزر آل پاکستان ایمپلائز گرینڈ الائنس رحمان باجوہ شامل ہیں
ملازمین کا کہنا ہے کہ ان گرفتاریوں سے ہم ڈرنے والے نہیں ، ہم اپنا حق لے کر جاہیں گے ،تمام گرفتار ملازمین کو فوراً رہا کیا جائے اور ملازمین کا حق انکو دیا جائے۔ اگر ملازمین لیڈران کو فل فور کو رہا نہ کیا گیا تو حالات کی ذمہ دار حکومت ہو گی ۔
باغی ٹی وی کی رپورٹ کے مطابق پاکستان اور ترکی کی مشترکہ فوجی مشقیں اتاترک الیون جاری ہیں
اتاترک الیون 2021 ایس ایس جی ہیڈ کوارٹرز تربیلہ میں 3 ہفتے جاری رہیں گی،مشقوں میں سرچ آرپشن، کوارٹربیٹل اور چھاتہ بردار آپریشنز کی مشقیں بھی جاری ہیں،گزشتہ سال کورونا کے باوجود 11 بین الاقوامی تربیتی مشقیں کی گئیں،رواں سال 25 انٹرنیشنل تربیتی مشقیں کی جائیں .
ڈی جی آئی ایس پی آر کے مطابق افتتاحی تقریب اسپیشل سروسزہیڈکوارٹرزتربیلا میں دو روز قبل ہوئی تھے،پاکستان کےایس ایس جی اورترک اسپیشل فورسزمشقوں میں شریک ہیں
ڈی جی آئی ایس پی آر کے مطابق پاک ترک مشترکہ جنگی مشقیں 3 ہفتےجاری رہیں گی،مشق میں ترک اسپیشل فورسز اور ایس ایس جی کے جوان شریک ہونگے ،مشقوں میں انسداد دہشتگردی،تلاشی و محاصرہ آپریشنز شامل ہیں مشقوں میں دہشتگردوں کے ٹھکانے کلیئرکرنا شامل، ہے،
ڈی جی آئی ایس پی آر کے مطابق مشقوں میں مغویوں کی بازیابی کے آپریشنزبھی شامل ہیں،جنگی مشقوں میں فری فال آپریشنز بھی شامل ہیں
سینیٹ انتخابات میں خریدوفروخت،نیب سے وزیراعظم کے بیان کا نوٹس لینے کا مطالبہ
باغی ٹی وی کی رپورٹ کے مطابق وزیراعظم کا سینیٹ انتخابات سے متعلق بیان،پیپلزپارٹی نے نیب سے وزیراعظم کے بیان کا نوٹس لینے کا مطالبہ کردیا
پیپلز پارٹی کے رہنما نیئر بخاری کا کہنا تھا کہ عمران خان خا ہارس ٹریڈنگ سے متعلق بیان انہتائی حساس ہے،دو ہزار اکیس میں وزیراعظم کی ذہنی سطح یہ ہے کہ ویڈیو دیکھی نہیں، بلوچستان کی اپنی حکومت میں سینٹ امیدوار کے ووٹرز کا ریٹ 70کروڑ بتایا جا رہا ہے،
نیر بخاری کا کہنا تھا کہ چیئرمین نیب وزیراعظم کو سرکاری حیثیت میں ہارس ٹریڈنگ بارے دیئے گئے بیان پر طلب کریں،عمران خان نے 2018 میں خرید و فروخت کی ویڈیو پر پی ٹی آئی ارکان کو پارٹی سے خارج کیا، وزیراعظم یاداشت بھول جانے کی خطرناک بیماری کیوجہ سے حق حکمرانی کے اہل نہیں رہے،
وزیراعظم عمران خان نے کہا ہے کہ کئی بار پہلے بھی مجھے پیسوں کے عوض سینیٹ سیٹ بیچنے کی آفر ہوئی، ڈائریکٹ اور اِن ڈائریک سینیٹ سیٹ بیچنے کیلئے رابطے کیے گئے
کلرسیداں میں صحافیوں سے گفتگو کرتے ہوئے وزیراعظم عمران خان کا کہنا ہے کہ پہلے ویڈیو ہوتی تو اپنے خلاف کیسز پر عدالت میں پیش کرتا،سوال یہ نہیں ہونا چاہئے کہ ویڈیوکی ٹائمنگ کیا ہے،یاد رکھیں اوپن بیلٹنگ نہ ہوئی تو اپوزیشن والے روئیں گے،سیکریٹ ووٹنگ پر حکومت کو اپوزیشن سے زیادہ سیٹیں مل سکتی ہیں ۔
وزیراعظم عمران خان کا مزید کہنا تھا کہ بلوچستان میں سینیٹ کے ایک ووٹ کی قیمت 50 سے 70 کروڑ لگ رہی ہے، کیسے ممکن ہے پیسہ لگا کر سینیٹر والے والا پیسہ نہیں بنائے گا، ن لیگ اورپی پی چارٹر آف ڈیموکریسی میں اوپن بیلٹ کا معاہدہ کرچکی ہیں، میں مسلم لیگ ن کے اوپن بیلٹ کے مطالبے کی تائیدکرچکا ہوں۔
باغی ٹی وی کی رپورٹ کے مطابق سینیٹ انتخابات کاشیڈول جاری کردیا گیا
الیکشن کمیشن کے مطابق سینیٹ الیکشن 3 مارچ کو ہوں گے کاغذات نامزدگی 12 اور 13 فروری کو جمع ہوں گے،ریٹرننگ افسران تعینات کردیئے گئے،
اسلام آباد کےلیے اسپیشل سیکریٹری الیکشن کمیشن سیکرٹریٹ ظفراقبال حسین ریٹرننگ افسر مقرر،پنجاب کےلیے صوبائی الیکشن کمشنر غلام اسرار خان ریٹرننگ افسر ہوں گےسندھ کےلیے صوبائی الیکشن کمشنر اعجاز انور چوہان ریٹرننگ افسر ہوں گے،خیبرپختونخوا کےلیے صوببائی الیکشن کمشنر شریف اللہ ریٹرننگ افسر ہوں گے،بلوچستان کےلیے صوبائی الیکشن کمشنر محمد رازق ریٹرننگ افسر ہوں گے
نامزد امیدواروں کی ابتدائی فہرست 14 فروری کو جاری ہوگی،امیدواروں کی اسکرونٹی 15 تا 16 فروری ہوگی، امیدواروں کی حتمی فہرست 21 فروری کو جاری ہوگی،امیدوار اپنے کاغذات نامزدگی 22 فروری تک واپس لے سکیں گے،چاروں صوبائی اسمبلیاں اور پارلیمنٹ ہاوَس کو پولنگ اسٹیشن کا درجہ حاصل ہوگا، الیکشن کمیشن 48 نشستوں پر سینیٹ انتخابات کرائے گا
ڈینئل پرل قتل کیس،ملزم عمر شیخ کو کہاں منتقل کر دیا گیا؟
باغی ٹی وی کی رپورٹ کے مطابق ڈینئل پرل قتل کیس،ملزم عمر شیخ کو جیل میں قائم مخصوص کمرے میں منتقل کردیا گیا،
دیگر ساتھی فہد نسیم، شیخ عادل اور سلمان ثاقب کو بھی منتقل کیا گیا،جیل ذرائع کے مطابق چاروں ملزمان کے اہلخانہ اب باآسانی ملاقات کرسکیں گے، ملزمان کو عدالتی حکم پر جلد ریسٹ ہاؤس بھی منتقل کر دیا جائے گا
چاروں ملزمان پر 2002 میں امریکی صحافی ڈینئل پرل کے قتل کا الزام ہے
واضح رہے کہ سپریم کورٹ نے احمد عمر شیخ اور دیگر کو ڈیتھ سیل سے فوری نکالنے کا حکم دیا تھا،سپریم کورٹ نے حکم دیا کہ سرکاری ریسٹ ہائوس میں اہلخانہ صبح 8 سے شام 5 بجے تک ساتھ رہ سکیں گے,احمد عمر شیخ کو سیکیورٹی کیساتھ ریسٹ ہاوس میں رکھا جائے,موبائل فون اور انٹرنیٹ کی سہولیات نہ دی جائیں,
جسٹس عمر عطا بندیال نے کہا کہ سندھ ہائیکورٹ نے عمرشیخ سمیت دیگرملزمان کو حراست میں رکھنا بدنیتی قراردیا، مرکزی ملزم عمرشیخ پاکستانی شہری ہے یا غیرملکی؟ جس پر اٹارنی جنرل نے کہا کہ احمد عمر شیخ کے پاس پاکستان اور برطانیہ کی شہریت ہے، جسٹس عمر عطا بندیال نے کہا کہ کسی کو حراست میں رکھنے کا مطلب ہے بغیر ٹرائل جیل میں رکھنا،جسٹس سجاد علی شاہ نے کہا کہ ڈینئل پرل کے قتل کی وڈیو میں بھی ملزم کا چہرہ واضح نہیں تھا،
عدالت نے کہا کہ احمد عمر شیخ کو دو روز تک جیل میں بہتر جگہ پر کھلے کمرے میں رکھا جائے ،دو روز کے بعد احمد عمر شیخ کو سرکاری ریسٹ ہاوَس میں منتقل کیا جائے ،ملزم کو کراچی فیملی کے ساتھ آرام دہ رہائش اور ٹرانسپورٹ کی سہولت فراہم کی جائے،دو دن میں تمام ضروری انتظامات مکمل کیے جائیں،
واضح رہے کہ 2 اپریل کو سندھ ہائی کورٹ نے امریکی صحافی ڈینیئل پرل کے اغوا کے بعد قتل کے مقدمے میں 4 ملزمان کی دائر کردہ اپیلوں پر فیصلہ سناتے ہوئے 3 کی اپیلیں منظور کرلیں تھیں جبکہ مرکزی ملزم عمر شیخ کی سزائے موت کو 7 سال قید میں تبدیل کردیا تھا۔
بینچ نے اپنے فیصلے میں 3 ملزمان کی درخواست منظور کرتے ہوئے انہیں رہا کرنے کا حکم دیا جبکہ مجرم احمد عمر سعید شیخ المعروف شیخ عمر کی سزائے موت کو 7 سال قید میں تبدیل کردیا تھا۔احمد عمر سعید شیخ کیونکہ پچھلے 18 سالوں سے جیل میں تھے لہٰذا ان کی 7 سال کی سزا پورے وقت سے شمار کیے جانے کے بعد ان کی بھی رہائی متوقع تھی۔
تاہم 3 اپریل کو بڑی پیش رفت سامنے آئی تھی اور محکمہ داخلہ سندھ نے سی آئی اے کے ڈی آئی جی کی درخواست پر چاروں ملزمان کو مزید 90 روز کے لیے دوبارہ حراست میں لینے کا حکم دے دیا تھا۔یہ صحافی کے قتل کیس میں سندھ ہائی کورٹ کے فیصلے کے خلاف عدالت عظمیٰ میں دوسری درخواست ہے۔سندھ حکومت نے 22 اپریل کو صحافی ڈینیئل پرل قتل کیس کا سندھ ہائی کورٹ کا فیصلہ سپریم کورٹ میں چیلنج کیا تھا۔28 اپریل کو سندھ حکومت نے اپنی درخواست کی جلد سماعت کے لیے سپریم کورٹ سے رجوع کیا تھا۔
بھارت کے کھلاڑی کو شکست دینے والے احمد مجتبیٰ کی ترجمان پاک فوج سے ملاقات
باغی ٹی وی کی رپورٹ کے مطابق مکس مارشل آرٹس کے کھلاڑی احمد مجتبیٰ کی ڈی جی آئی ایس پی آر سے ملاقات ہوئی ہے
سماجی رابطے کی ویب سائٹ ٹویٹر پر ٹویٹ کرتے ہوئے احمد مجتبیٰ کا کہنا تھا کہ ڈی جی آئی ایس پی آر کی حوصلہ افزائی اور حمایت پر شکر گزار ہوں،نوجوانوں سے کہتا ہوں کہ اللہ پر یقین رکھیں، محنت اورعزم کے اصول کو اپنائیں،
احمد مجتبیٰ نے گزشتہ ہفتے روایتی حریف بھارت کے کھلاڑی راہول راجو کو شکست دی تھی،یوم یکجہتی کشمیر کے موقع پر پاکستانی فائٹر نے مکس مارشل آرٹس مقابلے میں بھارت کو ہرادیا، سنگاپور میں جاری مکس مارشل آرٹس مقابلے کے دوران پاکستانی فائٹر احمد مجتبی نے بھارتی فائٹر راہول راجو کو شکست دی تھی
پاکستانی فائٹر احمد مجتبی نے فائٹ مقبوضہ جموں اور کشمیر کے عوام، پاک فوج اور پاکستان اور دنیا بھر میں موجود اپنے چاہنے والوں کے نام کرتے ہوئے کہا کہ پاکستان اور بھارت کے درمیان کھیلوں کے مقابلے ہمیشہ سے ہی دلچسپ رہے ہیں، میں محنت کررہا ہوں مقابلہ جیتنے کے لیے اور آج کی فائٹ پاکستانی اور کشمیری عوام کے نام کرتا ہوں۔
فائٹر احمد مجتبیٰ نے کہا کہ انہوں نے یہ فائٹ جیتنے کا وعدہ کیا تھا اور اب انہوں نے اپنا وعدہ پورا کیا ہے اور اسی طرح وہ کام کرتے رہیں گے اور اپنے ملک کا نام روشن کریں گے-
باغی ٹی وی کی رپورٹ کے مطابق سرکاری ملازمین وفاقی دارالحکومت اسلام آباد میں جاری احتجاج اور مطالبات کے حوالہ سے رات گئے حکومتی کمیٹی سے مذاکرات میں اہم پیشرفت ہوئی ہے
آل گورنمنٹ ایمپلائز الائنس کے رہنماؤں نے حکومتی کمیٹی سے مذاکرات کے بعد کہا ہے تنخواہوں میں اضافے کا مطالبہ تسلیم کر لیا گیا ہے، آج ڈھائی بجے تک نوٹیفکیشن جاری کرنے کا وعدہ کیا گیا ہے۔ آئندہ بجٹ تک گریڈ ایک سے بائیس تک تنخواہوں میں 20 فیصد اضافے کا فیصلہ کرلیا گیا، باقاعدہ اعلان آج ہوگا۔
مزدور رہنماؤں کا کہنا تھا کہ نوٹیفکیشن جاری نہ ہوا تو آج دوبارہ پارلیمنٹ کی جانب مارچ کریں گے، وفاقی وزیر داخلہ شیخ رشید نے ساتھیوں کی رہائی کا اعلان کیا ہے، جس کا خیر مقدم کرتے ہیں، پی ڈی ایم سے گزارش ہے کہ معاملہ کو سیاسی نہ بنائیں۔
واضح رہے اسلام آباد کی شاہراہ دستور گزشتہ روز میدان جنگ بنی رہی، صبح سویرے ہی مطالبات کے حق میں احتجاج کے لیے وفاقی ملازمین نے کام چھوڑا اور ڈی چوک پہنچ گئے۔ پولیس نے ملازمین کو گرفتار کیا تو پتھراؤ شرو ع کر دیا گیا۔ پولیس کی جوابی شیلنگ سے ایک سرکاری ملازم زخمی جبکہ میڈیا ورکرز سمیت کئی افراد کی حالت غیر ہوگئی۔
مشتعل ملازمین نے وزیر اطلاعات شبلی فراز کی گاڑی بھی روک لی، احتجاج کے باعث پاک سیکرٹریٹ کے دروازے بند کر دیئے گئے جو مغرب کے بعد کھولے گئے۔ احتجاج کے باعث اسلام آباد کی کئی شاہراوں پر دن بھر شدید ٹریفک جام رہا جس سے شہریوں سخت مشکلات کا سامنا رہا۔
وفاقی سرکاری ملازمین کا دھرنا ناکام بنانے کے لئے پکڑ دھکڑ کا سلسلہ شروع کر دیا گیا ہے تھانہ سیکریٹریٹ پولیس نے دھرنے کے 7 قائدین حراست میں لے لیا گرفتار افراد میں چیف آرگنائزر آل پاکستان ایمپلائز گرینڈ الائنس رحمان باجوہ شامل ہیں
ملازمین کا کہنا ہے کہ ان گرفتاریوں سے ہم ڈرنے والے نہیں ، ہم اپنا حق لے کر جاہیں گے ،تمام گرفتار ملازمین کو فوراً رہا کیا جائے اور ملازمین کا حق انکو دیا جائے۔ اگر ملازمین لیڈران کو فل فور کو رہا نہ کیا گیا تو حالات کی ذمہ دار حکومت ہو گی ۔ ملازمین کی رہائی تک تما م صوبائی ملازمین اپنے اپنے علاقوں میں دھرنا دیں ۔ملازمین کا حق دینے کے بجاے انکو زدو گوپ کیا جا رہا ہے ۔
کراچی: اخباری ملازمین کے زیر سماعت مقدمات کا جلد فیصلہ کیا جائے اور اخبارات سمیت الیکٹرانک میڈیا سے جبری برطرفیوں کا سلسلہ فوری بند کیا جائے۔ کراچی میں قائم آئی ٹی این ای کورٹ میں مستقل جج تعینات کیا جائے۔ ان خیالات کا اظہار جنگ گروپ سے وابستہ روزنامہ عوام، دی نیوز اور ڈیلی نیوز سے جبری برطرف کئے گئے کارکنوں کے احتجاجی کیمپ اور علامتی بھوک ہڑتال کے شرکاء سے خطاب کرتے ہوئے تمام صحافتی تنظیموں کے نمائندوں، مختلف شعبہ ہائے زندگی سے تعلق رکھنے والے عمائدین شہر نے کیا۔ احتجاجی کیمپ میں کراچی پریس کلب کے صدر فاضل جمیلی،کراچی پریس کلب کے سابق صدر امتیاز خان فاران، احمد خان ملک، کراچی یونین آف جرنلسٹس کے نائب صدر جاوید قریشی، کے یو جے کے صدر حسن عباس، جنرل سیکریٹری عاجز جمالی، کے یو جے دستور کے جنرل سیکریٹری محمد عارف خان، کے یو جے برنا کے جنرل سیکریٹری فہیم صدیقی، پاکستان فلم ٹی وی جرنلسٹس ایسوسی ایشن کے صدر عبدالوسیع قریشی، ایڈیٹر روزنامہ عوام نشید اللہ خان آفاقی، تحریک جانثاران پاکستان کے بانی وچیئرمین پیر قیصر شفیع اللہ، کراچی ڈویژن کے صدر نثار اعوان، سنی تحریک کے مرکزی رہنما فہیم الدین شیخ، طیب قادری، بوہری کمیونٹی کے رہنما ذوہیب طاہر، ایڈووکیٹ ہائی کورٹ ناصر رضوان، پیرنٹس ایسوسی ایشن کے چیئرمین ندیم منور، جے یو پی کے نوید نورانی، سماجی رہنما سعید صابری اور سینکڑوں افراد نے اظہار یکجہتی کیا۔ مقررین نے کہا کہ اخباری کارکنوں کا اتحاد تھا، اتحاد ہے اور ہمیشہ رہے گا۔ اخباری ومیڈیا مالکان غیر قانونی ہتھکنڈے استعمال کرکے اخباری کارکنوں کے اتحاد کو ختم کرنا چاہتے ہیں جو کبھی کامیاب نہیں ہوں گے۔ مقررین نے کہا کہ جب کارکنان مالکان کے لئے جدوجہد کرسکتے ہیں تو وہ اپنے حق کے حصول کے لئے کیسے پیچھے رہیں گے۔ انہوں نے کہا کہ ہم اپنے حقوق کے لئے ہر طرح ہر فورم پر ہر ہر اس جگہ احتجاج کریں گے جہاں سے ہمیں انصاف ملنے کی توقع ہوگی۔ مقررین نے کہا کہ حکومت فوری طور پر ڈمی اخبارات کی ڈکلیریشن منسوخ کرے اور روزانہ عوام کا ڈکلیریشن کارکنوں کے حوالے کیا جائے تاکہ کارکن نئے سرے سے اخبارات کا اجراء کرکے برطرف کارکنوں کو روزگار فراہم کرسکیں۔ انہوں نے کہا کہ یہ احتجاجی سلسلہ صرف عوام، دی نیوز اور ڈیلی نیوز کے برطرف کارکنوں کی بحالی اور واجبات کی ادائیگی تک محدود نہیں رہے گا بلکہ آئی ٹی این ای کی کورٹ کراچی میں مستقل جج کی تعیناتی تک جاری رہے گا۔ مقررین نے کہا کہ ایک بیروزگار کارکن کس طرح اسلام آباد جائے، اخراجات برداشت کریگا۔ مقررین نے کہا کہ دیگر وفاقی عدالتوں کی طرح کراچی میں آئی ٹی این ای کا مستقل جج تعینات کیا جائے۔ عوام، دی نیوز اور ڈیلی نیوز کے کے کارکنوں کی احتجاجی تحریک کے رہنمائوں نے کہا کہ جنگ گروپ اوچھے ہتھکنڈے استعمال کرنے کے بجائے عدالت میں اپنا مؤقف اور گواہی پیش کرے۔ انہوں نے کہا کہ عدالتی فیصلے کے مطابق جنگ، دی نیوز اور ڈیلی نیوز کے کارکنوں کے 7 ویں ویج ایوارڈ کے تحت واجبات فوری ادا کئے جائیں اور عدالتی کارروائی سے راہ فرار اختیار نہ کی جائے۔ ان رہنمائوں نے کہا کہ 17 مارچ کو کراچی میں آئی ٹی این ای کی عدالت ان مقدمات کی سماعت کرے گی، اس وقت تک احتجاج کا سلسلہ جاری رہے گا۔ پہلا احتجاج آئی ٹی این ای کورٹ کے سامنے ہوا۔ دوسرا آج کراچی پریس کلب پر، تیسرا احتجاج گورنر ہائوس کے سامنے ہوگا، چوتھا احتجاج سندھ اسمبلی بلڈنگ کے سامنے اور پانچواں احتجاج 17 مارچ سے قبل آئی آئی چندریگر روڈ پر جنگ بلڈنگ کے سامنے ہوگا اور بھوک ہڑتالی کیمپ بھی لگایا جائے گا۔ اس موقع پر اخباری کارکنان کے مسائل کے حل اور جبری برطرفیوں کی روک تھام کے لئے ازسر نو ایکشن کمیٹی قائم کرکے اخباری کارکنوں کی ملازمت کا تحفظ اور کنٹریکٹ ملازمین کو مستقل کرانے کے لئے جلد عدالتی کارروائی کی جائے گی۔
باغی ٹی وی کی رپورٹ کے ماطقب حکمران جماعت تحریک انصاف کو سینیٹ الیکشن سے پہلے بڑا جھٹکا لگا ہے کیونکہ مظفر گڑھ سے رکن پنجاب اسمبلی سردار خرم لغاری نے پارٹی چھوڑنے کا فیصلہ کر لیا ہے۔
سردار خرم لغاری نے نجی ٹی وی سے گفتگو میں کہا کہ آزاد حیثیت میں جیت کر پی ٹی آئی میں شامل ہوا تھا، جب عوام کے مسائل ہی حل نہیں ہونے تو اس کیساتھ رہنے کا کیا فائدہ؟
انہوں نے دعویٰ کیا کہ میں ہی نہیں میرے ساتھ پانچ اور ارکان اسمبلی بھی پارٹی چھوڑیں گے۔ان کا کہنا تھا کہ متعدد بار حلقے کے ایشوز پر آواز اٹھائی، مگر کوئی شنوائی نہیں ہوئی۔ عمران خان نے یوتھ کا نعرہ لگایا مگر بعد میں اس کو چھوڑ دیا۔ عمران خان سے ایک ہی سوال ہے آج یوتھ کہاں ہے؟ انہوں نے سوال اٹھایا کہ آج عمران خان کے ٹائیگرز کہاں ہیں؟ ان کا کوئی پرسان حال نہیں ہے۔
خیال رہے کہ سردار خرم لغاری پی پی 275 سے عام انتخابات میں رکن پنجاب اسمبلی منتخب ہوئے تھے۔ وہ باضابطہ پریس کانفرنس میں پارٹی چھوڑنے کی وجوہات کا اعلان کریں گے۔
سردار خرم لغاری نے چند ماہ قبل چیئرمین ٹاسک فورس برائے پرائس کنٹرول کے عہدے سے بھی استعفیٰ دے دیا تھا۔ سردارخرم لغاری اپنےحلقےمیں کام نہ ہونےکی وجہ سےناراض تھے۔
باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ 45 سالہ شیر دل پاکستانی، اپنی آنکھوں میں دنیا کی خوفناک اور دوسری بلند ترین چوٹی K2 کو سردیوں میں پہلی دفعہ سر کرنے کا خواب سجائے بیٹھا تھا۔ اپنے محدود وسائل کے باوجود۔۔وہ دنیا کو کچھ مختلف کر کےدیکھانے کا عزم رکھتا تھا۔یہ مشن اتنا خطرناک تھا کہ دنیا میں آٹھ ہزار میٹر کی کل چودہ پہاڑیوں میں سے صرف یہی چوٹی سردیوں میں سر کرنے والی رہ گئی تھی اور کسی کی جرآت نہیں ہوتی تھی۔ جبکہ دنیا کی بلند ترین چوٹی ماونٹ ایورسٹ 38 سال پہلے سردیوں میں سر ہو چکی تھی۔ یہ شخص جو سکردو کے ایک غریب گھرانے سے تعلق رکھتا تھا اور اپنے بزرگوں کو پہاڑوں پر چیتے کی طرح چڑھتے دیکھتا آ رہا تھا۔ اپنی غربت کو پس پشت ڈال کر ستاروں پر کمند ڈالنے کا ارادہ کر چکا تھا۔اس نے اپنے مالی حالات اور حکومتی بے حسی کو کبھی بھی اپنے عزم کی راہ میں رکاوٹ نہیں بننے دیا۔ یہی وجہ تھی کہ وہ دنیا کی چودہ بلند ترین چوٹیوں میں سے آٹھ سر کر چکا تھا
مبشر لقمان کا مزید کہنا تھا کہ اس نے دنیا کی سب سے خطرناک چوٹی ناگا پربت سب سے پہلے سردیوں میں سر کرنے کا ریکارڈ بنایا، وہ پہلا پاکستانی تھا جس نے ماونٹ ایورسٹ سردیوں میں سر کی۔ یہ پاکستانی جو دوہزار چار میں کے ٹو کو پہلی دفعہ سر کرنے کے بعد اسے اپنے کھیت کی مولی سمجھتا تھا اور بحثیت Porter کئی گنا زیادہ وزن کے ساتھ چلتا تھا کو اپنی مہم سے سات دن پہلے پتا چلا کہ اس کے گھر میں آکر نیپالی کوہ پیما سردیوں میں پہلی دفعہ K2 کو سر کرنے کا اعزاز اپنے نام کر چکے ہیں۔ جس نے اس کے عزم کو اور مضبوط کر دیا اور اس پاکستانی شیر نے 23 جنوری کو بغیر آکسیجن کے سردیوں مین کے ٹو سر کرنے کی مہم کا آغاز کیا۔ تاکہ ایک نیا عالمی ریکارڈ بنا سکے۔ لیکن دو دن بعد موسم نے اسے یہ کارنامہ سر انجام دینے کی اجازت نہ دی اور اسے چھ ہزار آٹھ سو میٹر کی بلندہ سے واپس آنا پڑا۔
مبشر لقمان کا مزید کہنا تھا کہ کوہ پیمائی میں آٹھ ہزار میٹر پر آکسیجن کی کیا اہمیت ہے اس کے بارے میں حیران کن معلومات میں آگے جا کر دوں گا۔ اس شیر دل پاکستانی نے تہیہ کر رکھا تھا کہ ایک ماہ کے اندر اندر اس نے یہ عالمی ریکارڈ اپنے نام کرنا ہے اس لیئے دو فروری کو اس کی ٹویٹ آئی کے کل صبح یعنی تین جنوری کو صبح چار بجے ہم اپنی مہم کا آغاز کریں گے۔ اس کا نوجوان بیٹا اس کے ساتھ تھا جو آکسیجن کے ساتھ اس چوٹی کو سردیوں میں سر کرنے کا ریکارڈ بنانے جا رہا تھا۔ کیونکہ وہ نوجوان ترین کوہ پیما تھا کسی نے اس عمر میں یہ کارنامہ سر انجام نہیں دیا ۔ لیکن سات ہزار چار سو میٹر کی بلندی پر اس کا Oxygen regulater خراب ہو گیا اور اسے واپس آنا پرا۔پانچ فروری بروز جمعہ رات بارہ بجے اس نے اپنے سفر کا آغاز کیا جو چودہ گھنٹے میں تقریبا دو بجے اس نے K2
کی چوٹی پر پہنچنا تھا۔ لیکن 7823 میٹر کی بلندی پر جا کر سوا سات بجے اس کی Tracking device بند ہو گئی۔ اور اس کے بعد قوم کے اس سپوٹ کا کچھ پتا نہیں ۔ اپنی لوکیشن بتانے کے لیئے وہ ہر گھنٹے بعد Tracking device کو آن کر کے اپنی لوکیشن سیٹلائٹ کو دے دیتے تھے لیکن اس کے بعد ان کی لوکیشن کا کوئی ٹریک نہیں ملا۔
مبشر لقمان کا مزید کہنا تھا کہ میری اس تمہید سے آپ جان گئے ہوں گے کہ میں قوم کے کس سپوت کی بات کر رہا ہوں۔ جی ہاں محمد علی سدپارہ ہر کوئی محمد علی سدپارہ کا ذکر کر رہا ہے، ہر کوئی جاننا چاہتا ہے کہ برفانی پہاڑوں کا چیتا،K2 کی خوفناک چٹانوں کو شکست دینے میں کامیاب ہو گیا ہے؟ ہر کوئی چاہتا ہے کہ اس کے کانوں کو سننے کو ملے کہ محمد علی سدپارہ نے ایک اور عالمی ریکارڈ قائم کر دیا ہے اور کے ٹو کے ڈیتھ زون کہلائے جانے والے بوٹل نیک کے علاقے میں اسی گھنٹے سے زیادہ survive کر گیا ہے جہاں کسی کا بیس گھنٹے سے زیادہ سروائیو کرنا مشکل ہے۔
مبشر لقمان کا مزید کہنا تھا کہ محمد علی سد پارہ کا بیٹا جو اس مہم میں ساتھ تھا اور اکسیجن ریگولیٹر خراب ہونے کے بعد واپس آگیا تھا اس کا کہنا ہے کہ اب ڈیڈ باڈی ڈھونڈنے کے لیئے ریسکیوں آپریشن جاری رکھنا چاہیے Sot ایک بیٹا جو خود کے ٹو سر کر چکا ہے اپنے باپ کی لاش ملے بغیر ایسا کیوں کہا رہا ہے اگر آپ انتہائی بلندی اور سرد برفانی طوفان سے خوفزدہ نہیں ہوتےتو آپ نے ہالی وڈ کی مشہور فلم Everest ضرور دیکھی ہو گی۔جو انیس سو چھیانوے میں ماونٹ ایورسٹ پر ہونے والے ایک خوفناک تباہی کے بارے میں ہے۔ Andy heris جو اس مہم کا گائیڈ تھا جس میں کوہ پیماوں کا ایک گروپ دنیا کی سب سے بڑی چوٹی ماونٹ ایورسٹ کو سر کرنے جا رہا تھا۔ کوہ پیماوں کی وہ ٹیم کئی ہزار میٹر کی بلندی پر ایک برفانی طوفان میں پھنس گئی ایسی صورت میں دو قسم کے چیلنچز کا سامنا ہوتا ہے ایک انسان کئی سو کلو میٹر کی سپیڈ سے ہوا میں برف باری کا سامنا کر رہا ہوتا ہے دوسری طرف وہ Hypoxia کا شکار ہو جاتا ہے۔
مبشر لقمان کا مزید کہنا تھا کہ ہائی پوکسیا وہ کیفیت ہے جس میں انسان کا دماغ کافی دیرکم آکسیجن ملنےکی وجہ سے فیصلہ کرنے کی صلاحیت کھو دیتا ہے، یا یوں کہہ لیں وقتی طور پر دماغی توازن یعنی بیلنس کھو دیتا ہے۔ اسے چیزیں بھولنا شروع ہو جاتی ہیں اس کے پاس آکسیجن ہونے کے باوجود اسے لگتا ہے کہ آکسیجن ختم ہو گئی ہے۔ مائنس پچاس سینٹی گریڈ میں اسے لگتا ہے کہ بہت گرمی ہے اور وہ اپنے کپڑے اتار دیتا ہے ۔ اتنے کرٹیکل حالات میں جبکہ ایک سو بیس میل کی رفتار سے Snow آپ کو تھپیڑے مار رہی ہوتی ہے۔
ایسی کیفیت اس کی موت کی بڑی وجہ بن جاتی ہے۔اور یہی اینڈی ہیرس کے ساتھ ہوا جس نے اتنی سردی میں اپنی جیکٹ اتار دی اور موت کے منع میں چلا گیا۔
مبشر لقمان کا مزید کہنا تھا کہ محمد علی سد پارہ جو دنیا میں آٹھ ہزار میٹر سے بلند کل چودہ میں سے آٹھ چوٹیا سر کر چکا تھا، جس نے پہلی دفعہ سردیوں میں ماونٹ ایورسٹ سر کر کے عالمی ریکارڈ بنایا تھا کیا کبھی Hypoxia کا شکار ہوا تھا۔؟ اور جب وہ اس کیفیت میں مبتلا ہوتا تھا تو اس کا دماغ اسے کیا کرنے کے لیئے کہتا تھا۔ محمد علی سدپارہ نے Taimoor Salahuddin aka Mooroo کو ان کی ڈاکومینٹری Unsung Heroes میں کیا کہا سنیں انہی کی زبانی۔
مبشر لقمان کا مزید کہنا تھا کہ عام طور پر کہا جاتا ہے کہ آکسیجن کی مدد سے کوہ پیمائی کرنا بے ایمانی کرنا ہے۔ آٹھ ہزار میٹر آکسیجن کے ساتھ ایسا ہے جیسے 3500 میٹر آکسیجن کے بغیر۔اس چوٹی پر سردیوں میں چلنے والی شدید ہوا کی رفتار بعض اوقات دو سو کلو میٹر سے بھی زیادہ ہو سکتی ہے۔2008 میں کے ٹو سر کرنے والے گیارہ کوہ پیما جان بحق ہو گئے تھے یہ حادثہ بوٹک نیک کے پاس پیش آیا تھا۔ جس کی وجہ برفانی تودے تھے 2018 تک کے ٹو کو 367 مرتبہ سر کیا جا چکا تھا اور اس چوٹی کو سر کرنے کی کوشش میں 86 کوہ پیماوں کی موت واقع ہو چکی تھی۔
مبشر لقمان کا مزید کہنا تھا کہ ماونٹ ایورسٹ پر اموات کی ریشو چار فیصد جبکہ کے ٹو پر اموات کی ریشو اونتیس فیصد ہے۔ یہ بوٹل نیک کا ہی علاقہ ہے جسے ڈیٹھ زون بھی کہا جاتا ہے یہاں راستے انتہائی دشوار گزار ہیں اور ہر وقت برفانی تودے گرتے رہتے ہیں۔ موت کی اس گھاٹی کی اونچائی آٹھ ہزار میٹر سے شروع ہو جاتی ہے جہاں پر آکسیجن کی کمی انسانی جسم کو مفلوج کر دیتی ہے۔اسی وجہ سے اسے خونخوار چوٹی بھی کہا جاتا ہے۔ محمد علی سد پارا کی آخری لوکیشن سات ہزار آٹھ سو تئیس آئی ہے جو کے ٹو کے ڈیٹھ زون کہلائے جانے والے بوٹل نیک کے قریب ہے اگر آپ اپنی سکرین پر تصویر کو دیکھیں تو آپ کو نظر آئے گا کہ کے ٹو کو کئی حصوں میں تقسیم کیا گیا ہے۔
Base camp 5000 meter
Camp 1… 6000 meter
Camp 2.. 6760 meter
درمیان میں
Black pyramid
کہلائے جانے والا علاقہ ہے جبکہ
Camp 3.. 7350 meter
Camp 4 shoulder.. 8000 meter
یہاں سے کے ٹو کا ڈیتھ زون
Death zone
شروع ہوتا ہے اور ٹاپ تک خطرہ ہی خطرہ ہے۔
مبشر لقمان کا مزید کہنا تھا کہ محمد علی سدپارا کا آخری ٹریس کیمپ فور کے پاس موصول ہوا ہے اس کے بعد ان کے واکی ٹاکی، سیٹلائٹ فون اور ٹریکر خاموش ہیں۔میڈیکل سائنس کے مطابق انسانی جسم اکیس سو سے پچیس سو میٹر تک رہنے کے لیئے بنا ہے اس سے زیادہ کے لیئے جسم کو بہت زیادہ محنت کر کے Survive کے قابل بنایا جاتا ہے۔اس سے زیادہ بلندہ پر انسانی جسم کی اکسیجن Saturation
کم ہونا شروع ہو جاتی ہے اور چھ ہزار میٹر پر اکسیجن کی کمی کی وجہ سے جسم پر منفی اثرات رونما ہونا شروع ہو جاتے ہیں۔پیپھڑوں سے خون آنا شروع ہو جاتا ہے۔نبض تیز جاتی ہے، خون جمنا شروع ہو جاتا ہے اور فالج کا خطرہ ہوتا ہے۔ زیادہ خراب حالت میں کوہ پیماوں کے پھیپڑوں میں پانی بھر جاتا ہے۔اور انسان کا نضام تنفس بگڑ جاتا ہے۔
مبشر لقمان کا مزید کہنا تھا کہ ڈیتھ زون میں جہاں ایک غلط قدم کا مطلب سیدھا ہزاروں فٹ گہری کھائی یا گلیشیر میں گر کر موت کو گلے لگانے کے مترادف ہے وہیں اس اونچائی پر آکسیجن کی مزید کمی سے سنگین اثرات رونما ہوتے ہیں اور انسانی دماغ کا جسم پر کنٹرول ختم ہو جاتا ہے اور جسم مفلوج ہو جاتا ہے انتہائی کم درجہ حرارت بھی جسم کے کسی بھی حصے میں فراسٹ بائٹ کا باعث بن سکتا ہے
اتنی اونچائی پر کوہ پیما دماغی توازن کی خرابی، انکھ کا خراب ہونا ، شدید سر درد، متلی، بد نظمی، helucination یا نظر کا دھوکا وغیرہ جیسے طبی حالات سے بھی دوچار ہو سکتے ہیں
مبشر لقمان کا مزید کہنا تھا کہ اس علاقے میں بیس کھنٹے سے زاہد گزارنا انسانی جسم کے لیئے ناممکن ہے لیکن دوہزار آٹھ میں ایک نیپالی کوہ پیما اکسیجن کی مدد سے وہاں نوے گھنٹے گزار چکا ہے۔ اس لیئے ہم کہہ سکتے ہیں کہ جسے اللہ رکھے اسے کون چکھے۔
اگر آپ نے ابھی تک ہمارا چینل سبسکرائب نہیں کیا ہے تو کر لیں اور بیل آئی کون کو پریس کر لیں تاکہ تازہ تریں معلومات آپ تک پہنچتی رہیں۔
